ch6915's Profile

唔知外賣APP定間舖問題，係既你地最好搵佢哋澄清下啦，因為收到嘅訊息就係你地閂左鋪本身叫外賣，話35分鐘左右送到，都冇問題，叫外買就要等㗎啦，但係等左一個鐘，都仲未到，問返個原因就係話舖頭閂左門咁點解外賣APP會仲接到單，去到咁耐先無呢？可能你地真係要同外賣APP溝通下邊度出左問題啦，你地收工or截單佢地又接，仲要等咁耐先講返俾客知原來閂門…Read More

本人本身係會員，今日返工行過，正好之前買落嘅美食券又係身，就入咗去食，不過今次service同食物都失咗水準，幾可惜。入去時門口幾靚嘅staff問我吧台得唔得，我又無乜所謂就入咗。當日其實幾忙幾多客，我都慢慢等，因為食開，知道人手有限，平時都知佢地都盡量好nice咁serve。不過今次一位阿叔waiter就比較冷淡，惜字如金，如果旁聽嘅講禮貌態度，好似係我serve緊佢多，唔該、多謝都無句，應吓我「嗯」一聲都無，真心去到上菜之前我都唔知我叫嘅嘢有冇落單。到我叫嘅肉眼扒到咗，凍嘅，唔係「唔熱」，係「凍」，唔係rest咗一陣，係攤到凍哂。而加嘅鴨肝幾厚，但又係凍，個芯係堅凍。所有碟上有油脂嘅野全部瓊哂，無咗平時嘅水準，配菜我又見到先諗起佢無問我要薯條定薯蓉(不過呢度其實通常都唔記得問，多數都係我自己主動講)、又無問乜汁，不過都可以我主動叫嘅，唔可以怪哂佢。我見其他staff嘅service都好正常，惟獨佢比較寡言，只係對過一位西裝革履嘅男客人係貼身服務，而野食我就唔清楚，但賣相包括我個碟其實唔差姐，只不過食物嘅質素差咗。sor for無圖…Read More

無堂食，想叫個外賣，一上到去，收銀位置職員一見我上嚟即刻行開，去出菜位喺度包幾盒外賣，翻來覆去都未包完，好似係咁重複包外賣闔蓋、同廚房吹水，扮哂忙扮睇唔到我另外個個唔知係咪經理，淨係坐喺度一路撳電腦，打吓電話，一係就淨係會睇嗰啲唔知係咪網上落單嘅外賣本身以為佢哋忙，企喺度等咗一陣，因為分先後都好正常，不過之後佢地好似完全無視我，可能佢哋唔係扮，係真係睇唔到我，咁我咪叫，但兩個人叫極0反應，好似聾咗咁，可能冇堂食做，都無得賺，咪喺度對啲客人發洩吓叫唔到外賣食，食咗一肚氣走…Read More

今朝去過食早餐，之前黎過幾次食，食物質素、服務都還好，但今日就差啲。首先有位大叔係疫情期間，進膳完畢後又唔戴口罩、大聲咳，職員行過但無人理及阻止。咁講返嘢食，我叫左牛油多士，但俾左牛油豬仔包，我反映返啦，咁個一位(亦係惟一)身型肥肥地既女侍應就辯稱「係咁」，「已經無多士，係俾豬仔包」，先毋論點解無通知、電話落單都無update，我當係真啦，點解落單職員唔提下個客？而且個豬仔包仲要凍左，佢都無問換唔換，答一句就走了，見佢話無我亦無再追問。另外，仲有一樣早前都發生過，我叫了奶茶轉煉奶，只給普通奶茶，上次出錯時我都曾經有反映過，但當時有個侍應話無錯，仲叫我唔好再落白糖，已經落左煉奶，只係係杯底，叫我搞匀飲就得，但我就係攪個陣完全唔見有煉奶先落，而且我飲到糖尿都係個客自由啦？之前仲有一次係凍奶茶俾錯凍啡，今次我都費事再講。不過公道啲講返，嘢食係幾好，你叫即食麵既話，佢俾既疑似係出前一丁黎，就算唔係都至少唔係啲光麵，不過嫩牛肉會好食過沙牛，沙牛啲肉比較「鞋」，豬膶份量都唔係少…Read More

同朋友專程過嚟想試下呢間，點知真係嘥氣🙃🙃我都驚佢人多，打去想話留個位，因為只係早一段時間打去，都問過話有無位，問佢7:45到8:00呢段時間有無，佢答唔實，我留咗電話俾佢🙂🤷🏻‍♂️最後佢係無咗件事，我到咗附近，又打多次去，表明我到咗附近，問佢方唔方便，最後佢問我怕唔怕逼，我話唔怕，佢話留咗兩位俾我，我地最後係商場停車場搵到位泊車後過去，大約7:50左右，都驚過咗8:00佢唔方便留住個位，點知到咗之後佢話我做乜咁遲，仲要已經個位已經俾埋人😂🤷🏻‍♂️真心谷鬼氣，其實唔得可以答唔得，係有啲趕但佢又話留到，去到又俾咗人，仲要惡人先告狀話返我，無言🤷🏻‍♂️🤷🏻‍♂️🤷🏻‍♂️…Read More

