fer0116的個人專頁

有日去開深水埗行街，見到香港好受歡迎嘅插畫家傭仔crossover我最鍾意食嘅酸菜魚，令到決定要入去試😆呢間位於v walk 嘅「口麻天辣 MOTO MALA」係一間一人前酸菜魚專門店。成間餐廳嘅環境都好fancy，粉紅色嘅格調，公主既擺盤，令我深深愛上咗呢間餐廳嘅環境😍講返食物先，今次得我一個人，我試咗佢嘅一人晚餐，套餐包括主食，涼菜，小食同埋白飯。食完之後簡直係大滿足😋（滿分為：🌟🌟🌟）套餐（$138）主菜：天花頂酸菜魚🌟🌟🌟由於我唔食得辣嘅關係，所以今次我揀咗酸菜魚走辣。餐廳嘅酸菜魚絕對唔馬虎，首先佢酸菜用量非常多，每一塊魚肉都十分嫩滑，而且大大塊又無魚骨，可以安心食用。餐廳仲要用蠟燭微微熱住碟魚，超級細心❤️同埋我最欣賞佢喺酸菜魚上面加咗炸蒜同埋芝麻，令到成個口感更加有層次同豐富😍涼菜：麻辣藕丁🌟🌟我唔係好食得辣，但係我食落都覺得舖頭好有誠意。佢係菜式入邊加咗辣椒同花椒，令到除咗辣味之外，亦都充滿香氣😙小食：炸雞翼🌟🌟雞翼更加唔使講，雞翼大大隻，啖啖肉，非常滿足🤭飲品：手打檸檬茶（$33）🌟🌟🌟佢嘅手打檸檬茶都好有特色，首先佢用咗兩種不同檸檬，店員用人手大大力咁樣將檸檬嘅精華提取，另外茶味都唔會十分苦澀，茶味十足，亦都可以解到我食得好飽嘅油膩感🤩因為我實在太飽，無試到佢嘅甜品，有機會我會同埋班friend再去試埋佢嘅蕃茄魚，同埋試下其他甜品，推薦大家去試☺️…查看更多

同屋企人去南區行下，喺利東邨商場食晚飯，經過見到有間「御名園」酒樓就入去食吓成間酒樓嘅環境寬敞，座位都非常之舒服。值得一提嘅係職員嘅貼心服務，經理不單止會來介紹菜式，其他職員更加會周不時留意住食飯跟進，適時幫客人加水或者上菜，超抵讚講返最重要嘅食物，我哋今次3個人食，總共嗌咗5個菜，食到捧住個肚出嚟首先值得一提嘅係佢嘅黑豚叉燒王，聽經理講酒樓嘅燒味好出色，就叫左兩款試吓，果然無令我失望叉燒肥瘦相間，燒到好脆口，半肥瘦叉燒真係好正。另外佢嘅燒鵝王一上，有燒鵝髀，啖啖肉都非常之驚喜另外叫咗個晚市套餐，有金蒜銀絲蒸空運聖子加一個小菜，小菜我哋揀咗菠蘿咕嚕肉。成個package都勁好味聖子超級大隻同埋肥美，菠蘿咕嚕肉，酸酸甜甜，煮到恰到好處於最後上嘅係粉絲什菜煲，佢嘅蝦米都好有良心好大隻，菜都好新鮮，味道又唔會太咸，份量都唔少，呢個價錢簡直係超值:)三個人食咗，埋單差唔多$650 ，酒樓食晚飯，呢個價錢都好合理， 10分推介大家一試…查看更多

