謝茉莉's Profile

第一次幫襯，係同我先生慶祝生日，我哋嘅感受係，服務員態度、食物質素、環境衛生、儀式感等等都令我哋滿意，會想再次幫襯。 尤其特別抵讚，幫我先生畫咗非常靚+高難度+有心思嘅生日碟，俾到我先生個難忘快樂嘅生日回憶！！另外職員亦都貼心有禮，用餐期間遇到小插曲，但職員臨危不亂，好抵讚。希望貴餐廳可以繼續加油推出更加多性價比高的套餐或款式嘅選擇，等下次多啲藉口嚟食嘢🤭香港好餐廳真係唔多，我最近都食到好多衰格嘅餐廳令我非常唔開心，希望呢間甘好既餐廳可以一直維持質素啦，等香港人都有口福。祝貴餐廳生意興隆興，加油🤝😊🙏🏻…Read More

上網睇OpenRice食評覺得呢間餐廳同朋友聚會慶生好似唔錯，所以預早book定餐廳同朋友一行三人幫襯，但係總結嚟講係失望，分別有以下嘅真實經歷。1） 約咗時間去到嗰度，餐廳未滿人，但員工連枱都未執，要我哋一路望住佢執枱。2）頭盤沙律、小食雞翼及炸魚薯條到咗之後，等咗5分鐘左右要問人拎碟先有人俾碟我哋。3） 主菜係牛扒，已經同咗侍應講話食唔到血水，所以需要七至八成熟，但牛扒到咗嘅時候係血淋淋同埋有血水，叫侍應攞返去處理，結果一直去到食晒其他嘢之後，塊牛扒都未到，叫侍應跟下張單，結果見到廚師重新喺雪櫃拎過一塊再整過，嚟到嘅時候塊牛扒比之前上嗰塊細一半。4） 炸魚薯條，拎到嚟嘅時候炸魚外層淋咗，炸粉多過魚肉，質素真係比較差。5） 食完之後叫侍應上生日碟，等咗10幾廿分鐘叫咗幾次都話整緊，之後朋友趕時間再催先至嚟，嚟到生日甜品蠟燭要提先俾。6）食晒所有嘢加埋生日碟甜品，叫佢上雪糕都要叫幾次先上。7）職員態度，回應語氣一般冇特別無禮，但係表情眼神常常顯得唔耐煩，令人感覺佢覺得我哋好麻煩，唔想再打攪佢，明明有幾次見到職員喺度無所事事或坐低。8） 俾錢後臨走前去咗廁所，廁所冇抹手紙或者廁紙，垃圾桶滿哂冇人清潔，廁所唔太衛生。9） 離開餐廳，明明經過侍應，佢無所事事都唔會同你打招呼講聲再見，都係一臉唔耐煩。10） 餐廳入口比較殘舊，有塵埃及污漬都冇人清潔，本身事前睇相覺得可以打卡既位，最後都冇影到相直接走人。總括嚟講，真係唔太明白點解呢間餐廳咁多好評，因為本人平時同朋友都成日去唔同嘅樓上Cafe或coffee shop聚會食飯，都未試過同網評相差咁遠嘅感覺，唔會有下次，希望餐廳如果重視客人的體驗會改善一下。唯一有樣嘢讚好嘅，係因為朋友第一次收到生日碟，畫生日碟嘅同事有盡力去畫本人要求嘅卡通，令朋友覺得幾開心，但嘢食真係一般，食完之後朋友都有去咗幾次廁所肚痾。以上都係本人真實體驗及評價。…Read More

因為良景冇乜涼茶/糖水店，呢間接近巴士站，通常都會買俾屋企人食，之前覺得佢偏貴但味道其實OK嘅，包括綠豆沙、芝麻糊及紫米露。佢嘅燒賣$12/8粒，都算中等，不過部份員工服務差，好似今日購買兩份燒賣，想確認下價錢問職員，有位有鄉音化濃妝既姐姐，佢嘅回答好似吆喝緊你咁，好大支野好冇禮貌。另外，呢間嘢以前有八達通收費方式令顧客使用電子支付既方便，而家轉左只有現金，有時唔記得帶現金出街真係買唔到唔方便，所以以前成日幫襯，而家想幫襯都會直接繞過間嘢，因為啲服務員有啲串同埋唔收八達通，希望呢間涼茶舖有心做既話可以改善服務及提供更多付款方式，與時並進，連老店都陸續接受電子支付方式方便不同顧客嘅需要。希望這間舖頭唔好因為佢係良景小有嘅涼茶店而越做越衰。…Read More

