wongchanchan's Profile

環境:燈光昏暗有情調，地方寬闊舒服，環境好好，唔會拘謹（係未入餐廳前太黑又有啲黑色擺設有少少驚）個廁所仲靚到癲食物:除咗散嗌仲有啲set餐份量都唔少。一黎已經有啲小食俾你石頭上係魚肉，ok 石頭後cake，幾特別圖2係crab cake，ok 食過更好味不過係免費嘅都收貨一大籃包 唔熱，質感都ok好多人話個牛油好正，我覺得無太特別。可能我鐘意食熱嘅飽千祈唔好食曬呢一大輪免費野因為你俾錢嘅係而家先上煙三文肉配塊飽仔，份量唔太多，都食唔出幾大分別牛肉他他又有兩塊煙燻飽仔，好味！唔好睇細細碟其實份量唔少。龍蝦湯超好食！我鐘意！有時啲餐廳會勁濃有啲苦，呢個唔會，又唔會太咸。而且啲龍蝦肉勁彈牙勁鮮甜。我諗我會每隔一排想黎飲龍蝦湯叫得做扒房佢地推薦嘅主角黎啦第一啖真係好好食不過實在太飽，愈食滋味就不再。隔離係pudding同pancake混合體。又係太飽試咗一啖就算。呢份係 medium rare 嘅豬，有驚喜！好味！點個汁好正！左邊有個菜包肉餃子，超級juicy！(但同樣太飽食唔曬好浪費)跟餐有份甜品用咗雪糕黎當汁，好smooth！又係好味！提外話慶祝活動餐廳有個蛋糕仔送俾你，蛋糕固然之唔錯。連個生日牌都好味！真係一層薄朱古力。服務好到不得了拉櫈摺巾唔洗講，帶你去廁所仲幫你整好cushion。而且講廣東話，唔識英文都無問題。真係會令你乖乖俾tips總括言之，食物中上未到非食不可。不過係可以好愉快咁渡過一晚。唯一美中不足落單時介紹得麻麻，而且無提醒我地份量，浪費咗少少食物。…Read More

身為一個米線愛好者，唯一雲貴川係最經常幫襯。同宇宙米線一樣都好食，但位置較方便。肥仔米線嘅腩肉仲好食，但其他唔夠打。今次嗌豬脷米線。多酸。少油。(無錯係可以咁嗌架)原因係腩肉會少痴牙，豬脷唔會。不過有時豬脷嘅樣係有少少衰。嗌一個餸咁少？因為要食涼拌木耳。呢個木耳入味夠酸少辣，超愛！呢間實在幫襯得太耐，都有啲心得分享下。1 雲呑都好好食 (唔肯定: 酸菜雲呑咁，仲有少肥肉？) 2 米線係唯一一間浸水耐咗都唔會難食如果放賣唔洗分湯，浸一陣啲米線都另有風味。反而有次係分咗湯，啲米線好似未熟晒咁。3 鐘意食酸嘅留意：嗌多酸菜係當一餸，多酸汁係free架。4 外賣一個盒收$2，如果好似我咁嗌多份木耳就多$4。5 以前嘅茶幾好飲。而家多數都凍就不了。…Read More

朋友生日，因為地方焗限。想揾間靚靚仔仔嘅餐廳就黎咗呢度。首先，黃金海岸環境就絕對唔差啦。不過第一次黎呢間舖嘅門面唔夠大家。入到去環境都ok，裝潢幾有味道。可能人唔多，客人都隔開。唔會話聽到隔離傾計。衛生方面，一向都係眼不見為淨。不過就俾我見到餐具有極明顯污跡。食物方面嗌咗2人set加dinner set。食物份量都唔細。送嘅包，凍硬乾-跟set嘅海鮮，朋友話ok。- 二人餐鵝肝原來得一塊。再加就80定90Set dinner 就加 75鵝肝正常都好味，只要唔過熟。呢個唔錯！-正常有餐湯係跟包上，但冷盤頭盤到曬先上野菌湯好飲嘅，蘑菇打得唔太醉，有口感！-魚，算吧啦--最大驚喜係疏乎厘，都ok！總括而言如果你想搵個好似浪漫啲嘅環境係ok！但如果你重視食物質素，就未必會有下次！…Read More

