kikishum's Profile

好耐無食片皮鴨襯生日去食返餐，之前北京樓俾我印象一向唔差，今晚之後永遠都唔會再去。2大2細叫咗個4人套餐，頭盆豆腐放幾pat 老干媽係上面，完全唔夾，又無味。醉雞正常。宮寶蝦球一上黎個皮已經淋，個汁又唔酸又唔甜，唔知想點。蟹肉羹都係無味。片皮鴨D皮癡埋一舊勁難攞，D鴨又油又無味。甜品豌豆糕都係無味，連小小甜都無。全晚最正常係個上湯豆苗:(:(:(。仲有小籠包，個皮出嚟仲係白色，都未蒸透。質素勁差。1600蚊食一個4人餐，食到一肚氣。…Read More

其實都好耐無去食，以前幾鐘意，因為佢d蒸魚都幾好味，今日趕時間貪近去食個早餐，叫咗個腸蛋通，凍0水，杯凍0水只杯真係吓人，仲要咗飲咗幾啖至發現只杯係咁，當時諗住換，最後都係算，飲過叫人換，一陣又睇面色，下次吾去就算…Read More

食物味道同質素都很好，店員態度友善。因我帶2個小朋友覺得冷氣太大有d凍，問店員有無無咁大風嘅位，即刻幫我地轉上樓上，上到去仲問我呢個位得吾得凍吾凍。凈呢樣已經加分，如果去其他鋪頭坐落咗點埋餐又調位，一定會eeoo。食物方面都好味，試咗咖哩，串燒，海南雞，菠蘿炒飯，全部都好食，下次要試下生蝦。不過個咖哩海鮮，海鮮比較小，得3只青口，4只蝦仁，2-3只墨魚仔，帶子幾粒，好細粒個d，似煲粥個種size，其他都係洋蔥同青椒薯仔$12x 吾係咁值但下次都會再食呢間，味道是不錯…Read More

試咗午市放題，食物黎得好慢，第一round寫嘅嘢12點10分落單，最遲一碗13點15分先到，乳豬燉湯鴨個d似乎有限度供應，而且排隊超長，又耐。而且好快無曬，就要企係度等20分鐘。我聽到即閃。燒嘅海鮮成13點20分先到，13點45分就叫14點last order，雪糕都cut.佢嘅雪糕係要專人筆俾你一球球個款，d人又開始去排雪糕，因為坐得比較入，到收到通知時出面已經排咗1圈，小朋友又扭住要食，拎到個雪糕時已經cut啦。都見到有幾台食客摧單，cut咗order之前食物未到又話已經cut冇得再黎啦，都有食客嘈，我自己只叫咗1round，第二round叫嘅刺身，羊鞍到走都未黎。…Read More

午餐公司叫外賣叫咗個魚柳包餐，塊魚柳又薄又細，whatsapp同店員反映情況，佢回答係正常比例，質量ok.因佢d魚柳無浸過藥水所以會係咁細，o 曬咀，以後都吾會再幫襯，咁嘅態度，咁嘅食物質素，差差差差差…Read More

之前經過見新開諗住搵日去試下，提前一日訂了位，當日下conf booking.店員話用餐前半個鐘會再打俾你話你知你嘅枱號。未試過訂位要甘樣咯。收到電話被安排上10樓，一開lift門已經覺得好大煙同好大油煙味，店員話7點15分至可以落order，叫我地坐陣先。到了7點15分，又無人走過黎話俾你知可以落單。見隔離枱遞紙，甘我地又遞啦。落單後足足15分鐘都未有嘢黎，我問店員我地張單落左好耐都未有野到啵，距話跟跟。其實呢D串燒應該一早就整好曬，系雪櫃拎出黎放落碟應該不會好難。過左一陣，食物終於到。店員唔會教你個爐點用。唔理啦，就放上去燒啦。個爐燒得極慢。燒完第一輪食物已經8點半，9點3要交枱，8點9左右就last order。講返D食物，D生蠔好細只，又唔新鮮，燒完出黎變左蠔鼓。送個半只龍蝦，食落有陣（押）味，D肉又灰，好唔新鮮。夠鐘要走啦，唔可以講食得好飽。但全身，頭發，手袋，全部系油煙味。拿拿聲返去由頭洗到落腳。整體食物質素真系好一般。個爐燒得極慢，又細，放4-5串野落去就已經無位。餐廳整體環境好差。如果一大班人去食，恐怕燒4個鐘都未食飽。我地系三個人去食，一次燒得幾串，燒燒下根本無心機燒落去，因為真系好大煙。…Read More