tomica193的個人專頁

原本係隔離餐廳等入座，聞到隔離烘焙好香，上網search下「梅窩麻糬」好似幾hit 喎！食完正餐就試吓！網上話肉鬆紫菜、咖啡味都好好食，但我都係即場買包朱古力企埋一邊即試試試先。咦，唔錯喎！有朱古力醬，大大粒，都幾有咬口（煙韌）。再買多包原味先！呢包暖暖地，更軟，更好食！甜甜地，有芝麻。唔錯！個人認為好食過Yamazaki，又大粒啲！經過可以試吓！朱古力有少少醬原味，有芝麻香。麻糬蛋撻細細粒，有機會再試！只收現金太子警署對面…查看更多

第二間天星，今日睇完po 去試，哇，頂！完全唔入流。米線難食，似街市入貨個種貨。韮菜餃，唔使講睇相都知皮厚到一個點，應該唔係自己包，似來貨多，因為舊餡實的的，豬肉顏色深啡，韮菜完全唔香冇味。蘿蔔淋，但佢本身浸過魚湯好腥，明明我食緊酸辣，咬一啖蘿蔔個陣就魚湯腥味。個湯底… 淡，似開左水咁。有醋嘅酸，湯底冇鑊氣唔係逐碗煮，有少量肉碎，食完冇口渴嘅。但真心勁普通，唔入流，前面銅鍋更好，天星根本同屯門雲川冇得比。呢間同尖沙咀星林居仲有後距離。荃灣香車街市老闆娘都係好普通，但湯底好過天星好多，至少逐碗煮有誠意。食完個餃子皮仲未散，你就知有幾厚幾實天星？食雲吞麵牛腩河仲好，至少唔使等位。…查看更多

超難食cafe 食到一半已經停口千祈唔好去！唔係個人口味問題，而係完全冇誠意！全部都係廚房砌完、撈完出嚟，cooking mama咁，廚房仲要10幾個人。完全想像唔到呢班人做緊乜！建議過去隔離屋邨或airside吧！禮拜六去Sogo thankful week, 係餐廳消費可泊車多一小時。睇個款應該錯就有限，點知離哂譜！茄汁蝦意粉🍝淡茂茂，索價$168！加一！冇餐飲！點樣難食？就人烚意粉，烚蝦，再將兩者撈埋。蝦，係有白烚之後過凍水嘅味道，意粉完全朔唔到醬汁，根本冇一樣嘢係融合。兜意粉入面有蒜頭，完全聞唔到有香氣，何況都冇煎香蒜頭才開鑊。接近$200食一兜殺完再撈醬俾你嘅意粉，完全唔接受！蝦，煎香係唔同味蒜頭，爆香係會有香氣意粉，熱鑊炒過，會熟醬汁以上全部都冇好過份！漢堡包平啲，不過食普通，而且薯條或沙律菜都冇。…查看更多

從來冇興趣試瑞幸，有日等緊萬波就發現對面鋪換左手，係大陸連鎖飲品店瑞幸。（真係擴展得好快！search下香港竟然港九新界都有5、6間店，好誇張）入去參觀吓。先知葵廣可以有裝修！可以有冷氣！鋪頭可以咁深！（去過葵廣都知，通風抽氣差爆，油煙勁焗，穿過走廊你件衫都有陣臭味）真心驚訝！再玩吓新點餐機，可以下載app 會員有優惠券，原價$3X $4X 券後$20 有找我等緊萬波杯廢水都$3X 既時候，對面瑞幸更平更大杯喎！加上新屎坑，更加有興趣試！餐牌冇渣流攤，橙啡、椰水啡、柚啡、荔枝啡、仲有得揀轉唔轉汽泡水，除咗咖啡，仲有手打檸檬呀、果汁茶之類。第一日試水蜜桃檸茶，首杯$15.5 超大杯！唔係用罐頭桃而係碎粒白桃（2樓檸檬樹下都係用白桃真水果）。店員加糖略為重手。過兩日再試，橙啡！有驚喜！（今年CNY 頭周圍試橙啡，暫時覺得南豐紗廠地下coffee shop 加左青檸同汽泡幾好飲）瑞幸呢杯，正常size 都好大杯！濃橙汁味！濃啡味！（自己沖過就知比例好難搞）樓下Free D coffee 杯橙啡都平，$25 左右，不過好難飲。以前有Nodi coffee 都還好。真係唔錯，葵廣茶飲又有希望啦！問左店員，開07:30 開工前有選擇了！…查看更多

原來屯門開左分店，元朗個間好隔涉唔識搵。價錢正常，味道普通，酸辣湯麵唔似平時食開個種味，配料有齊木耳絲、豆腐絲、冬菇絲，就係老抽落得較多，似食茨汁多。蔥油餅唔係酥餅，似手工Pizza 個種質感，蔥唔夠、蔥油味好淡，有芝麻香，比較鍾意新墟街市個檔仔嘅蔥油餅。主打生煎包，冇湯汁，包底脆，肉調味OK，連續兩件都飽飽地。冇欺場，都冇記憶點，冇咩特別。最後桂花糕，係糖年糕中間加桂花蜜，兩個人試下都ok。埋單$98，冇咩特別唔使專登去。你預左全餐都係澱粉質囉…查看更多

