kirakirawan's Profile

用咗openrice提供嘅全單六五折 環境都唔錯 暗暗嘅色調 枱與枱之間好有距離 傾計好地方部隊鍋 係用火鍋形式上盤 熱辣辣 都係嗰啲配料 午餐肉 腸仔 韓式年糕 芝士 辛辣麵 芽菜 娃娃菜同泡菜 就係你想像得到嘅味道千層酥薄餅一層一層酥皮 係好酥脆 面頭配上芝士 茄汁 煙肉碎/火腿？ 除咗個質感唔錯 我都唔知自己食緊咩配料 因為面頭嗰層配料一啲都唔好味:(芝士雞蛋卷喱個最好味 一層一層蛋皮包裹住一大pat芝士 一切開 流哂心好正 不過一定要趁熱食先食到芝士熱熔質感 味道其實都係你能想像的 香蒜脆雞味道好香濃 雞肉都算嫩滑 外皮香脆 就係脆雞味 整體嚟講 如果唔係有折真係覺得佢價錢好貴 完全唔值 折咗就叫好啲 但整體味道唔算出色 唔會有欲望想食多次*用咗openrice六五折訂座優惠*…Read More

環境唔算舒適 可能坐室外較好 因為幾濟迫下 枱貼枱嘅感覺唔舒服手工黑松露雲吞配野菌黑松露忌廉汁 喱個名以雙重黑松露嚟命名 我會想像係極濃重嘅黑松露味道 但可惜係名不副實 黑松露味唔太濃烈 只有輕輕嘅氣味 汁量足 雲吞咬落亦無咩特別 似係一個白汁忌廉加少少黑松露作調嘅普通嘢芝士奶蓋梳夫厘班戟 108喱個班戟真係強差人意 一切開唔識反彈已經扁平咗 質地較實 無空氣感 完全唔合格 個芝士奶蓋質地唔夠企身 芝士奶蓋嘅䶢香亦欠奉 樣子雖然唔錯 可惜味道實在救唔到黑松露薯條配巴馬臣芝士 78喱個係粗薯搭上少少芝士同黑松露 擺咗一陣都仲可以keep到脆 合格之上嘅作品Avocado Smoothie 58牛油果沙冰 尚算有奶滑感 牛油果味亦有 喱杯都做得唔錯 …Read More

喱間係香港太子酒店嘅泰式餐廳我哋買咗openrice下午茶套餐6折優惠，叫「味遊泰國」（兩位用），四款䶢點，七款甜點，各兩款 加茶或啡。䶢點：椰絲蝦乾配辣柚子蝦片 肉碎撻配粟米及甘荀 泰式大蝦配辣海鮮醬 泰式蟹肉春捲 甜點：榴槤芝士蛋糕 班蘭椰子蛋卷 芒果糯米飯 泰式千層糕 馬卡龍 英式鬆餅配忌廉及果醬 班蘭瑪德蓮蛋糕 個環境好靚 又大又舒適 真係食個環境 因為個下午茶味道就真係差 樣樣都唔好味 勝在個景同佢個擺盤算繽紛 挽回一點分數 計埋六折 每位二百左右 食個景都算合理嘅 仲有服務就欠奉 全程serve人唔出聲 完全唔係酒店餐廳嘅質素用另一角度諗 無人理 坐喺度都幾舒服雖然嘢食真係唔出色 但都可以稍為推介一下最出色甜點係馬卡龍 喱個都係有啲意外 酸味濃 唔太甜 食到莓味同柚子味䶢點較好嘅係泰式蟹肉春捲 炸得好酥脆  不過蟹肉無乜味其他都係不提也罷 總括嚟講 chill下 享受喱個環境都係幾好 但之後發現原來官網購買仲平過用六折優惠買 蝕咗 *使用openrice 六折優惠*…Read More

飯後咁品 喱間嘅環境好chill 距離感亦有 店員亦好有禮貌 奈何食物質素強差人意黑朱古力班戟 Mont Blanc Pancake 整到好似炒麵咁 但其實真實都幾醜 只得創意 佢應該想整到好似一座山咁 但有圖有真相 一團黑色嘢。。。可能其他顏色比較好吧其實一條條嘅係朱古力碎條 係幾濃郁嘅朱古力味 𠝹開一半睇佢真身 其實就係班戟加忌廉 個班戟都叫鬆軟 不過你話好無味？我就覺得麻麻地 完全唔值158伯爵茶無花果班戟喱個個味道幾清新 但伯爵茶味好淡 只係有新鮮無花果作點綴帶出清新感 鍾意淡口人士可能ok. 班戟同樣都算軟 但與其說是班戟 我覺得叫海綿蛋糕更恰當 班戟嘅鬆軟入口空氣感 佢係做唔到流心巴斯克蛋糕（焙茶）完全無流心 質地偏硬 完全唔合格 雖然焙茶味俾到 佢唔改流心喱個名都還好 流心又做唔到 巴斯克蛋糕嘅溜滑感亦欠奉整體嚟講 全部甜品都屬於不合格水平 佢間店叫pancake專門 應該以此作招牌 但似乎仍有好大進步空間 價錢又唔係平 理應要做返喱個價錢有嘅質素…Read More

