Tiffany513's Profile

揀咗雙拼煱，養顏椰子雞拼益生雜菌薈湯底；棷子雞好香嘅棷子味撲鼻而來，鷄肉都滑唔＂嚡＂口，雜菌薈有幾種菇類，一D都唔敷衍，包括香信菇、羊肚菌、秀珍菇、蟲草花、鷄脾菇，D菇滾起後，聞到超超超香嘅菇味，尤其是羊肚菌好突出，未開始落火煱配料前，急不及待飲碗湯先.今餐主攻海鮮，同朋友點咗：脆炸魚片頭海鮮併盤鮮活鮑魚脆脘骨腩珊瑚蚌手打蝦滑脆炸魚片頭，人人都鍾意嘅大路小食，上枱時外面仲係脆脆哋好惹味，無論空口食或者送啤酒都一流。海鮮拼盤有游水蝦、廣島蠔、帶子同埋沙白蜆；蝦上枱仍然會郁，肉質彈牙，蠔同埋沙白都鮮味，帶子大大粒，超滿足感.新鮮飽魚又係大隻嘅，放在雜菌薈湯內淥（不要過熟），食得出鮮鮑魚嘅鮮味👍🏻，原來用菇菌湯淥鲍魚好夾，沒有搶去鮑魚味道.脆脘骨腩，切功厚簿適中，啖啖魚肉滿足要求。珊瑚蚌口感爽爽的，很過癮一口接一口無停過😃佢哋嘅手打蝦滑，果然係招牌推介，食到粒粒蝦肉，沒有粉粉的感覺，真材實料。…Read More

尖沙咀返工，約咗幾個吃貨同事收工去打邊爐，大家本身食量唔多，又想食好啲(唔想再食垃圾任任食火鍋😅)，咁就上OpenRice 睇吓公司附近有咩單點火鍋店喇。揀咗呢間，大家貪佢多湯底選擇😆, 一坐低先order咗個小食椒鹽魚扣同啤酒，魚扣食落有啲爽爽地幾過癮，餸啤酒唔錯。泰式生蝦刺身，肉質好爽、鮮甜，點嗰個醬汁原來畫龍點睛，少少酸酸辣辣咁，好醒胃，好有🇹🇭泰式feel👍🏻。大家都想飲啖雞湯，就揀咗寒天翅瓜滑雞煱🐓，一上枱，侍應會喺我哋面前細心切開個冬瓜環，D鷄件份量都唔少，湯底顏色好似好濃郁咁，侍應溫馨提示我哋，湯滾起咗飲啖靚湯先，一試…..果然好香濃嘅雞湯😍，啲雞件好滑，唔嚡口👍🏻。見D食評話禾牛薈出名食牛🐮， 咁即係唔試唔得啦，🐂 牛味夠濃，一D都唔靭，肉質柔軟，脂肪分布平均，好多其他火鍋店都標榜自己嘅牛點靚點好，試過之後都係不外如是，今次試呢間冇令我哋失望😋，心思思又再encore多一碟牛。侍應推介嘅松葉蟹皇包，賣相好似小籠包，咬開啖啖都係蟹肉🦀✨，蟹肉嘅甜味突出，滿足感提升，同埋食到有蟹膏，D膏嘅甘香喺口腔迴盪，食到心心眼😍，留下深刻印象。韭菜餃🥟大大粒，入口滿滿嘅韭菜香。最後食埋烏冬同埋叫咗個皇帝菜，飽到冇朋友！P.S. 📣 火煱醬料當中，佢哋自家製✨瑤柱XO醬✨，好足料👍🏻啖啖瑤柱😍，忍唔住買咗一樽返屋企，諗住平時就算簡簡單單伴麵/或者炒餸都啱食😋🥰。辛苦搵嚟志在食，好彩冇揀垃圾放題火鍋咋，浪費哂D quota, 今次我哋揀啱咗, 大滿足👍🏻👍🏻🥰…Read More

聽D街坊講呢間車仔麵ok, 趁下午茶時間唔洗等位，入去堂食先。揀咗豬軟骨、咖喱魚蛋、蠔油冬菇、菜芯、米粉配沙爹湯底；豬軟骨有3嚿，入晒味夠淋👍🏻，濃濃咖喱味嘅魚蛋7粒，食到有啲陳皮味🤩，可能佢用咗陳皮魚蛋😍👍🏻。冬菇成吋厚好滿足，湯底啱晒鍾意食沙嗲嘅我😍✨，米粉份量唔少，我加咗枱頭嘅菜脯，少少香少少辣，個人覺得好過十八座狗仔粉嘅菜脯，辣味唔會太霸道。無論D餸、或者係米粉，份量唔少，連杯凍檸茶都係大大杯！抵食!…Read More

