irisss_foodie's Profile

呢間係香港討論區討論到極高嘅即撈海鮮火鍋 基本上每次過去都要排晒長龍🥰連朋友都話性價比超高‼️晚市最平$300左右就有交易 多款海鮮自己撈 鮑魚、三點蟹、卜蜆、白貝、羅氏蝦等等都有 保證足夠新鮮🤓除咗海鮮之外 呢度仲當然都唔少得過百款嘅肉類、火鍋配料同各款熟食，約埋成班朋友聚會，一定個個都啱食‼️-呢度主打每枱有一個小鐵桶可以出去水缸撈蝦夾蟹，夾好可以交低俾職員洗乾淨 拎個號碼牌 等一陣就可以拎返去打邊爐啦 全部都新鮮扎扎跳🥰有我鍾意食嘅三點蟹、鮑魚、羅氏蝦、黑虎蝦等🌹三點蟹大大隻，唔算好多肉，但蟹膏好鮮甜，隻隻都彈吓彈吓好生猛 大頭蝦爽口彈牙 濃郁蝦膏👅…

最近先發現牛站連旺角都有分店！鋪位仲係橫跨全層，空間感夠晒充裕！一到晚飯時段已經有一群年輕人排隊，好彩一早訂咗位，否則都要排好一段時間！入座前先揀好要食嘅餐，當見到我最愛嘅牛小排餐就二話不說即刻揀好！價錢都相當合理😆另外就係最重要嘅湯底啦！係8款湯底裏面我地揀咗清甜椰子雞鍋，等待湯底滾起嘅中途經已聞到好濃香嘅椰子味，所以對湯底抱有超大期望😍最後湯底的確令每樣食物都帶有椰香，但我地一致認為椰子香太容易食膩，變相食唔到太多野就膩咗🥹決定下次再戰另一款湯底！至於食物方面個人覺得幾有驚喜，先唔講無得輸嘅極上牛小排，佢地嘅海鮮值得一讚！生蠔超肥美，鮑魚夠嫩口，大頭蝦夠新鮮，絕對值得不停encore 🥰，而且仲有牛肚、雞子、象拔蚌片呢啲相對罕見嘅食物！另外連乳鴿都係任食！性價比都幾高🤩甜品方面有貼合季節嘅榴槤大福、草莓蛋捲等，仲有人氣大熱嘅häagen-dazs！飲品亦都有好多唔同嘅選擇，連酒都可以任飲！👍🏼…

呢間餐廳絕對係一個適合多人聚會嘅好地方。餐廳主打六款煲類選擇，包羅萬有，包括惹味雞煲、豬手煲、牛尾煲、烤魚、酸菜魚同埋牛雜煲，而酸菜魚及牛雜煲更係新加入餐牌嘅煲類！烤魚及雞煲更新增咗幾款不同的口味，最吸引嘅係呢度係無限任食，絕對可以滿足各種口味需求。我當晚點咗惹味雞煲同酸菜魚，兩款都令人印象深刻。惹味雞煲嘅雞肉鮮嫩入味，醬汁濃郁，而酸菜魚則係酸香開胃，裏面仲有唔少配料為整個煲增添層次感。雖然冇試其他煲，但聽到隔離枱對牛雜煲嘅讚不絕口，似乎係另一個必試之選。最特別嘅係，當你享用完煲類後，仲可以轉湯底打邊爐，配埋各式各樣嘅火鍋配料，完美延續美食旅程。整體嚟講，二鍋頭餐廳性價比高，非常適合一班朋友或者家人一齊開心聚餐！…