醬燒豬肋骨配薯條 $285 大大塊醬燒汁豬肋骨 外皮燒到乾身焦脆 但內裡勁juicy 肥瘦適中 滑溜溜 一咬油脂溢出 好似即融口感咁 仲有好多醬汁俾你配襯 法芥（ 較溫和） 英芥（較嗆喉） 燒汁 個人覺得最正係英芥 好有刺激感 同條骨嘅味道超級夾 減咗啲油膩感 又增加咗肉嘅味道薯條係粗薯 熱辣辣 表皮脆 充滿新鮮薯仔味 配咗蛋黃醬 喱個價錢係物有所值  個人喜好 如果係幼身會更好Black Forest Fondant 98喱個讚 真係好好味 似心太軟 個甜品一𠝹開啲朱古力醬就溢出 朱古力味好濃好純 又唔甜 面頭脆入面蛋糕質地軟綿  配埋面頭嘅新鮮紅莓 酸酸地 完全做到十分match效果 雖然好細價錢都貴 但我覺得值得一試總括嚟講 喱兩樣食物都做得好好 多啲人食會更好 因為兩個人食完成條骨真係覺得太漏啦 個甜品先可以中和返 抵讚*利申：使用逢星期四 $285 醬燒豬肋骨配薯條優惠…Read More

見到咁多分店又順便經過就試一試 見到餐牌價錢都唔平 睇下值唔值TCA House bleand 話係一杯fruity味重嘅咖啡 自家拼配咖啡豆 味道都幾難入口 偏酸而且帶點奇怪花香味 我覺得完全唔夾 俾唔到清新感 只有酸澀味不帶任何咖啡香 不過喱杯平日tea set包埋就算 額外付42蚊真係唔值或者我唔識欣賞特濃咖啡牛油班戟喱個特別之處係嚿牛油係充滿咖啡香氣 俾你放上班戟等佢慢溶 令班戟充滿咖啡味 味道做得唔錯 敗筆在於件班戟質地唔靚 雖未至於一pat溶咗嘅粉 但又唔係鬆軟 偏薄身 面頭配搭幾粒杏圃同開心果醉 我覺得有啲多餘 既提升唔到佢嘅味道 又唔係for外觀 只能歸功於咖啡牛油救到佢 賣98 雖然唔算好貴 但喱個質素同咁細份絕對唔值 水煮蛋牛油果多士喱個個樣唔錯 切開個蛋漏出滿滿蛋黃汁 配三文魚 三文魚子同沙律菜 其實味道應該可以好好味 但又敗筆於啲三文魚子 好腥 破壞哂成個味道 108 嘅價錢咁嘅質素 搞唔掂嘢飲嗌咗杯 Dark Mocha 可可味濃 不過又唔算十分出色 咖啡同朱古力配搭應該唔會錯 但無令人有驚喜 話哂都值52蚊 總括嚟講 喱個質素完全唔值喱個價錢 或者我對佢有啲期望 但實在係失望 開到咁多分店無理由咁架 或者係我唔識揀好味嘅嚟食…Read More