踏入呢間舖頭，感覺簡簡單單的環境，地方整潔👍🏻，印象良好。餐牌上有魚湯紫菜湯飯系列，可以揀魚片頭😍，目標明確一於叫個魚片頭湯飯，魚片頭有六粒，彈牙有魚味😋，但都係偏鹹，不過還可以接受。唔知幾時先可以食到冇咁鹹嘅魚片頭呢？紫菜分量正常，咬落去軟硬適中。炸魚皮，咬落去嘅口感，同一般食開嘅唔同，嗰種酥脆唔係好識形容😅，不過我鍾意呢種質感；同埋大大嚿有手掌咁長，唔係碎濕濕咁。 原本係想試佢哋嘅魚片頭為主，炸魚皮反而有驚喜😍…Read More

一向都鐘意食魚蛋粉麵，大埔墟都唔少呢啲鋪頭，如果要逐一試吓，真係要一段時間🕐食魚蛋粉呢，魚片頭係我必叫嘅至愛，今次就叫魚片頭牛肚米+腐乳通菜+凍檸茶。食物嚟到，俾咗碗河粉我😢…..同侍應講我叫米粉㗎，之後又出錯⋯⋯佢俾咗碗麵我😡⋯⋯，唉算喇⋯⋯我都照食啦，唔係一陣又唔知俾咗啲咩我😩魚片頭偏鹹，冇乜魚蛋味，湯底普普通通咁，冇乜特別，不過個通菜份量都唔少👍🏻，凍檸茶正常。大埔區的好味魚片頭，睇嚟要繼續再尋覓了。…Read More

天氣爆熱到冇胃口，想試呢間茶餐廳好耐，熱到諗唔到野，入去坐底涼吓冷氣先……見有秘制水煮魚片、同埋秘制酸菜魚片餐（跟配白飯），熱到冇胃口想食啲濃味D嘅嘢，水煮魚唔知會唔會太油膩，揀咗酸菜魚。例湯好淡，唔知自己飲緊啲乜🧐，酸菜魚上枱分量唔少✨，除咗魚片（侍應話係黑魚），配搭有金菇同埋水晶粉，魚嘅質感好嫩滑👍🏻，冇骨我鐘意😍，但係啲湯汁就得個勁酸，覺得係純粹白醋嘅單一酸味，同鹹，冇川菜獨有嘅香，唔係話唔好食，不過冇令我有追住食嘅感覺。下次再去呢間餐廳的話，我會試埋佢哋嘅水煮魚，希望會比酸菜魚做得好。後記：去洗手間途中，地下好多積水同埋地下有啲下欄菜渣，衛生情況欠奉，有待改善。…Read More

大埔墟食lunch, 行過呢間餐廳，見有好多選擇，入去試吓。餐牌密密麻麻嘅項目，港式、西式、日式、大碗飯、芝士溶岩類別等，坐底揀緊食咩嘅時候除咗睇午餐之外，我都順便睇埋下午茶有咩食，諗住下次試吓，嗰時侍應見到我睇下午茶Menu，就同我講：你唔好睇呢啲啦，依家呢個時間冇得叫㗎！”。我心諗……依家lunch時段，我梗係知冇下午茶啦，只係想睇吓你哋下午茶有咩食啫。我冇理佢，過咗1分鐘到又有另一位侍應同我講，”依家冇下午茶㗎, 睇其他嘅嘢啦！”, 妖……..李露媚呀⋯⋯睇吓咋，我冇話呢刻要叫下午茶，而家lunch時間我睇定啫⋯⋯係咪睇吓都唔得呀！好喇揀午餐，熱到冇乜胃口，但始終要食啲嘢，咁就揀咗”花膠無骨雞湯泡飯”, 希望有淡好少少嘅湯入口。上枱，份量正常，湯嘅顏色就夠喇，味道比例湯好少少，鹹味多個雞湯嘅味。雞件·有六件已去骨唔使吐骨方便👍🏻，雞肉都嫩嘅，不過就冇乜雞味；花膠·大約有六件，size一嚿一啖細細嚿，都食到有花膠嘅味，不過帶有腥味, 不過呢個價錢，話晒都有花膠食，唔要求太高喇。最後以一杯正常嘅凍檸茶，完成當日嘅午餐。…Read More