monster.bites's Profile

尖沙咀搵食！老公話呢間係人氣麵店，但路過竟然岩岩唔洗排隊，即刻捐入去！麵類$78-98，配醃蘿蔔、泡菜同一碗小飯；另可加$20轉combo，加隻餃子/迷你紫菜包飯兩條🤗（不過我覺得散嗌仲抵🤡）蜆湯麵- 一流嘅鮮湯，蜆嘅數目都好令人滿意🤩無沙、清甜🧡🧡🧡加少少大蔥、紅蘿蔔絲、白蘿蔔片點綴，更增鮮甜味😋麵煙韌有𡁻，食得慢都唔怕淋🙂雞湯麵- 成半隻雞咁上檯，十分驚喜😆雞湯唔太油，配搭醬汁好似海南雞😌美味可口👍蛋絲蛋味香濃，絕唔係求其交貨🤨…Read More

大熱天時，最鍾意開冷氣打邊爐，有埋冰凍汽水同啤酒就爽上加爽😌所以放題店必然係首選！宜家去壹火鍋share 仲會加送頂級和牛拼盤、蟶子王同黑毛素肚！抵到咁，點忍得住口🤨同大型連鎖店一樣，餐點設有qr code落單同自助兩邊。自助區有特色蔬菜、麵類、丸呀、餃子、飲料同甜品。值得一提嘅係呢度竟然有室溫飲料，突然想養生都可以😂重頭戲都係肉類、海鮮😋肉類花紋鮮明、肉味香濃，視覺上同味覺上都好有質素❤️海鮮鮮甜大大件，可惜唔係樣樣可以無限添加😝刺身一般水準，襯個煲未滾醫肚係ok ge😉餐廳另設蒸海鮮鍋，下次再黎試過🙂…Read More

老師話：放假要俾對眼望多d綠色休息下😝遵命！所以食甜品都要一律青BB🤣IG 之前見過介紹呢到嘅開心果糊，見到d圖青BB到一個點，其實心諗「真係擺得入口？」都無特別save低😅但原來老公默默地記起左🥰深知佢老婆醉愛開心果，所以想俾個驚喜我😌餐廳裝修好古色古香，木本menu都看得出歷史🤓紅紙黑字超搶眼😆餐點：熱開心果糊- 如網上圖片青BB😆杰身超掛碗👍第一啖入口只有淡淡甜味，但吞完開心果味先湧上黎‼️食落都keep住有開心果味，果然名不虛傳😎開心果膏- 諗住要個qq感，預計開心果味會無咁濃郁⋯點知我錯喇！開心果味響呢舊動L動L嘅東東竟然俾到我爆發性衝擊🤩一杯一杯，要外賣都超方便😙😙😙…Read More

街坊價，但食物質素有誠意：去骨海南雞飯- 油飯乾爽得黎夠香味，驚喜十足😆開初用筷子夾夾夾已經好味，後來用匙羹食原來美味會更上一層樓🤩海南雞油份充足，令每件雞都非常香滑幼嫩❣️雞肉雞皮通通俾我掃哂落肚😙😙😙飯配椰子雞湯同涼拌青瓜，一般貨色啦😌生炸香茅大豬扒配蝦油撈麵- 豬扒雖然大大份，但唔會鬆到過龍，仍然好有咬口👍老公直頭問我係咪新鮮豬😂參考我睇yt食評家評乾炒牛河咁睇：撈麵色水夠，底無油，有淡淡蝦咪夠哂香，ichiban des🧡🧡🧡叄巴醬菠菜- 雖然係跟撈麵加配，但絕對唔細碟🥳嗌果陣其實有d怕會太咸，但上檯果陣竟然菜同醬分開😝點解會聽到我心聲咁神奇嘅😆😆😆涼拌沙薑豬手粒- 🤤 yummy yummy 🤤 唔係浮誇：但真係連平時唔鍾意選骨嘅老公都食唔停🤣🤣🤣薄荷青檸梳打- 糖水太勁，有藥水味🤢成餐飯最敗筆之處🫥…Read More

