Cathleen Leung's Profile

今日同老公喺荔枝角D 2 place 行完街就打算附近食晚餐，突然唸起朋友上次介紹的一間高質西餐廳，即刻要去試吓先！餐廳位於荔枝角億利工業中心2樓，我哋去到六點多，人流唔算多，職員好快已經安排入座！我哋叫咗兩個晚餐分別是：意大利煙豬面頰肉卡邦尼意粉🌟🌟🌟🌟🌟淡淡奶油香配上咸香豬面頰肉是絕配，意粉軟硬適中，每一啖都好彈牙爽滑，是我最喜歡的口感！ 燒波士頓龍蝦意大利飯🌟🌟🌟🌟🌟未上枱已經聞到濃濃的海鮮香氣，龍蝦肉開邊煎香，蝦肉Q彈爽滑，非常美味！飲品：Mixedberry smoothieChocolate 飲品唔太甜，打卡好靚甜品:提拉米蘇整體而言，餐廳食物質素非常之高，職員細心有禮，而且打卡位甚多！位於工廈區，但是見客人源源不絕，這些高質素的隱細小店，下次一定會繼續支持！…Read More

今日朋友一行四人提議食酸菜魚，大陸品牌酸菜魚就食得多，來自台灣的＂築間酸菜魚＂真係第一次，是全港首家台N G式酸菜魚，位於銅鑼灣一期2樓！餐廳裝修簡約以桃紅色為主，但不失玩味，座位都算闊落！另設有自助飲品區，有陳皮洛神花茶提供👍🏻👍🏻👍🏻！人多食嘢的好處就係可以叫多幾個不同款式的菜式，每樣都試吓，我哋點咗以下食品：總長酸菜魚 小 $148
 餐廳招牌菜之一，必須要試吓！酸菜魚湯頭濃郁，酸中帶微辣，配有金針菇、酸菜、蛋絲等等配菜加上一塊塊無骨鮮滑魚片，非常惹味！海派蝦湯魚 小 $178海鮮非常足料，有大大隻蝦、青口、沙白等配上各式各樣的配菜，新鮮又好味，大愛！嘉義沙鍋魚 小 $128相對酸菜魚，這個味道較淡而且多骨，但對於愛＂損骨＂的我，絕對是不錯！而且配料豐富，有鵪鶉蛋、豆腐、黑木耳、腐竹、冬菇絲等，值得一試！另外我哋叫咗好多小食：滷肉西蘭花香菇小貢丸浪子鹹酥雞鐵漢小酥肉春日涼菜拼盤最愛鹹酥雞和小酥肉，新鮮熱辣又香口，而且每款只係數十元，又平又抵食！飲品蜂蜜檸檬水冬瓜檸檬茶暴走波奶茶甜品紅豆仙草芒果奶凍整體餐廳食物質素不錯，職員都細心有禮，又會介紹餐廳王牌菜式！最欣賞係主菜魚的款式，都設有大中小不同價錢，就算一個人去食都冇問題，值得推介給大家🤗！…Read More

今日同老公喺旺角附近睇完戲，就去咗信和附近的旺角新城覓食，全楝都係食肆，最後我哋揀咗一間特色居酒屋～八居酒屋試吓！餐廳木系裝修風格，空間挺大，環境舒服，我哋被安排入坐卡位，坐得更舒適！餐廳採用QR code點餐，方便又快捷！我哋點咗：燒銀鱈魚乾 $38香煎日本餃子（4隻） $38日本和牛炒飯 $168三文魚（3切） $48雙重芝士厚鰻卷（4件） $72金龍卷（6件） $75日式唐揚炸雞（3件） $38吉列炸蝦（3件） $38 三文魚刺身非常肥美，鮮味十足，金龍卷入邊是我最愛的炸蝦，配上千島醬牛油果，健康又美味！炸雞和炸蝦上枱時都是熱辣辣有點燙口，新鮮即炸，正呀！另外，日本和牛炒飯，有好多配料，包括雞蛋、洋蔥、紅蘿蔔粒、和牛粒，而且炒得粒粒分明，好味！整體餐廳質素不錯，服務員都細心有禮，又勤加茶，下次會再來幫襯！…Read More