實在好耐都無食極尚大喜屋啦，嚟到先發現原來更新咗餐牌！食物更合我心水😍好多款式都可以encore 再encore!每款刺身都好新鮮，三文魚大大片，赤蝦甜蝦大大隻又爽口！帶子鮮甜美味，蠑螺刺身比想像中厚切夠爽口👍🏼 而壽司方面款款各有千秋！三文魚腩油香滿滿、黑松露油金魚夠魚油香小小嘅黑松露更吊出魚嘅鮮味，而令我encore 再encore 嘅係海膽手卷及海膽魚籽拖羅蓉最中餅，一次過滿足3個願望！絕對令人一口接一口！至於熟食燒物方面都令人愛不釋手！川燒廣島蠔極香口蠔夠大隻，鮑汁鮑魚撈一口花菇絕對係必食之選😍令人最驚訝嘅係黃金軟殼蟹！熱辣辣炸起，外皮相當脆口，而且係爆多蟹膏！完全冇諗到軟殼蟹可以有呢個效果，味道一流🤩鵝肝多士都忍唔住encore咗幾次🥰外面自助區同樣好多選擇，蒸點、紅豆沙、蟲草花烏雞湯、小龍蝦、港式燒味等等，菜式越嚟越嚟吸引！就連雪糕都有Häagen-Dazs同Movenpick提供，仲要任食的！甜品同水果都一大堆，食到最後真係要抱住個肚走😆飲品方面都相當貼心，想飲健康啲可以有菊花蜜及羅漢果茶、怕凍嘅有熱櫃專櫃、凍飲方便唔係單止得汽水，茶竟然仲有佢哋自家提供嘅港式奶茶及珍珠奶茶🧋味道都相當唔錯👍🏼…

呢間係正民居附近嘅西式茶餐廳相當受歡迎，早餐時段到中午時段都坐滿客人，人流不斷！菜單亦幾多選擇，無論西式定中式，總有一款啱口咪味👍🏼🥗煙三文魚All Day 價錢都算實惠，而且係免費跟凍熱飲😍呢個餐就配咗沙律菜、牛油粟米、白菌菇、紐倫布腸、扒番茄、太陽蛋及蒜蓉脆豬。最值得讚賞嘅絕對係白菌菇及太陽蛋！白菌菇味道香口唔會有草青味😋太陽蛋微微流心仲要蕉邊 讚🥰而蒜蓉脆豬相比之下就失色小小啦，口感偏硬身，不過勝在味道搭救，整體都幾推薦大定食👍🏼🐷椒鹽豬扒飯（濕）平時都算小食茶餐廳，所以見到濕嘅椒鹽豬扒飯都有啲好奇，最後因為有推薦手勢👍🏼就決定一試，一嚟到賣相都唔錯，而味道就比賣相更出色！🤩味道都幾有驚喜，先係鹹度適中，煎過嘅豬扒好香口，肉質唔會霉但又唔會韌，保留到豬扒本身有嘅咬口，令人一口接一口，好快道食曬了🥰推薦比住係附近嘅人，即使食足一星期都唔會厭，因為選擇真心多😆，人流亦可反映出餐廳嘅質素👍🏼…

住大圍嘅人有口福啦，以燒肉為名嘅鋪頭，竟然仲有雞煲食！完全唔使出到遠一遠！店舖有提供多人座位，偶爾約埋一大班朋友聚會，揀呢一間店舖絕對係唔錯嘅選擇！既然以燒為名！當然要試吓啦，我哋分別叫咗豚三國王樣定食(150g)及美國燒肉盛盒定食(150g)，以相當平民嘅價錢但提供豐富嘅食物！起初都怕價錢平質素會唔太好，但食落超驚喜！肉類質素相當唔錯👍🏼另外仲叫咗半隻雞煲，揀選咗椰子雞湯做湯低，雞件一上枱就發現餐廳絕對唔馬夫！雞份份量十足，而且好肥美！啱晒我呢啲鍾意食雞嘅人😍店員仲相當細心，幫我哋計好進食時間，令我哋可以食到最嫩口嘅雞☺️仲唔會有雪藏味添👍🏼湯底亦需要大贊！相信絕對冇加任何味精作調味！淨係飲到椰子嘅清甜可口😋另外可以出到自助區位置調配醬料，雖然醬料係以最簡單嘅芫荽、辣椒、蒜蓉比客人調配！但係蒜蓉原本有額外調配過，所以淨係最普通嘅三樣嘢調配出嚟味道都絕佳！除此之外，糖水同湯品亦都可以隨便添飲😋當日嘅糖水係我嘅至愛腐竹雞蛋！食到飽一飽都忍唔住飲咗兩碗🤭因為味道相當住家，完全唔會死甜。湯品就係用料豐富嘅麵豉湯！味道亦相當唔錯，友人同樣添咗幾次😆…