見到佢咁少負評又唔駛等位 所以入去試下啦 明明得幾枱客 大把吉枱 佢接待處無人 我哋直接行入去 個女服務員勁無禮貌叫我哋行返出去等佢安排座位 態度有啲串咁 唔該你哋出返去等 唔好意思唔該都無聲 要我哋特登行返出去門口 再嚟問我哋幾位 再叫返我哋入內 咩玩法？:(你唔係無位喎 又唔係問我哋有無訂枱要處理返個手續 點解要個客人特登行返出去唔直接邀請入座？坐低就話一定要坐喱一張 因為一陣會好多人 結果係坐到走都係好多吉枱囉 放枱禮儀仲搞笑 擺低意粉 唔叫都唔識俾兩隻碟嚟 佢本身無擺碟喺枱 然後拎兩隻碟嚟 唔識分俾客人架 擺喺枱角邊 要我哋自己分 啲服務態度真係好到呢 。。。 唯一叫做識做返啲係 當第二個菜上枱 佢識將隔離枱拉埋過嚟擺 叫識做啲囉 講返食物質素 蕃茄海鮮扁意粉 一上枱有啲嚇親 個賣相好差 抹碟唔乾淨 成條抹過嘅痕跡 :( 味道係正常發揮 蕃茄味都濃 意粉軟硬適中 但青口麻麻地 唔覺新鮮 伴隨兩隻蝦 都叫彈牙 但只睇賣相真係唔太想食 百幾蚊喱個意粉唔可以俾合格煙三文魚蟹肉熱香餅 根本唔係熱香餅 佢係一個熱烘牛角包 質地好硬淨 救到嘅係佢個外皮都叫脆口 但入面實的的 似硬麵包一舊嘢 配上煙三文魚 同將蟹肉拆散 鋪面 同牛油果攪成蓉作醬 可以話完全唔夾嘅配搭 個包係甜甜地 其他材料係想像到嘅味 蟹肉得少少䶢味 無蟹味 一齊擺落口有啲唔夾 做唔到䶢甜交錯嘅驚喜味道 可以嘅話都唔駛點嚟試 泡沫咖啡 正常嘢 無咩可提 相都唔記得去影 服務態度唔專業 態度又差 食物質素又唔好 唔係平喎 座落尖沙咀 真係難怪香港服務行業會招人話柄 實在好唔掂…Read More

喱間餐廳挨近海濱旁 位置有點隔涉 但勝在環境舒適 無咩人流 拍拖或朋友傾密計都係唔錯嘅選擇 講返食物先10安士肉眼扒配忌廉薯蓉 正常發揮 嗌咗四成熟 不過佢個成數出嚟好似差啲 似三成左右 鎖到肉汁 肉質保持嫩滑 配上Rosemary一齊食 啖啖肉味配上清新香氣 味道昇華 表面煎得均勻 但可以喺表面再煎得焦香啲會更加分 薯蓉唔係用粉開 食到堅薯仔 四重芝士薄餅 係薄脆批 即叫即焗 熱辣辣上枱 香氣四溢 芝士味濃 四隻芝士包括mozzarella, cheddar cheese, parmesan 同 buffalo cheese 搭出䶢香配上香草在面調味 超惹味 薄餅邊又唔厚實 食多幾塊都唔覺漏 Tiramisu 用玻璃杯盛裝 較流質 咖啡味可以再重手啲 質地滑溜 手指餅浸得剛好 仍能保留蛋糕狀質地 唔係浸到一pat 嘢 味道同質地算唔錯Sangria杯cocktail 就係雜莓酒咁樣 無特別comment 配下食物作點綴而已…Read More

試下喱間喺旺角嘅泰國菜 好難得喺餐廳可以飲到出色嘅飲品 所以先介紹下泰式奶茶喱杯真係正 充滿香料味嘅泰式奶茶 茶同奶配合得好完美 值得一試椰汁珍多冰都係好濃郁 充滿椰汁味 亦係值得一試 香酥薄餅軟熟嘅餅皮 但嫌表皮煎得唔夠脆 做唔到外脆內軟一層層效果 變相有啲漏 勝在夠香黃咖喱雜菜黃咖哩的黃色主要來自於薑黃 使整個咖喱添加東南亞風味 味道透出淡淡的甜味和香氣 醬汁濃稠配上椰奶 令醬汁更添順滑感 今次揀咗雜菜配搭 所以清新感十足 同黃咖喱好夾 有西蘭花 薯仔做主調 沾滿濃稠醬汁 更增胃口青木瓜沙律酸甜汁配合得剛好 酸酸甜甜 材料亦好新鮮 好味冬蔭公雜菜湯酸味突出 搭上微辣 當中的材枓發揮得好好 淡淡的香茅味 雖然自己唔知正宗冬蔭公味應該係點 但我確實覺得喱個做得幾好 至少係我食開嘅味道 不過唔明點解佢唔俾蠟燭一路燒到尾 我哋未飲哂個湯就走過嚟整熄個火 喱度有啲奇怪 整體嚟講 我覺得今次揀嘅菜式 喱間都做得唔錯 價錢亦係正常價位 最重要係環境舒服 比起去所謂正宗泰國人主理嘅店 細細間又迫 喱間真係可以考慮下…Read More