經常心心念念鬼巴士，一直都去開龍門居買，有時唔係成日開，而且要特登揸車過去嗰邊買。上次食完桂花籽，問過店員，話虹橋呢間係加盟店，都可以放心去買，今次試完，冇下次。了幾個套餐，雙拼、三拼、雜錦，都有寫到明有青瓜墊底，已經覺得好奇怪，識咁多次鬼巴士都唔會有任何嘢墊底。叫一個雙拼，脆腸同牛柏葉，我印象脆腸係一粒粒好似界咗花嘅魷魚咁，而家變咗係冇上到橙色嘅生腸。基本上個盒全部都係青瓜，眼見嘅各自1.5串牛柏葉同「生腸」。同朋友share呢件事，對方都係鍾意食雜錦，冇雜錦唔考慮啦，而且青瓜比例極多，唔會再喺虹橋買。…查看更多

極不尊重！極不尊重！極不尊重！極不尊重！門口自取號等入座，前面個位阿姐撳極都撳唔到，幫佢拎取票，佢一人A24，我緊接佢其後A25，部機勁垃圾，反應緩慢。阿姐行前入去等，我就企喺餐廳門口睇餐牌，當時有四至五個1人拎左飛等候入座。但職員經過阿姐問佢幾多位，就俾佢入去，根本冇嗌飛，都算喇！職員撳左A23，但A23 係出面。意思係，職員有意識係要撳機叫號號碼！如是者，另外嗰兩三個都係咁樣入去，根本冇買飛，阿姐完全冇叫過我，亦都冇打算安排我入座。極不尊重！極不尊重！極不尊重！極不尊重！門口其實好臭呢間嘢唔使再食！今次再去，純粹因為下午茶幾十蚊，而且想快食完之後返工，戇居居喺度等叫咗15分鐘，完全被無視！極不尊重！極不尊重！極不尊重！極不尊重！…查看更多

湊湊鍋基本上每個月都會去一次打邊爐，尤其鍾意胡椒豬肚雞湯底，配埋油炸鬼真係冇得頂！呷哺呷哺係佢哋其中一條副線，收費相對較平，每人一鍋嘅玩法，適合一大班同事嚟lunch，快食快走。無論湯底、食材、配料、飲品，同湊湊鍋相差無異，當然，店內環境裝修相對簡單，而自助吧就冇咗水果，仍然保留涼拌小菜，滷肉飯任添。呢度嘅調味自助吧另一個特色，就係用咗水蜜桃醋，而且提供王子面、刀削麵、波菜麵選擇。水蜜桃醋食起上嚟都有果味，比起湊湊鍋更解膩。除此之外，甜品吧嘅供應都比較台式，有芋圓、仙草冰粉等粉自由調配。人均價位$200左右。值得一提，套餐包括嘅飲品，只係烏龍茶、茉莉綠茶，如果想要手搖珍珠奶茶，就要額外加$8升級喇！而胡椒豬肚湯，都有幾片豬肚絲，不過就冇雞件喇！…查看更多

區內茶飲選擇唔多，「花斑茶社」茶類飲品唔出色而奶茶較多糖精，而Canadian Pizza 都有果茶外賣（但唔出色），遲吓NovoWalk 個邊開連鎖店「手作功夫茶」。建生商場裝修過，感覺似民坊style，大部份舊店都保留，印象而家呢個鋪位既前身係雜貨鋪，舊時隔離就係Cafe 「by the tray」。早幾晚，飯復想飲甜野，經過見到就試咗杯「芝士奶蓋四季春」$28 左右，幾年前好興飲既奶蓋、今日變得輕盈唔太膩價錢合理、可以接受，而且茶底飲到清香既四季春。其他水果茶/smoothie / 沙冰價位從$30 - $40 不等，如果呢間「茶色」唔錯，都可以接受，不過K11 「喜茶」、「奈雪的茶」最貴都只係$46，呢類冇乜名氣既茶飲相對定價較高了店內有提供炸物小食，裝潢光猛、空間感大、有企位又夠冷氣。相信今年夏天，附近中學生會好捧場店員話可以whatsapp 下單自取架！…查看更多

平時都有去呢間茶記，焗飯係極難食，小菜就普普通通冇鍋氣。不過早兩晚去食飯，真係莫明奇妙！叫咗份星洲炒米同沙嗲肥牛煲，等左好耐，個煲係酸既！似泰式炒金邊粉個種，唔知係咪落錯單，再睇餐牌，寫住「沙嗲肥牛煲」喎！一路食一路懷疑！真係頂唔順，要問店員！「你呢個沙嗲肥牛煲，落罐頭菠蘿架？酸既？」店員：攞去廚房問，話係沙嗲醬「你哋早餐沙嗲牛肉都係冇花生醬，落菠蘿、酸架？」店員答：係結果，唔夠30分鐘，我返到屋企肚屙！千祈唔好再去！油到不得了！我問佢用邊個牌子沙嗲醬又答唔出！粉絲又一大舊，要求攞鉸剪又冇提供！最後成煲冇再掂過！…查看更多

