fnd1505's Profile

自從老婆吃過外母外賣回來的蛇羹同糯米飯後, 不定時就喊著要吃.今天, 就去吃吧.星期六晚上六時左右, 店內人客滿滿的擠得水洩不通. 勉強係角落搵到位坐.坐底咗下一步當然就係叫嘢食, 心中一早已經有答案.先嚟一碗蛇羹 (大) $60, 跟住加個生炒臘味糯米飯 $15, 最後要多碟椒鹽蛇碌 $120蛇羹, 不消數秒就有得食, auntie 亦都很識做, 主動攞多隻碗仔比我哋 share.而且枱面啲薄脆無哂, 拿拿林又即刻加番滿, 一讚.講番碗蛇羹, 用料十分充足, 蛇肉多又大舊, 而且唔會過稠過稀. Very Good.生炒臘味糯米飯, 今次(相比外母外賣那一碗)就失手了一點,就是炒燶了少少, 有丁丁黑色的焦, 但味道沒有影響, 一樣好味道.臘味料足, 糯米乾身煙韌, 最重要坊間已經好少有生炒了.椒鹽蛇碌, 總共有八件, 每件都大大舊.這是第一次食蛇肉 (除了蛇羹內的蛇肉), 口感好特別, 蛇肉肉質好煙韌, 好有咬口 (但並不是鞋), 唔痴牙.感覺好似食緊椒鹽豬扒, 但絕對不是豬肉的那種鬆軟口感.另外, 每件蛇碌都有一排排的蛇骨, 幼幼的 (好似食緊鯇魚腩啲魚骨咁樣).其次有兩三件會有類似食田雞胸的背脊骨.總括嚟講, 蛇肉係一種頗特別的肉質, 同平時食開的其他肉類並唔似.埋單 $195, 雖然倆口子只吃了三款嘢, 但十分滿足.…Read More

終於有機會品嚐 CWB 的人氣拉麵店,帶著一棵沒有太大期望的心去一試, 感覺應該會比較好一點.星期六中午一點正去到, 已經見到為數十多人的人龍了,與老婆商議一下, 既然來了, 就排隊試一試,心想應該廿分鐘都有位, 結果剛剛一個 double, 一點八才可入座.店內十分袖珍, 沒有什麼的裝潢, 八個bar位及唯一一張四人枱.我要了太極 $89, 而老婆要了魂 $79 (加價了, 之前 $69)兩碗的湯底都選了濃及麵質要了硬.大約過了十數分鐘, 兩碗拉麵都分別上枱.先試一口魂的湯底, 咦!?!? "濃"都是這個程度?再試一口太極的湯底, 因為加上了墨魚汁, 個樣好似好勁好濃味, 結果, 比魂還要弱.一碗拉麵, 對我來說, 麵條並不是主, 反而湯底係我首先考慮的一樣嘢.但好明顯, 呢碗(兩碗至啱)比唔到我要的東西給我.好在一早唔比太大/高期望, 否則呢個食評並不是"OK"而是"喊"講番碗麵, 湯底失望已經係事實, 唯有試下一樣嘢: 麵條雖然此店是選用比較幼身的麵條 (小弟鍾情粗身的), 但麵質及口感都不錯.另外因為湯底比較稠的關係, 所以湯好容易沾上麵條一齊入口. 這一點不錯, 我鍾意.跟住到塊叉燒, 厚度一般, 肉地不過肥也不太瘦, 恰到好處. 合格收貨.最後就係那半熟卵, 時間都掌握得唔錯, 完全有流心的效果, 而且有淡淡茶燻過的味道.呀, 仲有仲有, 就是那所謂的蟹膏同金箔, 蟹膏完全食唔出蟹膏味, 金箔只係令件事好似矜貴啲.老實說, 我情願你搞番好個湯底, 或者取消呢兩樣嘢收番平啲仲好同更實際.排隊 40 分鐘, 等上枱 10 分鐘, 食都係用咗 10 分鐘左右.一小時就這樣過去了.埋單 $168, 沒有加一.…Read More