今個新年食咗超級多個盆菜，但係我比較推介喺呢一間「四季盆菜專門店」經朋友介紹，見到呢一間嘅盤菜材料好豐富，而且佢送貨都好快，前一晚訂，第二日下晝就已經即刻可以送貨講返盆菜嘅食材，我地今次叫左佢嘅「       極品金蠔花膠鮑魚盆 (節日限定)」，8-10人份量（$1900）。盆菜勁足料，佢嘅鮑魚同蠔豉都好大隻，花膠就算煮咗一陣都唔會太縮水，可以證明佢原本都勁足料。另外佢仲加咗一般盆菜少有有嘅海螺片，超級惹味。而且佢嘅雞送到嚟都唔會太老，就算落盆菜加熱都仲係好OK我最欣賞係佢個醬汁唔會太鹹，就算我減肥唔食飯都會接受到既味道因為我係人日食，所以送貨唔使另外加錢，可以送全香港九龍新界，呢一樣嘢令到我好欣賞。嚟緊嘅節日，除咗食大牌子嘅盆菜，都好建議幫襯吓呢一類型嘅小店…查看更多

話說我真係超級鍾意食台灣菜，位於旺角嘅阿木台灣麵，一直都係我all time favourite但係佢晚餐真係要排好耐，所以有次我就去試佢嘅下午茶呢一間餐廳嘅下午茶套餐都算係超抵，下午茶餐A+B+C都係$38，只係我加多左$10飲凍珍珠奶茶，同埋下午茶去唔洗排隊佢嘅小食款式好多，我今次叫左鹽酥雞，台灣香腸同埋滷豬耳。我最欣賞佢嘅鹽酥雞係即叫即炸，外脆內Juicy，至於另外兩款小食就正常水準。主食同飲品方面，我叫咗肉燥飯同埋凍珍珠奶茶。肉燥飯嘅調味剛剛好，唔會太鹹又好送飯。另外凍珍珠奶茶真係有因應客人要求而少甜，飲落唔會太膩。整體都係正常發揮，冇失準不過下次我都係會試吓餐牌入邊嘅其他食物，有機會再同大家分享相信女士一定夠飽，我食咗成個套餐都係$48埋單，下午茶份量可以頂到一個晚飯，抵讚…查看更多

呢幾日香港開始轉冷，實在最岩食暖笠笠既雞煲聽朋友講太子開左一間價錢相宜既雞煲店，叫做「米走雞」，就決定要去試一試今次試左佢地店內最有特色既芝士雞煲店員會好細心甘提你既食用次序。雞煲入面有五種不同芝士，包括車打芝士、巴馬臣芝士、大孔芝士和兩款秘密靈魂之選，再有洋蔥、中芹、芫茜作配料，增加甜味和香氣食完都唔會太膩，仲好有胃口試佢既其他餸食完雞煲之後，我地又食左好多打邊爐配料，其中最驚喜既係佢既和牛牛丸，好難得會係雞煲火鍋店見到店家落甘重本，值得一讚，勁正鍾意食芝士既朋友絕對值得一試另外不得不提佢地店員既服務態度超級好，又會細心留意客人需要，適當既時候會送上餐點同埋餐廳坐位都算闊落，聚會值得一試 #米走雞 #芝士雞煲 #麻辣雞煲…查看更多

今次同朋友，一行4人入嚟坪洲行山，食咗呢一間好日式嘅餐廳，叫做「新明館」見到佢嘅裝修好有特色，又有日式嘅裝修，新加既裝飾又有聖誕嘅風味，餐廳入邊仲有榻榻米，好特別😌最值得一提嘅係佢嘅燒蠔真係好好食，極度推介佢哋嘅明太子醬燒蠔，燒出嚟非常香，同埋好夠味😋😋佢嘅細拼盤都係邪惡之選，值得一提嘅係佢嘅炸雞粒做得非常之好，無論係佢嘅醬汁定係炸嘅程度都係絕配😋😋我哋食咗好多佢聖誕特色嘅嘢，其中覺得最特別嘅係佢嘅薑餅人特飲，我哋嗌咗兩杯，分別係熱既蜜瓜牛奶同埋香芋牛奶，佢嘅薑餅人浸咗去啲棉花糖入邊，好似沖緊泡泡浴咁樣😆兩杯飲品係都係熱飲，但唔會太甜，大推👍🏼👍🏼另外都有叫佢嘅串燒，其中好有驚喜嘅係佢用豬軟骨包住雞髀菇，同埋佢嘅燒鰻魚味道都一流😙佢嘅日式松露烏冬野菌卡邦尼烏冬都超級正，超級香嘅松露味，同埋佢隻溫泉蛋撈埋啲烏冬，簡直係絕配🫶🏼🫶🏼仲有不得不提佢嘅燒春雞，雖然話係春雞，但係隻雞超級大隻，佢燒到非常Juicy，加埋特製嘅醬汁同埋檸檬汁，簡直係人間美味😍😍最後緊係唔少得甜品啦，食左大判燒餅十勝紅豆加雪糕，為呢餐畫上一個完美句號👍🏼👍🏼4個人食，仲有其他食物不能盡錄，大概都係每人食左$400幾，以日式餐廳黎講算係好抵👍🏼👍🏼大家入開坪洲玩都可以一試😋…查看更多