收工時間～40個籌都只需要排半個鐘，正😄餐廳設有卡位&吧檯，於門口禁飛時可選。單係空桌上已有五支醬油（四國風、北海道昆布、九州風、關東濃厚、特製），加上快讀一次餐牌，呢到有好多醬汁魚生配搭（芝士沙律醬、炙燒焦糖、明太子沙律醬、香辣京蔥絲、鹽味檸檬...etc），亦有好多唔同食材，岩哂八卦嘅我😂總括黎講，食材新鮮👍尤其魚生sss，大片‼️厚切‼️鮮甜‼️但魚生以外嘅食材都細得可憐🥹說好的大蠔呢？！怎麼比舊飯還細🫠醬汁雖然多選擇，但略略試過都覺得有d喧賓奪主，始終原味最好食😝另外，有一點我個人比較介意嘅係：呢度嘅wasabi唔香唔攻鼻😕令成件事失色不少..不過，對於唔奶得嘅我黎講，甜品唔係壽司郎嘅濃厚牛奶底係一大喜訊🤗點選嘅日式芭菲不負眾望，好食到爆😆頂層小丸子QQ，紅豆甜滑，抺茶雪糕球清新，黃豆粉使味道變化更上一層樓👍中層有雪糕同cream，入口即溶，細滑甜膩😋底層有粟米加？糖漿，脆口感覺消除膩感，都只係$29🐒…Read More

迷之坐無虛席、懷舊鐵板餐、吸睛海南雞、openrice好評....等等因素，造就我今次嘅幫襯。鐵板牛柳五成熟配黑椒汁、薯菜；羅宋湯；牛油餐包- 先上紅湯，蔬菜足料夠淋，茄味辣味適中，但欠缺肉香味，點包食差少少。鐵板上檯已經被淋汁，無得吱係好唔開心架😔少左份儀式感不在話下，最重要係我d薯條呀😩索哂汁變了樣😮‍💨反而隔離檯嘅比較平價嘅非鐵板扒餐有香脆薯條囉☹️自己淋無得怨，宜家個心屈住屈住😢牛柳軟身無筋、望落煎得唔錯，但食落完全無焦脆/焦香。黑椒汁亦略厭淡口得滯。海南雞飯；例湯- 例湯重味精，可略過。海南雞雞肉滑溜有油香👍但出奇地雞皮鞋口無香味。油雞煙韌有𡁻頭，老公大讚😆總括而言，佢嘅坐無虛席仍然令我摸不著頭腦😅…Read More

前菜- 海蜇：麻油味香濃，件狀比條狀更滿足👍紅油抽手- 肉餃結實多汁；餃皮無鹼水味；紅油雖然唔夠香辣，但慶幸佢無千年油嘅益味🙂豬扒擔擔麵- 豬扒嘅炸粉調味剛剛好：香口唔太鹹，脆口唔油膩😋雖然鬆肉粉拿到肉質有啲淋，但慶幸尚存少少豬肉味🙂紅豆桂花凍- 啫喱凍算係比較硬身，動L動L，切件share都得😁桂花、紅豆味足，分兩層可以一次過滿足三個願望😝作為一餐之結，認真完美😌…Read More

白色日情人節妹妹話約我去黃金海岸食火雞煲，心諗幾特別，就一口應承咗。原來係我睇漏咗個炭字，其實妹妹係想約我去食炭火雞煲🤣any肥，炭火雞煲又好、火雞煲都好，照殺😆位於海邊嘅餐廳佔地不少，分室內及室外區，我哋叫得炭火邊爐，就當然坐室外啦。雖然吹住海風，但因為前邊有一個爐，所以都唔會覺得凍，一件短袖都夠打😎藥膳醉雞煲- 湯甜雞嫰，唔是急凍肥雞，雞皮可以即夾即入口，無多餘肥膏黏住，正😋更欣賞餐廳會為湯底裏面嘅紅棗去核🥰對於我嚟講，呢個舉動係十級窩心呀😍😍😍鮮帶子- 淥完都無縮水‼️鮮甜爽口、有少少干貝鹹香味，可能係我呢世女食過最好食嘅帶子呀🥹手切雪花牛- 雪花紋路清晰、油脂份量適中，肉味香濃、口感爽脆😋可恨嘅係：碟牛要三催四先出現，大概係因為冇屯門人肯貢獻佢返工用嗰隻牛掛🤪山藥條- 高質美味，但建議淥耐少少🤏唔係食完條脷會痕🫣娃娃菜- 上檯嗰刻俾佢個樣嚇親：竟然幫我切晒最甜嘅菜葉😳但原來係餐廳嘅自信表現🤭齋菜框已經夠晒爽甜美味🤩韭菜餃- 略厭太咸😓總括而言，對住個海，食到高質食材，價錢又唔算太貴，真係一種享受😙但提醒大家來幫襯真係要俾啲耐性，因為地方大、員工少，落單真係有啲亂🫥上菜時間亦比較耐🫥但本人覺得都值得一試😌btw, 隔離檯隻片皮鴨望落好香好正呀🤩我已經決定下次要黎試埋佢嘅小菜😎…Read More