今日同老公喺尖沙咀試咗一間唔錯的烤肉店～西塔老太太，餐廳位於尖沙咀科學館道新文華中心地下，尖沙咀地鐵站B出囗，步行8分鐘便達，非常方便！我哋叫咗一個二至三人餐$698，包括：老太太特色肥牛老太太特色瘦牛燒汁橫膈膜雪花肋條厚切豬五花錫紙金針菇芝士粟米每款牛肉都好嫩滑，加上醬汁配搭起來非常惹味！肥牛、瘦牛台山牛味濃，配上生菜、蒜片、醬料，真的令人回味無窮！另外厚切豬五花，看似肥美，但經爐火燒過後，變得又脆又香，爽口又彈牙，有驚喜！另外配菜有生菜、自家醃製的蘿蔔、青瓜和生菜沙律和芝士粟米粒，都美常美味！整體餐廳的座位寬敞闊落，坐得非常舒服！食物新鮮，烤肉肉質有水準，侍應態度親切又勤加水，怪不得能夠成為近期最火的烤肉店，下次會再來幫襯！…Read More

今晚路過佐敦，發現一間新開的火鍋店，門面光鮮企理，即刻同老公入去試吓先！我哋叫咗以下食物：手切安格斯牛肉安格斯牛肉是每日限定的，售完即止！牛肉油脂分布均勻，入口即化，牛味濃，必須推介！加上豬骨湯底，有冬瓜片、紅棗、杞子，湯頭非常濃郁惹味！黑松露墨魚丸第一次食黑松露＇墨魚丸，手打墨魚丸爽滑彈牙，同黑松露味非常夾，我和老公都大愛😍韭菜餃～一份有六隻，飽滿又大隻，兩個人食剛剛好！竹串蝦～蝦夠大隻又鮮甜，火鍋必點之一！白鱔片～好少火鍋有鱔片食，而且非常新鮮又爽又滑，份量都足夠！炸響鈴鮮腐竹雜菜拼盤整體餐廳食物質素不錯，賣相精緻，座位都闊落，職員服務態度良好，性價比高，而且很近佐敦地鐵站C出口，下次會再來幫襯！…Read More

今日同朋友喺荔枝角香工shopping完之後，落咗地庫覓食，朋友想食韓國嘢，正正有間＂大尚宮＂食韓式食物，我哋就決定試吓啦！我哋叫咗以下食物：部隊鍋 🍲雖然鍋底細細，但材料好豐富，有豆腐丶金菇菜、芝士腸、午餐肉、泡菜、還有大量五花腩南，湯底吸收咗泡菜濃濃香辣味，好正呀！五花腩肉肥瘦適中，又香又滑，果然是部隊鍋的靈魂食物！紫菜包飯🍣第一啖咬落去非常有驚喜，有首爾街頭小店的風味，配料有豬肉有醃菜有肉鬆，同普通日式壽司截然不同的味道，口感更加豐富，大家必定要試吓！冰花煎餃子🥟餃子新鮮即煎，上枱還熱辣辣，有點熨口，冰花煎得靚，入邊係粟米豬肉餡，味道不錯！整體來說，餐廳食物多樣化，而且價廉物美，有地道韓式風味，值得推介！…Read More

每次經過尖沙咀宜昌街的「六両三」門口都有排隊的人龍 ，今日我和老公特地早少少來到，幸運地等咗5分鐘就有位！我們點了以下食物：🍲蕃茄滷蛋牛肉麵配百頁豆腐～蕃茄湯頭好濃郁，牛肉又爽滑，滷水蛋好入味，麵底彈牙，有少少似烏冬的口感！另外加$ 8就有半份百頁豆腐，醬汁少少甜味，豆腐質感好特別，有少少魚肉／魚蛋的質地，我覺得挺好味！🍜麻辣牛腱牛筋條麵加糖心蛋～原以為牛筋條有少少韌，但咬落去出奇地軟淋，牛味好濃！牛腱肥瘦適中，麻辣的辣度也不會太辣，對我來說剛剛好，加上我最愛的溏心蛋，簡直大滿足😋紅燒手打牛筋丸湯牛丸是台灣製造直送香港，而且選用澳洲和牛打造成，牛脂肉汁爽爆而且非常彈牙 ，加上濃濃的上湯，個人認為非常好味，值得推薦給大家！燙青菜➕滷肉冬瓜茶、檸檬冬瓜茶閨蜜趟雪山荔液滿白峰滿滿的台灣味道，疫情後都未飛過台灣，這間店卻能滿足你思念台灣的味蕾，尤其賣相非常精緻的甜品，有竽丸、仙草、桂花香，尤如置身九份山上！聞說這間店是台灣人主理的，所以才能做出地地道道的台灣味，食物、甜品都十分出色，下次一定會再來！…Read More