凍冰冰嘅天氣，最啱就係食暖笠笠嘅羊腩煲，今次路過呢一間位於紅磡嘅「味廚餐廳」，夜晚入面見到好熱鬧，好多人就入咗去試:)一個細煲嘅羊腩煲$168，另外仲送咗個菜，佢有好多款菜可以揀，我哋就食咗娃娃菜。加咗碗飯同埋一支啤酒啤啤佢🍻本身好怕好重既羊羶味，點知喺呢間食味道剛剛好，唔會太難接受。佢嘅枝竹同埋馬蹄都勁好食，而且佢有好多火鍋料可以揀，但係因為得兩個人所以就唔好食太多嘢食材比得一啲都唔會吝嗇，兩個人食完之後超級滿足…查看更多

同舊同事去咗食呢間位於佐敦嘅尼泊爾餐廳「Seasons Restaurant & Bar」，超級多特色美食我最鍾意間餐廳嘅情調，餐廳既座位都算寬敞，食飯傾偈都好舒服我地6個人都叫左好多野食，叫左Momo（尼泊爾餃子），烤餅，奶油雞，雞翼，牛扒同埋烤肉等等我最鍾意係食佢嘅洋蔥烤餅，好香既洋蔥同香草味烤餅點奶油雞都勁吸引，好重奶油味，又唔會辣佢嘅Rib都非常之有驚喜，好香，薯條都好好食另外我哋全枱人都飲咗佢嘅芒果Smoothie，唔會太甜，極度推薦6個人，食左每人$230左右，侍應生態度都好好，會再去的…查看更多

話說我真係太鍾意食呢間Mini Friday，所以我又同朋友嚟撐枱腳啦。餐廳既環境真係好好，座位好闊落，職員十分細心serve顧客，抵讚今次試咗佢lunch set嘅其他款式，今次食咗佢嘅忌廉煙鴨胸意粉同埋炭烤紐西蘭牛扒配黑松露燒汁我超級欣賞佢嘅煙鴨胸意粉，份量又多，味道又好，調味方面好出色，超級足料同埋擺盤好靚另外朋友對於餐廳既牛扒都高度推薦，佢會切埋比你，勁細心牛扒即使叫左七成熟都唔會太靭，佢嘅黑松露汁味道好特別，唔會太濟Cafe質素，Lunch set仲要免加一，兩個人加埋都只係$166，性價比超高，大推…查看更多

天氣開始凍，要食啲暖笠笠嘅嘢 經過「媽咪雞蛋仔」，相信香港人對呢間舖都十分之熟悉今次試咗佢嘅伯爵茶朱古力雞蛋仔 (＄36），佢係用英國Twinings 伯爵茶整既茶味十分濃郁，朱古力甜甜地提升佢既味道即叫即整，整起即刻食脆卜卜，10分推介…查看更多