作為屯門人嘅我，之前想食放題，通常最近都係要去到元朗或荃灣，今晚同我先生and小朋友初試呢一間屯門火鍋放題，好開心唔使特登出去，又食到質素唔錯嘅食材。首先呢度環境衛生、職員服務態度都ok!位置有少少迫，不過可以接受嘅。佢哋嘅食材，好似刺身啦、炸物啦、火鍋配料等等，見到都係質素幾好㗎。我小朋友平時都幾偏食，但都食得幾開心，因為佢都幾多選擇，尤其小朋友鍾意嘅炸物同蕃茄湯底嘅火鍋～另外要讚嘅係，佢出嘢食嘅時間都係穩定嘅，雖然短短兩個鐘，但都食咗好多轉嘢。嘢飲種類唔算多，但夠飲，可以迎合鍾意飲無糖飲品嘅人，亦都有清熱飲品同一般嘅可樂汽水，雪糕有幾款口味嘅Häagen-Dazs同埋一般嘅牌子，所以都唔錯嘅。不過見餐廳好似唔太多人幫襯，全晚好似得半間餐廳嘅客人⋯希望呢間餐廳keep住水準同較親民價格亦都可以經營落去，等我呢個屯門人唔使再衝出屯門先食到有o k水準嘅火鍋放題啦～Ps 未夠140m嘅小朋友收小童價（不過只係平幾十蚊），小朋友就唔算抵食；但係大人嘅話，其實整體嚟講係唔差同性價比幾高嘅^-^…Read More

嗰日其實係我哋本身預約嘅餐廳出咗問題，所以我哋隨心搵呢間餐廳試吓，呢間餐廳夜晚冇咩人，但見有聖誕餐都試吓，首先職員都好用心講解，對於客人嘅需要都盡力配合，雖然佢嘅炸豬扒超級難食，但整體嘅刺身都OK嘅，再次稱讚職員佢嘅服務態度良好，價錢亦都合理，抹茶甜品都幾好食，坐得都舒服，環境都乾淨，可惜洗手間得一格有人用緊去大就有排等啦。不過職員都會表示抱歉，會覺得客人等係應份嘅。上網睇過呢間餐廳有幾間分店，因為呢間分店做得好都想試埋其他分店，希望呢間餐廳繼續努力改善炸豬扒好難食嘅問題，其他好嘅質素都保持。…Read More

朋友同我行咗一陣街見到呢間餐廳有位，餐牌都幾吸引，所以入嚟試吓。見到個餐牌上面有好多新款嘅台灣菜，令我哋覺得好有新鮮感，跟住朋友試咗幾款，食到嘔。時間關係所以冇影到全部相。不過大概介紹吓所有難食嘅產品。1） 「鹹蛋黃炸茄子」真係未試過咁難食，朋友本身話炸物應該唔會差得去邊，可惜淋到好可怕，真係好鬼難食；2） 沙律菜啲菜係爛嘅，朋友不停揀走爛嘅菜，食得好辛苦。3）朋友杯薑茶好淡味，好似冇料甘4）朋友杯滷肉飯勁少餸，勁多飯撈埋一齊都唔合比例5）嗰個蛋餅太多沙律醬太滯啦不過總括嚟講，啲服務態度係OK嘅，環境都OK，不過食物實在太唔接受到，我哋仲發現周圍嘅即刻埋單嗰陣枱面都有食唔晒嘅嘢，希望呢間餐廳如果想做得好啲，就改善吓啲食物質素啦…Read More

滿心期待同媽咪嚟呢度high tea，食完係有啲失望既職員服務態度麻麻，表達唔清晰，我講咗帶小朋友去，佢冇事先同我講小朋友都有最低消費（記得係$68一杯蘋果汁）；餐廳嘅tea set食物品質亦都唔係太好食，呢個價錢應該只係食下個氣氛同儀式感，之前食其他下午茶都冇咁質素差。不過呢度嘅設計係幾特別，Tiffany Blue禮物盒係幾靚嘅，見到其他食客一般係女士或者情侶去打卡，影相搵啱角度係OK，但係冇得坐梳化位，影相都唔靚，我去一次打卡就夠，下次唔會去了…Read More

