stupid_didi's Profile

食開銅鑼灣店，見apm新開就試吓，點知食物味道及服務都差, 以後請我都唔會再去！叫咗：-南乳醉鮑魚：鮑魚完全冇調味，好似食緊塑膠，好難食，南乳汁更加水泥泥完全冇酒香味！-鮮果糖醋九肚魚：嘩唔好咁啦，同menu張相差十丈遠，粉醬仲厚過維園球場塊地皮，離哂譜！-黑松露牛肉炒飯：平時食開銅鑼灣N次都可以叫走黑松露，呢度十分唔願意做，做好咗出嚟話師傅 唔記得走黑松露，問我介唔介意照食，大佬呀梗係介意啦，唔係駛鬼叫你特別做咩，跟住又話再做過要等好耐， OK照等。好啦，整好咗擺喺你面前，跟住個侍應竟然同我講，呢個係特別order只係做呢一次以後唔會做，我的天啊這是什麼服務態度！好似我欠咗你債咁！-炒菜芯：好硬！-龍井烤雞：正常是次體驗非常失望，以後唔會幫襯！…Read More

好多年冇買過東海堂嘅切餅cake食，皆因覺得佢嘅切餅cake剩係得mousse，冇海棉蛋糕, 又甜。呢排見有足夠印花換錢，先至俾多次機會佢買來食。今次買咗叫什麼粒粒芒果千層來吃，滿懷希望期待好吃，點知……頂頭d芒果全部，係全部都係酸到爆😖😖😖仲要爆10次，e加唔係芒果當造咩！中間啡色叫千層嗰塊物體林啤啤，同以前一樣海綿蛋糕少得可憐, 一句講晒好難食！早前試過tiramisu切餅，又係全部得mousse又唔好食又甜到死。其實佢做蛋糕應該唔差，但係點解d切餅咁難食！總結，以後唔會再買佢嘅切餅食，麵包除外⋯⋯完　…Read More

幾個月前已經幫襯過一次，d牛肉唔掂，孩口夾有根，珍珠米煮到生米, 好硬😖今晚再俾多次機會佢, 點知一樣，嘔血🤮今次叫了照燒雞扒飯，單叫成$43，已經貴到飛起，湯又冇得送！盒飯個賣相係絕對冇問題㗎，望落去雞扒好靚，d汁淋落d飯又好靚，啊！點知雞扒食落冇黎味道，好似白烚鹽水味咁，完全冇用心調味，最衰竟然d珍珠米又係、又係、煮到……生米呀大佬！唔係人食㗎，究竟你地識唔識煮珍珠米㗎！救命🥶…Read More

是日晚飯在此，環境可以，但食物一般。叫咗個餐牌明明寫住：水牛芝士無花果沙律，點知嚟到嚇咗一跳，丁屎咁多多，得一粒仔無花果，仲要收你$168，實在離譜。是日餐湯問咗佢佢話係蘑菇湯，點知嚟到一陣黑松露味，咁點解你一早唔講係黑松露蘑菇湯。意粉叫咗個蜆肉蝦意粉，我明白手做意粉係有點硬，但都唔緊要，喂，咁你都俾心機整好個獻汁吖，完全冇汁冇味道😖未食過咁難食嘅意粉。只有個牛里脊ok. 仲有，要講其中一個侍應全情黑口黑面，問佢野唔想答你，完全冇笑容，埋單多謝都冇句，好似收錢煩到佢咁😓最後埋單仟二蚊實在唔值😰以後不再來。…Read More

其實呢間想試好耐，可惜見到個門口有點卻步。但今日機緣巧合終於可以一試。去到門口已經聞到燒野食味，入到去又好煙吓，所以預咗頭髮及衣服有BBQ味。但原來這間食物很好吃，食物新鮮，有點驚喜啊。只係裝食物的碟比較普通😊整體好好味，尤其是蒜片一口牛，鵝肝什菌石頭鍋飯，仲有佢個芝士玉子燒估唔到又OK好味及芝士年糕好正, both 要番兜。可惜今次試唔到汁燒白鱔，期待下次。值得一讚戴cap帽應該係老闆好nice，樓面又係佢，招呼人落單又係佢，收錢又係佢！老闆好人埋單時送了可樂因為叫咗三四次都未有😆大家未試過真的可以試吓。此行5個人吃了$13xx, 抵食！…Read More

呢間早歺超難食! 今日吃豬肉漢堡扒加煎蛋加蘿白糕加退通 : 豬肉漢堡扒加埋d汁咸到飛起, 煎蛋又燶又醜樣又凍冰冰! 蘿白糕無特別, 通粉林到飛起!好彩奶茶尚算ok !話過唔會再比机會佢!…Read More

好耐無去過,今日仲特登同c6由屋企搭的士去幫襯, 點知後悔不巳...巳經唔係以前嘅蘭芳園, 我地叫咗 :-- 奶茶 : 無茶味又唔香- 心多多撈丁: d汁咸到爆, d面又硬, 隻蛋核突到唔係比人食嘅, 雞翼普通到不得了- 明明叫"茶走"又照加淡奶, 究竟 識唔識Ｏ架??!!- 白菌牛利撈丁: 頂...d白汁竟然用金宝湯開, 牛利無特別d野食巳經keep唔到水準, 人又多, 又坐到背貼背, 又嘈到死, d野又唔好食, 現在只係扼下d遊客去食.話過以後請我都唔去!!!…Read More