swallow_tongue's Profile

一句講哂啦：蛋牛治啲蛋老、咸牛肉無味，加埋杯咖啡要$38 完全唔值個袋外賣拎緊番office已經漏咗啲咖啡出黎，都算啦外賣經常有，少少唔驚啦，最多番上去快快手拎件治出黎唔好浸濕點知原來咖啡個杯蓋無撳實，一拎起個治郁到杯咖啡就成杯倒哂出黎，整到成條裙成件衫成張枱仲有成塊地氈都係咖啡😠😠😠 明白朝早多人買外賣忙，但唔係連個蓋都唔撳實呀？！本身見到其他食評話個治唔掂，以為係個別例子姐，試下可能唔係呢，原來真係要信人架，呢間無下次…Read More

去完越南冇幾耐就好掛住越南既法包。街邊一檔檔車仔一落order d婆婆就即刻整，個底醬好香d料又新鮮，塊包又會係炭爐焗到脆卜卜，就算攤凍咗都一樣咁好食。其實我都明係香港要搵到百分百正宗，食番越南既味道係好難，但口痕又未食過依間，係開附近佢又聲稱正宗咪試下。個size 係大既，一條長法包分開一半都夠兩個(細食既)女仔share, 都唔洗等好耐就有。第一次食諗住保守d嗌就咁越南口味啦，食完得一個字: 酸， 兩個字: 好酸，因為入面加咗大量酸既紅蘿蔔絲。正宗越南口味唔係冇，但唔會加咁多有半份料都係酸蘿蔔絲。個底醬唔香可以講薄到近乎冇，肉就得好少同埋係肥豬肉。咩味都食唔到剩係得個酸字 lol.老實講同區另一間老字號 (後來特登去食個間，為既係想洗甩依間咁難食既味道) 差唔多價錢但真材實料好多。雖然個間係遠d, 但行多十幾分鐘都好過哂錢食唔好食既野。…Read More

Where's Wally 本書係我細個至愛, 係一大堆唔同background 既人入面搵番主角Wally同其他角色, 對小朋友背景色彩繽紛, 仲有d路人甲乙丙會做好騎呢既動作xp。 而且係咁多著咗相同衫既人搵番主角, 係訓練專注力同眼力。提提大家pizzaexpress係可以上網book枱, 不過朋友早咗去又唔洗等, 到lunch time 就full 哂lu。我地嗌咗 Wally Pizza 同咖啡, 仲有烤雞salad。紅白相間既Wally Pizza 係水牛芝士蕃茄pizza, 份量有6塊兩個人分啱啱好, 食完又唔會滯。 😀烤雞salad 都一樣好食, 上面有甜甜既盧荀配回甘既火箭菜 (超多)， 加上黑醋調味, 十分開胃。一端上黎就要拎相機, 實在太可愛啦。 😊隨咖啡送上一小塊甜蛋糕, 啱鍾意飲咖啡唔落糖既朋友。食完再去行Wally's Exhibition 就啱啱好。 😊 期間限定, 同朋友去搵Wally 食好野啦~😃…Read More

係the One 睇完戲, 就要搵搵附近有咩食, 好彩行過去studio caffeine都唔太遠 :)鋪頭由門口睇好似好細, 但入面長方形設計, 都可以擺好多枱 (大概6-8張), 仲有一邊係bar枱, 最盡頭擺咗幾支結他, 夜晚可能有live music聽由於四人枱已滿, 我同朋友就坐bar枱, 都好, 因為四人枱人地講野都幾大聲, 所以唔靜架個環境我要咗個Monster All Day Breakfast, 另加一杯Caffe Vienna咖啡先上, 本身唔識飲咖啡 (飲係主要提神同突然想飲), 第一啖覺得好酸, 咖啡味濃, 同真係Vienna 既好唔同, Vienna 既味淡好多 (比normal latte仲淡), 上面既係泡唔係cream, 所以個時係Vienna一日飲3杯都冇問題好快就上埋all day breakfast, 麵包配牛油芝士好好食, 其他就okay啦, 夠熱都會唔錯, 份量都好足朋友叫咗個pasta, 唔記得係咩名😰, 味道okay, 不過太多sauce, 少番d會好d, 感覺light doverall 食物環境okay, 可以食下, 過一個悠閒既星期六日…Read More

