etetron's Profile

見佢新開又多人排隊，所以諗住去試吓。我已經係8點先去，唔太多人，但係都要攞飛 本身唔係要等好多張枱 點知門口叫飛既男人一直跳我張飛 明明一至兩人一齊攞號碼 就係唔叫一人飛 跳左6張都唔叫 最後過去問佢佢先話就快有 終於等到佢叫 安排坐喺全間餐廳唯一嘅單人坐 咁你一早講明一個人淨係只可以等全餐廳唯一張枱嘛！ 嘢食又唔好食！叫左佢個叉燒蛋飯（$63） 叉燒又冇咩特色，最失敗係啲飯 勁爛嘅～ 早知咁差我就一早唔嘥錢 一肚氣 一定唔會有下次…Read More

試左個三餸餐（菠蘿咕嚕肉 通菜炒牛肉 紅燒茄子斑腩) 菠蘿咕嚕肉份量勁少 通菜炒牛肉尚算合格 紅燒茄子斑腩完全唔掂 啲魚勁腥 仲要比埋d魚頭魚尾同無肉得骨既魚鰭 一舊班腩都無 唔會再去！…Read More

見佢個食評都幾好 今日同老公睇完戲專登過嚟試 我哋總共叫咗四個餸 一個滷肉飯 一個台南擔仔麵 豆醬A菜同埋三星蔥油餅 個魯肉飯一叫就即刻上枱 但個飯好濕好爛 滷蛋仲有少少流心 魯肉味道尚可 個豆醬A菜真心咸同好油 份量好少 最唔掂既係個台南擔仔麵 個麵底淋到爛 個醬淡而無味 係唯一一隻蝦係好食 碗野真心食唔落 唯獨個三星蔥油餅係好食 外脆內軟 蔥既比例同味道岩岩好 但值錢係貴左D 上枱時岩岩整起熱辣辣 整體黎講真心失望 唔會再去…Read More

食完飯同老公黎食個甜品，之前曾經買過外賣 份量好似細好多 今次叫個堂食既 份量都幾多 芋圓煙煙韌韌 紅豆好大粒 番薯粒唔太甜有少少失色 個糖水有淡淡薑味 整體來講唔錯 雖然坐得有d辛苦 但都會再黎食過…Read More

今朝經過 見唔係太多人 又有位坐就入去想買杯咖啡坐底試下 收錢店員態度差 講野無尾音 望都無望過一眼 前面客人問可唔可以比支付寶 佢好大聲話’可以’ 之前比完錢 佢又好大聲話’得’ (其實前面客人都有禮貌。）我叫左杯skimmed milk flat white, 等左好耐都無 之後去到bar枱問問可唔可以換外賣杯 （因為之前等左好耐） 我見到兩個店員整咖啡 一位雖然慢 但都叫有d心機 另到位不停叫佢快快快 又同佢講唔駛加咁多shot 又叫佢求其倒奶（最後我當然見佢求其倒full milk 比我啦） 呢間店好失望 一定唔會再黎…Read More

去新城市廣場整完野 自己一個人去左食個lunch. 難得今日都早黎到呢間餐廳又無乜人 睇左水牌揀左食咩以為喺門口比錢落單 店員話堂食就係坐底左攞枱上面張卡 自己先去櫃面落單俾錢 店員之後會送食物過嚟 我揀左個set lunch 一份雞漢堡仲有飲品 食物唔需要等好耐 咖啡都好有水準 沙律太多醬(又酸又鹹) 另一個脆脆就好味精 但個漢堡好juicy avocado sauce 好match. 下次會再嚟試過其他食品P.S. 店員好有禮貌 講解點樣落單 因為我飲齋啡唔要佢個奶精同埋包糖 叫佢唔駛比之後 佢都係有唔該前唔該後 多謝前多謝後 另外我仲見到店員嘗試幫手睇住小朋友等媽媽可以專注食埋個午餐 抵讚…Read More

同老公無意發現呢間餐廳 我一向好鍾意食水煮 見到隔離枱叫左一個黎到成坐塔咁 所以我地都叫左個 魚肉好滑又唔腥 窩入邊仲有好多其他嘢食 有午餐肉 朱紅 最緊要係有吸晒汁嘅紅薯粉 呢個煲唔記得叫咩名 總之就係好惹味有鮑魚有雞一定要熱食 凍左真係爭好遠…Read More

已經去過好多次，因為一向覺得好好食，但今次係質素最差嘅一次，我同友人都懷疑係咪已經轉手。去到見到一班年輕人坐晒喺鋪入面傾計講笑，我同友人入去坐低先知佢地全班人係店員， 唔知係咪因為佢地好似暑期工咁所以煮出嚟嘅嘢食冇乜heart.一放低碗面我都打個突， 係未食過！份量少 炸蒜都冇乜 個金邊粉仲要唔太熟呢個係豬肉沙嗲，未食就少咗一舊 無論係個豬肉串定係啲醬汁 都係凍嘅 未試過咁失望 同友人都話食完今次真係唔知再會唔會去幫襯…Read More

無訂坐 冇卡位 餐廳比較嘈 （是日多自由行食客 很多時都聽唔清楚坐對面老公講咩）講返野食 我地order左個二人餐(豬排+豬扒） 飯同菜無限任添 豬柳好淋好嫩 以前呢間曾經一段時間炸得好差 一咬會被皮同肉分開 而家唔會 仲有肉汁豬扒仲鬆軟 但我就覺得有d肥 老公就話d肥肉好香口個面豉湯唯一一隻蜆有沙 失望店員態度友善 唔會因爲叫添菜添飯而黑面 每個店員都好積極工作 (插曲: 隔離自由行食到一半投訴話佢d牙咬唔開d豬扒-但豬扒真心林, 店員好好,話豬扒可能有筋，豬柳會好d, 會叫廚房師傅重新炸過比佢哋）…Read More

