joannakit's Profile

日本人氣炸三文治，近三十款有鹹有甜，選擇困難症慎入🤣🤣選了19號的開心果，三文治炸得香脆不油。份量十足，厚厚滑滑的奶油，配上滿滿的開心果碎。唧了一些草莓醬，微酸的味道減低奶油的罪惡感（純心理作用😂😂）除了炸三文治，仲有水果三文治。價格好像調整了，更親民，值得試試開業優惠有買三送一，下次要試9號栗子鹹點的有意粉，做下午茶也很好夏天吃香港限定的杏仁豆腐x芒果🥭也不錯店面寛敞，但係立食地方少（只有兩張小圓枱），連垃圾桶也沒有，食完要拎去商場垃圾🗑️掉。…Read More

疫情下無晚市堂食，唔想日日自煮，見到外賣自取六折就試吓。雖然門外有好幾位等緊，點左三個飯、意粉，十五分鐘就有都算幾快。點左冬陰公海鮮意粉、椰汁大蝦海鮮炒飯、芒果蛋白露筍軟殼蟹炒飯。市道唔好，特價外賣好多份量材料都調整過，麥記個包都縮左水。一打開個盒，賣相香味份量都有驚喜，食落仲好得。冬陰公海鮮意粉睇樣就知唔夠辣，不過都夠香茅檸檬葉冬陰公味。青口大隻好味又多，意粉炒得乾身唔多油，整體不錯。椰汁大蝦海鮮炒飯，一打開好香椰汁味，唔只一隻蝦，係炒飯入面有好多中蝦粒，五毫子咁大粒蜆肉。粒粒炒飯都充滿椰香，啖啖都好足料。折左$63咋，真係賣大包。芒果蛋白露筍軟殼蟹炒飯，呢個炒飯本身幾好味，只係唔適合外賣。腰果同軟殼蟹都淋左，唔計脆唔脆，軟殼蟹都好肉幾好味。芒果香甜，露筍多到老公問係咪唔使錢？有生果多菜，個飯好fresh 咁。$63一個外賣飯盒嘅賣相都依舊講究，用的器皿也分炒飯用紙盒減少倒汗水，有汁用膠盒。色香味分量十足，簡直超值。…Read More

一個人點了一碗泰式扎肉雞絲金邊粉，配料份量十足，有扎肉、雞絲、通菜、芽菜、瓜粒和炸豬皮。湯很濃，應該是認真熬製的，喝了湯沒飲其他飲料也不會口渴。吃到中段才吃炸豬皮，半淋半脆又帶香，令碗粉帶來另一層次。不過個金邊粉略為糊一點，一餅餅咁，有點難夾，但整體都好滿足。店內不停播放90年代K歌，很易暴露年齢🤣🤣聽住歌食麵確實爽！…Read More

帶大仔興趣班，見到部𨋢貼曬廣告，遇上落雨廢事行，就去試下下午5:00 落完堂去，未到繁忙時段，門口未有人龍，入面都幾多位下。不過啲店員唔多理門口，我地同另外兩個女仔入左門口小走廊等左一陣，有店員行過望到都無理到我地。好啦，終於有位姐姐理我地啦，限時1.5小時。Ok，我地都係快食，一陣又上去補堂。坐低要揾人攞menu,之前睇過OpenRice 見到有tea, 無留意只限星期一至五，問左個待應兩次有無下午茶都無反應。其實簡單話俾我知星期六日無就得，唔會因爲無下午茶而走架喎！大仔例牌要個白汁意粉，點左個黑松露BB菠菜忌廉煙肉意粉。份量唔多，個碟大（攤涼撥開左咋），哥哥一個人KO 曬。味道方面，黑松露以外，忌廉本身也十分濃滑，好creamy。好啦，食完埋單，俾左錢五分鐘都未找錢。其實佢地唔係唔夠人手，收銀那邊亦唔係忙緊。要出聲問店員之後再等三分鐘先黎，sorry因為要上堂，自然會望住個電話... ...絶對懷疑唔係多人埋單，只係唔記得找錢，唔通佢以為我俾百幾蚊貼士？總括而言，服務真的強差人意。食物一般，價錢在旺角黎講唔算平，我隔離枱兩個女仔未點餐時一路細聲話貴，直到我個仔碟意粉到左睇過辦佢地先點菜。環境係靚嘅，影左一次相打左卡應該無乜回頭。…Read More

