放題碟's Profile

今個聖誕節o黎左呢度食飯, 有一個christmas day dinner set menu, 是九道菜的法國晚餐:1) 餐前麵包: d 麵包好好食呀, 有軟有硬, 任君選擇!!2) 野棗鴨肝批: 味道好似鵝肝咁, 但係味道好濃, 我用o黎搽麵包3) 金栗野雞湯: 呢個湯好好飲, 有幾粒粟子, 個湯有少少起沙, 但係又唔係好滯喎, 一流!4) 南瓜芝士意粉: 份量好少, 但係好食, 酸酸甜甜好惹味5) 烤焗龍蝦海鮮汁: 咁多樣我最鍾意呢樣, 龍蝦真係鮮甜到不得了, d 肉質仲係好彈牙6) 扒羊柳伴香油朝鮮薊: 我唔食羊, 朋友仔一早已同餐廳講好要改牛柳, 牛柳要七成熟, 切落去好林, 好有牛味, 非常好!! 朋友仔的羊柳亦都叫好7) 黑菌釀法國芝士: 呢個我可能唔係好識欣賞, d 芝士味真係太濃, 食了2啖就放棄8) 葡萄醉冰併玉桂糖漿: 第一口好甜, 重藥水味, 但係攪匀之後就好好多, 清清地好似食緊提子冰冰咁9) 咖啡蛋糕伴楊苺雪葩: 個蛋糕好好食呀, d cream 加埋餅底一流, 個雪葩賣相好靚, 但係好酸10) 茶, 聖誕曲奇呢度的環境簡直一流, 望住成個維港, 享受了一餐長達3小時的晚餐, 好寫意!! 我地仲order 左一枝香檳, 是侍應哥哥recommend 的, 好飲!! 好滿意呀!! ^^…Read More

細佬生日, 屋企人一齊去o左呢度食飯慶祝佢生日, 5個人order 左:1) 拚盆: 原來份量好少o架咋, 有薯皮, 雞翼同洋蔥圈.. 薯皮麻麻地, 唔夠芝士同煙肉, 亦都唔夠煙靭.. 洋蔥圈就幾香脆, 雞翼反而最好, 加左tabasco 正呀!!2) ceasar salad: 幾好食呀, 酸酸地, 開胃3) 豬仔ribs: 雖然個ribs 有小小乾身, 但係加埋d bbq 醬汁就好惹味4) 海鮮燴飯: 呢個份量唔係太多, 而且都幾貴呀, 差唔多200 蚊, 但係一o黎度, 個賣相已經十分吸引, 同埋海鮮份量都唔少, 有青口, 帶子, 墨魚, 蜆同蝦, d 飯浸唒落d 蕃茄汁度吸唒d 味, 好好食呀, 蕃茄汁唔係好濃, 好香好新鮮, 最好食呢個呀!!5) 肉醬意粉: 伴碟有2條蒜蓉包, 好香好脆, 而肉醬都好好食呀!6) 由於細佬生日, 佢地送左一件carrot cake, 我地自己order 左個new york cheese cake! carrot cake 太甜喇, 同埋味道麻麻.. new york cheese cake 好rich 呀, 有少少滯!!好滿意呢度o既service, 侍應哥哥不停幫我地換碟, 同埋又唱生日歌!! 抵讚!! :)…Read More

又到合成食糖水, 今次簡簡單單叫左一個凍薏米馬蹄沙, 馬蹄爽, 蓮子林, 薏米有咬口, 甜甜地又清清地, 潤下喉嚨, 一個字正呀!!! ^_^…Read More

3個人第一次去, 叫了"青蘋果雪耳魚頭" 拚"沙嗲" 湯底, 哇!! 個魚頭湯底好潤呀, 沙嗲都好濃!!order 了:1) 2碟肥牛: 肥牛真係太好味喇, 唔似其他火鍋鋪o個d 薄ee, o個度o個d 厚度適中, 雪白分明, 有咬口, 牛肉味重!!2) 帶子: 鮮甜無比, 輕輕滾一滾已經ok, 唔駛點豉油已經夠味3) 芝士腸: 大大舊..爆開時真係有芝士流出o架4) 墨魚滑拚蝦滑: 2樣都十分好, 新鮮爽口, 上面仲有蟹子添o架5) 墨魚丸+芝士蝦丸+魚皮鮫: 墨魚丸係手打, 唔係市面普通o個d, 夠彈牙爽口, 芝士蝦丸簡直一試難忘, 一咬開就有芝士流出o黎, 好好食呀!! 魚皮鮫反而同出面差唔多, 普通d!6) 花枝片: 呢個幾有咬口, 但係冇咩特別!7) encore 墨魚丸, 唔駛再解釋..哈!!8) 枝竹, 粟米, 牛柏葉, 菜比較普通, 唔駛點寫佢d 醬料十分之多, 起碼有10 款.. 而且湯底一d 都唔普通!! 但係都幾貴, 3個人食了成千蚊, 不過食了咁好食o既o野, 都值得呀!! heee! ^__^…Read More