好耐之前食過一次，覺得都幾好味 所以再去食多次個海南雞都幾滑 差唔多每一台都叫但問題就係出現喺個湯身上 真係咸到飲唔落個喇沙好香椰香味 又辣辣地 蝦好新鮮彈牙馬拉盞炒通菜 好惹味 但又係偏咸個炒蘿蔔糕又係一樣勁重口味 得個咸字 想要啲辣椒醬 (睇落去似sambal sauce) 點綴下 個辣椒醬完全唔辣好失望成間餐廳整體來講一個字 咸…Read More

第二次黎呢間店食和牛放題 今次店員非常有禮貌 有詳細介紹 上菜收碟時間快 美中不足係從來無主動換過碟 一黎坐底就會比個六款和牛拼盤 （上次有九款）燒肉拼盤 同魚生拼盤 魚生都新鮮既 尤其係海膽真係好鮮味 可以加錢放題(我就無喇)A4和牛外腿：油花太多 比較油膩易飽A4和牛前肩：油花恰到好處 放題主打A4和牛冧：雖然無咁多油花 但都好好味除左和牛 今日d海鮮都好好味 蜆非常鮮甜 係seasonal (上次拼盤之後冇得再叫）今次終於可以任食 扇貝都好新鮮 不過有小小淡 要落d鹽去燒蝦上次新鮮d 所以叫左兩round only 另外推介有特選黑豚豬肋條 (小小辣辣地）好嫰柚子角切依達赤豚 燒一燒脆卜卜 yummy! 尚八腸 勁入味 正！香草牛油燒大蘑菇 （燒完d菇吸晒汁！） 另外我地仲叫左野菜沙律 (普普通通 勁多沙律醬)仲kimchi 落單係自己寫紙 只要寫食品編號同埋數量 今次就有d攪笑 好難捉摸佢出野食既數量 有時寫兩客黎兩件 下次想追加一客佢又係照舊出兩件 （唔想浪費野食嘛）last order張紙無論你寫一客定兩客 全部都係出兩件 (蜆比左三隻 完全捉唔到路）甜品係牛奶公司雪糕同韓式雪條飲品選擇都多 美中不足既係只有百事而無可樂 …Read More

店員有禮貌 熱情 主動幫我地影相 又好快換碟同take order 環境氣氛一流 美中不足：櫈無背靠我地試除左喇沙味之外 全部都試過晒 整體就各有各特色 但d mussels size真係好細隻 所以我同老公都食左總共9煲mussels. 我地覺得最好食係house 個sauce 同mussels 都好夾既 但用黎點麵包係好一流 白酒汁就有d淡 Mediterranean:個 chorizo煙燻味都幾好食 Hoegarden 就有淡淡啤酒味同蕃茜味 (唔食parsley 既人就可能接受唔到） 另外provincale 我就覺得番茄味唔夠濃 薯條真心好食到停唔到口 由其係熱既時候 外脆內軟 明知好飽肚都要叫多round 我地仲叫左果汁味啤酒 桃味係最好飲既…Read More

軟殼蟹沙嗲粉絲大麵包： 軟殼蟹鬆脆可口，粉絲分量超多，微辣好惹味。麵包激讚 外脆內軟 值得再試越式海鮮蝦油炒金邊粉：蝦油味欠奉，但金邊粉炒得好乾身，好惹味。 有不同海鮮 ，可以一試海膽手撕雞檬紙卷：海膽份量好足料 但唔夠鮮味仍可以一試店舖面積較細 有點擠迫 只收現金 店員好有禮貌！！！…Read More

首先店員服務麻麻 樓面只得四個員工（其中一人仲係要帶埋位） 每次交點餐紙時一係店內沒有店員，一係店員當你透明 食物：所有燒肉食品淡而無味，十分神奇。如果要醬燒 食品上枱時會有一pat醬 （仲係要自己撈)相當搞笑熟食：比燒肉出息 盛岡冷麵-麵質彈牙 石窩湯 夠熱夠惹味雪糕：番石榴雪糕有驚奇 一定要試上菜出度尚可 不過成日執漏野 店員又唔熟枱號 成日比錯野 同返佢地講無叫過 佢地仲啤一啤你 覺得你麻煩到佢地衛生: 燒烤網洗得唔乾淨 叫完換網個網都係有d黑既…Read More

個豬手combo有豬手，腸仔，薯蓉同酸菜。豬手既肉唔夠”林”， d筋勁韌，要用九牛二虎之力先可以切開，皮就一般脆，仲有d毛，一但凍左就開始韌 (豬手講真真係做得唔夠火候 食過旺角分店 呢間可以話係差）腸仔一共有四款，值得讚既係上菜時仲好熱，都好juicy，酸菜同薯蓉都好好食既個餐仲包左兩杯mocktails 難係真係唔好飲 老公叫左一杯”honeymoon” 無橙味又唔甜 份量錯晒 我就叫左杯有coconut Water 既飲品 味道好怪 仲有小小酸 明明有薄荷葉但又冇薄荷味餐廳：座位間有啲迫夾（差唔多同後面枱背對背）二人枱大多數貼牆 但牆上面勁多油漬…Read More