SHIT塔's Profile

朋友生日，見到呢間大閘蟹任食未試過，睇到評價都好似唔錯，咁就孤注一擲去試一試，環境係幾舒適，兩個人安排卡位，仲有電視睇，樓面姐姐服務非常好，一坐低已經幫我哋點咗12隻大閘蟹，仲主動拎啲小食俾我哋食住先，期間會幫我哋換茶，片皮鴨就一般般，鮑魚都幾好食，仲有百香果椰汁糕幾特別幾清新，到咗主菜大閘蟹，冇咗鹽焗，得清蒸同埋花雕，感覺分別唔大，但就全部都係得公蟹，間中一兩隻有苦味，整體蟹質素尚可，但食緊第一轉仲剩兩三隻想落定order嘅時候（蒸蟹要15分鐘），着西裝男部長話未食晒唔可以落，咁就無奈地食剩一隻嘅時候再問樓面姐姐先至可以再落，加得8隻，前後只係食咗兩轉，兩個人淨係食咗20隻，都真係幾唔夠喉，不過冇辦法啦，人哋唔肯落order，最多冇下次。。。兩個人頭連茶水同10%服務費，都差唔多$1200，呢個價錢應該可以有更多選擇🙂…Read More

心血來潮想食碗仔翅，買個外賣同店員講要多醋，跟手過隔離俾錢，收錢阿姐粗聲粗氣，講左一次又聽唔到，再講多次佢仲火過我，找錢個兩蚊大大力禁落我手掌度，到去拎返碗翅，個店員都打包緊，我問聲係咪多醋架（因為我睇到碗野好似無落到囉）點知佢話多醋下話，打返開個碗蓋，起勢咁落，返到去食碗野酸到乸喉，呢間野以前領教過佢杯牛柏葉香芋珍珠，而家裝修完啲人態度差到離哂譜。以上意見純粹發表個人感受…Read More

頭幾次食都覺得一般，但因為貪近嘅原因再次光臨，叫個煎肉餅飯想轉汁，個侍應話盡量安排，點知上到黎已經轉左，食緊之際突然有個話自己係負責人嘅女士衝埋黎怒氣沖沖咁話邊個幫你地轉架，轉汁要收$5咁都食緊啦，仲可以點，兩個飯無啦啦收多$10轉汁錢，但之後有朋友食緊個茄汁飯叫佢加汁又無另外收費，呢間野啲人做野真係匪夷所思，之前食已經成日落錯單，上菜又亂，經過今次更加永不光顧…Read More

原本計劃食放題，但因為各種意外而取消，臨時改到呢度食蒸氣火鍋，估唔到好有驚喜今晚客人不算太多，每枱都有專人幫忙整野食，服務員態度仲very good 添蒸氣火鍋任飲任食，但食材也不會求其，大滿足仲有其他野食，但掛住食已經唔記得影相手切肥牛，和牛粒都好有牛味，又唔un，馬拉糕仲出色，真係估佢唔到，臨尾仲有個粥底，好鮮甜好彩連公公婆婆都好滿意，雖然貴少少但都值得…Read More

父親節諗住食下自助餐，喺facebook見到做緊生蠔同龍蝦任食，上黎睇下食評又講到幾多款式，一於試下。。。果然，除左生蠔同龍蝦都真係無咩好食:(:(一開始梗係食生蠔先啦，之後出去行左個圈，拎野食範圍好細，款式唔多，燒龍蝦無乜味，西冷勁un，熟食我諗都唔多選擇，菜膽雞勁油，冷盤有蟹腳，青口，凍蝦，海螺，其次仲有啲沙律嘅，魚生款式都唔多，感覺不太新鮮，淨係食左兩舊三文魚甜品都ok嘅，有自制窩夫，豆腐花，水果得三款，諗住食下馬卡龍點知入面有條幼毛所以來來去去都係食生蠔同龍蝦咋。。。以呢個價錢一杯野飲都唔包，用餐只得2小時，值唔值就自己諗喇，不過我一定唔會再去…Read More