codifoodie's Profile

深水埗係一個真係臥虎藏龍嘅地方！無論中西日韓，上至外星文下至地理通通都有！今次去嘅地方呢係位於城市大學。。。。動物醫療中心嘅對面嘅，門口睇落呢就冇咩特別嘅。入到去裝修呢就見又係啦，又唔同嘅板仔掛晒有咩嘢食，等大家可以揀牌啊！好啊好啊，講返嘢食！我就嗌咗佢嘅招牌豚骨拉麵，配料當然有齊紫菜，溏心蛋，筍乾等等，可配埋個餐，就有炸餃子同埋汽水。另外仲嗌咗佢個角切魚生丼，以$78嚟講嘅質素確實認真唔差!! 其實令我最驚喜竟然係佢嘅炸餃子啊，餃子係即叫即炸送到上嚟真係外脆內熱啊🥰 📣📣📣大家要記住呀，逢星期一舖頭係休息呀！千祈唔好摸錯門釘…Read More

響尖沙咀有間每日只賣100碗,，賣哂就收鋪嘅拉麵鋪🍜 有7款招牌拉麵，然後可以再攞自己中意麵硬度同湯底味。今次我就擇咗其中2款，分別喺: 1️⃣特盛慢煮叉燒濃清湯拉麵($108) : 呢款個湯我擇咗醬油味! 滿滿叉燒又香又熱辣辣!!2️⃣白松露慢煮叉燒濃清湯拉麵($108): 呢款我就擇咗鹽味，白松露加埋鹽味好夾，仲令到個湯入味啲而小食方面，就嗌咗1️⃣香炸雞翼: 真係新鮮滾熱辣，外脆，咬落好脆，汁仲滿晒岀嚟2️⃣自家製魷魚豚肉餃子: 一定要配佢附送嘅汁，酸酸甜甜，好開胃富士柚子汽水同個番石榴汁鋪頭裝修以日式拉麵風格，想打造好似響日本打卡！另外，凡係幫襯舊$78就可以有1個印仔，集齊4個印仔，即可以換$38/以下小食。(當然詳情請以店舖公佈為準)…Read More

講到觀塘，不得不提下東廣場！東廣場連接與APM以及觀塘廣場！由地鐵站行過去都只不過需要5分鐘！入面包括咗唔同嘅菜式，今次嘅主角就正正位於東廣場！裝修被偏向日系文青，位置都幾闊落！我見佢就冇特別限制用餐時間，都係一個不錯嘅聚會地點! 而食物方面，今次嗌咗煙肉及意大利豬肉腸花椒忌廉汁扁意粉(HKD 118)同埋黑松露薯條(HKD 68)煙肉及意大利豬肉腸花椒忌廉汁便意粉呢就真係比較辣！而個花椒味都確實幾強！黑松露薯條炸得啱啱好！外脆內軟！仲要熱辣辣地上嘅！同行朋友得意係都嗌咗個甜品佢幫我慶生，店員亦都好sweet咁將背景音樂轉成Q版生日歌配合！ 最後最後本人覺得最得意最得意嘅場景就係嗰隻貓貓！…Read More

今次去咗灣仔一間主打韓式醬蟹嘅餐廳，專程試下佢哋嘅招牌菜——任食醬油蟹！醬油蟹（分男蟹同女蟹）男蟹同女蟹各叫咗一隻，女蟹膏黃特別多，入口鮮甜，醬油味唔會太鹹，反而帶少少甘香，啖啖肉都好滑溜。男蟹肉質結實啲，食落有咬口。配埋紫菜飯一齊食，真係會忍唔住一啖接一啖，完全明白點解咁多人鍾意食韓國醬蟹。韓式炸雞炸雞外皮超級脆，咬落去有「咔嚓」聲，雞肉唔會太乾，仲有肉汁。雖然份量唔算多，但勝在新鮮熱辣，配啲韓式辣醬會更加惹味。配菜同環境每人會有一碗紫菜飯同埋泡菜湯，紫菜飯香口，泡菜湯酸辣開胃。枱面有膠手套同垃圾桶，方便食蟹時唔怕整污糟雙手。店內燈光偏紅，氣氛幾有韓國街頭feel，服務員都幾有禮貌。總結醬油蟹鮮味突出，女蟹膏香濃，男蟹肉質彈牙，炸雞亦有水準。價錢係貴咗少少，但偶爾想食返餐高質韓式醬蟹，呢度都值得一試。建議兩至三個人share會更抵食，下次會想試埋其他小菜。…Read More