聞說油麻地附近有一間美味的越南餐廳，今日和老公特登去試吓！餐廳位於商業大廈的2樓，距離油麻地地鐵站C出口只有1分鐘路程，旺中帶靜！今晚去到餐廳差不多接近七點半，雖然是平日，但已經有10數人在排隊，幸好等了10分鐘就已經可以入座！餐廳採用自助掃code落單，方便快捷，我們點了以下食物：烤豬肉湯河河粉湯頭濃郁，濃而不咸，而且有好多配菜，金不換、芽菜、洋蔥、蔥花等，另外烤肉是分開上的，湯和肉的味道層次分明，好味！烤豬肉撈檬粉檬粉湯汁酸酸甜甜的，非常開胃，而且配料非常多：有酸甜蘿蔔絲、生菜絲、碎花生等，配上香軟的烤豬肉，肉汁烤得juicy又不會太乾身，正！米紙蝦卷雖然是小食，但非常大件，卷皮柔軟又彈牙，每件都包裹著大蝦、米粉、生菜絲、蘿蔔絲、扎肉，非常足料👍🏻點埋佢自家製花生醬料非常好味！烤豬肉法包沒有想過豬肉和法包如此夾，法包烤到微香脆熱，而且包著生菜絲、豬肉、青瓜等配料，非常健康有營！芒果沙冰咸檸汽水咸檸水有兒時的味道，醒胃解濟，是我必點的飲品之一！整體餐廳食物質素不錯，而且價廉物美，絕對性價比高，但今日想吃的雞絲河粉早早售罄，另外平日沒有供應的蔬菜燉牛腩亦都好想試，只好下次星期六或日再來方顧！…Read More

今日同老公都放假，訓到自然醒，老公提議到鯉魚門行吓，又可以食埋海鮮😍😍😍我當然舉腳贊成啦！我哋今次去咗龍門海鮮酒家，樓下有檔「一樂也」海鮮，揀好海鮮就入去洒家等食就得㗎啦！油焗奄仔蟹🦀️這是侍應姐姐介紹的煑法，跟鹽焗是不一樣的！油焗更香口，更能帶出蟹的鮮甜美，但一點也不會覺得油膩！海鮮檔哥哥幫我揀咗隻蟹又大又爆曬糕，非常滿意！連一向不太愛吃蟹的老公（他喜歡吃但嫌麻煩）也讚不絕口，又多肉又鮮又香！炸蠔🦪炸漿好薄、好香又脆， 鮮蠔肥美又juicy，非常好味清蒸海斑海斑肉質非常嫰滑，配上芫荽蔥花，人間美食！而且火候剛剛好，如此高品質的控制，在家裏很難做到！椒絲腐乳通菜腐乳配通菜，炒得翠翠綠綠，又係冇得輸，正呀！甜酸咕嚕肉酸酸甜甜，菠蘿青椒，啖啖肉，懶人最愛！酒家冷氣非常充足，每張枱有一定的距離，坐得非常舒服！侍應姐姐會建議每種海鮮的造法，又勤加茶，非常細心，讚！今天同老公來，未能品嚐其他海鮮的鮮味，下次會和多些朋友再來幫襯！😋😋😋…Read More