聖誕節同朋友嚟食個聖誕套餐，之前我喺OpenRice俾咗$736預留咗8:30 PM（後來埋單要比服務費及其他附加費$272，加加埋埋兩個人都洗咗$1008） 價錢呢個都唔係最緊要，因為位置唔算太難搵，而且廁所尚算乾淨企理；但係其他真實體驗非常令人失望。首先，我同朋友入到舖頭，有一位叔叔樣嘅男職員問我有冇預約同留咗咩名，我好有禮貌咁回應職員，聲線方面一般，只有我面對嘅及後面嘅人聽得清楚，但職員好大聲咁樣回應，隔幾張枱都聽到嗰種聲線，因為佢一講就好多食客望過嚟睇熱鬧⋯⋯其實只係一個好簡單嘅英文名，但嗰位男職員用震耳欲聾嘅聲音，前後重複左三次佢會錯意嘅名，過程中驚動到其他食客及令我難堪，我覺得嗰位叔叔男職員非常非常冇禮貌，佢其實可以叫我show個Booking資料出嚟，而唔係用呼喝嘅語氣。第一個觀感已經極差，奈何已喺OpenRice俾咗錢，所以冇得即刻走人。食物方面，也比預期及水平差，包括佢硬到爆嘅飯及勁甜嘅Opera cake。其他服務表現方面也較參差，食物上到一半有職員就前來表示已經係last order急問有冇嘢再嗌；斟水方面，好多次都係突然間伸個壺過嚟，感覺好亂。座位方面，我同朋友只有兩個人，同隔籬枱可以隔多少少空間，但餐廳安排我哋同陌生人枱貼枱一齊坐。總括嚟講，我同朋友係睇完咁多好評先決定嚟幫襯呢間餐廳，但係真實體驗唔係所講嗰種，食物唔好食；職員態度同整體安排都係欠佳。 我同朋友都打算唔會再幫襯呢間餐廳。…Read More

每年我都會同好朋友食大閘蟹，我哋以往係食高質放題嘅大閘蟹，一向食完好滿足。而今年好朋友想試吓呢間專門店，見佢廣告打得甘兇狠，又好似好多好評，滿滿期待同信心去試。黎到發現呢度除咗幾位年青人侍應，好勤力同清蒸大閘蟹質素還好，其他整體感覺都很好差，完全唔係廣告果回事，好似被騙，原因有以下：第一：聲稱係薑茶但好似糖水，冇乜薑味又勁甜；第二：幾款標籤有蟹嘅前菜，每款都冇蟹味，好求其製作。第三：我哋試晒每一款蟹，而其中避風塘炒蟹，係伏中之伏，灘到凍晒，殼同肉都淋哂，淨係食到辣味，超級難食！！第四：洗手間環境惡劣，好似好耐冇清潔咁，冇洗手液同垃圾桶等。第五： 佢話明每次只可叫四隻大閘蟹我OK冇問題，不過佢啲落單紙特登俾得果兩張仔，每次重新填過已經令我隻手食到好污糟不停拎自己嘅紙巾抹；不停咁重複：食、大抹手、填紙、兩張之後冇晒又要問侍應攞過、繼續重複動作。個老闆真係好怕我哋係咁食晒佢啲嘢。（其實我同朋友前後自己食咗8隻都冇）第六：另外菜式鹽焗大閘蟹及荷葉花雕蒸大閘蟹，都係特別濃重味，蓋過晒蟹嘅鮮味，就算蟹唔靚唔新鮮客人都唔覺。正常係就算調咗味都食到蟹鮮味先係正確嘅煮法，呢度可見做法馬虎。總括嚟講，呢個價錢，出邊大把更好嘅選擇，有更好嘅環境，有更好嘅食物水準。我哋下次唔會再嚟，亦都唔會推介其他人黎🙏🏻以下都唔好食又冇蟹味，同廣告完全不相符🤮🤢…Read More

跟他同取年假好好度過今天先來到這裡進午膳甫來到 店員雖忙碌亦有友善招待-------------自行去小bar配搭的salad選料新鮮不在話下 就算只隨意淋上沙律醬 灑上肉碎芝士粉亦覺得開胃好吃!------------在吃前主菜前 忍不住先拿甜品吃 剛焗好的 焦糖布甸外脆裡滑 &泡芙暖暖的creamy心 好好好味道!------------- 除了芝士餅有水準外 其他似乎不太夠味-------------最特別的是濃菌湯菌味重 很香滑!--------------麵包剛烘熱了 所以脆脆的 沾醬或湯都一樣夾-------------兩款主食肉嫩 份量和配汁適中口感不過不失--------------整體進餐愉快可惜今天未能坐在望到海景的坐位有機會 會再來的。…Read More

