slothncat的个人专页

今晚黎左間位於山林道嘅多國料理餐廳。食完覺得值得推薦同再訪🌟首先嗌左生蠔開下胃先，店員推薦左西非野生蠔同愛爾蘭Schaller 比我地🦪 叫我地食左Schaller先，因為海水味較淡。外型偏圓而飽滿，蠔味鮮甜👍🏻 西非野生蠔就較巨型厚身，鮮甜不會過淡😋😋鵝肝多士鵝肝煎完香氣十足，口感油潤，入口即溶。淋上甜甜地嘅醬汁同配搭埋多士，中和左鵝肝嘅油膩感～～燒牛舌心串肉質幼嫩而有彈性，so juicy🌟鐵板沙巴大虎蝦大大隻，肉質爽口😚個蝦頭仲好肥美！ 好多好濃嘅蝦膏～～美國prime牛小排牛小排嗌左5成熟，鮮嫩多汁，而且無筋，彈彈肉阿😽 一塊牛小排配搭一塊炸蒜片，正😋😋 點少得飲返杯🍻朋友嗌左Guinness 黑啤生啤，我就嗌左杯cocktail - Deep sea (Wine, Grape juice, bufferfly pea & Soda) …查看更多

放工約左朋友食烤魚，見到店舖裝修得好靚仔，唔講以為係cafe🤭 係行文青路線嘅烤魚店，坐得好舒服～～除左烤魚，仲有雞煲、酸菜魚、串燒等，好多選擇。第一次緊係試下佢嘅主打正宗巴蜀烤魚先～ 有8種不同口味，十五十六唔知揀咩好🤣最後我地就揀左麻辣味 — 骨少肉嫩嘅鱸魚🐟 辣度揀左少辣，唔太辣，食得辣嘅可以揀中辣/大辣🤭烤魚上爐前炸過，所以特別香口惹味～魚肉厚身、好滑同啖啖肉😋😋😋 好大條，2個人食晒都好飽，大食嘅朋友仲有大把配料打邊爐～嗌多左份寛粉，索埋啲湯汁非常入味！仲要好煙韌同好滑，必嗌🌟食烤魚點少得野飲～嗌左自家製水果茶 — 英式伯爵同鳳梨茉莉，解渴又解辣😛下次會想試下酸菜味嘅烤魚！應該都會好好味🤤…查看更多

餐廳裝修模仿韓國布帳馬車同路邊攤✨氛圍適合一大班朋友放工後飲返杯，放鬆一下～～懷舊烤五花肉💰152五花肉肥瘦比例剛好，有嚼勁。用生菜包住五花肉，加埋蒜同泡菜，再點燒肉醬～perfect✨卜卜脆炒豬脆骨拼拳頭飯💰142炒豬脆骨係韓國下酒菜代表😚 辣辣的愈咬愈香、愈食愈過癮～～覺得太辣就配埋用芝麻海苔搓成嘅拳頭飯👍🏻街頭魚糕串串（M)💰146個人比較情有獨鍾魚糕湯，所以係我必點之一😚 就算夏天都要飲返啖熱辣辣嘅湯😆 魚糕QQ，白蘿蔔好腍好入味。醬油炸雞（半份）💰158呢個十分推薦🌟🌟🌟炸到脆卜卜之後均勻淋上醬油，上碟🤭炸雞勁入味阿😋外皮微脆，入面肉質juicy ，重點係食晒都唔膩👍🏻👍🏻有埋即棄手套就唔怕整污糟隻手啦😎熱帶雨林💰68夏日的風💰68食韓國野唔少得飲返幾杯燒酒，唔太飲得嘅朋友仔可以揀cocktail🍹清新易入口。…查看更多

雖然天氣熱，但嘆住冷氣打邊爐係另一種享受🤣 今日同朋友行沙田揀左牛摩，價錢親民，環境又乾淨舒適～我地平平地揀左特選美國牛肩胛90分鐘放題，牛摩其中特別之處就係可以一人一鍋，可以揀自己中意嘅湯底；我地嗌左昆布鰹魚清湯同關東風壽喜燒。昆布鰹魚清湯有淡淡既昆布味，加埋微微既鰹魚清甜味，清淡得黎又唔會蓋過哂啲食材味。壽喜燒湯底完全不會太鹹，係偏甜的日式醬油的口味～ 附贈生雞蛋🥚肉類就有豬牛雞羊任點，但我地平時唔食羊所以無叫。肉類既質素絕對唔差，尤其係牛肩肉，叫完一碟又一碟，每碟既份量都唔少😆 沾上蛋液口感更加滑嫩🫢大路既配料都有，瓜、菜、丸類、烏冬、拉麵，仲有就係最中意既蕎麥麵😍如果想食飯，仲可以點佢個個牛摩+飯，都值得一試～兩個人食量唔大，食左兩三輪都開始停哂手，咁就試下甜品，有泡芙、和菓子、朱古力布朗尼、雞蛋布丁，賣相同味道都不過不失😋黎到最後環節，擠雪糕！…查看更多

