MatthewChan107's Profile

特濃甘露榴槤燕麥奶新地 (兩球榴槤肉) $42 早幾日D24榴槤新地食唔到，已經好心灰，但好在佢緊接着出另一款榴槤新地，見放假到即刻狗沖落街去食，平時收工後去，基本上都賣晒，所以就早啲落去食。燕麥奶新地雪糕都有榴槤味，唔錯唔錯✨但重點當然係果兩球榴槤肉，食落濃郁 Creamy。講到呢到, 聽日我一定要食返過3球$55先😆😆…Read More

美白豆乳冷拉麵 $88好可能大家睇到呢個post嘅時候已經冇得賣，因為只有16-18/6呢3日先有得賣，仲要每日得30碗，行遲少少都食唔到。希望大家係佢之後再出嘅時候食到啦😆講返個拉麵先：今次用咗白芝麻同豆乳做湯底，豆乳味都相當濃郁，飲落仲有少少辣，完全啱晒呢啲悶熱天氣環境底下食。拉麵應該都係同一款，但凍食更加煙靭有咬口。叉燒就用咗同一款但係就係一粒粒嘅。本裏面仲有蕃茄片同沙律菜，成件事更加清新。…Read More

同朋友見面大家多數都約係cafe 見，我都係，但今次朋友約我係間隱世甜品cafe到見。雖然我叫佢隱世cafe但地點一啲都唔難去，只係係大圍站直出嘅一條內街裏面🤣🤣去到鋪頭，店員同我嘅講Free sitting，出嚟落單後就會送餐，朋友話坐樓下果層放便啲，但最後我都八卦有上去望吓，上面空間感仲好，仲有兩部咖啡機做display，下之再嚟一定要上樓上坐。講返嘢食先🤪🤪🤪比利時雙重朱古力窩夫🧇 (+麻糬) $68 朱古力窩夫香味十足，唔會得個甜字，仲有蛋香，麻糬加落窩夫真係好夾，完美演繹咗咩叫外脆內軟。每份窩夫都會跟返相應嘅水果同埋雪糕。性價比相當高。👍🏻士多啤梨乳酪藍莓夾心窩夫 $68原味窩夫配上雜莓麻糬，食落有啖啖莓香，再配埋佢個藍莓芝士餅雪糕，真係一流🤤Lemonade $40食完咁多甜嘢，飲返杯酸嘢Balance吓😌有氣得嚟仲夠酸，完美嘅一餐。 …Read More

今日心血來潮想食外賣炸雞，上網見好多人都推介呢間炸雞舖，所以今日就嚟試吓佢有幾好食。去到舖頭已經有幾個人係我前面排緊隊，應該係間熱門小店嚟。雙重口味炸雞$166 叫咗：皇牌芝士炸雞同埋甜辣炸雞（冇骨）返到屋企打開個盒，兩款炸雞都係分開盒放，兼且數量都唔少，兩個人真係食唔晒。經過差唔多一個鐘頭嘅車程，兩款炸雞依然都係熱辣辣，食落勁多肉汁流出嚟。皇牌芝士炸雞：皮脆肉嫩，芝士粉上得好足，識落啖啖都係芝士味，大滿足👏🏻👏🏻甜辣炸雞：經典韓式口味，味道同其他坊間炸雞舖差唔多，但經過咁耐時間，都依然咁多肉汁值得一讚👍🏻👍🏻另外再叫咗半份粟米濃湯薯條$24 同埋半份蒜香炸魷魚$38喺呢一個鐘頭車程裏面，基本上全程都聞到粟米濃湯味🤤，而蒜香魷魚就正常發揮。兩個人真係食唔晒咁多，所以都留返左少部份聽日再戰🤪🤪🤪去到先知原來網上外賣平台都可以叫到佢哋嘅外賣，咁下次我就唔使山長水遠入嚟先買到啦🤪之後就可以坐定定喺屋企等食炸雞啦🥳🥳🥳…Read More