跟往年一樣還是吃日本菜 他真以為我是最喜歡吧不過無所謂 初次來這間 還是很感謝他為我慶祝 燈光不是很猛 也不是很嘈雜 坐位類似卡位 適合靜靜聊天的環境-------------魚生新鮮 可惜飯還是暖的 估計是煮熟不久暖壽司吃下去感覺有點怪-------------軟熟的口感 蛋味和配汁連在一起很好吃-------------厚度與配料適中 醬汁味濃 不錯 --------------怕大家不夠飽 穩陣起見便叫了個飯飯與餸五比五 暖暖的吃下 不錯的--------------炸粉不厚重 外脆內軟 點上醬 美妙!-------------看上去滿滿的 吃下去感覺有點被騙因為吃掉雪糕球 內在較空洞用了點粟米片 忌廉稍蓋一下旁邊的巧克力威化餅瘦瘦的一條點綴 ~v~幸好綠茶味的雪糕不過不失 不然令人更無奈的哈 XD-------------這杯說是酒卻沒什麼酒味呢當汽水喝喝吧-------------any服務員忙碌卻態度有禮 不會因為卡位較"偏僻"而少留意客人所需…Read More

與他看完尾場臣的演唱會後 來到旺角東站附近尋找糖水鋪由於過往沒有特定要選的店 而且這條街真多選擇 沒多想之下來到這裡 深宵時份人不算多服務員都比較空閒 我們挑下坐位各自點了簡單的糖水我點的<黑白涼粉配綠茶雪糕> 涼粉配上淡奶 跟一般吃的都是一樣甜甜的雪糕好好味 喜歡有它的點綴 :)他點的<蜜瓜西米露>水果的清新配上椰奶的甜 一如既往的"夾"吃完出門到口看到對面也有間還未試過的"同行"有機會下次來試 或是再到這裡吃個較特別的款式吧…Read More

今年的母親節 我們帶了父母一共四人初試這間美心其下的中國菜餐廳當天下午竟然能順利訂了晚上7:30的枱那裡食客真多 我們的枱被安排在近入口位(附近是餐廳廁所=.=)位置有點偏 因燈光陰暗度和衛生都不錯 所以邊吃飯邊聊天便忘了本來有點兒怪的感覺這是今頓飯的大致面貌 四人份量差不多吧以下是近照先來個 <翡翠海鮮羹> 清清地 略嫌海鮮用料不足  <松子黃魚> 酸甜味適中  松子也炒得脆脆的 拌飯之選<茶樹菇> 聞下幾香菇味 有點咸 鹽落少些會更佳<片皮鴨> 父母一向喜愛吃 第一次嚐這間的 一如既往連同醬汁和蔥包著塊皮吃 沒什麼特別呢我們四人吃畢以上的菜式連同每人一碗飯都是飽足的順帶說 爸媽一般都光顧"X香" 和 "明X"之類的酒樓相比之下 同樣的菜式 味道都差不多 只是這間略貴唯一明確不同的 就是這間沒一般酒樓擠擁和嘈雜偶然帶喜歡中國菜的長輩去進膳聊天也不錯…Read More

這晚加完班的我們來到這間分店他陪伴還未吃晚餐的我 先是吃了之前寫過食評的<脆雞麥飯卷>正餐再順便吃個甜品他吃的青蘋果新地樂雖不算"新鮮野" 但我第一次試 感覺清新 可樂冰冰跟新地配合得不錯 另外是推出不久的<黑森林新地>我們都認為 只是將花生換了"脆脆" 另加了莓味醬其實吃下的感覺跟<朱古力新地>很像 沒什麼特別 價錢卻賣貴了點果然商家有頭腦呀不過身為消費者的我們心態都是這麼簡單：總想嚐新鮮遇到新的　一試無妨嘛…Read More

致電預約時 那位小姐說:"到時要等位的"抱著要等位的心態到達 但今晚假日異常客少有不少坐位可挑選 我們二人選了個較安靜 近後門的四人位好好聊天吃東西===============他跟不吃辣不吃羊牛的我相反 因此 很合理的用上<鴛鴦湯底>:一清一麻辣&一邊普通"拾拾下" 一邊牛羊味結集他吃麻辣那邊鍋 他不覺得辣 可是會邊吃邊流汗呢===============肥牛===============最先點的火鍋配料一下子來了大部分===============共四款的涼拌小菜最好吃的是去骨<白雲鳳爪>海帶和木耳都無味兼很油青瓜則有點"宿"味===============他吃的<牛筋粒> 及<黑豚肉> (圖左至右)牛筋粒他覺得太"un" 黑豚肉味道尚可===============少不了蔬菜 粟米 及 各樣的菇菌類===============每兩位送一客的羊肉===============各樣的丸類沒全被拍下近鏡但都能說<蟹粉丸> <芝心丸> <海膽丸> 等等的丸類都是夠料的 ^^青口都蠻新鮮總括來說不是有HKD100現金劵 都會想再光顧 因為食物材料滿意 (今次有HKD 100現金劵就更"抵"了)而最重要服務員們都態度和善 殷勤有禮 :)…Read More