樓上cafe 非單是年輕人聚腳好地方，亦是親子好地方。芝士流心蛋三文魚多士盒，賣相相當吸引，切開後蛋汁徐徐跟多士及三文魚溶融為一體，加上香濃芝士味，絶對吸引到芝士控蛋控的小朋友。大仔例牌叫個白汁意粉填肚，點左個白汁芝士煙肉意粉。$45卻份量十足，個碟仲有深度架，除左煙肉，仲有勁多火腿🤔🤔兩個小朋友絶對夠食，味道ok 呢個芝士蘑菇豬柳漢堡略為遜色，蘑菇不是大蘑菇，亦不是小蘑菇，是本菇，一條條嗰隻哩。好彩個薯角望落好油好淋，但食落香脆。飲品就一般，最穩陣嘅焦糖朱古力同榛子朱古力，我兩個仔都只係飲左三分一咖啡亦是一般，奶唔香，咖啡味亦唔香，對咖啡有要求的，可以試其他樓上cafe黎講，呢間食物質素中上，價錢亦十分實惠。一家大細無限時玩board game，食下午茶等放興趣班都幾正。（中途送左哥哥去對面學劍擊再折返同細佬繼續食同玩，認真爽）…Read More

今日去食肆林立嘅大角嘴揾食，週未嘅lunch 靜好多，好多舖頭未開，見呢間有啲人氣入去試下先。叫左三個set lunch, 老公要築地丼，孩子至愛三文魚親子丼同我要熱食豬軟骨拉麵，set lunch包味噌湯、沙律同fruit punch。三文魚親子丼，三文魚子又多又脆卜卜，兩個仔爭住食，三文魚又肥又厚。豬軟骨拉麵，麵質軟硬適中，不會淋巴巴的，湯頭濃郁。配個温泉蛋令拉麵條更香更滑，感覺吃埋豬軟骨，骨膠原補充得滿滿的。午市池魚刺身比晚市經濟，好似$140條。大仔夾完一片又一片，厚切薄切都試晒，還是薄切過癮啲。食完兩條仲未夠喉，阿仔自己走去魚生枱點多條薄切😋😋唔記得影築地丼，一上枱細仔已經動手食蝦同刺身，好鮮甜，所以encore 左單點甜蝦熱食仲有秋刀魚，店員話日本返的唔同出面，果然燒得唔錯，肉滑又juicy ，令我有啲改觀。老公好鍾意食，但我總覺得啲肉好乾鞋。今次有驚喜芝士年糕外面香脆，內𥚃軟糯，芝士精不能錯過。餃子本是大仔之好，但這餃子略為失色，個皮好硬，餡料無肉汁，可以唔試。午餐選擇幾多，下次要試下鰻魚丼先得。同埋我地聽錯左炙燒拖羅壽司要加錢，原來係lunch set $88 以上送... ... 我地答左話唔要，🐷左呀！仲有之前食評話service 差，經理機械人，今次去又唔覺喎，我地五個人叫到成枱野，店員好好心機上菜。唔知係咪轉左人呢？…Read More

好耐無響旺角掃街，帶住兩個小朋友好難掃街。今日同阿仔去柏裕學野，阿仔遠遠望到個芒果冰招牌就嗌要食。要佢食完正餐晚飯先去食。嘩！好多芒果，又多汁，成兜冰黃色架好好味，抵食！其實去旺角食冰最怕小朋友肚痛，好彩無事，衞生應該ok。食緊個芒果冰時見到個蝦片好吸引。無諗過咁大塊，即叫即烘，熱辣辣，卜卜脆，仲有兩隻蝦添！兩個仔見到咁大塊🦐片搶住食，搶食一輪先影到相。呢啲脆片應該食完好口乾，但食完成個鐘都ok wor, 可能食左芒果冰。下次要試埋燒魷魚先得！章魚燒粉多就梗架啦，不過都有料的。個蟹籽醬勁多蟹籽好好味，阿仔食到LAM LAM 脷。因為食左飯，啲仔話下次要食埋薯條…Read More