放工約朋友撐枱腳，揀左兆萬對面嘅日本料理。餐廳從裝潢到味道都不馬虎，掛滿燈籠、旗幟同風鈴，就有如身在日本🇯🇵菜單選項很多，壽司刺身、丼飯、燒物任君選擇～刺身拼盤（松）💰248拼盤包括赤蝦（2隻）、吞拿魚（3片）、三文魚腩（3片）、油甘魚（3片）、海膽（半板）。刺身新鮮沒有魚腥味，加上入口即化～ 海膽相當鮮甜😋😋 果然無嗌錯hehe和風炸雞💰58呢個我好中意🤣 岩岩炸起熱辣辣，皮脆又唔油膩，肉質好嫩滑！有埋沙律醬更加好味🤤雜錦天婦羅💰68外面只用了薄薄一層麵衣，所以唔會好油。沾上天婦羅醬汁另一種層次。月見免治雞肉棒串💰38食落口感豐富，雞肉軟綿又可以食到粒粒雞軟骨。點埋日本生蛋黃更加順滑🫢A5和牛串燒💰58和牛燒到好靚好香，肉質嫩滑有彈性，入口十分juicy。蟹籽海膽炒飯💰128將蟹籽同海膽平均撈勻，令每一啖都食到2者嘅鮮味，炒飯粒粒分明，好惹味好滿足🤤另外值得一提嘅係店員好友善，會推介菜式比我地😆…查看更多

閒日放工約朋友聚聚，揀左間位於旺角新開嘅串燒店😚入到去坐低，店員就會分別𢳂辣椒粉同孜然粉落隻兜度🫢 同埋點著蠟燭for保溫👀冬天咁就唔怕串燒好快攤凍左😝Scan個 QR Code就可以落單！肉類嗌左牛肉串、雞翼同雞軟骨，黎到香氣十足，燒完入面保有肉汁。海鮮類嗌左烤生蠔、烤扇貝、海中蝦同烤魷魚。蠔同扇貝都放左好多蒜，又香又鮮味，扇貝上嘅粉絲吸收晒精華，好入味。烤茄子必食🌟 大量蔥蒜，仲落左菜脯，非常惹味！要有定口臭嘅心理準備🤣一口甜薯同烤菠蘿燒過後更甜。唔少得碳水化合物——炸饅頭🫢 落埋煉奶好難會唔好食🤪椒鹽魷魚鬚熱辣辣，好脆身。錫紙卜卜蜆鮮甜，無沙無壞～配埋汽水、啤酒，爽～～食到個嘴污糟晒都唔怕阿🫢每枱都吊住左包紙巾，貼心之餘又過癮。…查看更多

行完旺角搵左間樓上cafe坐下，去完打破左我對樓上cafe嘅印象😂 因為去親嘅食物質素都麻麻🤔 定係我咁唔好彩呢？餐廳座位寬敞，真係超好坐同坐得舒服。另外，仲提供board game ，可以同朋友慢慢玩～～黑松露帶子鮮菌燴意大利飯💰122飯粒口感軟硬度適中，吸收香濃松露奶油醬汁☺️ 用左珍珠帶子，反而啖啖食到～墨西哥香辣肉丸燴意粉💰108意粉應該落左茄汁同辣汁，唔會太辣，酸酸甜甜，少少辣，相當開胃😋（一口接一口🤣）配搭彈牙肉丸。估唔到呢個意粉有驚喜～所有套餐贈送💰38飲品一杯（超過可補差額）😻😻星星（蜜桃鮮打沙冰）+💰14朱古力奶昔+💰202杯野飲都唔錯！唔會太甜，仲可以打卡😊😊 成座山咁高hehe日式餃子💰46微微黃金，口感酥脆。淋左大阪燒醬同沙律醬，令餃子更好味🤓另外，套餐仲可加💰38加埋salad + cake😉 我地一個餐加左沙律同New York cheese cake😛 大滿足～～暫時唯一會再encore嘅樓下cafe🫢…查看更多

