tetsuko's Profile

其實我冇幫襯，因為店員明明見到十幾廿人喺出面都毫無反應，只係喺度唔知整啲乜，一句招呼或者眼神示意都冇。齋排隊(隊頭)排咗廿分鐘後走咗。可憐其他買咗飛但又冇人理嘅人，好似等咗成世。…Read More

見到呢間餐廳既食評唔錯, 所以買左OpenRice既團購:$98 任食宵夜泰式火鍋, 已包加一 (原價 $198/1位)本來對任食都冇乜期望, 心諗 $98 咪又係雪到硬晒既肥牛同埋成口粉既丸類點知又唔係喎! 食食下我地都覺得 $98/1 位...佢真係蝕喇一去到就要揀個湯底, 我地揀左已經包左既泰式清雞湯底有D似海南雞飯個雞湯, 好香, 唔係求其加羹雞粉既清湯黎架~老細都話我地第一次黎食, 可以試左個雞湯先, 下次先加錢要其他湯囉~仲有一個位我好鍾意既, 就係我地可以係十個醬料入面任揀,有生熟蒜, 蔥粒, 乾蔥, 指天椒, 口水雞汁 (??? 唔知, 有D四川feel!! 不過幾好味), 同埋幾種泰式醬汁~我地最鍾意蒜蓉辣椒汁, 用黎點肥牛好好味其實全部都好好味丫之後就揀食物喇, 其實都係大路貨色, 不過有D幾特別既都可以任食喎包括: 豬頸肉, 牛胸油, 忌廉磨菇包, 芝心包, 泰式火鍋肥牛, 花彫肥牛, 椰菜苗, 炸響鈴 等等牛胸油第一次食! 爽爽地幾得意忌廉磨菇包係有忌廉磨菇餡既丸, 好搞笑, 都幾好食架之後肥牛就不得了~ 碟碟都好靚同埋有雪花! 而有花雕醃過既都好香, 狂食泰式火鍋肥牛即係生牛肉河粉果D牛肉, 係西冷位, 肉味好突出! 老細提議唔好淥咁耐, 都岩! 另外加左 $38 要個深海墨魚刺身, 幾鮮味! 不過少左D食物黎講就全部都好新鮮, 連D菜都洗得好乾淨, 加分 老細都好nice!!! 雖然我地係團購客但都對我地好好~ 亦絕對冇將貨就價~呢一餐我地好滿意, 有機會我都會再去試下其他湯底同其他食物!!! 最後捧住個肚去彌敦道搭車~~ 多謝OpenRice~~~~~~ …Read More

諗左好耐先至決定到係呢間餐廳同男朋友慶祝生日，兩個禮拜前訂左位喇。黎到至發現真係冇揀錯，入到去仲忍唔住嘩嘩聲，因為真係好靚呀！入面既擺設好有古典味道，但又唔太拘謹，燈光又暗暗地，好有情調。我地兩個人，佢地俾左一張四個人既檯我地，但兩邊都有間隔去隔開我地同其他客人，所以製造左一個好似房仔既空間俾我地，好有 privacy。食物方面一開始有麵包同埋 pate，正正常常，如果熱 d 更好。我地叫左一個細既海鮮雪山同３隻生蠔 (張單寫住 Gillardeau)我男朋友話好正，我覺得有海水味但唔太甜，唔錯。之後我地 share 左個鵝肝，外脆內嫩，配埋 d 汁又唔太膩，好味！推介既焗洋蔥湯好甜，勁多芝士！不過飽左少少。所以當個熱情果雪芭送上既時候，我地已經飽左９成…不過之後既黑豚豬扒同埋野菌黑松露天使麵都好好味！豬扒７成熟，好嫩，薯蓉都好香；而天使麵就有好濃郁既野菌味道，我好鍾意，係油左少少。最後餐廳送上有一早準備定寫左男朋友個名既 Apple Crumble 同埋一個意外驚喜。（連我都唔知！）仲有好香既奶茶作結～好滿足！　至於服務真係好好，侍應全部都好殷勤，時不時都望下我地既進度，又有禮貌，又介紹食物俾我地。所以雖然價錢唔平，但係我都認為好值得！如果有機會我想再去試多 d 唔同既食物。呢度慶祝生日同埋拍拖一流，雖然多人既時候嘈左少少，但係都無損氣氛！推介！…Read More

