katiewoo25的個人專頁

開心果刨冰（另加開心果醬） ＄138 (唔加醬就 ＄128).開心果味超濃！份量好大！3個人吃都得！加埋d醬簡直超jeng！個冰質地好綿滑，唔會好水，最後就算已經融咗，都有少少杰身，唔稀再加上呍呢拿雪糕做balance，如果覺得太濃可以配搭雪糕一齊吃，個雪糕mix埋開心果碎，雪糕底有棉花糖，口感好豐富個開心果味係濃到一度覺得要停下先可以再吃😂所以我同frd再叫一碟炸薯條配明太子醬，個明太子醬好出色，咸度剛剛好！好吃！薯條香脆唔錯吃下薯條又吃下刨冰係好爽嘅事🤣…查看更多

慢煮和牛鰻魚丼飯 ＄138.和牛肉質嫩滑，入口順滑，油脂分佈好平均，唔會好油膩個鰻魚醬油甜度適中，肉質嫩滑，好吃！至於個海帶漬物好有驚喜！佢應該浸咗係d有柚子蜜成份嘅醬汁裏面，吃落酸酸甜甜，海帶好爽脆，無論係當前菜定解油膩都一流個飯就都幾軟熟，正常日本珍珠米發揮-一人赤身燒肉定食 ＄188冇唸過有3款牛！而且每款都有一定厚度不過其中最右面好多油花，入口確實好重油香味其他就肉香味好重，肉質都好嫩滑，唔點任何調味都好吃點少少海鹽就有另一款風味，會令個肉味再重d，不過本身原汁原味已經好jeng…查看更多

上海麵.雪菜肉絲迷必到！我叫咗雪菜肉絲+牛筋雪菜多到飛起！而且唔會好咸，味道arm arm 好，雪菜依然爽脆，非常好吃至於個牛筋入味軟淋彈牙，好jeng！個麵好特別，麵條彈彈地，唔會有好重麵粉感，幾特別.見幾乎枱枱都叫炸豬排，於是忍唔住都叫返個，點知好有驚喜！個豬排係老式炸法，粉薄香脆豬排非常鬆軟，輕輕一咬即斷而且好入味，肉質唔乾，好吃！難怪幾乎枱枱都叫！…查看更多

星洲白魚蛋叻沙 ＄56.個人覺得叻沙最重要個湯底，所以先喝啖湯先個人覺得湯底都算濃郁，雖然見到好多紅油，但作為一個唔太吃得辣嘅人嚟講，我覺得可以接受，唔算辣唔太飲得出椰奶味.冇唸過份量咁多，明明已經叫少米超多魚蛋，魚蛋都好彈牙，唔錯好吃😋…查看更多

呢間車仔麵已經吃咗好多年，個湯底夠清大推個蘿蔔，夠淋身之餘仲要好清甜！超好吃個溏心蛋都係我每次必叫的，個蛋黃流心效果一流，而且個蛋白唔老，仲可以吃到少少滷水味，超jeng呢間應該係個大家庭一齊夾份做嘅餐廳，人情味十足，職員又好nice，而且成日都見有街坊光顧…查看更多

腰果露（半甜）.雖然研香呢間嘢唔少甜品都好伏，但估唔到呢個腰果露又唔錯嚄個腰果露唔算好杰身，但feel到有石磨過d腰果，因為入口都吃到d磨到好細膩嘅腰果，而且吃落有少少花生味，我甚至懷疑自己係咪吃緊腰果花生露整體唔太甜，ok的，不過等候時間有d長…查看更多

紅燒牛三寶麻辣拌麵（走辣）.一入口甜嘅？！🤯我比較中意吃咸嘅拌麵 所以一入口已經失去我歡心但個牛筋都算幾軟淋，牛肚幾彈牙，牛肉都好淋，牛三寶個汁同麵果個唔一樣，係類似咸味嘅滷水汁，我覺得可以接受的個麵身就正正常常，我覺得冇咩特別.店名：台北倆伴…查看更多

純肉醬手製寬帶麵.肉醬份量非常充足，調味方面啱啱好，唔會太咸，雖然平時d肉醬有加蕃茄，呢個肉醬冇，但覺得都唔錯呢間就出名個手製寬帶麵，所以我都叫咗個嚟試下。個麵會比較厚身，麵粉感唔重，但你問我算唔算好特別值得一試，我又覺得唔係.巴馬火腿火箭菜薄餅呢個薄餅幾深得我心一口咬落就覺得好好吃，芝士嘅咸香味好特出，但唔會好膩，再配搭埋個火腿同火箭菜一齊吃，味道好豐富，好有層次感，除咗油咗d，冇缺點個餅底唔會好厚，就算係邊邊位都好薄脆，而且好有空氣感…查看更多