月頭先同班 friend 來了一轉, 自己都估唔到咁快會再嚟 encore.是因今天去行山, 終點係屯門一帶, 而且 Xmas 食西餐一向不是 my style.於是乎做就今晚的中式海鮮聖誕晚餐.六點未夠就去到飯店門口, 見啲員工仲係度執頭執尾, 硬著頭皮入去攞位.一開始就想連海鮮都係飯店買埋, 原來佢哋係唔賣, 一定要出番去海鮮街買.Well~~~ No Problem.最後買咗三款海鮮(1) 椒鹽瀨尿蝦 $40 斤 (烹調費最少一斤起計)(2) 果皮蒸鮑魚 $40 斤 (烹調費最少一斤起計)(3) 鹽焗奄仔蟹 $64 斤 (烹調費最少一斤起計)(4) 另外加多碟明爐燒鵝 (例牌) $98, 要埋鵝脾, 另加 $10椒鹽瀨尿蝦, 買了兩隻, 上下一開二, 總共有四件.唔使多講, 外層炸到脆卜卜, 差不多連殼都可以食埋.瀨尿蝦蝦肉仍然保持鮮甜肉嫩.果皮蒸鮑魚, 買了四隻, 呢款無咩難度可言, 味道完全取決於隻鮑魚本身.唯一挑剔嘅係, 果皮就無乜果皮味囉 (唔通你想人哋比啲陳年果皮你咩, 發夢).鹽焗奄仔蟹, 買了兩隻, 左右一開二, 總共有四件.誠意推介, 鹽入味但完全不會搶走蟹本身的鮮甜. 因為係原隻鹽焗, 所以蟹羔(蟹黃)原全保留於蟹內. Yummy.食蟹身啲肉時(甚至食蟹鉗蟹腳), 除了蟹肉的鮮甜還吃到淡淡的鹽焗味 (而且食到有臘腸味).明爐燒鵝, 熱辣辣, 皮脆肉嫩, 鵝脾位啖啖肉 (比多$10都值).如果唔係太飽, 叫個'靚仔'撈埋啲燒鵝汁食, 揀值一流.如此質素, 味道, 價錢, 絕對係一餐十分滿意的聖誕餐.呀... 咁價錢即係多少?海鮮 : $470茶錢 ($8@), 花生 ($10), 烹調費 ($144), 小菜 ($108) : $306全部加埋總共 : $776…Read More

今天安排了過香港島行山, 出發前當然要醫肚想起之前有留意過呢間餐廳, 於是今天就揀你來食 lunch 啦.星期六中午接近一點來到, 因為不是 MON to FRI 的關係, 大把位.最後被知客安排坐係入啲, 玻璃窗旁的二人枱.Nice seat & view, 可以望到整座的國金, 又可以望住大會堂中間的戶外小花園.餐牌上有林林總總, 很多不同的選擇, 最後叫了:經典焗豬扒飯餐 $94, 配蘑菇忌廉湯 及 熱朱古力雖然大家都係美心集團, 我估佢唔會比番個美心快餐的焗豬飯我掛!?!?那當然唔會啦, 只看賣相, 至少都多隻蛋啦 (笑).焗豬份量同平時的差不多, 而且醬汁都十分似, 咁有咩唔同呢?第一, 芝士份量多; 第二, 豬扒大件啲兼且係厚切; 第三, 個炒飯底做得不錯, 夠乾身.當然, 因為多咗隻蛋的關係, 吉穿佢個黃用嚟撈飯, 令整個焗豬嘅味道同成件事昇華一級.炸大蝦鮮芒果沙律餐 $98, 配金必多湯 及 熱朱古力賣相一流, 味道都不錯, 只嫌沙律醬落得重手啲.有三隻大蝦, 炸粉厚度尚可接受, 而且炸得都幾好, 唔覺好油淋淋.另外想講講個金必多湯, 之前未聽過, 當然更加未飲過 (孤陋寡聞)但今次試完了, 除了湯面多了一片餅仔外, 個湯底同普通忌廉湯無咩分別 (除了顏色)老實說, 我覺得個蘑菇忌廉湯仲好味.有一樣想讚一讚, 就係個餐包, 熱辣辣, 又鬆軟, LIKE.但有另一樣要彈, 杯熱朱古力連湯都未嚟就上枱, 結果好快凍哂 (你可以話我太早落 order), DISLIKETotal 連加一 $211.2.食物質素同味道比一般的好少少, 但勝在環境搭夠, 比人好 relax 的感覺.下次如果有機會, tea time 再來會一會你.…Read More