第一次去shooters 食o野, 可能係weekday, 冇咩人, 間餐廳環境幾好同幾靜..3個人order 左:1) 至尊拚盆: 有焗煙肉薯皮, 炸雞翼同埋炸青瓜薯皮好好食呀, 芝士同煙肉粒都夠唒份量, d 芝士又煙靱炸雞翼就中規中矩, 同一般美式餐廳冇咩分別炸青瓜就幾特別, 出面係層厚粉, 裡面o既青瓜仲係生生地, 仲脆o架喎!2) ceasar salad 拚三文魚扒: d salad 都幾好食, 但係冇麵包脆脆, 要扣分...而塊三文魚扒比較乾身, 麻麻地3) 印尼炒飯: 哈哈, 朋友仔想有飯填肚, o係美式餐廳食印尼炒飯都係第一次, 辣辣地幾好食甜品order 了cheese cake 同雪糕新地:1) cheese cake 好rich, 好重芝士味, 有少少滯o既感覺2) 雪糕新地係失望之作, 上面一大舊cream (我係唔食o架!! -__-!), 中間原來只有一個雪糕球, 底下就係朱告力漿, 我覺得好似食緊m 記o既朱告力新地咁, 完全冇驚喜, 得一個雪糕球收咁貴有點兒那個..另外, 每人order 了一杯drink, 我order 左strawberry smoothie, 幾好飲喎!! 唔係太甜但係充滿香濃的士多啤梨味!overall, 我覺得呢間餐廳都係一般, 食物質素我覺得outback (my favourite), ruby tuesday 比較好!!但係服務就幾好, 我地坐了4個鐘都冇人趕我地走, 仲不停斟水!! good!…Read More

見網友比莊園咁多個笑面, 就去一去試下啦!!! 間餐廳比較舊, 但食物都算唔錯!!一去到問侍應哥哥有冇餐, 因為2個人始終叫唔到好多o野, 佢推介"綜合燒", 有牛, 豬, 雞, 蝦同魷魚, 朋友仔想食羊, 問佢改得唔得, 佢話冇問題, 於是我地要羊唔要蝦..哇~~ 等了一陣, 一下子14 碟前菜送到你面前, 冇錯, 係14 碟呀!! 一d 都唔孤寒喎, d 前菜都好好食呀!!! 免費o既前菜有咁好質素, 抵讚!!到韓燒料o黎喇, 賣相一般, 咁多樣牛最入味, 魷魚都彈牙, 雞都好味, 唔駛點汁已經夠味喇.. 而豬就麻麻, 比較鞋口同冇咩味(朋友仔話羊都係麻麻), 餐仲送埋湯同飯, 湯一般味精水, 而飯就夠軟綿綿, 撈埋d 韓燒一齊食冇得頂!!呢間都算唔錯啦, 又唔係太貴, 坐我地旁邊有一對韓國人, 佢地只係叫左牛肉同埋一d 生菜, 用生菜包住飯同牛肉一大啖咁食, 唔知呢d 係咪韓國食法呢? hee!…Read More

好想試Triple O 好耐o架喇, 終於佢o係九龍開分店, 哈哈!!我叫左mushroom burger set ($59), 一o黎到, 哇!!! 個包真係好大好大呀, 無可能一啖可以由包面咬到去包底呢!! 個包軟度o岩o岩好, d mushroom 超軟, 索左好多汁, 塊牛肉都好入味o丫, 可能太多汁喇, 個包真係juicy 到不得了, 一路大啖大啖咁食, d 汁大滴大滴咁流落o黎!! 哈哈!!朋友仔叫左另一個set, 佢都話好食到不得了, 佢仲叫左炸雞條share, 趁熱食真係好好食呀, 香口夠脆.. 而佢加埋gravy 點薯條, d 薯條又係勁好食, 熱辣辣, 脆卜卜, 點gravy 好過茄汁呢, gravy o既牛肉味加埋薯條係恰到好處!! 食完成個餐, 飽到呢, 我覺得59 蚊係值o架, 而個包真係好食過m 記幾億倍!! heee!!…Read More