聽朋友講 佢本身係一間涼茶鋪之後加入賣糖水行列 變身成為一間專賣自家製糖水店 絕對係成功轉型例子 佢外表平平無奇 名稱可能覺得有啲老套 但真係一試難忘 去深水埗一定要整番碗特色仙草百配芋圓+地瓜圓+小丸子配料很充足 仙草滑嫩仲加入紅豆 芋圓同地瓜圓有啲咬口 珍珠同西米都包含在內 全都軟中帶煙韌 但不至於硬崩崩 所有材料都好好味 性價比極高 只售29元熱香滑腐竹蓮子配芋圓+地瓜圓+小丸子同樣配上三種材料 熱版更好味 因為所有配料更加軟身煙韌 但又不是淋身發漲 咬口啱啱好 仲要本身有蛋花都再加配一隻白烚蛋 真係抵到不得了  要說是美中不足係 如果佢係煲得杰身一點 將腐竹煲得再爛同融化啲 我願意日日食 當係美顏甜品又飽肚咁食 佢依款係糖水蛋花同腐竹分離狀態 但放心依然不失好味 口感依然豐富 以今時今日嘅物價指數 喱間甜品鋪真係良心價 比起市面糖水鋪 性價比一流 最重要係質素絕對能同出面貴一倍有多嘅某專門店揮佢鋪面較迫較細 都係一般糖水鋪咁設計 你話要舒服就無可能俾到 就算貴佢一倍嘅商場甜品鋪都一樣 喱間絕對係無得輸嘅選擇…Read More

朋友話想試下 平時好多人排隊 所以就上網訂枱試下佢 結果係強差人意明太子奶油鮮蝦蛋包飯 一上嘅時候佢分開咗個明太子醬同個蛋包飯 問都唔問聲一野𠝹開個蛋一下倒哂成個醬落個飯度 我都未反應得切 相又未影 已經得返個結果 其實 真係咁趕咩？點解唔問下人想倒幾多醬 一係你就一上碟係咁 無謂分開個醬啦 好聽啲係好貼心咁幫你切埋同倒醬 但喺客人角度 完全覺得你分開個醬同飯係多此一舉 一係你就問下人駛唔駛自己嚟啲醬多到浸濕哂個飯 得個䶢字 係有明太字嘅味道 但本身明太子已經有䶢味無須再加咁多鹽吧！！！ 真係䶢到唔想再食多啖 實在太多醬 。。。唯一可讚係個蛋仲係保持嫩滑 蝦嘅份量亦好夠酥炸軟殼蟹塔塔醬漢堡整體係合格嘅 但無驚喜 完全係能憑名稱想像味道 軟殼蟹算係酥脆 個包皮亦做到外脆內軟 醬嘅份量亦適中 的確好過個飯好多 但唔稱得上好味夏水海洋梳打成杯嘢唔知飲緊啲咩 好似分離咗嘅梳打加糖醬 好難飲熱美式咖啡好彩喱杯齋啡中和下個蛋白飯䶢味 好味實在稱唔上 就係普通一杯普通齋啡而已整體嚟講 都唔需要幫襯 朋友話平時好多人排隊 我就話唔排隊都唔駛光顧 至少今餐所有嘢都唔會想令人再次點…Read More

一直愛食炒飯 朋友介紹 就俾機會試試佢 結果係下次經過我都會再試其他款先講佢招牌 即叫即炸樣鹽豬扒飯真係即炸熱辣辣上碟 鋪滿椒鹽在面 賣相好吸引 份量亦大碟 仲有大量高麗菜在旁 豬扒炸得剛好 亦醃得夠味 配合炒飯底 飯炒到恰當 做到一粒粒效果唯愈食愈䶢 我個人覺得可以減少椒鹽量 因為食哂成碟真係覺得對腎有虧 整體係唔錯 真係䶢味要再調整焦香煎焗龍躉球飯相比招牌 我更喜歡這個 龍躉球肉厚量足 值回票價 煎得如其名 香氣足 咬落魚脂豐富 表皮有少少焦脆 魚肉保持嫩滑 亦係配炒飯底 喱個真係值得一試 仲要配埋䶢蛋黃醬俾你點 個䶢香起砂質感 真係好誘惑 不過唔點喱個醬亦好好味 咁先原汁原味食到真龍躉嘅鮮味 整體嚟講 喱個份量真係好大 食量唔大嘅建議兩個食一份 如果佢份量減少價錢往下調會更加吸引 椒鹽豬扒又唔算係必食之一 因為過䶢嘅關係 就算佢整得唔錯嘅豬扒都未免失色咗 反而龍躉球絕對係值得愛魚人士一試…Read More