返工放飯食晏，行到去見到呢啲專食牛腩嘢呢啲鋪頭，之前荃灣食過類似，諗住應該都OK，就走左入去食今日午餐就有個清湯腩飯，就叫咗個試吓啦，一睇到佢哋上個飯，見到啲牛腩係順紋切，已經心諗伏伏地，食落真係韌到PK，而且肥瘦好唔平均好老實肥瘦呢樣野，你無特別叫真係賭一舖等開估，但順紋切真係好難去食，而且又唔係極稔or爽口好食個湯有少少鹹咗啲嘅，帶佢去湯飯攞嚟送飯就都OK，蘿蔔係好食嘅，夠入味，但個牛腩就唔係好掂btw啲阿姐都幾唔掂，又唔想人調枱，又唔一早講，係度吟吟噚噚俾說話人聽😅😅sor for 無圖…Read More

因為女朋友想食放題，而又撞正禮拜，好多地方無位，睇到呢個係上水近近地，食評又好似ok，就諗住試下。入到黎其實環境唔錯，不過幾特別係佢卡位搭檯就唔係一邊坐一枱客，係對住坐，一枱入面一枱出面，而一坐低，佢就咁岩要上個熱飲俾入面個枱，不過呢度d人堪稱極之輪盡，係係咁跌野，呢次就一野倒瀉左落我女朋友個位，仲整到我女朋友，不過個女侍應一句野都無講、sorry都無句，換走左張濕既墊枱紙就算。之後食野其實都ok，魚生算幾新鮮同幾鮮甜，三文魚細塊左d，但唔錯，甜蝦有頭，北寄貝有少少檸檬汁，幾清；不過所謂帶子刺身只係貝柱，壽司就真係帶子，不過有d薄咁解。熱食方面個烏冬湯底有d淡，但粥都ok，燒物都唔錯，牛柳粒個d份量好足，不過d豬頸肉就肉質麻麻，有d過熟。而有趣既係有次鄰桌倒瀉野or跌野，有個男侍應係咁既樣沖過去大叫：「做咩野事呀！？」我唔知點形容，但佢驚慌失措到我以為佢地識既，整跌左佢d野既咁。同埋d人你一講「唔該」，d人第一個反應通常係走，過一陣先有人過黎，不過d人全部勁匆忙勁趕，偏偏d熱食又慢，漏就無，但慢，我可以不斷落野但有差唔多三個字係食完野無野食，齋坐。…Read More

本來到呢間韓燒店前睇到食評幾正面，亦有朋友推薦，點知原來不過一般水平當中食既野選擇其實真係好多，但係質素一般，我都包含韓燒同日本嘢食，但韓燒肉類味道還好，壽司刺身就一般般，雖然偶爾有啲肥美既出黎，但明顯唔新鮮職員好唔積極做野，只係執枱但唔理人，本來係呢啲餐廳好正常，但係執嘢又會執漏，叫又冇反應，都幾冷漠；雖然個爐有張油紙，唔會痴底，而枱面有一堆係度，好方便換，但完全靠自己，想搵職員幫手又唔會有人理就有啲無奈既當然間餐廳亦有可取之處，迴轉壽司係幾有特色，而且出邊會有幾個廚師負責燒嘢食，例如芝士燒香蒜帶子等比較有特色嘅嘢食，不過其實唔知攞唔攞得，因為佢哋又係淨燒，但係唔理人，啲甜品、嘢飲、雪糕等都係任攞，仲有少量酒俾你揀，都算幾好但整體而言，其實食得唔係好舒服，嘢食都唔係特別出色，可能俾其他人嘅評價推高左預期，個人感覺整體不過不失順帶一提，廁所衛生情況比較差…Read More

去到感覺係普通商場日本餐廳，唔同其他專做放題既餐廳，但其實呢度無其他食評講咁逼，可能未算多人，但坐得算幾好幾舒服，但人手唔夠先係問題，廚房同樓面完全唔夠人，而且d人唔知太忙定咩，無咩人幫到我，得一個可能係兼職既女仔叫幫到我…而且漏單既情況幾嚴重，我漏左三張左右，聽隔離枱更多，而且無人追到，又係得個女仔追得到飲品甜品任拎，但普通野only…Read More