是日去黃埔有搞作, 於是乎上嚟搵下附近有咩好嘢食.見到此店評價不錯, 就揀你啦.星期六中午兩點半左右去到, 門口已有一對情侶等位中.等了數分鐘, 已經有得入去了.店內面積不大, 只可同時容納十多名人客, 而且坐位都幾逼夾.等位時已經想好食咩, 所以一坐底就立即落單bs burger 招牌漢堡 $31, 另加煙肉 +$3, 轉埋 set 配炸薯條及汽水 +$12配以燒牛肉漢堡, 生菜, 蕃茄, 洋蔥, 酸青瓜, 芝士, 及加錢的煙肉.麵包有用鐵板'辣'過, 稍稍有脆脆的口感. 燒牛肉漢堡份量適中, 有肉汁但肉味不重.蔬菜新鮮爽口. 反而加錢的煙肉就不合格了, 煎得過火, 乾身了.炸薯條係小弟喜愛的粗身型, 炸得外脆內軟, 帶有淡淡的薯味, 而且洒上少少的香草, 令薯條本身, 不論視覺味覺都提昇了.Garden 田園 $22, 轉埋 set 配炸薯條及汽水 +$12配以燒鮮菌, 茄子, 甜椒, 生菜, 蕃茄, 洋蔥, 酸青瓜.吃了一口, 麵包比招牌漢堡用的鬆軟, 至於餡料方面, 只吃了燒鮮菌, 味道可以, 至少有菌的味道.總括來說, 價錢尚算合理, 質素及味道可以接受, 侍應服務不錯.地點如果唔係去開都叫幾唔就腳, 店內環境一般.…Read More

一年內三次到訪, 可想而知小弟對此店非常鍾愛.因為今日係平安夜, 恐怕吃閉門羹, 所以中午已經打嚟訂定枱.六點多少少到, 店內已有數枱人客了, 由知客帶去入面的四人枱.落單的時間, 又見番上次好 nice 的侍應小姐, 我哋認得佢, 但佢當然唔會認得我哋啦.首先問下黑板上寫的廚師當日推介是什麼 (日文來的, 唔識睇), 最後要了兩款鰻魚肝串燒 $38落單時, 有善的侍應小姐已經講鰻魚肝係會有甘甘地的味道.吃下時, 果然, 但那甘味不是很重, 條脷接受到.鹽燒池魚 $100本來想叫主餐牌內三款燒魚的其中之一, 既然有第四款揀, 又係廚師當日推介, 當然要試啦.燒得恰到好處, 池魚外面乾身, 魚皮肫卜卜, 內裡魚肉仲有魚汁魚油.另外要了主餐牌上的三款食物海鮮丼 $128上兩次已經想試, 但肚子空間有限, 於是今轉決定將佢放係必叫項目.平心而論, 刺身類係呢間店鋪算是比較弱的一環, 不論上次吃的刺身或今次的海鮮丼.我並不是說唔好吃, 以刺身來說, 比佢好的, 坊間亦有不少選擇以食品來說, 我建議將消費金額投資在其他食品上.宮崎南蠻炸雞 (細) $40不用多講, 都係呢句, 必叫之選.唔肥膩, 啖啖的嫩滑雞肉, 加上爆汁勁 juicy. 無得輸, 贏哂.雜錦串燒 (大) $178串燒的味道, 真係要睇下當天師傅的心情, 好明顯, 今日師傅心情應該不錯.八款不同的串燒, 燒得都十分不錯, 肉類保持到適當的嫩滑及肉汁, 蔬菜類不會燒到'乾曾曾', 仍然食到爽口的感覺.是日消費 $532, 比起去食啲咩咩 Xmas Dinner Set 更抵更好味更開心.…Read More