大圍越來越多好嘢食進駐，616火鍋近排都轉型開咗間燒肉酒場，今日就同朋友去試下佢好唔好食。616燒肉酒場，肉類選擇花多眼亂🤣，最後同朋友決定，直接叫佢哋嘅套餐就算，今次朋友請客🤪所以就叫咗個「雪。二人特盛」，成惠$888，食返餐好嘅✌🏻頭盤一上嚟就係蕃茄沙律清新嘅蕃茄再加油醋汁同紫洋蔥，係打開胃口同食慾嘅好開始。之後再上刺身三道同埋野菌蟹肉茶碗蒸。新鮮嘅牡丹蝦 三文魚 同 油甘魚，款款鮮甜美味。而蟹肉茶碗蒸，蒸蛋嫩滑，有蟹肉嘅鮮味同鰹魚高湯嘅香。💥💥💥終於主角都嚟啦💥💥💥二人份量嘅澳洲和牛拼盤終於上場👏🏻👏🏻店員建議由右至左嘅方向去食，當食晒所有牛同蔬菜之後，最後就燒埋白鱔。將結論放喺前面，今餐所有食物都好高質，特別想講店員都好主動留意顧客們嘅用餐狀況，今日食呢款套餐，全部都係我哋食完一樣先再上一樣，完全冇一次過就堆晒上嚟。特別想講有兩款牛肉黑毛和牛 特選牛小排：油香感十足，食落啖啖嘅滿足。澳洲和牛 肉眼上蓋：油花豐富兼且肉味香濃，真係點食都唔夠😆燒白鱔：店員建議燒魚皮先，到金黃色之後再燒魚肉，最後點埋佢哋特製嘅醬汁和牛拼盤進食期間，店員上埋個溫泉玉子丼，咁樣配埋啲和牛一齊食，油膩感即刻減咗唔少。跟餐可以揀兩杯飲品 我同朋友都分別揀咗巨峰梳打同埋白桃梳打。最後套餐都會送上柚子雪葩作為結尾，酸酸甜甜，一解全餐嘅油膩感。…Read More

拉麵控又再次出動!!!今次去咗拉麵店係位於旺角朗豪坊4/F 嘅「武骨相傳」，但唔講唔知原來都係「麵屋武藏」嘅支線品牌嚟。就等我試吓佢係唔係都咁出色😆今次叫咗二刀流沾汁麵，配上香濃豚骨湯底；南蠻炸雞同巨峰提子梳打。南蠻炸雞 $45落完單最快到就係呢個小食，即叫即炸嘅炸雞當然好食，皮脆肉嫩當然不在話下，特別嘅係佢配上一個黑色嘅醬汁，問咗店員佢哋係話係日本師傅調教嘅一款醬汁嚟，當然係秘方嚟啦，但係黑色嘅顏色係來自竹炭粉。二刀流沾汁麵 $88今次食嘅沾麵係配返原味豚骨湯底，要試就試佢哋最原汁原味嘅湯，沾麵湯底非常濃郁，加上有少量叉燒肉碎同埋京蔥絲，每一啖都十分滋味，而另一個靈魂就當然係麵條啦，店家用嘅麵條係有坑紋係中間，令到每一條麵條都能夠掛到最多嘅湯汁。最後當然仲有最搶眼嘅叉燒，聽講佢哋係用上完條嘅梅花豚肉，再用秘製醬汁醃製，加上用高溫烹調，先做到肉嫩多汁。巨峰提子梳打 $28初時以為係普通糖漿加梳打水，原來佢哋係選購來自日本地方特產水果梳打。雖然唔係好大支但係誠意十足。…Read More