喺呢條咁多美食嘅街道見到呢間相當有新意嘅日本餐廳，透過熱石去製造適合自己大小嘅漢堡扒🤤好食又好玩🤭夏日清涼套裝 $275呢個餐係兩人食用的，每人都會跟前菜、湯、飯🍚，另外有一碗凍喬麥麵同兩份漢堡扒分別係芝士蛋和牛漢堡扒及雞蛋和牛漢堡扒😍漢堡扒可分4份燒，燒嘅時間只需要每面數秒就已經熟，牛嘅味道都有啲驚訝，無諗到呢個咁平嘅價錢都可以食到呢個質素🤤而加咗芝士係更加邪惡同香口😋連埋香飯一齊食真係大滿足🥰凍喬麥麵絕對超出意料！滿滿碎冰令喬麥麵口感超彈牙！湯味道微酸，三者加起來一同放入口！成個人迅速降溫！燒完漢堡扒都唔怕個人仲熱辣辣😆超大推！而半熟蛋都做得好出色，相當滑口☺️不過呢個餐就冇跟飲品啦，如果有需要都可以自己額外叫，但個人覺得品需要都得，因為漢堡扒品會膩，加上有凍喬麥麵都幾解喝👍🏼…

呢間係荃灣新開嘅燒烤堂比人感覺十分舒適，暖色燈光令氛圍好好，每張枱嘅間距形成到獨立嘅空間感👍🏼另外食物價錢亦係相當合理嘅範圍，食物質素更係做到物超所值！大推！🤩🍙蟹膏燒飯團 $38滿滿嘅蟹膏係🍙表面，而飯團相信係經過精心製作，飯嘅色水足夠之餘仲有小小飯焦😍令口感更豐富又香口！🔥浜燒活元貝 $58起初都略嫌覺得價錢唔算太親民，但當一食入口立即覺得物超所值！經過精心調配嘅醬汁！加上大蔥嘅配料，入口彈牙唔韌嘅元貝！令人食到哇哇聲😆絕對係必食之選！🥯焦糖青蘋果鵝肝多士 $108全餐嘅重頭戲🥳！呢個燒物亦係我最鍾意嘅一樣！有我手掌心咁長嘅鵝肝！仲要好厚身！有焦糖嘅青蘋果，而多士中間亦有一舊芝士，簡直係所有嘅味道集於一身！相當豐富！而且毫無違和感！大大滿足感又唔會膩！超讚🤩🦪蒜蓉燒廣島蠔 $22廣島蠔比想像中更肥美，生熟程度拿捏都好好👍🏼再加上用蒜蓉燒，真係冇得輸😋🥩鹽燒和牛牛小排 $48一串4塊，即使燒過嘅牛小排表面都唔會好乾，火候拿捏得好好！肉質淋得嚟又有口感，調味亦做得好好完全帶出牛味！十分高質☺️🥩鹽燒A四宮崎和牛 $58同樣一串4塊，表面睇落更juicy😍，肉質比牛小排更淋！調味同樣出色！🦑香蒜鹹蛋黃燒墨魚滑 $38味道相當唔錯，墨魚滑仲好彈牙，而且賣相都幾吸引人😋🥑牛油果豚肉卷 $28滿滿嘅紫菜係表面，豚肉唔會韌，加上牛油果嘅配搭，一啲都唔膩👍🏼🍡汁燒釀冬菇 $28燒冬菇嚟講都做得幾Juicy，調味都好足夠，中意食冬菇可以一試😙🔥味淋魚乾 $48絕對係串燒店必點之選！燒得唔會太硬身，味道都係無得輸！🥰🍄‍🟫牛油蒜蓉焗雜菇 $38燒得十分入味，唔會有種草青味，配搭埋蒜蓉食超香口😋🍍蜜糖燒菠蘿 $18用作最後當甜品都係一個唔錯嘅選擇！大大串！超juicy！重點係一啲都唔酸😍…