偷得浮生半日閒, 今日只需要番半日, 於是決定去搵老婆一齊食午餐.中午一點鬆少少去到, 因為已經打去訂了枱, 所以唔使等有得直入.此店每天都有一款是日定食, 可惜今日嗰款唔太啱我口味,唯有叫番餐牌上的 Set Lunch.老婆要了滑蛋吉列豬扒飯 $65, 而我就要了彩謄弁當 $80滑蛋吉列豬扒飯好快就有得食, 試了一口的滑蛋飯及一件吉列豬滑蛋蛋汁味濃, 而且夾埋啲洋蔥一齊食, 甜甜的, 配飯吃一流吉列豬亦都不錯, 脆脆的麵包糠被滑蛋沾上, 豬扒軟淋.至於彩謄弁當就等得耐少少, 有數件刺身, 鴨胸沙律, 豆腐, 吉列魚及蒸水蛋, 有咁多款嘢食啱哂貪心嘅我當中最好味係蒸水蛋, 滑滑的, 沒有蒸老, 內裡仲有冬菇碎同雞肉粒.一小時的 lunch time 就這樣過去了.…Read More

去完DRT, 兼且荷包出血後, 係時候醫肚.本來想去食魂, 原來SUNDAY休息, 咁就改去試舞心啦.去到登龍街, 已經見到兩條人龍, 一條排係豚王門口,另一條係對面馬路, 係正舞心門口, 心想, 咁多人, 都係走啦.但行去舞心門口望入去, 姨!?!? 好多位喎.一於勇字行頭走入去攞位, 結果... 舞心門口條龍都係豚王的. 被騙了.好, 有位坐, 叫嘢食, 我要了味噌 Miso $88, 老婆要了白 $78不消數分鐘, 兩碗拉麵就送上枱.先試一口白的豬骨湯底先, 味道清淡, 不是太濃厚的味道跟住再嘗一口味噌, 比白的稍濃, 但比起坊間其他的味噌湯底, 算是偏淡味的總括來說, 此店的湯底應該係比較清淡的那一類.跟住吃一口拉麵, 因為落單時要求硬一點, 所以麵身比較有咬口而麵條是直身幼條麵 (但未去到最幼嗰隻), 但蛋味欠奉.最後試埋雞蛋同叉燒, 雞蛋半流心, 合格之作至於塊叉燒, 肥瘦論中, 味香, 可算是整碗拉麵最出色的一樣.埋單 $166, 不收加一, 價錢尚算合理但整體質素只屬於一般的合格水平, 沒有令小弟舞心的感覺.…Read More

好耐無過海了, 更加耐無幫襯舊式上海菜館.今天約埋班潛友去會展睇DRT, 結果做就咗呢餐.五個人, 叫了四個客飯同另外三款食品虾仁炒蛋 - 數粒虾仁加上滑滑炒蛋, 最啱餸飯獅子頭 - 有兩舊, 醬汁濃, 肉味重魚香茄子 - 預咗好油淋淋, 結果當然真係好油淋淋, 只吃了少少炒三鮮 - 成日都唔知嗰三鮮係咩, 間間餐館或者次次都可以唔同, 今次得到係雞絲, 火腿, 冬菇小籠包 - 穩陣菜色, 皮薄多汁鍋貼 - 煎得都ok (再香口啲更好), 內裡都有大量肉汁豆沙鍋餅 - 炸得香脆, 不太油膩, 而且入面啲豆沙都唔係勁甜, ok連埋 $2 位茶錢, 埋單 $270, 經濟實惠, 又夠飽肚, 只係環境同衛生差咗啲.…Read More

