floe1031's Profile

原本諗住帶家人食靚米同壽司，雖然疫情下其他食店依然有人排，佢仲有好多位，但心諗都要試下本身安排坐係對住廚房門口位，本身個人覺得可以，但油煙大，媽媽生日當然不滿，所以要求調位。但職員又嫌我地轉位，似不滿。老實講成間舖好多位，又話呢度果度VIP區又剩，鬼知你咁多咩，其實只擾攘左兩分鐘都無，終於都要坐返油煙位附近然後不斷聽到侍應疑似講我地是非，又覺得我地作為客人只係small potato。我唔明其實個客人只係調下位，咩都未叫，又有咩問題呢，而且原本個油煙位地下跌左成大塊牛肉都無人清潔，請你返黎係度講是講非，不如唔該注意下清潔啦。作為日本餐廳，清潔同服務都屬於好低水平，真心食平價壽司都無咁背脊骨落另外到食物，壽司d魚又唔新鮮，牛肉飯d飯又凍，蠔鍋d蠔仲要臭嘅，搵鬼食咩唔怪得知其他舖頭要排得你地咁少人啦，野食又唔好食，服務又奇差 blacklist forever!我真心覺得對唔住屋企人，浪費左佢地時間，生日連相都無影一張…Read More

今日去旺角拎完回鄉證，食埋個早餐，係火車站天橋行過見到一間好悠閒嘅茶室，見仲有時間，決定一試餐牌如下:由於本人鍾意飲對皮膚好嘅白茶，所以店主推介較老嘅白牡丹同埋白毫銀針。本人親身體驗自己沖泡，有店主在旁講解協助，所以都唔太擔心唔識沖。本人較好濃味茶，所以老茶比較啱我，店主話老茶會有好似藥嘅味，我諗應該係好濃咁?白毫銀針就比較清香，各有千秋啦而呢間茶室仲可以試哂唔同嘅茶，只收一個價錢而店主仲送左個小食俾我試由於之後要返工，只係試左兩種茶咋，下次要試到茶醉先走!鬧市之中可以悠然品茗又就腳，…Read More

因為今日同老師聚餐，所以上網揀咗呢間餐廳，睇相覺得環境唔錯， 可以飲茶傾下偈又坐得舒服。另外係isquare 31樓，心理上都覺得好似正啲😂( 不過大家記住預留啲時間等𨋢，因為星期日都真係頗多人)我哋揀咗個任食點心嘅優惠午餐,$250已經包埋茶位㗎啦，另外再計加一。一坐低就畀咗兩兜蝦片，不過係要計錢㗎，但就好大兜同埋都好脆口嘅牛肉球正常發揮黑松露蛋白素粉粿好食，有淡淡松露香味:)話梅石榴 我哋食得最多係呢個，好開胃開完胃之後繼續食蝦餃黎講就啲皮厚咗少少另外黑蒜蟹肉莧菜餃 ，上面真係擺咗一瓣黑蒜頭， 蟹肉味道出，所以唔錯蘿蔔糕冇乜特別， 都係比較多粉鮮果咕嚕肉 我淨係食咗菠蘿，因為我唔鍾意食咕嚕肉，但菠蘿就係菠蘿味叉燒腸個腸粉皮都可以 但叉燒略嫌有啲乾薑汁菊花糕 無桂花糕咁香，但有好細粒薑粒喺裏面，都頗清新:)麥糖脆芋絲唔錯，花生夠脆，但未會話超好食， 當然任食可以一試啦:)燒賣上面有啲櫻花蝦，好似好特別咁，但其實味道唔算太大驚喜整體嚟講以咁嘅價錢，咁嘅地理位置，呢個質素嘅點心算係唔錯，所以下次有聚餐又想傾計，又坐得舒服，我都會揀呢間…Read More