今日喺長沙灣做完嘢，就同老公喺附近覓食，竟然喺昌華街搵到一間高質的燒烤店！店舖以日系裝修，有鐵板吧枱位和普通座位，職員安排我們座四人座位，座位舒服又闊落！我哋叫左鐵板二人餐：沙律前菜，酸酸甜甜非常開胃是日精選刺身四款，職員有介紹由淡至濃味品嘗，魚生非常新鮮，鮮味十足！燒鮑魚鮑魚好大隻，而且廚師火候燒得剛好，鮑魚又爽滑又彈牙，老公讚不絕口！燒龍蝦賣相非常之靚，廚師把龍蝦肉起好，咬落去啖啖肉，配上原汁原味龍蝦膏，簡直是人間美食！鵝肝多士鵝肝入口即溶配上脆脆多士，冇得輸！牛肉薄燒牛肉燒到好嫰好滑，完全不會柴，配上我最愛的葱花粒，啖啖牛油香味，大愛👍🏻炒飯味噌湯炒飯粒粒分明，配上雞蛋、櫻花蝦、蔥花粒等配料，香而不膩！炒野菜整體來說，餐廳食物質素非常高，而且職員非常細心，勤加茶之餘，食物上台速度控制得非常好！每款食物都好精緻和美味，下次一定會再回來先光顧！…Read More

今日同朋友去咗尖沙咀厚福街大樹燒烤食串燒，非常惹味，推薦給大家！餐廳位於厚福街8號H 8 的12樓，距離B2地鐵站，只是4分鐘路程，非常方便！串燒食物款式十分之多，有肉類、丸類、海鮮類、素類，仲有鍋鍋燒！我們二人叫了以下食物：即開即燒大生蠔🦪🌟🌟🌟🌟🌟～呢個燒蠔滿分，超好味！蠔又大又飽滿，配埋蒜蓉牛油燒，人間美食，我連蠔汁都舔埋大扇貝🌟🌟🌟🌟🌟～一樣係蒜蓉牛油配味，鮮味無比，最重要係新鮮、熱辣辣燒出來，食到唔停得口！大樹燒活蝦🦐🌟🌟🌟🌟🌟～蝦算大隻，一份有三隻，而且燒到剛剛好，鎖到肉汁，不會乾，好味！鮮烤白鱔🌟🌟🌟🌟🌟～一串有兩件，鱔肉燒到外脆內軟，外皮微焦香，火候控制得十分之好！新鮮魷魚鬚🌟🌟🌟🌟～一份3串，魷魚爽口彈牙，每人三串都太少，要encore ，因為太好味了！金菇肥牛卷🌟🌟🌟🌟～鎖到肥牛肉汁，牛味濃大大大茄子🍆～呢個茄子真係好大份，配上好多蒜蓉辣椒絲，未上枱已經香氣撲鼻，而且茄子燒到一絲一絲，連皮都燒到少少焦脆，太美味了！爆漿芝士丸🌟🌟🌟🌟燒韭菜🌟🌟🌟🌟燒冬菇🌟🌟🌟秘製燒豬頸肉🌟🌟🌟🌟燒雞中亦🌟🌟🌟🌟手打鴨屎香茶🌟🌟🌟🌟芒果冰🌟🌟🌟🌟🌟整體餐廳乾淨企理，海鮮食物是非常新鮮的，服務員也細心有禮，下次會再來幫襯！…Read More

今早剛剛落機，瞓醒一覺後，好掛住杯奶茶，又好想食點心，即刻在OpenRice搜尋一下，＂盛意小館＂可以滿足晒我兩個願望，即刻同老公起程！餐廳位於尖沙咀漆咸道，地鐵站B出口行幾分鐘就到，非常方便！我哋叫咗以下食物：招牌蝦餃皇2粒～蝦餃皮薄，鮮蝦大隻，米芝蓮水準，一定冇得輸！沙巴鮮蝦燒賣皇2粒～燒賣上面有蟹籽，餡料好鮮，蝦和肉都好味！潮州粉果～我同老公都最鍾意食，皮薄餡靚，十分對味！韭黃鮮蝦腸粉～腸粉皮軟綿綿，蝦仁大隻又新鮮，配上韭黃味道，清新又滋味！椒鹽脆皮魷魚鬚～魷魚炸到好酥香，熱辣辣還有點燙口，睇得出新鮮即做，讚！叉燒包～經典必吃蒜香蒸海蝦籠仔飯～呢個飯真係超香，未上枱已經聞到陣陣荷葉香味，荷葉飯上有開邊蝦、菜、蒜香粉絲，配上甜豉油，真係非常正，大愛！經典蘿蔔絲酥～外脆內軟，入邊係一絲絲的蘿蔔絲，又係新鮮即炸，但一點也不油膩，十分可口！凍奶茶～茶底有茶餐廳嘅水準，絕對值得一試！整體餐廳質素比我預期更好，標榜米芝蓮師傅製作，點心絕對沒有令人失望！店內卡位、圓枱都有，座位闊落，十分舒適！除了點心，還有粥粉麵和小炒，下次必來再試其他美食！…Read More