一行5個人, 加上涼涼地, 最好打邊爐~ 朋友之前食過依間覺得幾好食, 我就第一次黎, overall 都唔錯, 食物質素中上, 係每樣餸嗌既睇過食評大家推薦椰青雞煲, 咁特別梗係試一試。誠如大家所講, 侍應會係你面前開2個椰青再加少少水, 刮埋椰子肉做湯底, 滾起就加雞塊成為雞煲。食落去似食椰青燉雞, 好滋潤咁, 個湯都甜, 顛覆咗以往食雞煲既印象 (朋友入面有2個第一次食雞煲, 就以為平時雞煲都係咁哈哈哈) 但雞塊多肥膏, 肉就少 😞雞煲食定嗌咗其他餸, 特別既係牛肉拼盤, 有肥牛, 牛, 牛柳粒, 牛脷, 有牛既油香同牛味其他餸如餃子, 菜呀菇呀就不過不失啦餐廳地方大, 好坐, 有電視, 十幾個人黎都唔怕, 都可以坐好耐。價錢有少少偏貴, 多d人黎可以食多d, 除番開又抵d, 一大班人就最好~…Read More

Tequila's Jack 係one of my favourites, 係尖沙咀要suggest食咩諗唔到食咩要食好食既野我就會黎依間 😝坐底叫杯野飲先啦 😁 由於之前試過cocktail 我mama 地 (覺得似藥水味 lol)，所以叫啤酒穩陣d，朋友點咗margarita, 哇 太大杯啦掛?! waiter 會送碟 free nacho, 卜卜脆好香口, 送酒一流! 點埋醬好惹味~雖然menu係寫spanish, 但waiter 會介紹係食咩既依次要beef salad, 咸牛肉超多, 外層可以搣黎食但有d油, 加埋粟米辣椒感覺好exotic, 口感新鮮。我prefer mushroom salad多d , 有2塊超大磨菇係上面, 下層墊住好多菜, 比較健康主菜要咗jesus maria & fijatasJesus Maria 係素食, 食素既依度都得架! 有2個淺綠色既卷物, 入面有豆蓉同其他蔬菜蓉Fijatas 係有3 parts, 一樣薄餅, 一樣肉 (beef/chicken/ mix)，仲有配菜 (芝士, 青瓜絲+3 款醬) 一上台已經好香, 同一定夠飽, 似墨西哥式既北京填鴨 😛另外想推介既有barritos, 都好好食今次去仲有朋友慶祝生日, waiter捧住蛋糕唱生日歌出黎, 非常歡樂 😙 而且好好人幫我地影咗好多相因為食物份量十足, suggest 2個人黎叫一份salad/snack + 一份main course 都夠,依次我地4個女仔都食唔哂。當然黎到純飲野梗係得, 又有波睇。想試下其他國家既菜式, tequila'jack 係不二之選 😋…Read More

收工時收到朋友call, 佢ot到9點仲未食飯 😨 咁啱我都收夜, 一齊去食宵就啱啦。番到元朗都10點, 餓得黎又食唔落好多野, 點心就好, 份量可以自由控制, 又可以試唔同款。朋友去到搵位先, 我第一次黎, 間鋪好易搵, 我入到去時d人就差唔多走, 鋪頭細細, 但算坐得舒服, 有卡位可以坐。我地叫咗流沙包, 叉燒腸, 鷄扎, 炸鯪魚球, 蝦餃。好食既流沙包難求, 流得黎起沙嘛顧名思義, 佢既包好流, 一搣開真係好似倒水倒出黎, 但咸蛋唔夠所以唔夠香同沙, 仲有唔夠熱, 依個要扣分推薦既有炸鯪魚球同蝦餃。鯪魚球炸得香脆, 如果有埋泰式酸辣汁就正 (依度係沙律醬)。蝦餃大隻蝦, 皮又薄, 好食 😀 至於叉腸同鷄扎就冇乜特別。所以野加埋都係total 一百左右, 份量都多 (蝦餃有4隻架), 夜mama想食點心堂食得, 外賣得, 又唔貴, 抵食架…Read More