見到d 裝修都ok.. 而且又有海景..於是就試下啦..點知....2個人order左2 個set dinner, 有一湯, 一主菜, 一甜品..1) 酥皮龍蝦湯: 呢個幾好飲, 個酥皮都幾好食呀, 唔係好咸, 杰度都o岩o岩好.. good!2) 我order 左肉醬千層麵, 份量好少, 味道還可以, 但係朋友點o既羊扒, 佢就話好難食, 冇羊味, 得芥辣味..3) 到我期待o既甜品, 我地點左雲石cheese cake 同tiramisu, 我真係冇諗過咁難食, 真係好難食呀!! 個cheese cake 好硬, 冇咩芝士味, 侍應姐姐話雲石係vanilla 同朱告力, 但係我兩者都食唔出... 到tiramisu 仲嚇人, 我係未食過咁難食o既tiramisu.. 面頭竟然有一層糖份, 裡面只係得好甜o既cream.. d 味道根本唔似平日o既tiramasu, 我食左2啖就唔要喇... 失望!!個餐分別係128 同148 蚊, 咁o既質素唔抵食!! …Read More

星期五同朋友仔一齊去山頂食飯.. book 左outdoor seat.. 可能星期五啦.. 間餐廳都未full.. 我地去到依然選擇坐outdoor.. 出面環境好靚呀.. 開左少許燈.. 好浪漫!!2個人order 左:1) 餐前紅酒: 選擇了fruity o既味道.. 好飲!!2) 龍蝦湯一個share ($88): 雖然係叫一個share.. 侍應好細心咁幫我地分開2碗上.. 份量都唔少喎.. 個湯好杰身.. 有濃烈o既龍蝦味.. 飲落好濃.. 有少少咸.. 不過都唔錯啦!!3) Garlic bread 一客: 卜卜脆.. 又夠蒜蓉味.. 好食!!4) 前菜order 左一個泰色魷魚($98): 香辣o既魷魚.. 又彈牙又醒胃.. 好食!!5) 到Main course: 我order 左炭燒頂級牛柳($268) 配燒汁.. 要medium 熟!! 好貴呀.. 但係一o黎到.. 一切.. 一食.. 真係冇令我失望呀!! 哈哈!! d 牛肉真係好稔呀.. 好有肉味..唔駛點汁已經有好香濃o既牛肉味喇.. 再點埋燒汁簡直係好味到難以形容.. 好味到絕頂呀!! ^__^朋友仔order o既羊扒配甜bbq source都讚到佢頂呱呱!!6) 去到呢度.. 我地2個都滿足到由心度笑左出o黎.. 最後都不忘要order 埋最期待o既甜品-- tiramisu ($76): 真係冇令我地失望.. 個賣相係非常之靚.. 個餅做成一個碗咁裝住個tiramisu.. 個tiramisu 好靚呀.. 大家影完一輪相先捨得食佢..heee!! 哇~~~ 面頭層cream 好滑.. 咖啡+酒o既味配搭得十分之好... 呢個係我食過咁多tiramisu 中最好食o既一個呀!!今晚真係好難忘呀... ^__^d o野食真係好好食.. 雖然係貴.. 但係享受到咁高質素o既食物.. 咁靚o既環境.. 侍應咁殷勤o既服務.. 永不忘記o既tiramisu... 我都覺得係值呀!! =)下次會再o黎坐indoor 去聽live band!!! =p…Read More