有左BB去旺角掃街邊野真係唔易，見呢間好似幾乾淨就試一試。叫左個無冰胚芽朱古力，好濃的吉百利朱古力，好味! 仲要係勁多胚芽，因為無冰，睇到D胚芽有半吋高，飲都尾都仲可以啖啖胚芽，正!!奶奶杯蜂蜜蘆薈都好潤，天氣乾燥喉乾乾飲就至岩。招牌牛魔王 - 沙嗲牛肉包是也，個包係即叫即烘，好香脆的。餡料幾多，但唔係太多汁整淋個包，幾好食。以呢個價錢有咁嘅質素真係好唔錯!!鹵水八爪魚，生冷野無得食，不過老公話好爽，一D 都唔韌，勁好味 老公仲叫左杯珍珠奶茶，D 珍珠都幾多幾大杯，味道無乜特別。老公話飲咁多珍珠奶茶黎講，呢杯都算係佢差唔多食唔晒D 珍珠的一杯，飲完好飽。…Read More

好多人都話呢間d 吉列係全港最好食，真係名不虛傳，而且價錢相宜，好抵食!!我地點左一個吉到豬扒併生蠔定食同埋什錦海鮮定食，每份HKD168咋。店員好細心咁問我地係咪share食定分開食，我地當然係share食啦。而且我地特登揀一個肉一個海鮮試清楚佢地d吉列係咪真係咁得，結果係相當滿意!!!!有一大件豬扒、兩大隻蝦、一粒帶子、三隻蠔、蟹肉球、一大份生菜絲。醬料配菜由右至左係芝麻碎、漬物、海鹽、芥辣醬同他他醬。店只好細心咁介紹各種食法，另外有一個肉汁醬料食肉的，芝麻粉、海鹽同芥辣醬都係點肉食的，他他醬配海鮮，而每檯均有的紫菜醬油同西柚醬油係酸酸甜甜的，可以拌生菜絲當沙律食。蠔很鮮味，真係很愛它的吉列，不油之餘係外乾脆，內多汁嫩滑。最後食埋個蟹肉卷，入面好似有d 薯蓉，好滑的薯蓉，該是加了忌廉讓薯蓉更香滑。最欣賞是每檯一個水壺，二人和四人的壺是不同size的。這晚我算飲得比較多茶，但當茶剛好斟完後便上生果，店只亦收起了茶壺，把茶杯也收起，換來一人一杯熱茶。使我覺得店裡連客人的喝茶量也細意計算好，再者，這兒的飯和菜都是無限添食的。上菜的方式很自由，愛一人一客上，share 合併上也行，飯一碗上也行，飯連餸一碟上都得。…Read More

見到個個都話漢堡包好味，特登行去食番個。真係好正，塊漢堡扒好多汁，d肉又鬆化，一流!波浪薯條係男友至愛，買外賣都仲好脆，新鮮炸的，所以要等成十幾分鐘。係好脆好正，但我嫌佢太鹹同埋用淮鹽。…Read More

附近的食店排長龍，唯有入去盡快醫肚點左個小籠包、魚腐麵同菜肉雲吞麵，飲品點了紫背天葵同薏米水。唯一可吃的是小籠包，可算是皮薄多汁。而魚腐麵就... d 所謂魚腐同炸魚片無分別，仲少了分彈牙。d魚腐實實的沒有豆腐，一舊魚膠而已。d麵唔係上海麵，係好似頂好牌大光麵的味道，真神奇，不知是什麼麵。菜肉雲吞的餡唔差，可惜不是上海雲吞皮.係廣東白皮。好似之前的食客所言，薏米水沒有薏米味，反而有少少綠豆粉味，唔知係咪有綠豆一齊煲。做到好似上海店，但係d野就做到一半半，不知所謂。d 服務又差，食完野即刻收晒d野。我仲飲緊杯野架，連張新淨的紙巾都收埋，想抺咀都唔得。唯一好處係有電視，除左單邊兩個位，全店的位置都睇到。…Read More

