Peggy Yiu's Profile

新年期間行家的禮物真係太多, 擺埋一旁後很多時都會忘記了食, 有時甚至過了期都唔知。若不是大執位, 可能便會錯過這盒美味的曲奇。還有兩天便到期, 便立即開來大家食, 無謂浪費。雖然還剩兩天食用期, 但曲奇沒有變質的感覺。曲奇的口感不是乾硬脆, 也不是粉脆, 而是一種細密既感覺, 唔識形容, 口感覺得係用料充足那款~這款叫黑馬王子, 但看他們附於罐內的小冊子卻沒有介紹這產品, 而他們網頁則有介紹, 以朱古力為主。雖然朱古力味濃郁, 但都會食到好香牛油香味, 唔會『朱古力味返番唻, 牛油味又唔爭氣』。最吸我的就係呢款咖啡朱古力榛子曲奇, 咖啡味超香, 未食已聞到, 朱古力味又濃郁, 仲有大大粒果仁, 好似唔使錢咁, 另外甜度適中, 呢款真係必食之選…Read More

克街的食市都算不少, 這店位置之前, 曾開過正冬酒家, 點心平靚正。結業後開了胡同豬, 本想去嘗試, 但開業不久便倒閉, 到現現開了這家韓燒店。見到客人亦不少, 應該似是有做了~已很久沒有食韓燒, 今天一行三人唻呢度試。每張櫈其實是一個桶, 可以將衣物放進去, 不會怕沾了燒烤的味道。我們點了一個牛肉海鮮套餐, 額外還點了一份薄餅及炒年糕。套餐內包含了幾種不同部份的牛肉。牛肉味不算很濃, 但亦不俗, 肉質亦很嫩。燒肋骨時, 其中有一小塊肉與骨是緊緊連著, 店員說這部份很好吃的, 他很耐心幫我們把這肉拆出來 說真的, 味道不錯, 但有點靭~~ 燒蝦真的食蝦的鮮味, 沒有其他佐料, 吃原汁原味。多春魚則較難燒烤, 我們把它燒到爛哂, 沒有吃過~ 芝士蠔不俗, 微濃的芝士汁中食到蠔的鮮味。薄餅像我們中國式的薄撐, 但較中國式的用料多, 微脆中帶點煙靭炒年糕味道不算辣, 口感亦不錯, 但不夠鹹。最值得一提的是這店的泡菜超超超超超好吃, 它除了有酸及辣之外, 還有微甜, 第一次吃到微甜的泡菜, 原來是這麼好吃, 如果有白飯, 真的可以食淨吃兩碗。以往食過的cheap cheap韓燒都會有一碟醬汁, 可能新派的韓燒較喜歡原汁原味吧。如果這店亦設有醬汁, 肯定會更好吃。…Read More

行到中環, 見到一間似是人山人海的拉麵店, 因不是極肚餓, 便有耐性慢慢等位~其實都不用等很久便可入座。朋友點了一個帆立貝油麵, 是要打隻生雞蛋一同吃, 因我對生雞蛋很抗拒, 沒有試吃她的, 但她說很不錯, 不油膩。而我點了周月湯麵, 除了麵方面感覺有一丁丁點”笠口”, 其他也很出色, 湯味濃郁而不帶鹹 而麵的硬度是剛好的, 肉片夠軟, 溫泉蛋的蛋味夠香, 一貫溫泉蛋的水準, 很不錯。餃子方面, 內裡的餡料算是足夠的, 但不覺有肉汁, 感覺跟現成貨品沒有太大分別, 沒有什麼驚喜。:(:(:(晚餐以甜品作終結, 點了綠茶紅豆窩夫, 噢~~ 出奇地好食, 窩夫綠茶味夠濃, 紅豆醬不甜, 但有香濃紅豆味, 紅豆雪糕亦夠滑, 整體沒有偏甜感, 對我來說是很完美配合, 仍在回味中~ …Read More

第一次來這餐廳, 食客以外藉人士居多, 感覺相當高檔。餐廳在大樓的頂樓, 全是落地玻璃, 景色相當不錯, 可能我來到時窗邊位置已全滿, 未能一邊欣賞風景一邊据扒~Set lunch的價錢不算很貴, 在$150-$200之間, 我選了這份rip eye ($185). 最先會來一個又圓又大的餐包, 我們兩人來有一個餐包, 但看見鄰座的男士一人來, 也是一個餐包, 一個人怎能吃得完~餐飽沒有太大特別, 只是伴著的牛油可能加了黑松露, 令麵包立即變成美食。set lunch附有湯或沙律, 因我對紅菜頭湯沒興趣, 便選擇了沙律, 但不知沙律上白色一粒粒的是什麼, 吃不出味道, 亦沒有芝士味~肉眼扒不是很大塊, 亦不是很厚, 對於一位女士來說份量都算足夠。因我對西餐不是特別偏好, 所以眼前的肉眼是不是新鮮, 我都不太清楚 但醬汁是很好的, 味夠濃, 再加以香草焗的薯件及蕃茄, 整體算合格的後記~ 服務生的態度很殷勤的, 讚~~…Read More