意式肉迷薄餅 🍕＄182（原價）.個餅底唔錯，夠薄夠脆個豬肉丸都好好吃（不過好少）不過個pizza落咗甜椒，所以個pizza偏甜口，中意吃甜口pizza嘅人不妨一試.香辣蕃茄牛面肉焗貝殼粉 （走辣）.唔知係咪因為走辣，所以味道超清淡問咗職員俾樽鹽，就好好多但個蕃茄醬確實唔錯，唔酸，好入味牛面肉都燉得好淋，好好吃唔知係咪焗耐咗，覺得側邊冇high到醬嗰啲貝殼粉會乾身，有醬果d就冇事…查看更多

明太子芝士烤三文治 ＄28.整體感覺外脆內軟，唔錯明太子醬好足，而且唔會好鹹，味道適中芝士做到拉絲效果，芝士唔會多到好膩，份量剛剛好，感覺芝士只係配角，明太子係主角…查看更多

平安包。黑芝麻沙冰.天時暑熱入長州，隨緣入咗間cafe 店坐下，順便叫咗呢杯特飲一試其實佢係黑芝麻燕麥奶沙冰整體而言唔太甜😋有一定黑芝麻味，但唔算非常非常濃郁，我估佢應該係用黑芝麻粉沖？因為飲到底見到唔少芝麻粉粒珍珠好軟糯，同平時吃開粒粒分明的珍珠唔一樣，佢係比較黏d一開始見平安包，以為有個迷你平安包吃😂結果原來係塊曲奇餅，塊曲奇都有牛油香，ok嘅.…查看更多

Set Dinner ＄558頭盤：凍肉拼盤(+$30) （附送餐湯及餐包）主菜：紅酒燉牛面頰意粉 + 香橙油封鴨腿甜品：法式蘋果批.呢間店舖嘅餐湯確實好驚艷，今次餐湯係椰子甘筍南瓜湯，佢係將d磨食材磨成蓉，然後煮成湯，所以口感非常特別且吃到好濃嘅南瓜味，非常好飲，真係好想再要多碗🥹至於餐包係暖暖地咁上台，外脆內軟，空氣感十足，好好吃.凍肉拼盤就正正常常，係能夠想像到嘅味道😂by the way係好吃的，個法式火腿幾特別，帶有少少咸香味.Main 方面 ，紅酒燉牛面頰意粉個牛面頰超大！而且燉得好淋，牛裏面嘅筋可以話入口即融，非常好吃！但個意粉就正正常常，冇咩特別香橙油封鴨腿，個汁調得非常好！最碟餸最好食係個汁🤤其他都正常，原來以為個鴨腿會有橙香味，最後都冇個焗薯好吃唔錯.甜品方面，個蘋果批甜酸適中，雲尼拿雪糕味道香濃幼滑，雪糕下面有蘋果蓉 個蘋果蓉就相對甜，但配埋d蘋果同個批就中和咗個甜味.…查看更多

檸檬芝士餅 ＄28.以＄28嚟講，呢個芝士餅嘅性價比可謂非常高檸檬嘅清新中和咗芝士嘅油膩feel到佢芝士本身唔算係好heavy果種芝士，屬於比較輕盈果款，所以入口嘅時候都幾fresh檸檬本身唔會太酸，檸檬味唔會好重，清清地幾好吃餅底就曲奇餅底，但可能放雪櫃太耐唔覺好脆口，但我覺得呢個價錢嚟講可以接受整體不錯，會再來訪.…查看更多

炸醬麵.一開始入到店舖見好多講韓文嘅客人同埋個老闆都係講韓文，以為呢間店會有驚喜，結果好普通，冇咩特別個麵質都幾有咬口，不過不失，個醬味道適中，鹹甜適中，冇話特別好吃但份量確實幾大，兩個人先吃得曬.糖醋肉呢碟就真係伏，個肉炸到好乾，0肉汁，除咗份量大同埋炸漿薄外，冇咩值得一讚…查看更多

春城銅鍋雙拼米線 ＄52（自選蘿蔔+雞肉）.個價錢都幾進取下，不過見社交平台有唔少人推薦，就去試下個人覺得個米線就冇咩特別，之前去昆明旅行吃過米線，當地個米線同呢個質感唔一樣至於個湯底都幾濃郁，但我厭佢太油，所以飲幾啖就算個蘿蔔都幾清甜，唔錯值得一讚係個雞肉！未試過出面吃米線叫雞肉個雞可以咁多，而且唔係雞絲！舊雞都幾嫩滑，仲有d雞皮連住唔錯…查看更多