迎接美好的一天, 當然要去食餐好啦.The Market 呢個名聽咗好耐, 但始終都未試過, 因為朋友有 PolyU Card, 有 15% OFF,而且係大半個月前又 book 到位喎, 今次終於有機會了.食物供應時間為 11:45AM - 2:45PM$448 Brunch Set, 另加一, 15% OFF 後, $425 一位另外要比訂先, $100 一位此間餐廳所提供的食物款式十分多樣化, 如果以種類計應該有近百款, 而且有不少食物係平時食自助餐好少有得食.因試過的食物太多, 不能一一詳述, 只講幾款值得一寫的.(1) 喇沙, 真是如朋友之前所說, 很出色, 味道十分好,細細碗, 唔會好飽肚, 湯底十分正, 香, 濃, 微辣少甜, 層次感十足(2) 蛇羹, 第一次係自助餐有得食, 雖然不及坊間的正宗蛇店,但味道都不錯, 而且蛇肉份量足, 還細心提供菊花及薄脆(3) 燒牛肉, 本來對此期望不大, 但我竟然想錯了, 燒得剛剛好 (五成, I like this), 內裡肉汁豐富, 而且肉味濃郁肉質又嫩滑, 我前後食了二塊, 質素仍然 keep 到, Good.(4) 燒羊架, 因為燒牛肉的出色, 另我本來無諗住試的都攞了一件來吃, 結果沒有燒牛肉的驚喜, 只是十分普通 (怕羊騷味的朋友要想想)(5) 德國香腸, 都係因為燒牛肉的關係而攞了白色及肉色香腸各一條, 味道不錯, 但十分飽肚, 絕對要同人share來吃.(6) 焗帶子, 帶子尚算鮮甜, 但那些洒係面的魚子很咸, 吃第二件的時間唯有撥走哂先食(7) 中式點心, 可以全部 ignore, 不要浪費肚皮的空間(8) 甜品, 款式真係不少, 而且最好的是每件都是細細的, 對喜歡食甜品的女士絕對係一件好事, 至於味道如何, 因為我沒有吃, 不予至評, 但跟據同行女士所說, 質素都不錯(9) 雪糕, 係 MOVENPICK, 個人鍾愛比利時朱古力味, 朱古力味重, 而且有朱古力脆片在內, I like it.(10) Sparkling Wine, 費用包埋, 任飲, 酒精含量很低, 味道清淡.總括來說, 四百多元的收費尚算可以接受, 但如收三百鬆啲更覺適合, 因為食物款式雖多, 但沒有俗稱 "回本 / 貴價" 菜, 如果以原價收費 (接近五百) 來說, 坊間會有更多的選擇.…Read More

