kwlaikaren's Profile

公司有兩個外籍同事嚟左香港, 外籍既同事話想食吓香港特色嘢, 於是我就帶咗佢地去飲茶, 飲茶夠晒特色啦因為同事酒店喺港島區, 所以就同佢哋去左新鴻基中心間海都, 諗住食完嘢近近地去埋金紫荊廣場行吓因為外籍同事未試過飲茶於事由我發板:XO醬煎腸粉– XO醬味道啱啱好，正!!四季豆煎薄罉– 賣相一D都唔似薄罉, 不過出奇地好食, 脆卜卜韭黃鍋貼– 勁多肉汁, 好味, 但如果煎得再金黃D就仲好原個蛋黃壽桃包– 個蛋黃好靚, 流晒黃蝦餃 & 燒賣– 普普通通, 合格大白菜抄手– 抄手個汁真係麻麻, 唔酸,唔辣,冇乜味, 好似自己屋企整都仲好食外籍同事食得好開心, 讚D食物夠特別又好味, 仲話離開香港前一定要食多次…Read More

話說上次去完鰂魚涌東海抽中左張$25現金劵就嚟到期，唔好浪費，所以今次去咗The One嗰間東海。可能係星期一所以唔多人，安排到坐窗口，仲可以睇埋幻彩詠香江添。坐底咩都未叫，已經有侍應拎左小食上枱，平時去酒樓既小食一般都係花生或酸菜，但今日上枱既係蝦片，雖然顏色黑黑地，但食落都幾好味，好脆卜卜，掛住食差D唔記得左叫餸。今次叫左幾樣同上次唔同既餸，椒鹽七味龍鬚，粉絲蝦球煲，順德生煎雞&南乳齋煲，叫完先發現來叫咗三個煲!!椒鹽七味龍鬚: 勁脆，好大大碟，好似食極都食唔完!!粉絲蝦球煲: 蝦球有成6、7舊，好爽口，粉絲好入味~順德生煎雞(半隻): 好多蔥墊底，好香，而且D雞仲好滑，雖然油左少少，但好惹味南乳齋煲: 呢個麻麻地，南乳味冇乜呢道個景真係一流, 坐喺道睇夜景都抵晒!!…Read More

今日去完朗豪坊睇戲，因為早食飯，所以有D餓，就揾間糖水舖食下甜品，門口有D人排隊，見D甜品又幾靚，於事要等位都等下啦，不過都只係等左15分鐘。我哋4個人叫左三個甜品，呢道係話食韓式甜品，份量都幾大，好彩只叫左三個啫!!芒果雪奶: 比較甜,但芒果味濃韓式黑糖雪奶:非常好味,清淡得嚟好香韓式棉花糖雪糕: 太罪惡喇，一生食一次好喇~~下次再去都係會再食韓式黑糖雪奶，因為真係好好食!!!…Read More

今日放工冇煮飯, 又唔到去快餐店, 想坐得舒舒服服, 於是兩口子到左東海食晚飯, 去到唔洗等位即刻入坐。因為得兩個人, 所以唔可以叫太多餸, 打開餐牌見到有個小食『蜜汁燒鱔』, 好耐冇食鱔,所以即刻點呢個小食, 另有個孖寶豉椒蟶子 + 脆皮燒鵝,配搭幾好有海鮮又有肉, 最後叫埋個啫啫蝦醬唐生菜, 4個餸應該都會食得好飽喇~~『蜜汁燒鱔』果然冇令我失望, 外脆內滑, 甜味啱啱好，正!!!『豉椒蟶子』好大隻啊!!又夠爽, 豉椒味剛剛好!!『脆皮燒鵝』肉質都好淋, 而且仲熱辣辣!!『啫啫蝦醬唐生菜』一上枱炸炸聲, 好香, 但食到尾個煲底太多水, 呢個係有少少敗筆最後侍應仲主動話送甜品, 有紅豆沙&木瓜糖水兩款, 我哋點左紅豆沙, 唔係好甜, 啱晒我!!埋單主餐牌有8折，另外仲有2張優惠卡送, 中左2罐啤酒及$25現金卷, 可以下次用!!…Read More