放工相約朋友係尖沙咀食個飯，行過見到門口menu幾多選擇就決左試下～～發現餐廳仲有室外座位，如果日頭坐出面好似幾正咁😆食物種類非常多，可以滿足不同顧客的需要。分別有丼飯、扒類、沙律、意粉、pizza同不同小食，仲有漢堡同甜品可以選擇😻 蟹肉靜岡大葉手打闊意粉💰128好中意呢個意粉嘅質感，口感煙韌同好有蛋香～ 入面仲有好多蟹肉同芝士碎，掛滿意粉上，推薦嗌呢個👍🏻 好食！和牛藍芝士薄餅(9”)💰128Pizza可以嗌9吋或12吋，2個人9吋就夠了。因為用左藍芝士，所以一上菜就聞到濃濃嘅味道🤣 並不討好，但食落又唔錯喎🤭個pizza皮屬於煙韌果隻，不會太乾～凍靜岡抹茶拿鐵💰42凍靜岡草莓拿鐵💰422杯都唔會太甜同偏奶味重，飲果陣記得攪勻先飲😆另外睇到餐廳個名會以為食素😂 睇到五要，素食堂，其實係五要素，食堂🤭…查看更多

同朋友行過利舞臺，記得幾年前食過呢間餐廳，對佢嘅炸雞印象唔錯，今次二訪試下其他菜式😽入去拎起餐牌有好多選擇，眼花撩亂😆諗左一輪決定揀一樣邪惡、一樣清淡嘅(≧▽≦)招牌甜辣芝士無骨烤雞💰205賣相非常吸引！！滿滿嘅芝士😽夾起雞肉時會形成拉絲效果～～雖然卡路里爆棚，但真係好好食😋甜辣烤雞唔會太辣，唔食得辣嘅都接受到，雞肉無骨又嫩滑。入面仲有年糕同芝士獅子狗，份量非常多！仲有酸蘿蔔可以解膩，見到牆上poster先知係用紅菜頭汁醃製而成。韓式魚片湯💰175宜家開始轉季，會想食啲熱辣辣嘅野～魚片湯係唔錯嘅選擇！有得食之餘又有得飲啖暖湯☺️ 呢度湯唔會落得太多胡椒粉，鹹度岩岩好～～ 份量同材料都好豐富，魚糕同蘿蔔吸收晒湯嘅鮮味！…查看更多

我諗大家對金鳳都唔陌生，一聽到就知係港式扒房😙 平時經過好多人等位，可以係GULU 度拎定飛，咁就唔洗等咁耐😆 但今次好彩放工8點唔洗等位就可以入去了～Menu 唔只有扒類，仲有其他沙律、意粉&飯類嘅選擇～ 仲有個每月特選晚餐menu，同普通套餐相比多左沙律同雪糕，覺得幾抵咁，於是order左呢個同西冷牛扒餐🤭嗌完野食好快就上左餐湯同餐包，個餐包熱辣辣同好軟熟。要趁個包仲熱就塞舊牛油🧈入去😂西冷牛扒餐💰133牛扒嗌左七成熟，黎到淋上自選的蒜蓉汁，「咋咋」聲～～口感非常軟腍，肉汁豐富！好好味😋 下次試下嗌五成熟先🤣每月特選晚餐menu ——西冷牛扒拼北海道帶子💰178都係嗌左七成熟～～ 帶子2粒都幾大粒，入口爽口彈牙😆 多左2粒帶子賣相更吸引！ 啲薯條吸收晒肉汁同蒜蓉汁嘅精華，想食多幾條😂 唔夠喉阿～～～食完仲有個雲尼拿雪糕，飲品又大大杯，捧住肥肚走🤭…查看更多

就算夏天都會想嘆住冷氣食下雞煲😝 （食極唔厭）唔知你地又會唔會？ 食完雞煲加入上湯就可以打邊爐啦～～～一舉兩得🤭今次去左為人熟悉嘅18樓雞煲♪( ´θ｀)ノ 考慮到雞煲嘅份量都多同埋有好多配料選擇，所以最後同朋友揀左套餐A，包括有雪花肥牛同特級肥牛。入座前，店員會叫你選擇雞煲辣度，我地就嗌左微辣😂 入面環境闊落，坐得幾舒服～ 配料可以掃QR code落單，而醬料、飲品、蔬菜同雪糕就要自己出去拎😎雞煲嘅雞件索晒啲醬汁，非常惹味👍🏻 👍🏻 份量以2個人黎講好足夠～ 食到咁上下就開始打邊爐啦😚 第一時間緊係嗌打邊爐必食嘅肥牛🤣 切得好簿所以好快就食得！海中蝦同脆鯇都好新鮮同好鮮甜～飲品好多選擇，覺得最好就係佢有支裝嘅茶，可以幫助消化再繼續食😹食飽仲可以出去擠雪糕食，以甜品作結尾(⁎⁍̴̛ᴗ⁍̴̛⁎)2個鐘任食絕對夠晒時間慢慢食，一邊食一邊傾🤓 好抵食又多選擇，CP值極高👍🏻…查看更多