市面有好多間唔同嘅燒肉、打邊爐放題，但系能夠做到一台同時間燒肉加涮涮鍋嘅鋪頭就唔多，而且食物絕對有質素保證！日本薩摩和牛放題一開始先會送上一個頭盤，每款牛都各有千秋，最令我驚喜嘅絕對系和牛粒！即使燒耐咗肉質仲系好腍，完全唔會有筋👍🏼而用作涮涮鍋嘅薩摩牛牛肩胛薄切更系我嘅至愛！放入味道濃郁嘅壽喜燒鍋，數秒嘅時間再沾蛋液一齊食，入口即溶嘅口感加埋壽喜燒同蛋液嘅搭配，絕對系頂呱呱🥰呢個餐仲會跟少量嘅海鮮，而甲羅燒系必點嘅食物之一！初初都有啲擔心放題甲羅燒嘅質素，但製作好之後味道一流，仲比得上出面餐廳單點！我同朋友都encore咗三輪😆絕對值回票價！另外鐘意食鮑魚嘅朋友亦都唔好錯過，就算我呢啲唔識燒嘅人，都一樣可以燒得好好食一啲都唔韌🤤另外自助區有唔少火鍋配料拎，而用QR code揀選火鍋配料仲有驚喜出現😍竟然系有牛骨髓呀！香港嘅唰唰鍋絕對好少見有牛骨碎揀，所以都真系好開心😆新鮮程度亦令人好滿意👏食到最後當然唔少得甜品啦！但若然對甜品有要求嘅就唔好太大期望，因為甜品種類冇一般放題多，但勝在過到口癮，又有水果揀，但系單單食物嘅質素已經完勝👍🏼…

呢間係正商場中心位置嘅餐廳，起初都唔為以，但咁岩見到有人係餐廳食緊梳乎厘就立即吸引咗我嘅注意！於是快速就決定左當日嘅晚餐🤣🍱芝心豬排蛋包飯定食 $108呢款蛋飯飯嘅汁仲可以揀咖喱汁/白汁，而我就揀左白汁，白汁係奶油菇菌，奶油味好香，同豬排都好夾！豬排心有滿滿芝士，十分邪惡🤩炸粉唔厚，仲好蘇脆！蛋仲整得好滑口😋超滿意👍🏼🍛溫泉蛋牛肉丼飯 $78呢啲丼飯真心食唔小，但呢個丼飯絕對係得心中嘅No.1！我好怕呢啲丼會乾身，但出乎意料嘅係除左溫泉蛋嘅汁之餘醬汁嘅配搭令整個飯沾滿汁嘅同時又唔會令米飯變得太濕身，味道亦唔會太咸或太淡，真心 好驚喜！就算牛嘅質素唔太高但都完全俘虜到我心🥰🍯原味班㦸 $88一個班㦸好唔好食，食原味就一定知！班㦸一到已經聞到好香，三大件班㦸仲有糖醬🍯自行落份量，第一口同樣正中我紅心❤️！口感好軟熟實在，唔會得空氣感，但同時做到好滑口，不需多加配搭味道已經好夠！必食之選🤩🌟餐廳嘅座位係開放式形式，行入小小都有足夠嘅私人度，食野就唔怕比人睇住😉…

講到多肉類揀之餘又有高質海鮮嘅燒肉店第一時間會諗到安平燒肉，而部分熟食同櫻花蝦干拌麵都係特家提供，更為多元化😍澳洲M5和牛吃到飽 $418🍗肉類個人最中意就係贈送嘅超厚牛舌芯，口感彈牙又香口😋，如果中意薄切也可手機落薄切，味道同口感都唔錯加👍🏼其次當然係安格斯牛小排同澳洲M5和牛啦，兩款肉味香濃，油脂分佈平均，配搭埋生菜一齊食仲可以解膩，密密地食多好多🤭🤭🦐海鮮講到海鮮虎蝦同烤帆立貝係我必點之選！佢地嘅size一啲都唔敷衍！都好大隻😍蝦肉爽口彈牙，帆立貝口感鮮甜，另外仲有絲瓜煮蜆👍🏻整體味道都好清甜🍲其他烤魚干、奶油金菇、滷水涼拌鴨舌、台灣小枕頭等等全部都好值得一試！另外仲可以喺自助區自製海苔飯☺️🧃飲品及甜品自助區新增咗好多唔同嘅自家製茶飲，另外都可以QR code揀選飲品，例如百香果綠茶、阿里山檸檬紅茶及冬瓜茶等等，選擇多元化👍🏼甜品方面除咗可以自製雪糕之餘，仲可以試吓佢哋自家製嘅台式甜品😋…