話說其實我唔係太鍾意食餃子，但屋企人話想食就陪佢地啦本身對餃掂的餃子唔係抱太大期望，但食落又好有驚喜不過要提一提嘅係，佢嘅職員服務態度一般，問佢攞杯水洗一洗餐具，佢叫我哋幫襯佢買支裝水。但係其他人問佢攞就比，唔知點解有差別待遇講返食物，首先佢既餃子餡料有非常多既選擇，另外同一般餃子店一樣，佢都可以選擇煎餃還是湯餃我地叫左香煎軟心芝士餃（大碗）（$78）芫荽豬肉湯餃(中碗）（$48）重慶鮮肉雲吞（中)（$42）同埋（升級版)狀元九鼎湯（$20）（唔好味，無影相）個人認為佢嘅芝士餃值得一試佢嘅芝士味好濃郁仲有少少脆皮同埋有少少融化，口感唔錯。另外芫荽豬肉餃都好足料，佢嘅鮮肉雲吞一粒一啖，配合埋佢麻辣嘅湯底，食完成個人都會暖笠笠。最後我哋俾佢menu個湯吸引咗，有啲可惜係佢剩係得湯，湯好清，冇材料喺入邊， 對我嚟講有少少失望:(喜歡食餃子嘅人都可以一試…查看更多

同朋友慶祝生日之第三彈今次去咗呢間位於尖沙咀美麗華一期商場嘅Cabin Crew Coffee整體裝修風格好似飛機倉咁樣，暫時未有時間出國，去Cafe打吓卡都係好一流由於我哋太飽，淨係叫咗一個美人魚丹麥吐司（$138）同埋一杯壺黑糖桂圓玫瑰薑母茶（$70）share原本擔心美人魚吐司味道會好膩，但係雪糕嘅酸甜中和返，同埋有cream同埋脆脆，增加返吐司嘅口感。踏冬天又落雨，飲番杯玫瑰薑母茶簡直可以暖入心職員都好Nice，好helpful。整體而言10分滿意今次嘅體驗…查看更多

觀塘牛大人之大滿足今晚同朋友慶祝生日，第一次食牛大人，真係幾有驚喜今晚天氣開始凍，加左$50試食薑母鴨湯底，薑同埋酒味超級強，食完個人暖笠笠，同埋食左中間果個美國特級安格斯牛套餐，肉嘅選擇多咗超級多我晚上7:30入座，牛大人小食同蔬菜選擇好多，但夜晚佢既肉有啲已經無得選，令人失望:(特別欣賞佢既安格斯特選牛板腱同埋干貝鲜魚漿牛好大塊同埋爽口，魚漿都彈牙飲品選擇都超多，有茶同埋不同牌子既汽水最後，亦係最開心既，就係有movenpick雪糕食，因為冇晒朱古力同埋士多啤梨味，轉左雲呢拿朱古力碎碎，都超級好食兩個人total食左$689，大滿足…查看更多

今日同朋友食lunch選擇左呢間位於旺角銀城廣場既Minifriday環境好有外國feel，座位都相當闊落，同朋友食飯傾偈好舒服食物方面我地今日叫左兩個lunch set，分別係香煎美國大雞扒配蜜糖燒汁配意粉 （$68）同香煎三文魚柳 配 香草忌康汁配意粉（$78）。好欣賞佢既三文魚煎到啱啱好，好Juicy雞扒唔會煎到太老，可以鎖住肉汁，醬汁都好夠味，意粉唔會煮到太諗旺角樓上西餐廳呢個價錢都算係超值，會再去食的…查看更多

位於彌敦道嘅「老街」一直係我下午茶之選，一有機會就入去食下午茶嘅配搭多元化，又有好多唔同嘅台灣小食，超級鍾意今次我食咗佢嘅小碗滷肉飯，小食就可以揀三款，我揀咗鹽酥雞，梅子地瓜條同埋宜蘭蔥餡餅，飲品我嗌咗熱台灣奶茶加珍珠佢所有小食都係即叫即整，梅子地瓜條一直以來都係我嘅最愛，酸酸甜甜，好有咬口今次最有驚喜係宜蘭蔥餡餅，勁Juicy，我食嗰陣直程俾啲油辣到，大家都要小心啲至於餐廳環境都十分寬敞，不斷播啲台灣嘅歌， 好有情調，去唔到台灣住，食下台灣嘢，人都開心d…查看更多