以前好鍾意去銅鑼灣一間上樓的韓國菜, 自從佢執咗之後, 好少會再有一個衝動搵一間屬於自己既韓食食堂。朋友介紹我唻呢度, 單看食品的造型已經很吸引我~~ 食品方面, 因為好多人都介紹蜜糖咖喱雞, 所以我們都點了一份, 端上後聞到真的很香, 咬一口不會覺得油膩感, 雞肉亦不會鞋烚烚, 很有肉汁, 甜甜的蜜糖味中又有香香既咖喱味, 真係超正。另外又只點了及芝士年糕。年糕煙靭, 口感好好, 配以韓國即食麵一齊食，芝士味夠濃, 但因我不太好辣, 所以略嫌辣醬過辣, 但整體都好好食, 可能我較喜歡韓國麵的麵質啩。自從韓國麵出咗後, 好少再食丁丁麵了~後記 : 喺香港, 我覺得好難搵到啲炸雞好食過KFC, 早前去過銅鑼灣某一間新開的韓式炸雞店, 我坐的位置望著廚房, 見到他們把雞件炸好後淋上醬汁。炸嗰陣時我期待雞既底味(GiGi姐術語)會唔錯, 點知可以話係不知所謂, KFC任何一款炸雞件都好食過佢。但 Goobne既雞件既底味都好好味, 去到一定要食。…Read More

食了呢間多次, 今次都是第一次寫佢。佢最出名既係炸豬扒, 之前通常都會揀炸豬扒或豬膶, 今日就轉轉新口味, 叫了個腩肉。每片腩肉有65%都是肥膏, 不過每片薄薄的爽爽的, 唔會覺得膩, 亦唔會覺得好罪惡感 湯底方面, 今日揀了走麻辣的, 但仍感覺到有微微辣, 原來呢個咁既走麻係好啱我食, 好正。今次跟朋友去食, 加咗一碟炸雲吞, 雲吞饀料唔係用蝦, 而係用魚膠, 一碟有差不多16粒, 兩個人食略嫌多了一點, 但好香口好脆, 加埋茄汁又係好好味每次去到東大街, 都會諗住試唔同既食肆, 但係最後神推鬼ONG都係走番去呢間食。冇特別原因, 只因佢既出品真係好好食。…Read More

因唔夠耐性坐定定, 一直以來對去酒樓飲茶既活動都不太熱衷, 而家開了很多家的點心專門店便合哂我心水, 呢間點點心都只係第一次食, 因為多人等位, 所以都係外賣返屋企食算了。見到等位的人當中, 有唔少是拿著旅遊書來, 睇唻似有一定江湖地位。蝦餃, 皮薄料靚, 水準之作春卷皮薄又脆, 內裏鮮蝦餡料足, 好好味, 不過春卷係細細條嗰款 牛肝菌花菇包, 初初開蓋時, 以為真係一隻菇, 原來係菇整成的包。睇個賣相已覺得好吸引, 食後覺得菇味都香的, 但略嫌較少 金沙肥豬仔即係流沙奶黃包, 都係水準之作, 唔會過甜 呢個脆皮鮮蝦腸真係值得推介, 初初以為係腸粉皮捲住春卷, 點知食落唔似, 佢啲皮唔似春卷咁硬, 有點似天婦羅嗰種酥脆, 值得推介最後呢個賽磅蟹菲翠菜苗餃真係我既摯愛, 菜的比例較多, 老實講, 唔睇番張單都唔記得係賽磅蟹, 但對我個人唻講真係好好味, 淨食呢樣都覺得好滿足 …Read More

曾經喺日本試過一些長條型的甜品, 以為是日本人創的某一種蛋糕之類的東西, 香港怎會有得吃。點知睇完Did Did姐既節目, 始知原來這是法式甜品, 香港仲開咗一間添這張照片是我在日本吃的看到評論說他們的泡芙很早便缺貨, 所以便一心早點來吃。朋友揀了個唔知乜味, 佢只猛話好吃, 而我揀的是熱情果。熱情果味偏酸, 配合忌廉, 再加以泡芙那種口感, 真的天衣無縫, 完全沒有"濟"的感覺。價錢方面真的頗貴, 差不多要$40, 但相比起另一法式甜品Macaron, 這個真是超值了熱情果味泡芙…Read More

