YauJohanna's Profile

一個人lunch（其實已下午茶了）去幫襯呢間唔係第一次但第一次寫佢食評講真佢既食物係抵讚的2點後入座下午茶有8折（必須叫茶，茶$6無折）即叫即蒸、即叫即炸飯夠大、夠熱、有荷葉味好香咸水角即炸好脆埋單$66（已包茶錢，免加一）以咁嘅人流（唔係好多客）佢既人手都算係可以接受又唔係好似其他食肆咁 叫極佢無反應 當聽唔到咁呢間佢啲職員都會叫你等一等 有笑容 都好親民的…Read More

這間店都係朋友介紹，飲品食品好有心思、好有心機炮製一杯係人都唔會捨得飲落口既飲品。今次我選擇了$65「角落炸蝦尾」Mocha莫卡咖啡+$35 煙三文魚牛角包，咖啡唔係得個樣，飲落都唔錯，好有咖啡味，而牛角包🥐有好大塊煙三文魚，一食落口，麵包好鬆脆，暖暖的，有焗過，不是Hea做的，感覺係好有心去做的。清潔消毒方面，每位入內進食前，員工第一時間要客人量體溫，再幫客人噴灑消毒液，包括雙手及衣服，枱面亦有進行消毒，見員工不是求其，另每一位客人都坐得安心。感覺到這間店係好有Heart的，而家這樣的店已買少見少，值得一讚！…Read More

做嘢做得咁辛苦，諗住獎勵下自己，食好啲！午市時段等左半個鐘就入到去，算快！叫左「半筋半肉蕃茄牛肉麵」得兩舊筋、兩舊肉，太少了，又細舊，牛肉超唔好食，好鞋，好在得兩舊，不過啲麵好滑，$92唔底食！黃金地瓜條ok，好脆，有梅粉野味，$33都夠多既！最後杯珍珠奶茶$32杯，叫了少甜少冰少珍珠，無乜茶味，珍珠細細粒，食開啲珍珠大大粒的，覺得細粒又幾好食，好淋好滑！一個人總共食了$172，好貴，覺得下次只食小食加杯嘢飲就算！麵就覺得太貴唔抵食又唔好食！…Read More

好耐無食得咁滿意了，太贊了！突然好想食雞翼，點知加埋個麵麵食我哂！太好食了！1）叫了個黑豚肉船麵，船湯的意思係豬骨濃湯，除了黑豚肉，內有還有少許炸過既豬肥肉（超香）、魚蛋（超彈）、蘿蔔（超甜超淋）、秋葵（超估佢唔到），超高質素，低贊👍🏼！2）炸雞翼，即炸的，好鬆化，啲粉漿唔會太厚，上菜時還熱辣辣，啲泡泡還在跳動的！3）最後加罐可樂，真係太滿足了！價錢都覺得合理的，總數是$111，無加一，可以下次再幫襯，還會介紹給朋友來食！…Read More

今次係第一次來食，係和朋友搵緊食之時，在登打士街抬頭一望，見新裝修的大廈好似有野食，外觀好靚，係落地玻璃可到落街的，就上左去睇睇，就來到這間了。這裡環境唔錯，擺設好得意好靚，係應該未有人發掘到，所以無乜人食，冷氣好凍好大風。野食都唔錯，我地食左螢光魷魚、鹽燒秋葵、鰻魚玉子燒、厚燒牛舌、汁燒白鱔、豚肉生薑燒丼，全部都好好食，第一次食螢光魷魚，好得意，都會再幫襯呢！我地坐的位置係冷氣凍左d、大風左d，建議坐窗邊會好d，但下次來都要帶定件風褸來著先好！…Read More

今次係第一次黎食，其實成日經過，想黎食好耐了，我覺得係唔錯既，食物質素算高，感受到店主製作用心，貼心既服務，員工態度友善，店內座位寬闊，坐得很舒服，最主要係價錢都算平，今次食過之後，我們話一定會再回來幫襯的。今晚我們叫了澳洲安格斯西冷扒、夏威夷手工薄餅（菠蘿火腿）、富士山特飲、焦糖爆谷朱古力、甜品方面叫了香蕉朱古力雪糕窩夫，真心係好食既，好滿足！店主繼續加油啊！現在這時世，租金貴，年年加租，經營不容易，如果可以維持好既態度、一切用心，一定會有常客來幫襯的！…Read More

第一次來食，以為抱有希望，點知一食，唉，算！佢係相比其他係平既！$54在銅鑼灣一個餐，是但啦！不過都要講幾句，等讀者有心理準備，不會是出色的囉！可能齋買飲品就好！廿幾蚊杯夠平！我食這份滷雞翼覺得過咸，可能落返舊冰糖會好d，粟米無味，蛋係凍的，飯就唔知點講佢好呢？無飯味囉！至於杯茉香綠茶就過得去啦，茶一杯！其實可以加正價飲品可減$9，不過第一次食，諗住基本野食穩陣d，點知⋯收銀個哥仔新黎的，見佢雞手鴨腳咁，見到佢佢比阿姐嬲「無單開就幫手分餐具啦，企喺度！」，可憐了！加油呀小朋友😏！…Read More