難得黎到大西北😹 去浩和街之前食飽飽先出發😝 搵左間cafe，有2間分店～～最後揀左有戶外座位呢間。餐廳環境舒適，採用自助點餐形式，所以免加一。食物款式不多，但咖啡就任君選擇～ 意粉份量多而且價錢唔貴，沙律都好有誠意。杯朱古力係粉紅色㗎👀 而抹茶好香濃，好飲👍🏻黑松露雜菌意粉💰70雞胸凱撒沙律💰68煙鴨胸沙律💰72挪威三文魚沙律💰80朱古力(hot)💰34宇治小山圓鮮奶抹茶(hot)💰37鮮奶咖啡(hot)💰34BYOB招牌冰咖啡💰34…查看更多

#添飲咖啡館 週末黎個粉嶺半日遊❣️ Plan左去完坪洋壁畫村就搵間cafe嘆下😽餐廳只接受whatsapp預約🌟分別有3個時段可以揀，早一星期就預約左15:30-18:00嘅時段(≧▽≦)餐廳位於粉嶺前裁判法院內，係一間白色嘅屋仔，好適合打卡📸 環境清幽且坐得舒適。餐廳中間仲擺放左一啲本地農產、本地手作，有興趣可以睇睇～吉列「未來」肉漢堡配薯條💰128未來肉用左豌豆、紅菜頭同椰子油製成，所以素食人士都岩食👍🏻 中間仲夾住青瓜絲同燒烤醬製成嘅新豬肉絲，食落又幾真！！ 味道唔錯😋香檸胡椒加拿大豬扒💰128豬扒好厚身，外皮微微焦香，肉質juicy～羽衣甘藍好新鮮！ 配埋泰式酸辣汁好開胃。龍眼拿鐵💰48見幾特別就嗌左黎試下，起初飲黎飲去都唔覺有龍眼味，反而飲到桂花香。傻到以為真係用龍眼整🤣 原來係用龍眼蜜——香氣來自於龍眼花的味道。相對易入口，唔飲開咖啡都接受到❣️伯爵紅茶拿鐵💰48原來餐廳不獲續約，只係做到5月尾。有啲可惜😮‍💨 如果住得近，應該會成日去打躉😹 因為又靜又可以坐得耐～…查看更多

呢幾日好熱，睇怕又到狂食凍野嘅季節☀️平時食鮮芋仙都會堂食，但因為疫情關係，外賣自取～～仲記得第一次食 #布丁Q麻糬牛奶冰 同朋友一人嗌左一個，拎先知咁鬼大個😹 職員仲比左4枝匙羹我地⋯ 仙草5號 💰45基底有仙草凍同仙草冰沙，配料就有花豆、白玉、珍珠。 仲有盒花奶仔比你😻貓仔一覺得熱氣就會借啲意嗌啲有仙草黎食/飲😼 平時野飲店啲仙草似食啫喱咁，但呢到仙草好有草藥味👍🏻另外，想知點解手工芋圓系列同滑嫩仙系列咁多都有珍珠？ 個人覺得珍珠奶茶好飲，但硬係唔中意放係糖水入面ಠ_ಠ 芋圓2號 💰45凍嘅基底係刨冰，而熱嘅基底係紅豆湯～配料有蕃薯、薏仁、珍珠，仲有主角芋圓🌟🌟 樹懶仔就嗌左熱嘅😙 芋圓煙韌，蕃薯好大舊🍠總匯八寶冰 💰68話明八寶冰緊係有8種配料😍 包括：綠豆、蓮子、薏仁、蕃薯、紅豆、花生、花豆同冬瓜凍～～～仲有雪糕同一大舊冰。口感非常豐富！！中意食豆類嘅朋友就岩你😗清涼冰品系列堂食相比外賣抵食～ 堂食真係大得好誇張😹 2個人食唔晒，而外賣2個人食就勉強食晒🤣 糖水店黎講性價比高，大大碗好抵食，食完真係好飽！！ 不過疫情前要等好耐位先食到🧐 咁就另一回事啦～～ …查看更多

我諗一芳係香港第3多嘅連鎖手搖飲品店～出街實見到佢嘅蹤影，所以成日飲😹芋頭鮮奶綠（M）💰37甜度嗌左微糖，而冰度係固定左😟 真係勁多冰⋯ 飲左幾啖就無晒🤷🏻‍♀️芋頭綿密細緻，好飲😋 完全唔夠喉阿～金峰洛神檸檬（M）💰22嗌左無糖少冰。洛神花用糖製作過，已有少少甜味～加上檸檬，酸酸甜甜，好解渴。呢杯算係幾抵飲😹…查看更多