eatfizzeatfit's Profile

約左前輩黎傾下計但撞正就黎打風驚唔開門，即刻whatsapp 笑林寺問下開唔開門，回覆得好快話會照常營業，我當堂放心曬不過最後前輩決定避颱風將meeting日子推遲一日，又撞正第二日中午先落風球，因為餐廳係我揀所以我特別緊張又whatsapp笑林寺，同樣係覆得好快，最後順利黎到同前輩飲杯啡。笑林寺啲枱櫈古色古香，咖啡杯都係功夫杯好得意，店舖職員都親切有禮貌。我飲左cappuccino，咖啡香濃飲完後職員有主動埋黎斟水比我地，無趕人，環境坐得舒服今次同前輩飲啡唔好意思影杯啡有機會一定會打黎…Read More

近期少左出街食飯, 不過就算少左出街食都好, 依然會有機會體驗到被餐廳職員惡待,  而且呢類型嘅餐廳仲有可能包埋價錢貴食物質素又差嘅特質, 可能呢個係香港嘅文化? :(身為本地人有時都會比佢地嚇親更何況係遊客呢。  不過寫一篇食評都花唔少時間, 而且又要整理啲相, 如果唔係真係衰到極致我都唔抽時間寫了, 最多自己black list唔好嘅餐廳下次唔再去!今次係我唔知幾多個月無寫食評之後再次寫食評, 原因係呢間餐廳比到我一個舒適嘅環境, 食得好開心, 見到openrice上面有唔少人專登開個帳號黎留劣評比餐廳, 但一個中評或好評都無寫過, 我就覺得如果人地做得好嘅話就唔好吝嗇讚美。琴日因為約左朋友黎荃灣玩, 玩之前就醫飽左個肚先, 可以坐耐啲傾耐啲所以事前為左專登揀左可以食好耐嘅餐廳我地一行四人黎到揀左四款湯底, 我就無試朋友嘅湯底, 自己揀左椰子湯, 椰香味重, 用黎煲南瓜好好味, 南瓜仲要係粉粉地嘅口感, 配埋椰子味真係好夾, 朋友試左之後係咁話要食我個煲椰子湯我唔單止鍾意南瓜, 豆製品都係我超級鍾意嘅食物, 煲左好多響鈴搞到個湯油淋淋 但間唔中放肆下都ok嘅呢幾個月有兩次係其他餐廳打邊爐嘅經驗, 一間餐牌度寫有響鈴點知去到又無得嗌, 一間就係曾經去過一次有響鈴但上一次無, 真係好失望而且仲要兩間都係岩岩開場就無 可能無入貨呢次黎別忘了我每次出去夾都有響鈴, 而且唔係得返碎頭碎尾, 真係夾得好開心, 食得好滋味 蔬菜櫃啲菜都好多款, 又新鮮又補得快, 每次出去都係滿滿嘅丸類都有唔少選擇,仲有即食炸物, 我就無食, 朋友們話ok另外呢度嘅台式飲品係任嗌, 我一人飲左三杯, 味道唔可以話好好飲, 但我覺得同出面野飲舖個啲差唔多質素, 無乜特別甜品方面我試左豆花同鮮草芋圓, 真心唔推薦甜品, 個豆花係布甸口感仲有啲藥材味, 芋圓較硬, 最後我繼續煲南瓜當甜品 XD我地食到飽飽最後唔記得左嗌雪糕, 好似話一人限嗌一份, 但唔緊要, 最緊要食得開心服務方面不得不讚,亦係好大嘅原因令我要寫返食評, 職員由帶位, 侍應, 收銀都好有禮貌同親切, 基本上食到咁上下就會有專人黎主動加湯, 嗌嘅食物同飲品都上得快同埋大致黎得齊, 唯一漏左一款配料, 我地話比一位戴眼鏡中等身材嘅男職員知後佢主動跟進, 過多一陣仲有黎問我地個配料有無到, 真係好抵讚廚房職員我無見到佢地唔知佢地態度係點, 但以上菜速度同漏單率黎評嘅話都幾肯定佢地做野都幾妥當又快手呢間餐廳已經入左我嘅喜愛名單, 下次有機會嘅話會再黎食過…Read More

平時食三哥要等到晏就三點鐘先有素湯食 見到廣告賣新素餐仲可以十一點就已經有得食，一定要撐下場其實個餐牌我唔係太睇得明，問姐姐菇菌湯係咪素黎，最後姐姐無正面回應淨係問我係咪要素清湯最後嗌左素清湯，一碗米線上有六隻餃子，仲有幾粒姬松茸，睇落都幾多料，食落餃子餡幾出色，自己平時煮新豬肉時硬係煮得麻麻地，但呢隻餃個餡整得好香，不過餃子皮略嫌厚身左啲其實今次限定推出素餐都係一件好事黎，方便到素食者又鼓勵到人食素，希望遲啲會有埋素食版過橋米線或者十一點已經可以有素湯選擇就更正…Read More