第一次去食法國私房菜.. 好緊張添.. hee!!去之前朋友仔已經幫我地book 好唒檯同order 唒我地選o既o野食!!一去到.. d 裝修都唔錯喎... 檯與檯之間有塊布去分隔.. 好似大家都有自己o既空間同私隱咁..唔會比隔離張檯打擾住!!一行7 人去食.. 大家叫o既o野都有d 唔同.. 你睇o下我o個d.. 我睇o下你o個d .. 哈哈.. 好攪笑!!首先係share o既麵包.. 好香呀.. 有硬有軟.. 加埋3款o既醬比你點.. 唔錯唔錯!!到真正o既dishes 出場喇, 我點了:1) Appetizers - Snail & mushroom ravioli with parsley sauce: 呢個係意大利雲吞包住3隻鍋牛.. d 汁好似係香草汁.. 好cream!! 而d 鍋牛好鮮.. 好食!!2) Mixed seafood plate: 分別有帶子.. 鮮蝦.. 蟹.. 呢個好好食呀.. 好有鮮味.. 就算唔駛點汁已經100 分!! 咁多樣我最愛呢樣呀!3) Soup - Saffron mussel soup: 我要o既係青口湯.. 有埋d 蕃茄係度.. 好好飲.. 夠唒鮮味同特別!! 唔係太清又唔係太濃.. o岩o岩好!!試左朋友o個d 磨菇湯.. 同埋蟹湯.. 2者都唔錯呀!! 4) Main course - Beef carbonnade: o黎到先知唔係肉眼扒.. 又唔係牛扒.. 原來係好似牛腩咁.. 加埋d 汁去煮成.. 唔係煎同埋炸o架!! d 肉好稔.. 又唔肥.. 入唒味呀.. 平時唔係幾食牛腩o既我都覺得呢個好好食!!5) Side Dishes - Ratatouille: order 呢個純粹係唔知呢個係乜o野.. 所以叫o黎試下... heee! o黎到喇..原來係什菜加左d 蕃茄醬一齊整.. 有青瓜.. 茄子.. 洋蔥之類.. 幾好食呀!!!朋友order o既酸忌廉芝士菠菜反而麻麻.. 2者唔係太夾.. 可能我接受唔到..6) Home-made desserts - Frozen blueberry soufflé: 又想試下呢個新o野.. 未食過.. 呢個好似雪凍左o既blueberry 沙冰咁.. 仲以為係梳乎里添.. 不過都ok!!! 試左朋友o既rich chocolate cake 都唔錯.. o個個仲有埋雪糕球添!! 呢度環境幾好.. d o野食都幾好食.. 能夠用280 蚊去歎一餐法國菜(仲要7個courses).. 同埋同朋友坐成晚傾計唔比人趕走.. 都算唔錯喇! 仲有呀.. 我地帶埋d 酒上去.. 佢地都唔會收extra charge.. 抵讚!!(由於o個度好暗.. 我只係能夠post 2張比較好o既相.. 分別係seafood 同埋dessert.. 其他真係太暗睇唔到)…Read More

朋友介紹o黎呢間餐廳.. 於是乎去試下先!! :)入到去.. 都係一般西餐廳o既格局.. 不算特別!!2個人唔係太肚餓.. 就叫了一個一人餐.. ($198).. 已經有三個頭盤.. 一個湯.. 二個主菜.. 加一個甜品.. 一杯飲品!!頭盤order 了:1) 白酒藍貝: 呢度出名食藍貝.. 點都要試下.. 哇.. 真係幾好食喎!! 藍具加埋清淡o既白酒.. 反而食出應有o既鮮味.. 10 個good!!2) 鵝肝: 又係唔錯... 入口即溶..3) 炸意大利芝士飯: 呢個賣相最靚.. 出面係一個炸粉.. 裡面係有芝士o既意大利飯.. 芝士加埋飯夠唒煙un!! 湯order 了磨菇湯.. 味道一般..主菜order 了:1) 肉眼扒: 夠稔.. 好味.. 2) 羊扒: 朋友食都話ok!甜品order 了心太軟朱告力.. 呢個好好食呀.. 出面個蛋糕軟綿綿.. 加埋裡面暖暖o既朱告力漿.. 哈.. 好sweet!! 最好食都係頭盤同甜品.. 又多choice 比你任選.. 花多眼亂.. 同埋d o野真係唔錯..反而主菜就一般啦!!咁o既價錢都算抵食!! ^__^…Read More

想食多芒小丸子好耐o架喇.. 今次終於試到喇..一o黎到.. 賣相真係好靚呀!! d 芒果汁同個芒果粒都夠唒凍.. 又係甜.. 一d 都唔酸..而個芒果味雪糕都係頂呱呱呀!! 係咁熱o既夏天食真係透心涼呀!!不過d 小丸子就有小小硬.. 未夠稔呀.. 唔煙un.. 如果整得煙un d 就滿分o架喇.. …Read More