可能紅日，周圍都多人，去到呢度見呢間叫等得到，就揀左呢間。睇落其他客食既野感覺都ok咁，我就叫左個豚骨拉麵，女朋友叫左個海鮮石頭飯(二者既確實名稱已忘，但大約係呢兩個名)，另叫左一客三文魚刺身同一客甜蝦刺身。兩個刺身都係$30+左右，可能因為咁，質素就麻麻地，三文魚唔鮮唔肥，睇落個色好似煙三文魚咁既樣；甜蝦就算ok，係有頭既個種，不過黎錯左一次帶子刺身，而且會自行將你叫既刺身擺哂同一碟，感覺問一問客人既話會好d個海鮮石頭飯都唔差，d料都算豐富，而且味道ok，濃淡都適中，不過個拉麵就唔掂，個湯非常鹹，而且d麵好散，d日本叉燒又瘦又"鞋"，唔係好掂。雖然比起一般日本餐廳，呢間野算係平，但至少質素唔應該如此求其。sor for無圖…Read More

同女朋友諗地方食飯，岩岩好想食日本野，上openrice搵到呢間野～差唔多8點度去到岩岩好仲有個卡位，之後開始多人睇啲人話刺身幾好，就叫左個三文魚腩同個甜蝦刺身，真係唔錯，三文魚非常鮮甜肥美，甜蝦新鮮度略遜但都唔錯！另外因女朋友中意叫左粟米壽司，沙律醬無撈埋，可以自己黎，幾特別；我就要返三文魚腩，試埋個火炙豉油漬三文魚，都係不俗之選，尤其後者個汁好好味，不過啲壽司飯質一般，有啲散同硬左啲熱食就叫左個肥牛烏冬鍋燒，豬骨湯底無女朋友所擔心咁流於清淡，幾濃之餘仲有落左啲胡椒，呢個天氣飲落好正(我地飲左大半)，啲配料又夠，肥牛除左有啲係有少少韌外都正，夠大塊，烏冬就未覺有何特異之處個刺身夾埋70左右，鍋燒就48，唔算貴，而且質素幾好，可以再食…Read More

我同我啲fd係lunch黎飯聚，一到個陣水靜鵝飛，我地不豫有他照入，但侍應先問我地有無訂位，一話無就想唔俾入咁，之後都有位，但有個位好唔岩坐，張枱唔夠長，坐得好逼一叫野食，無鐵板，無奶茶(係一直無供應)，無咖啡，肥牛又厚又韌，經常落錯單，紅茶變檸茶，凍咖啡變熱(仲要三次錯)之後仲要話無，賣相又一般，野飲味道偏淡，太多冰(眼望落去成杯係冰)，野食唔夠熱(仲無鐵板，得石頭飯係ok服務生態度一般，有個戴眼鏡既係面前叫幾次都無應，叫個茄汁都勁耐，又落錯野黎錯野，又乜都無，得某一男一女侍應係正常非常唔建議黎食…Read More

尋日同女朋友去開荃灣，想食下啲魚蛋粉牛腩麵，去左呢間，勁唔掂我叫左個牛腩雲吞麵，我女朋友叫左魚蛋麵牛腩肥瘦係ok，但竟然係順紋切既，好“鞋”，雲吞啲蝦ok爽，但無黎鮮甜，女朋友亦表示魚蛋唔好食仲衰既係原來店中極多烏蠅，好唔掂，唔係啲麵到左先見到既話一定走價錢又唔算抵，普通水平，但加野飲既算貴（野創加10蚊）…Read More

平時因上堂時間問題，只係食下早餐、下午茶個日諗住試下個lunch，叫左碟滑蛋斑片飯上到黎睇落ok，一食個茨汁其實ok，但d斑片無醃過搞到碟野食勁淡，要落鹽/豉油先正常而且幾慢，再食個d滑蛋又唔滑，好老同埋好多蛋殼，好唔小心= =下次食真係唔再食佢d碟頭飯…Read More

一位朋友last day，同左佢&另外兩個friend去YLK食…點知等位都要兩個字！lunchtime你仲做學生生意…一定知要快…人手唔夠到要個派等位"飛"既去做埋侍應個份，無人派"飛"…跟住入到去…落左兩個既單，直接無視另外兩個，直頭走左去，過左幾分鐘先返過黎落單= ='餐湯黎兩個唔黎兩個，仲要遲過主菜同餐飲上，亂哂大龍，餐廳入面明顯根本唔夠人手，個個趕頭趕命、兇神惡煞咁"服務"…雖然野食唔錯，不過四個餐等10~13分鐘黎左兩個(雞扒同豬扒)，再過兩三分鐘黎多個(雞扒)，再過五分鐘先黎埋最後個個(牛扒)…不過都好過上年，上年個次等左約40分鐘先黎個雞扒飯，幾乎遲到…反映過後本來改善左，而家又亂過…間唔中頂多個零月或者幾個月先黎一次已經好夠……Read More