飯聚時同事介紹美心新開了一間CAKE LAP話佢的芝士撻唔錯, 買唻試咗, 想寫食評時, 原來所有食評都是圍繞著這個可口的流心芝士撻因為買5送1咁抵, 即使食唔哂, 都照買5個以我自己個人感覺而言, 味道沒有崇光那麼濃, 崇光的感覺較濃及有微酸, 而CAKE LAP的芝士味較清, 但甜度適中, 芝士亦好流心, 亦好鍾意他的餅底夠脆。因為唔係即時食, 攞到回家時只是暖, 食落有點膩的感覺, 食唔哂便放入雪櫃, 反而雪凍後我覺仲好食, 像很綿蜜的芝士蛋糕…Read More

早幾日喺同一商場的另一餐咖啡店食意粉, 感覺麻麻哋好食, 今次便轉咗去超級三文治。點了一個龍蝦肉海鮮意粉。服務員送來意粉時, 我已覺很開心, 因為有很多汁, 正是我喜歡的。龍蝦醬汁的味較濃, 不需要其他調味料已覺很好味, 海鮮有蜆肉, 蝦肉及小龍蝦肉, 這些小海鮮唔覺有任何味, 或者龍蝦醬汁的味道已蓋過了。意粉不算很大碟, 但剛剛好夠飽。意粉跟了什菜餐湯, 菜量多, 微酸, 夠醒胃…Read More

以前經常去崇光地庫的UCC飲咖啡食夾餅, 好多年都冇再唻UCC, 偶爾在泰國旅行時會到UCC飲一杯西瓜沙冰及食一碟飯, 真係超正正。是夜唻香港的UCC食正餐, 都算係第一次。點了一個晚餐G 雞肉白汁意粉。意粉端上來時, 跟我心中的感覺有點落差, 我以為是一些碎雞肉加上多多的白汁, 但來到時一些雞件。雞件沒有特別味道, 只是覺得用了丁點調味料醃製後煎, 有點微乾感, 見到都唔會想食多一件。而白汁又很少, 汁的味道亦較淡, 我想這碟雞肉白汁意粉會較適合須要低鹽低脂的人士食用。甜品是白桃伴雲妮娜雪糕, 賣相幾靚, 雪糕都香滑的…Read More

聽了蓮香這個名字已很久, 這次第一次去這晚宴, 主人家點了的是富貴全包宴, 因為一大枱人, 不方便拍照片。本以為蓮香這個名字歷史悠久, 食品質素便會有一定的水準, 但其他的整來說水準較為普通, 有些菜式更可以說是普遍以下。玉帶子及翅都略為鹹, 更甚的是炸子雞, 可以吃出腎病來。但當中也有較好吃的, 其中蝦球很出色, 炸蝦膠夠爽, 炒蝦仁夠嫩,霸王鴨用料豐富, 不太油膩, 布甸亦甜度適中。在全包宴以外, 我們也點在外面很難再找到的金錢雞, 豬肉肥膏及膶, 香口及綿口的結合, 真的一流, 但因這食物不太健康, 只能輕嚐, 到現在仍真的很回味。…Read More

見到以和牛任食作招徠, 便第一次買團購試試。購買時沒有看清楚, 原來隨了吃燒肉外, 還附帶有魚生、壽司、小沙律、日式蒸蛋及冷麵或飯。一開始便先來魚生壽司及小沙律，魚生還算新鮮, 但海膽便有點苦；壽司的魚生片較薄, 兩款吃了一半, 已經令我們停手了, 若然吃光, 待會的燒肉便不能吃了。留肚吃的燒肉終於上場, 和肉及豚肉肉質較嫩, 帶子鮮味, 這三款真的不錯；雞肉的份量稍多, 味道沒什麼特別；牛舌每片薄薄的, 已經用最短的時間燒, 但仍然有點靭；可能習慣食凍蟹腳, 燒來熱吃覺得有點怪怪的。因之前魚生壽司已填飽唔少, 最後我們只再點了一次和牛, 便已是極限。特別一提的是冷麵, 最特別之處是它的味道比清水還要清, 幸好有幾條雪梨絲, 否則更加清, 我吖試了一口便住手了, 免得浪費空間若整個餐不包含魚生及壽司, 我想我會再去一次的…Read More