一直都覺得火間土d o野幾好食.. 自己都幫襯過幾次.. 無論食物同環境都好滿意.. 但係今次o既不愉快經歷簡直令我對呢間餐廳扣唒分.. 好失望! ~.~今晚同朋友一行4人去食飯, 冇book 檯, 7點半上到去walk-in..侍應姐組話9 點要交檯.. 我地覺得ok.. 所以就入去喇.. d o野食都係一般.. 好喇.. 8點44分..侍應哥哥走o黎話last order.. 你地仲有咩叫?! 於是我地order 多一個烏冬.. 佢落左單行開左.. 1~2 分鐘後再走o黎話:"你地張檯去到9點.. d o野食o黎唔切o架喇... 出面有人等緊你張檯.. 我幫你cancel 左個烏冬"... 呢一番話.. 我地4個都呆住了... 之後我同佢理論.. 佢只係話佢好難做... 我真係火都o黎埋!!!! 第一.. 如果真係咁準時要交檯.. 點解佢唔可以早d o黎問我地仲有冇其他o野叫呢?第二.. 既然問得我地仲有咩叫.. 而佢又幫我地落左單.. 點解可以幫我地取消左而覺得"理所當然"?!第三.. 8 點44 分落單.. 如果d 食物9點前o黎到.. 你又知我地9點食唔唒?!! 4個人每人幾啖已經可以食唒成個烏冬...第四.. 出面等緊o既人係客.. 咁我地4個坐係度又係咪客呢?! 我地唔係o係度乞食.. 我地唔係唔夠錢比!! 第五.. 我同佢講左咁多o野.. 只係得到一句:"好難做".. d 服務態度真係零分.. 連最基本o既禮貌都冇.. 不禁想起華仔o既"今時今日o既服務態度係唔得".. 今日得到咁o既服務真係令我咋舌.. 我未試過食一餐飯可以食到咁"慶".. 好似我朋友咁講.. 不如每一張檯放個鐘係度計時o丫.. 到pens down 時大家請把筷子放低.. 大過份喇!!…Read More

2個人order 左:1) 咸肉百頁娃娃菜: 呢個普普通通... 唔係好亦都唔係差.. 清清地..2) 當歸菌菇老鴨鍋仔: 呢個係湯o黎o架.. 有當歸.. 靈芝菇.. 鮑魚菇.. 雞脾菇.. 鴨.. 好重當歸味.. 我好鍾意呀.. 好香.. 好飲!!! d 菇又係清清地.. 份量好多.. 食唔唒添!! d 鴨就煲老左喇.. 唔滑.. 但係d 味都入唒落d 湯度.. 唔錯!! ^^3) 生煎飽: 5 大舊.. 上面d 飽軟林林.. 下面就夠香脆.. 幾好!! 不過一咬開.. 係冇汁流出o黎o架.. 舊肉係夠味.. 不過我都係比較喜歡"王家沙" o個d 一咬開有汁爆開.. hee!!4) 酒釀芝麻湯丸: 呢度冇酒釀丸子.. 所以叫呢個啦.. 不過d 酒同芝麻d 味唔係太夾.. 都係酒釀丸子好食d.. 不過都ok 啦!!呢餐食d o野比較清.. 食物都係一般.. 冇咩驚喜!…Read More

今日一行4人去食pizza express 呢.. pizza hut/box 我就食得多.. 今次第一次去食pizza express.. 好開心!! ^^4個人order 左:1) 焗磨菇: 一邊係磨菇bb.. 一邊係麵包仔仔.. d 磨菇去鮮甜呀.. (不過我覺得outback o既炸磨菇好食d..heee).. 相反麵包仔仔仲得個磨菇.. d 麵包軟林林.. 煙煙韌韌.. 夾埋d 香草汁一齊食真係好滋味!! hee!!2) 雞肉凱撒沙律: 呢個麻麻.. 太酸.. 同埋d 雞一d 都唔滑.. 個沙律好普通.. 3) 美國pizza: 有辣肉腸.. 芝士.. 番茄.. 令我明白簡簡單單就是美.. 好好食.. 個pizza 好簿.. 個底好脆.. 香口.. 好食!4) 西西里pizza: 呢個好多料o架.. 呢個比美國pizza 遜色.. 小小咸左d.. 5) 草莓果tart: 賣相十分十分之靚.. 雪糕好滑好好食.. d 草莓夾埋個餅底好好食.. 呢個餅底比pizza o個個厚d.. 口感比軟好..6) Blueberry cheesecake: 又係十分十分之靚.. 好大件.. 呢個d cheese 味好濃o架.. 有少少漏.. 唔係好甜..但係都好好食.. 4個人一齊share 真係o岩o岩好!!總括o黎講... 呢度d pizza 真係好好食.. 食整都唔滯同漏.. 比起香港地道o既pizza 有另一番風味!! ^^而dessert 更加迷人.. heee!!!呢度d service 反而一般.. 比我o既感覺係招呼外國人比較殷勤.. 香港人就...... 希望佢地可以留意呢點!! …Read More