最近我去咗小魚兒餐廳，想同大家分享下我嘅用餐體驗。小魚兒嘅菜單主要係海鮮，選擇非常多，咩生魚片、炸魚、燒烤都有。佢哋特別強調食材嘅新鮮，每道菜都會標示來源，真係令人好放心。我今次嗌咗海鱸魚，黃金蒜香魚（不辣），海鱸魚肉質細膩，肉厚而富有彈性，味道鮮美，它的魚肉不油膩，蒜香味道啱晒唔食辣嘅朋友，總括來講，小魚兒真係一間值得試嘅海鮮餐廳，無論係食材嘅新鮮度定係料理嘅味道，都令我印象深刻。如果你鍾意海鮮，呢度絕對係個好去處！…Read More

人氣oppa主理嘅韓國菜😍 係由頭到尾都係全手工整面，亦都係全手工整餃子，真一手一腳搞，唔係預製菜嚟㗎！今次呢就嗌咗1份『酸泡茱脊骨馬鈴薯湯』 （2-3人份量價值$388)，同埋泡菜煎餅🫓 不得不提個泡菜湯喺完全估唔到個味道會喺咁，酸酸甜甜，入面呢有個豬骨肉，舊骨好香，肉呢就係偏腍嘅。而且呢個份量已經係絕對夠三個人一齊食啊！而泡菜煎餅喺一流，個皮亦都唔會太厚！除此之外，舖頭個環境就直程好似去咗韓國咁樣樣，有韓國嘅小食堂feel …Read More

今次再返M Square，真係好開心！食物質素依然咁高，真係好滿意。餐牌都有啲新嘢，我哋今次點咗幾樣食物：- **Waffle Benedict**：華夫餅好鬆化，加上水波蛋，味道超正，醬汁仲令整體更好味！- **Pulled Pork Lasagna**：拉絲豬肉同意粉搭配，口感層次好豐富，真係好味。- **Black Truffle Cheese Chips**：黑松露芝士薯片，香濃到一口接一口，根本停唔到。- **Vanilla Milkshakes**：香草奶昔滑順可口，甜得啱啱好，真係解渴又滿足。- **Kale Salad**：健康啲羽衣甘藍沙律，清新爽口，醬汁都好好味。- **Passion Fruit & Calamansi**：呢個飲品酸酸甜甜，特別解暑，真係好推介！- **薄荷朱古力打卡特飲**:呢個飲品啱晒打卡，又集齊晒所有邪惡元素，但真係好好飲！總括來講，M Square依然係一個好地方，無論食物質素定環境，都好值得一試！期待下次再嚟！…Read More

今日同朋友去咗荔枝角D2度食嘢，諗住食得健康啲，於是就揀咗呢間嚟食啦。舖頭係喺D2第一期，基本上一入到去商場入邊右手邊就係啦!! 款式嚟講呢我覺得都唔少嘅至少有10到18款，自己都可以再配搭。我今次就揀咗個三文魚Pickabowl，好可惜今次冇晒沙律，所以我最尾就局住揀咗糙米飯同白飯，大概係$98，個人覺得都幾對得住呢個價錢，三文魚呢都係偏大舊，但係我就覺得好多人同埋個醬汁味道唔係好濃。舖頭個格局呢都比較裝修簡單嘅，但係坐落呢就一啲都唔會好侷促同埋好迫。亦都有免費嘅自助水提供。…Read More

有時經過開駱駝漆都會見到有呢一間排長隊嘅舖頭，今日就同同事過咗嚟試試。因為呢我哋兩位都想食得比較健康啲，於是呢就嗌咗佢哋嘅沙律。價錢大概$78左右。我哋兩個分別嗌咗三文魚沙律同埋呢個雞肉沙律。作為一個減脂餐，我覺得佢好好係醬料分開咗另外一個兜上！ 等我哋自己可以自助選擇！個人覺得個份量都偏多同偏大，會有一層滿滿嘅菜鋪底，加上有半個嘅牛油果。除此之外，店舖裝修都比較簡約，水泥風格，草嘅位置好闊落，都幾啱星期一返工，中途過嚟休息吓。…Read More

Frites is a fantastic Belgian restaurant that specializes in traditional Belgian cuisine, as well as some international dishes. I tired the below mentioned cuisines: - **Steak Frites:** Classic Belgian-style steak frites, featuring a tender grilled steak cooked to a perfect medium rare, served with crispy hand-cut french fries- **Mushroom Risotto:** A rich and creamy mushroom risotto, made with a variety of locally sourced seasonal mushrooms- **Seafood Linguine:** A delectable seafood linguine dish, featuring a medley of fresh mussels, shrimp, and calamari in a white wine and garlic sauceOverall, Frities is a must-visit for anyone seeking an authentic and elevated dining experience, whether you're in the mood for classic Belgian fare or something more international. I highly recommend it to anyone looking for a delicious and memorable meal.…Read More