完全唔明白點解呢間船麵咁多人食，標價太貴，普通雞肉麵，要$80。貴少少嘅豚肉、蠔、安格斯牛，就過$00.1碗麵。飲品額外加$18 ，嗰啲聲稱泰式飲品，只係梳打水，連泰式奶茶都冇。船麵湯底，偏甜，勝在熱辣辣（有煙）。而家去餐廳食嘢，熱到出現嘅情況真係買少見少。配料有：魚蛋兩粒芽菜、蔥、芫荽雞髀肉冇調過味，反而有雪味炸豬皮，幾好食，不過係貨源嘅問題，除非係店家自己製作蘿蔔，九唔搭八秋葵，九唔搭八額外嗌咗份小食，炸蝦餅，有三件，幾好食，軟熟，唔可以叫彈牙總括而言呢間嘢，冇咩必要都唔會再食，清水都冇杯就$121，假如你晚上6:00 後入座，仲有加一tim!!! 星期六日不設下午茶！…查看更多

1. 衛生問題：餐具、枱面不潔淨，仲有曱甴，仲要我自己拍死🤮。（附圖）2. Menu 甩皮甩骨，爆線兼爛邊，觀感差，餐牌內沒有列明下午茶時段，造成閱讀困難，須改善表達技巧。3. 食物水準太低，焗蕃茄雞扒飯，不是炒飯底(非傳統做法都ok) 但醬汁似韓式辣醬混劣質茄醬，相比港式快餐店螢光茄汁，味道更差。表面鋪滿洋蔥、菠蘿、芝士可見，烤焗時間不足。從白色雞皮推斷，雞扒未經煎焗過，味道偏酸，醃料奇怪。（附圖）4. 凍檸茶正常5. 車仔麵同焗飯定價過高，仲要收取+1服務費，對唔起大型商場開location 質量及服務。6. 從元朗車房永年（發泡膠碗年代），支持到尖沙咀分店，再到訪沙田茶記，此行非常失望。可能真係只做返本行車仔麵比較好。完全不會介紹朋友。此份顧客意見會轉發到OpenRice 予其他讀者評價。…查看更多

點解我話有誠意？根據泰國人店主介紹，Hidden menu 係首創嘅「咖喱沾麵」，源自香港人熱愛米線同日本熱湯沾麵，於是就自創呢款菜式。而咖哩分別有青咖哩（雞肉）、紅咖喱（海鮮/魚）兩款，香料來自泰國，刻意炒香，除咗加椰汁仲加辣！惹味非常，配料有魚蛋、豬紅，唔鍾意嘅話都可以淨雞肉。炒金邊粉，熱辣辣，配料有水準蝦球食得出有濃厚鮮蝦味，而唔係雪藏貨，炒蛋有蛋香夠薄（睇圖都見到），而芽菜亦都採用泰國貨，相比本地芽菜嚟講，肥d、短身、脹卜卜、脆口。味道調和，唔會過份酸或甜，好開胃，炒炒火喉又唔會太濕👍🏻 唯一就係花生份量可以再少d 另一款hidden menu，芝麻雞翼熱辣辣，每隻都有適當調味同肉汁又大大隻，唔係來貨/雪藏貨…查看更多

原來唔記得寫呢間嘅食評，一年前夏天嚟過食午市放題，質素唔錯2021-06-21當日係星期六，中午放題每位$400左右，限時兩個鐘，呢個價錢係可以任食海膽壽司。餐廳面積唔大，大約有八張枱，二手握壽司嚟講上菜速度都算快。價錢值唔值得，就見仁見智啦。令我印象最深刻嘅係，海膽用咗唔同嘅品種，因為每次都有唔同嘅味道。第一轉，比較甜，第二轉味道比較薄但係鮮味d。睇圖就知海膽壽司嘅紫菜係脆嘅，唔似放咗好耐林pat pat 其他魚類刺身壽司，都相當唔錯…查看更多

睇過夏蕙姨嘅介紹，憶起灣仔附近有間茶餐廳，好適合去完會展之後過嚟食返個下午茶。今年美食展又開始，行左個幾鐘，腳都攰，過嚟飲杯嘢，食隻燒春雞同炸薯條開心吓先燒春雞係呢度必點名物，半隻雞，即叫即整，熱辣辣出晒煙雞髀位一扯，肉汁咇晒出嚟有淮鹽、泰式雞醬，任君選擇。因為隻雞底味唔重，我建議，沾少少淮鹽捽落落雞皮度，咁就更加之惹味。雞皮又脆又香！肉質非常嫩滑 諗起都流晒口水，盛惠$78。同場嗌咗一份鐵板西冷牛扒，配意粉。不過不失啦！餐廳備有膠手套，同埋濕紙巾，都幾貼心。…查看更多