放工約咗2個朋友睇戲, 由於其中一個經常ot 😰, 所以食一間近近地戲院, 唔驚會遲係menu見all day breakfast 好豐富, 又唔想左揀右揀, 一於食佢, 外加一杯凍朱古力大約5分鐘, 飲品就ready 可以拎, 朱古力好濃, cream 好滑, 好容易搞暈, 唔會一舊舊浮起, 飲到最後d冰溶哂但口感仲好rich, 值得一讚 👍但食物呢...我地大慨8 點半到叫, 等到9點2先黎.... (仲要睇9點9戲 😫)蛋好滑, 香腸同煙肉既膩有蕃茄仔中和番, 唔係好鍾意塊麵包, 雖然焗過但唔夠脆同熱, 同埋我唔係好鍾意個jam, 可以提供埋牛油好d 坐到9點半侍應哥哥已經講就快收鋪😨, 我食咗一半都未有, 只好拿拿聲食埋去, 但之前朱古力佔咗一半肚, 剩低我唔鍾意既包 😅食飽飽就即刻行去隔離睇戲, 實在好方便 😆…Read More

約咗好耐冇見既朋友食晚飯, 梗係搵個坐得舒服又坐得耐既地方。旺角朗豪坊地點方便, 於是上去skybar食Amici我地2個人叫咗個2人套餐set a, 初頭仲驚唔夠食, 有小食拼盤, cabonara 闊條麵, pizza (芝士四重奏), 2杯飲品, 同場仲有另一個set b, 多$100 多2碗湯同多d main course 揀 (如ribs)小食拼盤冇諗過有咁多, 有鷄翼, 炸洋蔥圈, 炸魷魚, 芝士薯仔, 少少沙律菜, 一式三份, 食完已經飽咗半成 😥Cabonara 闊條麵okay, 食完唔覺得膩, 但芝士唔夠香Pizza - 芝士四重奏聽個名以為有4款芝士tim, 係薄批黎, 飽到食剩一半要打包 😂食物就不過不失, 依度適合傾計&飲野, 坐得舒服又可以慢慢坐…Read More

openrice見到幾多好評, 我又鍾意食蕃茄, 加上未食過以為係新餐廳, 放工後決定去試試但朋友同我講間餐廳已經開咗好耐 -_- (佢食咗好多次 lol, 咁我又真係好少行教育路依邊既)朋友點咗蕃茄濃湯麵 (自選配料)個湯底好濃蕃茄味, 食到冇味精 (食食下先記得影相 xp)我就好肚飯叫咗蕃茄芝士焗豬排飯嚴格黎講, 係焗豬肉飯, 因為唔係整塊豬排上芝士都落咗好多足料, 醬既份量啱啱好夠撈飯但又未至於好濕, 調味比較重黑椒味所以好香同辣辣地, 可以同蕃茄既甜味平衡番麵同飯既份量都好大, 食到飽飽 :)我地仲有一人一杯泡沫檸茶, 特別既係佢柞咗d檸檬落d茶到, 所以係唔洗自己篤檸檬既惟一挑剔既係枱同櫈都好細, 肥d都驚過唔到, 驚整到隔離枱, 但香港租金貴冇辦法, 侍應姐姐收碟都收得密唔驚擺唔落野食總括黎講, 份量大又抵食, 見到隔離枱叫咗二人套餐 (有前菜, 两個自選焗飯/湯麵, 甜品, 2杯野飲), 真係好多, 3個普通胃口既女仔都夠食, 下次可以encore …Read More