大圍呢一間老字號真係每次行過必食，買嘅過程快靚正，店員嘅服務態度仲好好，真係值得一讚👍🏼❣️魚蛋 燒賣 食過咁多間個人覺得呢一間嘅魚蛋最好食！尤其是佢個秘製辣醬，就算唔係好食得辣嘅，我都又要辣又要食😆仲要辣得來好香，越食越過癮❣️韭菜豬紅大腸蘿蔔呢樣亦係必點之選！大腸煮到好淋唔會韌，蘿蔔好入味，唔會有渣😋食到一口接一口，價錢又抵又大碗，啱晒我呢啲打工仔🤩❣️炸大腸喺最肚餓嘅時候真係好需要有啲咁邪惡嘅食物揸住立即食😆炸得超香口！不過略嫌大腸有啲韌🤏🏼但絕對係可以接受嘅範圍👍🏼❣️串燒串燒都係第一次食，燒豬頸肉大大串超吸引！肉質唔會淋又咬口🥰仲有蜜糖同孜然粉調味，冇得輸！司華力腸梗係比我想像中好食！亦係必食之選😋🛎熟食嘅湯可以另上，咁樣外賣返到屋企就唔怕淋晒啦😉…

一如既往多人嘅大喜屋，真係好建議大家要book位，一到食飯時間都真係要排反啲時間，但都證明咗極尚大喜屋深受大眾歡迎！我都超中意食！自助區一行出去已經比人一種好整潔嘅感覺！中心位放置咗唔同嘅水果同涼拌小食，而外圍就有一排飲品櫃，任君選擇👍🏼一個價錢仲可以任飲清酒燒酒，一大夥人嚟就岩曬啦！熟食方面就有點心、小丸子、煎餃子、小籠包等！無論賣相定味道都相當品錯～而自助區又點少得甜品呢！第一眼見到最吸睛嘅係倉鼠同龍造型嘅甜品！超Q!仲有我最愛嘅焦糖布丁燒，但好可惜到我食飽想拎嚟食嘅時候已經比人拎曬了。期待下次可以食返。行完一圈自助區，就當然要掃QR code開始落刺身壽司串燒等等啦！當日刺身質素好品錯，夠新鮮又靚。另外鐵板法式鵝肝多士、燒蠔、特色焗溫室啡菇、椰皇燉奶更係大推嘅食物！可以不停encore! 😍食飽飽就開始第二個胃啦！連雪糕都係任食！仲係Häagen-Dazs任食呀！食得超爽！重點係呢個價錢真係好抵食！…

難得收早就約定朋友食飯行街，咁岩就撞正「牛一」做反老換童優惠！只要6點前入座揀選100分鐘嘅套餐就可以用小童嘅價錢享用套餐啦！超級抵食呀！優惠仲去到4月11，真係要趁優惠食多幾餐先😆🥩N2 嚴選牛五品 小童$148呢個套餐主打兩款牛，分別特選級殼飼牛肉及牛五花，個人較喜歡食特選級殼飼牛肉，薄切有牛味，唔會’鞋‘口，牛五花油脂較多，有厚度同咬口，另外仲有豬同雞可以選擇。對牛本身冇太高要求嘅揀選呢個套餐都已經足夠😌🍽️自助區有40多款鍋物配料及熟食，當日熟食有咖喱和牛 🍛，味道超香！配飯一流！另外仲有熱豆腐花！黃糖可以隨心落幾多就幾多🤩口感夠滑，好有驚喜👍🏼至於物配方面就超貼合我個人口味啦！淨係菇類都好多款！仲有我最愛嘅年糕、豬皮同鴨血！菜類敢係比我想像中敢多健康選擇👍🏼食返啲健康嘅菜都等自己罪惡感冇咁大🤣🍧甜品雖然甜品嚟講選擇唔算太多，但單單幾樣已經中重我好心😍泡芙同乳酪雪糕真係世一！🍸飲品飲品嘅款式有新意，但估唔到呢個價錢仲可以飲到啤酒同清酒！仲有細小嘅清酒杯，可愛又別緻🥰…

今日同姊妹去咗四面泰火鍋食lunch四面泰火鍋真是太棒了！超值之選 如果經過沙田行街 記得要過去🌟他們的炸蝦餅外酥里嫩，皮脆肉嫩 口感超級好 套餐都係加$38就食到現在還有優惠雙人套餐火鍋，只要299元，包含蔬菜拼盤、牛肉、鮮海蝦、墨魚丸牛丸和烏冬 真是太划算了！海蝦新鮮惹味 而且突然間跳出來 嚇親我同朋友🤣🤣🤣真係新鮮到極 而且價錢都唔貴值得一提既系 佢哋嘅炸蝦片可以無限refill 味道同性價比都唔錯 我強烈推薦四面泰火鍋，絕對讓你大飽口福！…