服務同以前一樣咁好，性價比高嘅拉麵舖😋Oreo抹茶布甸滑溜過豆腐花，抹茶味香濃富山雞翼 $48雞皮脆口肉嫩，醬汁有日式燒汁嘅味道夠惹味素餃子$42餃子皮薄，饀料份量均勻素食味噌拉麵 $85上年黎時食過素沾麵，當時未有素湯拉麵，今次試埋素湯拉麵，同樣出色，湯底清且有層次，拉麵彈牙冠軍黑醬油拉麵 $85無得輸嘅黑醬油拉麵，湯底香，叉燒火喉岩岩好，溏心蛋充滿蛋香又軟糯凍鮮泡蜂蜜綠茶 $15淡淡嘅茶香配上蜂蜜味好清新日本巨峰碳酸飲品 $18有汽嘅提子味飲品，配咸食一流依家仲要係推廣期間兩個人撐枱腳每人送一份沖繩豬軟骨或者士多啤梨/抹茶布甸，四人一齊食每人送一份沖繩豬軟骨➕士多啤梨/抹茶布甸抵食！…Read More

星期六黎到中環，行到餓餓地又係時侯食個靚lunch，上OpenRice 見到Trois Cafe個餐牌幾吸引Curry Mixed Veggi And Tamogoyaki七彩顏色營養均衡，味道唔錯，飯量多，咖喱味香濃Braised Chicken With Abalone And Mushroom估唔到睇落咁西式嘅餐廳會有花膠食，食落又幾有驚喜，相當出色Ice Delux  Belgium  Cocoa朱古力味濃郁本來買左個布朗尼諗住做飯後甜品，點知食完飯飽左食唔落，要拎返屋企先食，朱古力味濃郁，唔錯唔錯…Read More

平時我飲野都唔太好鮮奶，因為成日覺得鮮奶唔濃好奇怪，濃嘅話就好易有奶蘇味今次又出黎飲杯野，家姐帶左我黎圓圓小姐，仲極力推薦我一定要飲鮮奶三重奏，係佢半迫半氹下就買左杯鮮奶三重奏- 鮮奶三重奏 (入面有黑糖珍珠 芋薯圓 嫩仙草)三重奏入面嘅配料全部都係我平時成日加錢加嘅配料，黑糖珍珠煙韌，黑糖味濃，仙草滑嫩有口感，消暑一流，芋圓有彈性，整體配料都煮得唔錯不過始終我都係唔太好鮮奶，所以未能非常享受咁飲鮮奶三重奏…Read More

米線係其中一樣令我着迷嘅食物，口感獨特，軟棉棉又索湯，只要湯底夠靚基本已經一定好味，呢次係我第一次食小鍋米線今次黎左葵涌，呢有分新舊店面，新店只係舊店行上幾級樓梯就到，今次店員帶咗去新店，唔算等咗好耐已經可以入座-自選小鍋米線 我就揀咗雞絲 &同埋炸醬炸醬大大碗都幾有睇頭，雞絲同埋炸醬嘅份量都非常之多，湯底唔錯，唔算係好出色但係都OK，炸醬略嫌鹹咗少少，米線口感不過不失，食完都幾飽，但就無一種要再食嘅衝動…Read More

南豐紗廠雖然有少少格攝，但我間中都鐘意黎睇下得意野relax下扮下文青咁喺南豐紗廠入邊唔止多藝術野，仲有好多餐廳cafe，今日我專登出黎hea，緊要搵返間cafe坐下飲下野冰多左啲，味道略嫌唔夠濃但我志在Hea，所以飲品唔係重點，最緊要係坐得舒適呢度室內都有好多人帶狗仔黎，附近幾檯都有帶狗仔 ，我欣賞動物友善嘅餐廳另外呢度飲咖啡有得加錢轉Oat Milk，又係另一個我欣賞嘅地方，對環境對身體都係更好嘅選擇。…Read More

今次黎搵住堅尼地城嘅表哥，身為地膽嘅佢帶我黎呢度食好野，一於交埋比佢發板食乜野-Cold Cut (Add $50 Burrata)火腿火腿同火腿，加$50有埋burrata，最欣賞就係個burrata，外層柔軟，內裏creamy，奶味濃郁- Clams食得出蜆肉好新鮮，配埋脆香法包都幾夾- Seafood Tagliatelle海鮮新鮮，麵質彈牙- Duck Ragu Pappardelle 調味出色，麵質一流- Tiramisu香濃，成餐最開心就係食佢- Panna Cotta奶味濃，好滑溜好滿足嘅一餐，食物質素…Read More

