yumyummui's Profile

五香肉丁滑蛋牛肉多士 滑蛋滑溜有肉丁醬汁嘅調味好食、肉丁粒略嫌少少鞋同鹹，要加埋滑蛋同多士一齊食口感較好蜜糖叉燒太陽蛋蔥油撈麵 叉燒比較瘦但肉質多尚算滑，加埋蔥油嘅撈麵好好味原味焦糖蛋撻切開蛋撻入邊有留心焦糖醬，熱辣辣食真係好正，好香😋Flat whiteLatte餐廳裝修帶有懷舊氣氛，食物偏Fusion，咖啡豆好香，蛋撻味道最好，所以下次反而想試下佢既甜品😋…Read More

Great British Fried Breakfast $128同平時嘅all day Breakfast有少少唔同嘅，就係煙肉比較厚身有咬口相對嚟講冇咁乾、對於我唔鍾意食煙肉嘅人覺得可以接受，其他都中規中矩。 Beef Shin & Bone Marrow Pie $198呢一個牛腱肉牛骨髓批係餐廳必食，出邊好少有，所以就算中午都照試。外型焗得好靚好金黃，酥皮底下嘅牛腱肉加埋蘑菇汁口味較濃，建議配薯蓉或者另外多點一份酸種麵包配搭會比較好，可以中和返牛肉嘅濃味，牛骨髓好香，搽麵包真係一流，配搭嘅薯蓉都好香滑。Fresh Fish Finger $98炸魚柳外皮好香脆，魚肉有肉汁炸得啱啱好，加埋他他醬真係好惹味，食到停唔到口。正式既英國菜餐廳喺香港比較少，餐廳環境唔錯，員工都好有禮貌，整體感覺唔錯，因為野食比較大份，所以建議比較細食嘅可以一人一份share較好，好似我咁細食最後都要打包走，不過餐廳員工非常好，提供晒紙盒同埋紙袋俾我，又會好擔心咁樣怕嘢食唔好食所以我哋食唔哂。建議如果想試餐廳嘅特別菜就可以留返特別嘅日子，例如慶祝生日食夜晚，lunch就可以食返lunch set 抵食d…Read More