昨晚同家人一起去晚飯，點了一個蛋白蠔餅、脆皮雞半隻、翅湯蝦丸小唐菜煲、蔥爆蒜片牛柳粒同埋coupon送的煙鴨胸。蛋白蠔餅是一面蛋白一面有蠔，蠔在底所以一夾就跌晒d蠔。唯一好處是用蛋白同少油夠健康，但亦少左食蠔餅的風味同好口之處。脆皮雞半隻好細隻，成隻迷你雞咁，同食乳鴿差唔多。d 肉都算滑，但個皮d色都唔靚，白白黃黃的。翅湯蝦丸菜膽煲，所謂翅湯只係普通胡椒粉湯，蝦丸好爽口彈牙，菜膽是短身黃芽白扮娃娃菜，唔夠甜。最正係蔥爆蒜片牛柳粒，好香口牛柳粒又嫩，連外婆都吃過不停。個煙鴨胸是送的，但熱熱的蠻好吃。整體上都一半一半，不過人手少成個廳得三個待應+部長，叫埋單好耐都無人理。…Read More

今日屋企唔煮飯，去外賣左個櫻之花普通批。唔知係咪外賣自取有半價，d 餡料唔係好多，分佈得唔均勻。不過餡料配搭幾特別，千島汁、煙三文魚、洋蔥、粟米同獅子狗魚蛋、蟹柳同紫菜。餡料種類多，但樣樣都得少少，獅子狗魚蛋得兩三塊薄圈圈。個pizza的底做得好好，好鬆化，係成個批底都厚薄均勻。唔會中間好薄，拎起時軟到跌餡，很好。但係去等pizza時間店有數隻蚊蠅周圍飛，而收銀姐姐的態度真係差到爆，好似唔想做生意咁，見佢\\\收外賣order都係咁燥。…Read More

今日收左工一個人想食tea，見入面無咩人就入去啦。點左個香茅豬扒拉麵，一送上來便深感不妙。首先個湯係淡而無味的菇湯，但係無菇的，只係有少少菇味。拉麵仲無黐住一餅的，仲有d黐牙，不知所謂。塊香茅豬扒仲勁，一d香茅味都無，係有午餐肉味。塊豬扒仲好奇怪，佢唔係切好上，又唔係原塊上，而係一塊切幾下半刀，成塊八爪魚咁。唉...點解我會入來食左碗咁嘅嘢？…Read More

情人節同男友去左打邊爐，兩個人點了一個十分抵食的中銀套餐，點心火鍋套餐\ –2人份量 水晶叉燒包4件 水晶奶黃包4件 手唧魚麵1支 魚腐餃子4件 鮮蝦時菜餃4件 芝士蝦丸4件 千島汁墨丸4件 滋補花膠1碟 田園蔬菜(任選$25蔬菜1款) 特級雪花肥牛1碟點左個素菜鍋底，好多菜同菇，新鮮清甜，食物又新鮮，不用點醬料都好夠味又鮮甜。之前都食過豬骨湯底，相比下呢個鍋d菜清甜d令到配料鮮味d。男友仲用扭螺絲的方式擠魚麵，動作出奇地清脆利落，還擠得很徹底很乾淨，比由上而下的擠法好好多。另外加點了兩個蟹粉小籠包，$14一粒好細粒的，仲無乜餡。水晶包好食好多，魚腐餃子都好甜。套餐\唔包醬油鍋底，但埋單都只係$380，有個侍應仲好好服務添，不時主動加湯，見到爐大滾就幫我地收細d火，加完湯就開大火，真係服務做足101分。…Read More