好耐都冇食過拉麵，就去食我平時最愛嘅台風拉麵啦！估唔到佢終於都出其他顏色嘅暴雨拉麵啦!!! 但竟然係芫荽豬骨湯拉麵$83，雖然我個人唔討厭芫荽，但都想一試，睇吓自己接唔接受到🤣🤣拉麵一到枱，就有淡淡嘅芫荽味，味道唔算太濃烈，叉燒上面有用芫荽同辣椒製成嘅醬油，如果鍾意芫荽嘅人可以選擇多啲醬油。豬骨湯湯底帶有芫荽碎，應該就係香味嘅來源之一，飲落芫荽味唔太強烈，初試芫荽嘅朋友都應該接受到。糖心蛋拉麵叉燒水準都一如以往保持穩定。所以荃灣台風一直係我拉麵三甲首選。…Read More

閉關一排又出嚟搵食，餓咗咁耐梗係想瘋狂食嘢啦，呢啲情況最好就係食放題嗰啲…所以今餐就決定食台式火鍋「牛大人」。一如以往都係要提早排隊先至食到佢，因為好嘢個個都想食。1845上到去，已經勁多人排隊等入場，好在一早攞咗飛，唔係就會食閉門羹😅。埋到枱，店員會先問你要咩湯底，同介紹返啲食品選擇。湯底我哋揀咗醍醐蕃茄酸辣鍋。湯底帶有蕃茄嘅酸甜，仲有唔同嘅辣度可供選擇，啱晒想試吓食辣嘅朋友。牛肉套餐就揀咗澳洲極上和牛套餐$319。揀呢個餐嘅原因就係手切封門柳🤤呢個餐仲有一樣嘢送就係：澳洲M9和牛牛丸牛丸肉味香濃兼且多汁，食多多都唔夠。打邊爐食開牛肉嘅人就知封門柳嫩滑肉甜肉味濃，呢個係必食嘅回本位M5和牛肉肩卷：食落軟滑有油香，食極都唔夠。沙白大隻肉甜又多汁最緊要佢係冇沙，餐廳係呢方面做得好好👍🏻最後當然要食返個MÖVENPICK做返個Happy Ending，…Read More

最近疫情緩和再加上聽朋友講起青衣城開咗一間日式燒肉放題都幾好食，今日決定同朋友一齊去試吓佢，去到門口原來發現佢燒肉同火鍋都有做。但一心想食燒肉嘅我，冇理朋友嘅意見就揀咗燒肉嚟食😂1900入座初時都唔係好滿，但30分鐘過後已經成場都係人，好在時間預得啱啱好。今日同朋友嘅選擇係，美國安格斯SRF燒肉放題($398/位)，餐廳係用手機落單，方便快捷又精準，落單後大約5-10分鐘內就送到，呢個餐肉類海鮮選擇都唔少，但作為牛魔王嘅我，我嘅焦點全部放晒落係牛肉上面，牛板腱、牛肋肉、一口牛、牛仔骨肉、牛舌.....全部通通食勻晒🤣仲有客人落單前都會上一盒牛肉拼盤，呢盒牛肉拼盤儀式咁沈重，底下放有乾冰，打卡一流。食咗太多嘢，好多嘢都好優質，店員仲會不時幫你調教適當嘅火力去燒烤，讚👍🏻牛仔骨肉：肉香細嫩，骨肉好容易分離。牛肋肉：肉味香濃，必食之選。牛油大蜆：蜆肉鮮甜，冇沙。牛油蘆筍：爽嫩冇渣。仲有唔少日本雪糕同甜品樣樣都好高質，記得留返個肚去食呀呀呀呀呀！🤪…Read More

閉關咗咁耐終於都出嚟食吓飯，雖然有住家飯食係唔錯，但係偶然都會想偷懶一下，出嚟梗係食返我最鍾意嘅拉麵啦!! 雖然而家仲係疫情尾段，但依然都有唔少人排隊，為食佢哋嘅拉麵，就知道佢哋可以係荃灣咁多年嘅原因。台風拉麵今期再推出返「黃色暴雨拉麵」湯底用上豚骨湯加日本咖喱，食落咖喱味會比較突出，但口感依然濃厚，拉麵麵質唔錯相當有咬口，而且份量唔少，男士都會夠食。佢哋溏心蛋都唔錯，另外再加多左一隻溏心蛋，大滿足!!!…Read More