連續叫左兩日友記的外賣客飯, 3送1飯 + 例湯, $25第一日 : 時菜炒肉片, 支竹豆卜扒雙菇, 麵醬蒸排骨 , 蓮藕煲豬骨第二日 : 蒜香雲耳炒勝瓜 , 咸魚蒸豬肉 , 豉油皇雞中翼 , 木瓜花生煲雞腳我覺得 d 送有鑊氣 , 好食 , 個湯都好味, 冇咩味精咁既價錢我覺得好掂呀!! 應該會有第3456日!!:)…Read More

食完時新行過見到呢間好似好吸引, 因此又坐低食下.叫左雞絲川北涼粉, 酸辣粉, 蒜泥白肉雞絲冇咩味, 但川北涼粉的辣油好好味, 雖然我口唇痺晒但都唔願放棄酸辣粉味道不錯, 但我個人認為 d 粉唔夠大陸 5 蚊一碗果 d 咁煙韌, 但都很好最後蒜泥白肉夠凍, 好好味, 好好好好味, 蒜泥夠幼細, 都好夠辣, 但係真係辣到我頂唔順, 要打包返屋企 , haha, 但相比起大陸的小店, 呢個價錢就不太便宜了. (雖然在香港來說還是很便宜的)見到隔離檯叫左個辣子雞, 勁香, 下次要試~最後叫左個涼茶,又幾解辣,不錯 :) 下次再黎食第二 d 小菜!…Read More

因為呢個時新快餐店長駐 openrice 榜首位置因此去開黃埔, 不得不黎試下啦 :) (順帶一提,我搵左好耐. d 街坊都唔知邊度係黃埔街)叫左一個雙層漢堡加蛋, 一個芝士漢堡加蛋, 沙律汁雙層果個熱 d 好味 d, 唔知點解加左蛋果個會凍左.沙律汁幾好味, 塊牛肉鬆鬆軟軟, 都幾好食. 係好過 mcdonalds.不過我認為我就唔會特登山長水遠走過來食了.另外叫左一隻炸脾, 即叫即有, 斷估炸定了, 唔太熱但味道都唔錯的. 咁既價錢都很好了.…Read More

見到廣告成日sell個大蝦沙律芝脆批餐,好似好吸引,所以尋晚卒之叫左個manhattan 大蝦沙律芝脆批餐, $185大蝦沙律芝脆批: 雖然係主角,味道ok但冇乜特別, d 醬都唔太突出, 同埋個芝士邊好咸. 我都係鍾意意式風情厚批多d.球迷小食格格拼: 包括燒豬仔骨兩條(幾好食,味道唔錯不過凍左), 香脆海鮮條(都唔脆,唔知咩黎,麻麻地), 星形雞塊(冇乜味,唔脆,麻麻地), 炸洋蔥皮(都係唔脆...可能因為係外賣), 不過果兩兜用黎點食物既醬好好味!車打海鮮焗飯: 呢個唔錯, 有d 似意式雞皇焗飯既海鮮版.忌廉雞湯: 一貫地好味~加$15要蒜蓉包: 夠熱, 好香好好味叫滿$130送既意式迷你肉腸: 茄汁腸仔, ok , 我覺得咸左dd食到好飽好飽:)…Read More

由於早前僥倖得到Openrice 既遊戲獎品, 早前我決定去文華度試下個high tea tea for 2:) 因為clipper lounge 爆滿, 所以去左cafe causette.食物方面, 我認為3 層架最頂的三文治做得最好, 其中我最鍾意三文魚同埋火腿的! 因為我地食得太慢, 中間的批類有d 凍左, 但係都仲幾好食, 尤其係個魚批. 但係左手面果個芝麻蛋糕類既野...我覺得怪怪地. 而最後一層的mousse cake 同埋cheese cake 都非常唔錯! 不可不提的是熱辣辣既scones, 配埋clotted cream 同個jam 真係一流! 但係好滯...食唔晒:(由於佢地話冇blackberry tea 既關係, 我揀左strawberry green tea. 又幾得意.而侍應既服務都非常唔錯, 好有禮貌, 亦都醒目.不過呢.......$400 一個就真係貴左d , 下次都係要人請我食先會再去:)…Read More