又係柴娃娃, 一班老友去食 brunch 的日子.一個月前已經 book 好枱, serve 食物時間為 11:00AM - 2:30PMBrunch Set $508 pp, 加香檳/紅白酒 $668 ppHSBC platinum visa card 有 15% OFF頭盤可選餐湯或 Buffet Bar, 我想(小弟愚見)沒有人會選餐湯吧.Buffet Bar 食物款式並不是很多, 但每款嘅質素一啲都唔弱,對於重質不重量的我們來說, 絕對是一件好事.不續一介紹, 只講幾款(1) 生蠔, 一開始有四款選擇, 去到後期有兩款沒有再提供, 但又另添一款新的.所以前後食咗五款蠔, 非常滿足. 最緊要係長期供應, 沒有冷場, 至於味道, 有爽口的, 有重海水味的, 有creamy的, 適合不同喜好人士.(2) 海鮮冷盤, 有龍蝦, 龍蝦仔, 長腳蟹, 凍蝦, 翡翠螺不是每樣都有吃, 龍蝦肉爽, 凍蝦鮮甜, 翡翠螺夠大隻(3) 熟食, 約莫有十數款, 亦都是選擇性來吃炒滑蛋 - 真係簡單得嚟又超好食, 夾埋一坐底就送上的熱辣辣麵包一齊食, 更加一絕蟹撻 - 細細件, 一啖一件, 蟹肉填滿整個撻, 鮮味鵝肝 - 即煎, 沒有筋, 甘香, 外脆內滑焗蠔 - 有兩款, 芝士焗及蒜蓉焗, 個人認為蒜蓉焗蠔比較出色 (雖然我係芝士控)(4) 主菜, 每人可以從餐牌上選一款, 當中有一款係"是日一炭燒"炭燒牛柳, 朋友點的, 切了一件吃, 肉汁豐富, 肉味濃郁濃湯煮海鮮, 鮮味十足, 但那一件魚扒就略遜一籌燒牛扒, 如果有得再揀 (而你又是肉類控), highly recommend 揀"是日一炭燒"因為不論肉味,肉汁,甚至整體味道都十分一般 (有少許失望)(5) 生果甜品盤, 食完哂, 侍應會送上一客, 有生果, 雪糕, 甜品賣相十分吸引(6) 酒類, 如果加$160可於餐牌上的酒類任飲, 有香檳, 白酒, 紅酒, 朱古力酒, 及啤酒我只飲了香檳及bailey, 香檳果味不重, bailey濃而不甜唯一要投訴, 侍應 refill 啲酒相當慢, 有時甚至叫佢 refill 都要等好耐我都已經不是倒酒入肚嗰啲人, 呢一點係服務分上足足扣了一分吃飽喝醉吹吹水, 三小時多 (接近四小時) 的歡樂聚會就此完結.…Read More

之前已經成日話要嚟幫襯, 今日終於唔再搵借口了.星期五晚上六點許到達, 因為之前沒有訂枱, 都怕吃閉門羹,好在都有口福, 但要七點半前還枱.已經做好功課, 大致上都知要食咩但, 老婆最想一試的鯛魚飯烹調需時>45分鐘.左計右計時間有啲趕 (要還枱), 結果飲恨 (唯有下次啦).最後落單有1. 鹽燒牛舌 $55, 爽口彈牙, 但因為不是厚切, 口感差啲啲, 但係是好味的2. 煮雜錦魚頭 $70, 是日推介的菜式, 甜甜的汁, 數款不同的魚頭(件), 又入味又好味, 推介3. 生蠔扒 $88, 是日推介的菜式, 薄薄沾上麵粉, 先煎然後再加入菇,蒜炒, 再上鐵板生蠔微微鮮甜, 外少脆內有蠔汁, 而且又很惹味, 不錯的選擇 (雖然賣相弱了些)4. 野菜天婦羅 $48, 數款 (沒有記錯都有六款) 不同的蔬菜, 新鮮炸起, 不油不膩5. 牛肉讚岐烏冬 $70, 個人覺得是五款食品內, 比較弱的一款並不是不好吃, 而是沒有太大的亮點 (即是很普通是也)最後, 七點三交還張枱, 呢餐連加一 $364.…Read More