三十年老字號，食物無打卡嘅擺盤，仍然吸引唔少人朝聖🙂光顧時全店滿座😎稍稍等左一下，較年輕店員極有禮貌，多番走埋黎叫我地等多陣。入座後較年老店員就心急左d，明明我地已經落左order，但都走埋黎問左幾次叫野食未😅香煎韭菜餃- 韭菜味唔算香，但餃皮煎完香口得黎煙煙韌韌，都算美味😋湯三鮮餃- 店員稱三鮮餃乃係由蝦、豬肉同雞蛋組成，雖然我食唔到蝦味，亦食唔到雞蛋味，但餃子整體鮮甜美味🤨最神奇嘅係我食到韭黃嘅爽甜😝擔擔麵- 望落好似湯油分開，諗住個湯會好稀，但飲落都厚身😋花生味淡淡，飲落唔會膩👍欣賞店家用左上海麵，雖然浸耐左好似糊左嘅感覺，但佢嘅掛湯能力真係奇高🤩老公嘅評價係：菜式無主體嘅味道，但又覺得佢幾好味喎😜係咪真係咁神奇？！黎試下就知😙…Read More

作為鏡粉，鏡仔開嘅Cafe梗係要去支持下。位於啟德新豪宅區地下嘅Cafe，可以話係萬綠叢中一點紅，因為只有呢間舖頭門口有人排隊🤣Cafe入座時間冇限時，變相排隊時間冇得預，去到條隊唔算長，但都要等個幾鐘。明白雖然大家都尚算自律，但始終又要打卡、又要相機食先，上餐時間又比較慢，基本上用餐1小時都走唔甩😏開心店員為我哋安排咗樹下嘅座位，面對着水泥牆，倚傍住油彩名畫，實惠最佳打卡位置😁😆😁由於怕排隊耐會餓親，我哋先簡單食咗個午餐，所以今次只係試到佢嘅小甜品ssss🙃【仙人掌- 榛子朱古力慕絲、焦糖醬、朱古力脆脆撻】榛子mousse驚艷，配合脆脆撻就好似一粒高級香濃版金莎🤩【苔玉- 朱古力慕絲、朱古力軟心、朱古力脆脆蛋糕】- 外貌固然精緻優雅，味道都唔錯：chocolate mousse香濃幼滑，雖然成舊都朱古力味，但口感味道層次都有所不同😋夾埋亦唔算太甜👍【巴斯克芋泥芝士蛋糕- 芋泥、特濃芝士】說好的芋泥欠奉，芋頭粒唔夠融、唔夠粉，完全破壞成件cake嘅口感🥺【樹頭蛋糕- 朱古力、麻糬、朱古力戚風蛋糕】麻糬米香濃郁，QQ彈牙，成為亮點🤩【樹皮柚子撻- 麻糬、柚子醬】撻皮牛油味香濃，實淨美味😋柚子撻酸酸甜甜，夠哂開胃😆【柚子抺茶梳打】柚子梳打似洗潔精🤮抺茶粉唔溶於水，非常澀口😵‍💫要同自己講苦口良藥先飲得落😓姊妹們聲稱咖啡類飲料高質😌…Read More

三年疫情，大家都被訓練成更注重健康嘅一群。食飯都唔可以再求求其其一碗茶記「靚仔」。米炊就為大家帶黎日本匠人嘅靚米飯，等大家食得更健康😙汁煮牛腰柳丼配日本十六谷米飯- 牛腰柳有d overcooked, 乾掙掙🫣十六谷米飯色水比我想像中有出入...比我醫院頹can嘅紅米飯紅米更少🤯味道口感都無驚喜, sad🙁喱9）烤日本無激素飛鳥、烤野菜、旋風炒蛋配七星夢美人白米飯- 烤雞香口肉嫰👍肉汁豐富😋野菜份量少🙁炒蛋賣相wonderful，但蛋香欠奉喊出黎😫值得一讚係白米飯香甜煙靭，比十六谷米更出色🙂咖喱汁亦相當出色，食到蔬菜味真係第一次🤩全晚最好食係粒薯仔🙃邊位脆脆地，芯位粉口香甜😋…Read More