西沙茶座 名就聽得多，今次終於黎食。環境夠大，分室內室外。不過室內都擺得多枱唔叫闊落。不過一方面又因為太少人所以好闊落。今次嗌咗個4人餐同散嗌咗少少野，只有影部分相。生菜包 普通。但當食過好味嘅生菜包後，呢個就唔會想食多啖。泰式鳳爪唔入味，呢碟係走時影。睇下食凈幾多。冬陰公湯，過得去蝦醬炒飯，較淡，叫食得落薄餅，食得落囉食完之後完全唔明點解會出名。原來以前係出名有車必到嘅餐廳。但而家，係出名難食。真係無下次。好失望。泰菜都係九龍城中伏率低啲。…Read More

凌晨時間喺party room 玩緊肚餓喎點好，梗係揾 24小時密密送啦。以前嘅年代仲可以打電話落order。時而世易，而家得電話app同上網。話說我用電話app落order。除咗因唔太識嗌，唔知落得抵唔抵外，都無其他問題。仲可以用支付寶俾錢。儲下分。App仲好好，顯示俾你睇裝作中。下一步係送餐中。就係過咗十五分鐘左右，顯示下一步係送餐中果下就hand咗機。之後入返app已經無咗呢個即時流程。得返再次訂餐同收藏訂餐呢兩個選項。好驚會唔會收咗錢但張單取消咗。-打去hotline係一直無人聽-打去呢間分店打算問下情況。佢話分店無密密送叫我打去問？！無錯，好奇怪。點知當下又真俾佢耍走咗。(其實荃灣有兩間24，都唔肯定係邊間出餐）-最後喺我忐忑咗80分鐘左右，終於到啦。原來張單係run緊。至於食物:脆辣雞腿飽，包皮有少許位置硬同乾。擺太耐。麥樂雞，一外賣都會淋淋地。脆香雞翼，食得下人，分別最細。所以萬一又要嗌密密送先，翠香雞翼會係你嘅好朋友。應該係除非你唔好彩有凍咗😂…Read More

每隔一段時間就會掛住mos burger比m記貴三至四倍，但好食好多倍比Triple o平，但分別唔太大所以明點解隔一排就食啦今次依然都係慣性嗌黑醋sakusaku雞肉漢堡個汁係重點，加埋啲菜，畫龍點睛之作即使係外賣都保持到，唔會話大分別另一必食係摩斯雞塊加bbq醬感覺上比m記健康啲但得4塊好唔夠喉，次次都要買兩包外賣都保持到，分別唔大但今次摩斯脆雞就唔得唔知係咪外賣太快凍嘅問題最後慣性飲黃金栗米湯 (雖然係粉開)…Read More

荃灣米線最多，間唔中都想食下特別野。第二次食蘇媽馬來西亞野一如既往要等陣。等十五分鐘左右就入得。環境少許逼，加上出面有人排隊，唔好諗住可以長傾計。嗌咗三層肉嘅肉骨茶，好味湯係可以每位添飲即係你兩個人黎嗌一份兩個都有得飲菜類選擇較少呢份玻璃魷魚通菜，少辣，不過不失。辣死你阿媽，牛。好味！夠又味又淋！（之前屋企人食過雞話麻麻）咖哩簿餅，唔太識欣賞男朋友至食咖央多士白咖啡廳喇沙，可以skip無特別。老鼠粉，賣相同香味都好好，係對比之下味道淡咗少少。有啲失望。檸檬薏米水，少薏米味總括而言，咁嘅食物質素同埋價錢，又新奇有趣。有咩可能唔黎食。…Read More

開頭以前係遂碟逐碟嗌，咁食物應該都唔差啩。點無原來係任食。噢，所以食物質素麻麻，不過不失囉。海鮮唔特別，無話係咪新鮮。任食配菜都只係過得去，唔高要求嘅ok嘅。提得一提服務係幾好，可能又少人呢。喺荃灣又想食呢類嘅可以一試嘅。建議餐廳整個散叫嘅，但食物質素可以靚啲囉。( 定係荃灣人cheap，俾唔起錢？！ )仲有openrice要打200字先可以出，但真心嘅食客好難打200字同每份食物都影曬相囉！！！！！…Read More