今日同朋友出旺角行完街，朋友提議食雞煲，我哋就去咗創興廣場嘅18樓雞煲火鍋專門店！店內是懷舊風裝修，有好多霓虹燈光，卡位甚多，地方非常大！由於時間尚早，未夠六點，唔係好肚餓，所以我哋揀咗套餐A餐$128，特級肥牛+任食火鍋配料!餐廳採用QR code自助落單，非常方便！主角雞煲，好快就上枱，我哋揀咗微辣！雞件份量大概半隻，兩個人食剛剛好！雞肉都好鮮味，配料有洋蔥、芫荽等，味道十分濃郁！食到咁上下，就開始加清湯打邊爐，火鍋配料十分多，有雪花肥牛、特級肥牛、沙白、新鮮海蝦、各式各樣的丸類、脆卜卜的炸魚皮、萵筍、蓮藕片等等，基本上想吃的火鍋配料都有，十分豐富！個人最喜愛是炸響鈴和鱔片，響鈴好鬆好脆，而鱔片就非常爽滑新鮮，完全不會有腥味！另外，蔬菜和飲品都是在自助區任取的，款式非常多而且多樣化！整體餐廳質素不錯，而且性價比高，卡位坐得很舒服，地方較大不會逼夾，怪不得我們買單的時候，全場已經坐滿，這個價錢絕對超值！…Read More

今日同老公去咗旺角一家高質樓上咖啡店～茶聊，餐廳提供了一個令人愉悅的午餐體驗！我們點了一份午餐set～黑松露野芝士薄餅，長方形的薄餅邊皮烤到十分酥脆，餅底上的芝士非常多，黑松露份量也多，香味濃郁，味道超好，未上枱以已經聞到陣陣香味，配餐的黑松露忌廉湯也十分濃郁美味。自家製蝦醬櫻花蝦雞翼非常入味，令人食指大動，賣相十分漂亮！趣脆果仁朱古力牛油酥配雪糕，一層一層的牛油酥酥香可口，朱古力醬更是滿瀉美味，仲有雲呢拿味雪糕球和不同的果仁，口感非常豐富！凍超級水果茶以青檸、檸檬、士多啤梨、菠蘿、蘋果、西瓜、百香果和蜜瓜等多種水果混合而成，清涼又爽口。熊仔牛奶咖啡非常香滑，熊仔裝飾也很可愛，非常適合女士拍照打卡。餐廳的男服務員細心有禮，提供了良好的服務，食物品質也很高。整體而言，餐廳食物質素高又美味，價錢大眾化，下次會再來！…Read More

今日同老公到土瓜灣辦點事情，卻突然落起大雨來，匆匆忙忙入左一間餐廳避雨和午餐！ 我哋入咗一間Pizza店～薄餅怪獸，食落幾有驚喜，好啱我同老公嘅口味👍🏻😋餐廳用QR code落單，非常方便！我哋叫咗個二人套餐，有下列食物：千島海鮮厚批～雖然我哋選擇了厚批，但餅皮入口好鬆軟，一點也不靭 ，而且上面鋪滿海鮮，有墨魚、蜆肉、蟹柳、蔬菜粒，還可以自由選擇多沙律醬，口感好豐富又有層次，超讚啊意大利海鮮焗意粉～原來和海鮮薄餅配料十分相似，但有更多新鮮的八爪魚粒，我和老公都是海鮮控，所以非常享受😋，而且掃code落單時，可以選擇多或少意粉，十分人性化👍🏻👍🏻檸檬烤雞兩件～這個烤雞是最驚喜的，雞皮烤到微微焦香，脆度剛剛好，鮮雞肉質嫩滑，配上檸檬汁，酸酸甜甜，非常開胃，而且一點也不會覺得油膩！青檸梳打凍奶茶是日餐湯～羅宋湯呢個套餐真的非常豐富，埋單只係二佰多，性價比非常高！亂打亂撞入咗間美味的餐廳，我同老公都非常滿意，下次一定會再來光顧！…Read More