happy friday就係要飲番杯🍻居酒居自然係不二之選👍睇youtube大島san都熱烈推介呢間，黎到果然有驚喜。門口推介餐牌用日文、入座時聽到幾張檯都係講日文、偷窺到廚房師傅手握飯團三兩下手勢搞掂，全部都令我心心眼😍可惜嘅係，晚市第二輪檯已經無左幾款我想試嘅熱賣菜式🥲山芋泥吞拿魚-山芋泥本身無咩味，但配搭鮮甜魚生粒，加少少芥末同紫菜絲，味道雖然唔算突破，但口感確實係幾得意😝豆腐沙律- 豆腐豆味香濃幼滑係正嘅，面頭櫻花蝦咸香酥脆，咁嘅配搭都正常發揮。但略厭沙律菜份量太少。蓮藕脆片雖然有d格格不入，但當佢另一款小食，都幾香口😌雜錦天婦羅- 三隻蝦、一件南瓜、一件甜薯、一件菇、一件茄子頭、兩條豆。炸粉ok, 天婦羅汁ok，但茄子頭係咩玩法🥹感覺不被尊重，扣分🥲不過其實我不嬲都唔鍾意食天婦羅菇同茄子，吸油太多，搞唔掂🤮呢度都無做到咩突破令我挖目😶串燒- 雞頸肉、雞皮- 香口得黎juicy, 好味明太子蔥燒牛舌- 正如廚師擺盤嘅心意，明太子同牛舌係唔夾嘅😅分開黎食兩者不過不失😶刺身（櫻）- 五款omakase刺身，每款三片。是日有油甘魚、甜蝦、帶子、八爪魚同鰤魚，樣樣鮮甜厚切，正。甜蝦蝦頭仲有小春子添🤩🥳🥳🥳綜觀黎講，餐廳性價比唔高，但不妨一試🙂…Read More

駱駝漆呢座工業大廈深藏不少美食，今日就黎試下呢間頗有名氣嘅牛肉麵🍜蔬果清燉牛肉麵- 雖然openrice嘅大大都推介紅燒牛肉麵，但我偏偏俾「蔬果清燉」呢四個字吸引左🤭感覺好似比較少見，貪新鮮想試試😈上檯有肉有蔥有酸菜，仲要蘿蔔有兩大舊，感覺已經bonus左😆湯底味道有超輕微嘅酸，但算不上蔬果味，反而肉味有丁丁羶、丁丁油膩，齋飲湯第一感覺麻麻🥴蘿蔔清甜軟身，讚👍牛𦟌香濃入味夠軟身，入口即溶超驚喜😋麵條煙靭有咬口🍜互相配搭起黎，個湯底原來岩岩好😸唔知係咪紅日，無左個午餐set，野飲就要另加$2X。…Read More

作為一個foodie, 愈邪惡我愈歡喜😈遍佈社交平台嘅金沙餃，我一睇到就bookmark定‼️今日終於黎試到喇🥹小店子大概只有30個位，因應防疫措施- 單人座位對面唔坐人，再加上餃子好味- 大家都嗌得多食得慢，食完再加外賣，所以門口總有一班人等緊。無論門外有幾多人都好，記緊要迫去前面拎番張飛先😉小棠菜鮮肉湯餃- 新鮮嘅配搭---暫時我都係第一次見配小棠菜。感恩店主有呢個新嘗試！好好味呀～～～肉嫩菜甜🧡店主無將小棠菜切成蓉，只係將佢切成丁真係好聰明🤓湯底係椰子海帶鮮雞豬骨濃湯，香濃鮮甜，正！但可能始終有油，上檯一刻㷫口到一個點😵‍💫建議閒置幾分鐘先好開始食。南瓜粟米鮮肉邪惡金沙煎餃- 外貌靚仔，金沙份量岩岩好，再多會膩，太少會唔夠喉😌煎餃即使coat左層金沙，仍然做到外脆內軟，大癲❣️唔想同金沙味撞，特登唔揀菜餃，甜甜的南瓜粟米的確更襯托咸蛋黃😎我都忍唔住要稱讚一下自己😂清熱潤喉羅漢果甘草茶- 傻的嗎？！以為佢$10細細枝，點知有成500ml，仲要足料超甘甜😍行過路過都唔好放過呀‼️‼️‼️…Read More