作為拉麵控，見到有拉麵鋪就會想入去試吓，今日行過呢間舖，因為未到晚飯時間，所以都未算好多人，就一於入去試吓佢啦！睇個店面裝修店主應該係個愛貓之人，佢嘅牆上面全部都掛咗貓貓嘅相😆蔥山拉麵 $83落單大約5分鐘左右拉麵就送上嚟，蔥嘅份量完全唔吝嗇，青蔥下仲有唔少京蔥，真係名副其實嘅蔥山。佢哋嘅湯底係豬骨湯底，油香感十足。糖心蛋狀態一流，但如果醬油味重多少少就好。麵亦有分直麵同曲麵。個人偏好曲麵，因為掛湯能力比較好，容易係食麵時間亦都掛到更多湯汁。…Read More

隱世好餐何其多，今日係大角嘴又比我搵到一間。餐廳係間小店嚟，廳面廚房加埋都係2個人。雖然上菜時間有啲耐，但食物質素同份量一啲都冇下降。今次叫咗個香草忌廉露筍蝦意粉$118，加$15要埋個沙律同飲品。沙律份量大，兼且新鮮同夠醬汁，平時出面跟餐沙律間間都比得好寒酸，係少有份量咁豪爽嘅。主角露筍蝦意粉大約等咗15分鐘上菜，蘆筍爽嫩冇渣，蝦都有成6隻，意粉煮得啱啱好，唔會過淋，而醬汁方面，味道適中兼且熱辣辣枱，所以好難唔好食😉…Read More

放題打邊爐花多眼亂，俾朋友發現到一間可以殺出重圍，呢間火鍋店藏身於太子街頭，門前有個大魚缸。咁我哋就入去睇吓佢有幾好先😉佢樓高兩層，可以枱之間有適當距離，坐起上嚟唔會太逼夾。而每張枱都唔細，足夠大家嗌到成枱都係火鍋料🤣朋友佢唔食魚，冇得叫佢哋果個萬洲烤魚🥲，所以就叫咗呢個蟲草花雞窩做湯底，雞湯飲落清甜，仲有唔少雞件同蟲草花。除咗打邊爐以外仲有刺身可以任食。牛肉方面，我哋升級左做安格斯牛肉。牛肉香甜有肉味，完全係回本嘅位，讚👍🏻其他火鍋配料，新鮮大份。佢哋仲有個炸饅頭，每個都新鮮炸起外脆內軟配埋煉奶一齊食真係冇得頂🤤…Read More

今日行開愉景新城見到Délifrance ，就行入去就食返個三文治做lunch，佢哋有三文治有做set，連埋飲品都係$60左右。今日叫咗個牛油果碎蛋沙律配法式麵包，另外再加$9要咗一個芝士焗薯批。三文治食落香脆軟熟，生菜同蕃茄新鮮爽脆，但個碎蛋沙律調味差少少，落多少少沙律醬就會好好食啦。同埋個包整體都冇其他醬係裏面，食落只有麵包嘅鹹香。而個芝士焗薯批雖然有幫我哋加熱，但係味道都係太淡，淨係得啲忌廉味。…Read More

呢間漢堡包店開咗咁耐，終於的起心肝嚟試吓，佢哋喺香港第一間舖就係喺IFC樓頂，除咗有室內座位，仲有唔少戶外空間俾大家去進食。但佢而家已經有唔少分店開咗喺港九唔同地方，但要食就去總店到食!!!Double ShackBurger 🍔 $77麵包軟熟，兩邊麵包都加上牛油煎過，令啱啱煎起漢堡扒嘅肉汁同埋醬汁，唔會令到個包淋晒。令人一啖接一啖咁食晒佢，好滿足!!!Cheese Fries 🧀🍟 $36新鮮熱辣炸出嚟嘅薯條，再加上香濃嘅芝士醬，又點會唔好食呢!!!…Read More