今次又係大鄉里出城系列，跟住朋友搵食實無死，呢日約多幾個朋友黎食，又黎嗌多啲開心share- Giant Clams鮮味濃，調味唔錯- A4 Wagyu Beef肉嫩有肉汁，唔錯- Seafood Box呢味菜我淨係食左好少，因為比個海鮮怪朋友食曬- Mentaiko Udon明太子我平時唔太好，但配埋烏冬食都ok，烏冬質地都幾彈牙- Matcha Creme Brûlée抹茶味嘅cream brûlée，幾滑，但略嫌甜左啲炸得幾脆整體食物唔錯，雖然唔係我最愛嘅口味，但食得出餐廳嘅用心…Read More

呢排比較少食啲賣相好精緻嘅餐廳，得閒食啲精緻食物打下卡都幾開心，朋友知我鐘意打卡帶左我黎海之戀打卡，見到餐廳裝修已經覺得幾吸引，最後揀左個brunch set，打卡餐廳黎講算價錢合理Brunch set (1頭盤 + 2主菜 + 鏗魚湯烏冬)- 和風蛋卷：蛋香鮮甜，相當唔錯- 香草蜂蜜一字骨 ：好淋 啲肉唔會痴骨，好易食，唔驚食到呢咁Hea - 野菜蝦天婦羅:炸得幾脆，出街食飯成日唔夠菜，有個野菜天婦羅食下平衡返都唔錯整體ok，但未至於食過會返尋味嘅餐廳…Read More

難得堂食人數上限放寬左，今次就約多啲朋友嚟一齊食嘢，多啲人可以嗌多啲嘢食咁就可以試多啲款啦！今次total嗌咗七樣嘢，食完後我就比較鍾意呢度啲點心多啲煲仔飯有飯焦係佢嘅精髓白鱔同雞肉都算係幾嫩滑，但整體就無咩特別蝦餃都算皮薄餡靚，熱辣辣，外皮煙韌蝦肉彈牙炸鮮奶就唔推薦大家叫，外皮食落有啲油膩，麻麻地黃金糕口感唔錯，但我自己就覺得偏甜咗少少燒賣肉質彈牙，外皮夠薄，唔錯茄子我本身唔係好好，所以冇食到椒鹽九肚魚椒鹽味香，不過不失…Read More

平時唔會專登入慈雲山，但呢幾日為左探一個好耐冇見嘅朋友所以專程入嚟，朋友就帶咗我嚟呢度食煲仔麵，孤陋寡聞嘅我淨係聽過煲仔飯，煲仔麵真係第一次聽第一次見更加係第一次食，榮記茶餐室到幾多人食，要排一排隊先可以入座沙嗲牛肉麵同煲仔飯都聽過，今次黎就食咗個沙嗲牛肉煲仔麵，沙嗲湯底都算幾濃郁，好多牛肉，麵底唔會煮得太淋，牛肉上面灑上蔥花都幾夾，最重要嘅係上菜熱辣辣，感覺好新鮮食物都算唔錯，不過坐得迫少少，但都可接受…Read More

尖沙咀餐廳多飲品舖更多，一向都好鍾意飲台式飲品嘅我今次試一間之前未飲過嘅舖頭之所以揀植作茶嘅原因係因為俾佢貌似比較健康嘅餐牌吸引咗，最後揀咗一杯薏仁鮮奶小芋圓呢條咁靚嘅飲品繩仔都係喺植作茶買嘅，係店主親手製作嘅芋圓2.0 可以係以下嘅配料中揀兩款：仙草 芋泥 紅豆 珍珠我揀咗紅豆 珍珠珍珠同埋芋圓食落都幾煙韌，紅豆唔會太硬或者煲爛曬，熟得黎不失口感美中不足係覺得鮮奶底唔夠濃，但整體黎講都算唔錯，價錢同品質成正比…Read More

🥺連續幾日落大雨難得今日淨係落毛毛雨就出去周圍行下，餓餓地下經過美食街，最後睇中左越南餐😋D24榴蓮炸彈（4粒） $48榴蓮味好pure好true，好似真係食緊榴蓮咁，炸皮超薄，外脆內軟黃金蝦球（5粒）$48炸衣充滿咸蛋黃香味，蝦球大大隻，蝦肉夠曬彈牙香茅豬頸肉油香飯$58豬頸肉肥瘦度岩岩好，調味出色，油香飯上鋪左蔥油，惹味非常越式炸蝦春卷撈檬 $42檬粉份量多，口感岩岩好，春卷脆卜卜凍越南三色冰 $19椰奶味濃加埋三色啫喱好消暑凍港式奶茶 $16奶味茶味比例唔錯，估唔到越式餐廳都飲到唔錯嘅港式奶茶…Read More