前菜三品，由左至右：海綿豆腐- 連昆布浸左一晚鏗魚汁果然名不虛傳海膽布丁- 感恩師傅勇敢訂落$1800/板嘅海膽，好好味呀🤩加上自家醃製魚子，mix and match，想encore呀🤤胺康魚肝- 面頭嘅蘿蔔蓉同香蔥都不及中層嘅焦糖搶眼🤩焦糖脆香，魚肝軟綿，口感豐富🤩芥末- 靜崗縣嘅芥末加蘿蔔加強辣味，連wasabi都唔可以睇少👁️👁️八角魚- 師傅介紹佢係超醜樣嘅魚，成隻史前生物咁🤣但口感異常爽口清甜；返貨難，要800g以上油脂才充足，感恩我有幸試到🥰長崎縣深海池魚- 魚頸部分，超厚切，超鮮甜呀🤭真正嘅北寄貝- 原來平時食嘅紅色北寄貝係加拿大北極貝，真正嘅北寄貝無紅色架🤪新鮮5:45pm到，爽甜creamy集於一身，幸福💋平時食爽就爽，creamy就creamy，呢個口感真係第一次🤩長崎縣嘅竹籤魚- 條魚本身無咩味，即場炭燒灑海鹽，yummy🙌只有秋冬至好食嘅魚，因為佢哋唔洗忙住產卵/ 游來游去😌長崎縣野生鰤魚- 即回流嘅油甘魚：熟成十日配柚子鹽：野生的比養殖的更大條，油脂更豐富，更鮮甜😙熟成十日，軟化左筋，更帶出魚味，正🧡鯖魚- 紫魚包住，口感層次豐富：先係紫菜脆香，然後醋酸，再黎鯖魚味；少卻平時日式餐廳嘅過酸同過濃嘅魚味，老公全晚盛讚🥰🥰🥰北海道網走銀鱈魚- 入口味道一般，但後勁凌厲，魚味濃郁香甜😍魷魚配紫蘇葉、海膽- 海膽味固之然無得彈🙌紫蘇味配魷魚，延長左紫蘇嘅味道- 由濃到淡，然後海膽味又慢慢浮番上面；雖然師傅介紹可以點少少豉油wasabi，但我都覺得我咩都唔點係明智架😎吞拿魚蛇腹- 愈多油脂嘅地方愈多筋，師傅做左十日熟成，軟化d筋，食落雖然仲有一條筋仔，但愈𡁻魚味愈濃，額外驚喜🥳招牌菜：印尼斑馬賴尿蝦- 流心蝦膏，濃郁賴尿蝦味💋師傅特意烚到半生不熟嘅程度，保住賴尿蝦嘅鮮味，上水即過冷河，令蝦膏呈流心蛋黃嘅狀態，滿有藝術嘅美食😋大根沙律- 生蘿蔔本來帶有辣味，但師傅用冰水浸走左辣味；為配合不同人不同口味，亦為了令食物口感更豐富，沙律除左有秘撈醬汁，仲有木魚絲灑面，厭唔夠味嘅可加醬/ 加辣炸蒜。個人認為太多嘅調味都阻礙左食到食材嘅原本味道，直至我後來發現原來內有芝麻，配埋大根實在太好味☺️☺️☺️吉列炸波- 師傅搞氣氛唔講有咩內涵，要我地食完估下😝我同老公好努力都估中一半架😎開估！內有薯仔、芝士、奶、煙肉、冬菇、雞蛋、皮蛋、洋蔥。美食之所以美味，係因為唔同嘅食材放埋一齊而做到共融，所以分唔出有咩內涵都唔洗太過灰心嘅😉但聽師傅介紹就知，要設計一個新作品，實在唔易，要令食材相互配搭實在要有好大嘅智慧🧠芝士令內心半溶，牛奶令薯蓉滑溜，煙肉冬菇洋蔥豐富味道，雞蛋白蛋黃、皮蛋白蛋黃豐富口感，一串炸波立時升級成一件藝術品🤩燒鰤魚骹- 師傅話本來預備左牛俾我，但岩先傾計我話佢知我喜歡鰤魚，佢就割愛燒埋個魚骹俾我😆魚骹油脂豐厚，多食會膩，配酸汁就可以完美KO佢😈精華粥- 師傅上檯嘅固然係最鮮最美味嘅部分，但剩下嘅其實都係高質嘅食材，將佢熬成湯，再煮粥，味道多層美味😋柚子芝士蛋糕- 上檯一刻吉一件，濃郁柚子味；攤耐少少再食，芝士味融和得更好😊嵐山豆腐雪糕- 老公至愛🧡柚子雪芭- 師傅話我生日，特別贈送架🫶🏽柚子皮嘅澀香未必人人受到，但我同老公都大愛，睇嚟我地都有d歷練呀下😏店舖另有銅鑼灣分店，但老公堅持返黎原店，因為呢邊氣氛更好，有別於商業化左嘅omakase，呢度師傅唔響你前面展示咩刀工，反而用口仔細講述每一道菜嘅背後嘅神奇配搭，而且席間不停update客人嘅喜好，從而再refine之後嘅菜式，令客人有更貼心嘅嘗試🙂師傅嘅passion感染到我地食客，食得開心，一定會再回歸🧡(其實師傅嘅現場介紹更有驚喜，但我記性唔好，盡左力架喇😅）…Read More