呢排想食得健康啲，呢間舖頭呢就開響公司附近嘅，於是就同同事一齊去試吓啦！首先講吓個優惠先，如果你係首次用佢哋自家嘅Apps去落單嘅話呢，有HKD 80-15嘅discount!! 之後呢都可以透過佢個Apps落單去到舖頭嘅時候呢就可以有得拎啦！個人覺得就好啱我呢啲辦公室同事，講求效率，又可以健康！今次呢我就嗌咗個沙律，額外再加配咗個雞胸肉，配菜方面呢我就揀咗紅菜頭同埋豆，你當三個配菜加兩個主食嘅話呢就係$65左右，而個雞胸肉一定要額外加多$15嘅，如果你仲想飲多啲健康嘅飲品呢就可以再加錢去嗌。我覺得佢個飯盒份量係非常之重量級，同事笑言話可以兩個人share添！…Read More

成日都聽到人哋話荔枝角有間好出名嘅牛角包，今次咁啱經過，於是就去咗試試佢啦!! 首先呢好想大贊嘅就係佢個裝修都同埋舖頭嘅設計呢都好有style,而香港小店嚟講嘅話簡直少之又少！見到舖頭嘅店員呢其實都比較後生！感覺都幾有活力啊！咁今次呢就一定要試吓佢個牛角包啦，個人覺得牛角包呢確實好鬆軟一層一層，但係呢牛角包係限量供應嘅，所以有時候真係要預啱時間先可以試到。另外呢，我都配咗杯Americano ，我自己覺得佢嘅豆就偏酸，店員呢都冇問我鍾意飲酸啲定係果味香啲嘅豆，不過我都理解，始終呢間舖頭唔係coffee shop，係一間麵包舖頭。…Read More

本身諗住去黃埔有一間好出名嘅串燒舖頭，但因為嗰間舖頭實在太多人排隊，於是我哋去咗佢附近另一間。自己對比兩張餐單嚟講覺得金牌牛雜嘅種類比較多，當中竟然仲有$10.8粒魚蛋！除此之外，仲有碗仔翅，車仔麵等等。講返入面環境，入面呢就唔算大，但係呢志在有冷氣！ 如果夏天想食串燒同朋友傾吓偈，我覺得呢個地方都唔錯👍講返食物嘅質素啦，咁整體普普通通，佢呢就一次過消好晒上枱嘅，咁樣呢就變相有機會後尾食到嗰啲串燒已經攤凍咗，但係呢個我諗都冇辦法，始終香港好多舖頭都講求效率。…Read More

今日咁啱去開太古睇戲，健身開咗有間泰式餐廳仲標榜住上咗呢個米芝蓮排名榜，於是我就諗住去試試啦。舖頭位於food court入邊，切定咗一啲指定位置專食佢舖頭嘅嘢食，或者出邊嘅公眾地方去食都得！因為我其他朋友都諗住試food court嘅其他嘢食，所以呢我哋都揀咗出邊食！喺呢間舖頭我嗌咗個冬陰功雞絲撈河，價錢喺68蚊，想講個冬陰功湯係好香啦，但係個河粉係一支味道冇完全唔可以融入到個湯。然後雞絲呢係冇再額外加調味料啦俾佢嘅，結果成碗麵就係雞絲冬陰功湯同埋河粉三種唔同嘅單獨味道。…Read More

朋友推薦咗一間位於天后嘅Cafe，響天后地鐵站行過去大概7分鐘左右，我覺得個位置呢都算隱蔽，但整體嘅環境呢都好闊落。咁啱我去嗰日仲有狗狗聚會，斜對面張枱有唔少嘅狗狗，係一間對動物友善嘅餐廳。除此之外，我覺得Cafe播嘅歌都好啱我口味🙆🏻‍♀️🙆🏻‍♀️好啦，講返嘢食先！我哋四個人分別嗌咗抹茶latte，HotCha latte，Peach Soda同Passion Fruit。嘢飲嘅話呢我就推薦梳打同埋果汁，可能始終夏天都係飲啲Fresh啲嘅嘢啱啲😉 另外我哋都嗌咗個燒豬仔骨，個豬仔骨好脆，仲要係即叫即整！但係記得要提早嗌，因為都要等30分鐘！令我另外要大推佢個芝士蛋糕，因為佢竟然可以做到外脆內軟，個口感真係第一次嘗試到！…Read More