青衣城又有新餐廳了, 印象中係之前未出現過的類別 : 米線六點半去到門口已經半滿了, 被安排坐正中間的大型高身Bar枱因為新店開張期間, 有特價小吃做 promote, 酥炸素鱔 $5咁平, 當然要一份啦.老婆要咗陣陣酸辣薯粉 $32而我就揀咗特盛米線 $48, 要麻辣湯底 (中麻, 微辣) 另外再加多一個小食白裡紅蒜泥白肉 $40Note:湯底可揀 (1) 清湯 (2) 酸辣 (3) 麻辣, 而 酸 / 麻 / 辣 都可揀程度酸 : 酸 / 走酸麻 : 大 / 中 / 小 / 走麻辣 : 勁 / 大 / 中 / 小 / 微 / 走辣落單後, 酥炸素鱔好快就上枱份量細少, 但只售五元, 你想點至於味道, 個人覺得偏甜, 而且比較乾身, 有幾條都幾硬下.跟住薯粉同米線都上枱先講我碗特盛米線, 個碗就真係超大,但內裡有料的, 連一半都無有咩料? 肥牛, 腩肉, 雞翼, 芝心丸, 金菇菜, 當然仲有米線(so call 美國安格斯肥牛, but I don't think so)其實配料都算豐富, 每款至少都有兩件起, 至於味道, 十分普通, 沒有驚, 更何況喜.湯底, 咦... 點解酸酸哋? 即刻睇吓張單, 噢!! 原來落錯了.我要的是麻辣湯底, 但結果變了酸辣湯底, 已經吃了, 算啦 (自己又唔 check 單, 活該)米線, 質感煙韌, 唔會淋 "bat" "bat".陣陣酸辣薯粉只試了一"住"薯粉, 口感比米線更煙韌, 更彈牙.最後係碟白裡紅蒜泥白肉是四樣食品中比較出色的, 辣度適中, 最 like 啲生蒜, 夠多夠生夠"乸"此店不收加一, 又收八達通, 埋單 $125.…Read More

又是試新餐廳的時候.今日六點鬆啲去到青衣城, 即刻行去門口攞位, 以為都好早啫, 唔使等, 點知都要差不多六點半先入到去.坐咗係二人卡位, 侍應話: 今天豬及雞的相關咖哩賣哂, 新一轉仲煲緊, 所以只淨番牛咖哩可以揀.Oh, What? 本來想試 芝士漢堡扒咖哩飯 & 奄列蛋豚肉咖哩飯, 現在唯有叫兩份芝士漢堡扒咖哩飯 $78@, 殘念.另外加咗 $25, 有湯+沙律+雪糕湯 & 沙律, 十分普通 (預咗).芝士漢堡扒咖哩飯芝士味比較淡, 而且香味不足 (接近沒有)漢堡扒份量十足, 厚身, 內裡仲有肉汁而且有牛味, 不錯咖哩微辣帶輕輕的咖哩味, 十分地道的日式咖哩, 唔差飯, 珍珠米, 應該都是日本種中國產, 沒有驚喜最後球雪糕, 綠茶味, 真的有淡淡綠茶香及味, 但略嫌少了一點 (個球)下次有機會, 散叫一杯應該大啲.埋單連加一 total $199 ($181 + $18)…Read More

老婆今天要去荃灣有搞作, 咁當然就係番荃灣祭五臟廟啦.結果老婆建議去此店試試, 評價都不錯, Let's Go.星期四七點有多去到, 店內已經八九成滿.既然主打係刀削麵, 當然要試一試啦, 另外再加多一個小食.双併刀削麵 (豬腸, 金錢肚) + 豆漿 $36双併刀削麵 (五香牛肉, 菜肉雲吞) + 豆漿 $36生煎小籠包 (十隻) $38刀削麵麵質偏厚, 口感一流, 又有咬口夠趙頭.而且份量足, 一碗双併麵已經飽到上心口.至於材料, 豬腸 - 肥美, 金錢肚 - 爽口彈牙, 五香牛肉 - 炆得淋又入味, 菜肉雲吞 - 十分普通另外個小食 - 生煎小籠包, 係即叫即整, 所以差唔多到碗麵食哂先到.因為即做的關係, 熱辣辣, 上枱時塊鐵板仲 'ge ge' 聲.至於味道呢, 正常小籠包味, 但因為是生煎的, 而且再加上有蛋底, 食落香脆有蛋香, 又有另一番味道.埋單總共 $110, 下次去荃灣又有多一個選擇了.…Read More