儍豬Honey1314's Profile

早幾日突然想食日式咖哩，同honey上網搵到呢間好多好評咁咪試試囉，我哋七點幾去到大把位。。。選餐，飯跟汁㡳一個價錢，而餸同配料另外逐樣收費。我哋揀咗日本汽水，包裝graphic好精美。我個咖哩飯加辣配炒蛋同漢堡，咖哩汁辣勁都勵害不過好稀，水水咁，面頭嘅蛋冇乜'神奇'冇想像咁滑𡃓，而個漢堡扒就又嚡又實！連honey對食物冇乜要求都覚得嘛嘛哋。至於個老虎吼沙律，名稱就好架勢，但係果幾件番炸嘅雞就好柴好乾，老虎都𡁻到牙軟總點吼？而啲菜都爽脆溫泉蛋都ok嘅。依家上網搵餐廳，唔好咁信啲評論，我今次真係好失望下。。。…Read More

閒日放假同兩位長輩柴灣掃墓後食晏，佢哋揀咗青年廣場的太極樓，我哋係第一枱客嚟到啲工作人員仲食緊飯。三個人點咗四人套餐$258另茶芥加一每人約莫一佰蚊鬆啲，十分平份量亦足不過就一般水平低少少喇。冷盤我哋要咗牛𦟌同豬腳，量多雪味亦多，可能啱啱雪櫃攞出嚟，所以肉質口感好硬好嚡下。主菜㰓菜四季豆，豆莢爽脆咸淡適中。獅子頭就麻麻哋，水份多肉質過軟，老人家啱食，所以兩個長輩話晤錯，我就過多廿零卅年先識欣賞。糖醋魚塊，魚塊冇雪味，口感唔錯，不過菠蘿居然完全沒有味道很奇怪。小吃原來比較好食，生煎包餡料有肉汁，個底都脆，算係咁。小籠包d皮有點乾，餡料尚可有肉汁，唔係太差。餐後仲有幾嚿橙送同埋四杯飲品，我哋已經開咗茶其實飲唔落其他嘢，所以外帶，工作人員都好友善幫手包走。長輩話下次試客飯，卅幾蚊加茶芥加一，仲平過脆華，可以諗下。…Read More

早幾日閏蜜約食飯，佢揀咗清水灣道一間新餐廳St.Barts，我哋想早d食所以6點半左右去到，餐廳幾乾淨企理，當然啦新開𡃓，客人好似得一枱，可能時間太早，入到去個女侍應安排門口兩張枱俾我哋揀，好怪啫入面大把位，我話怕蚊就坐第二張枱。佢好親切咁問我哋想唔想食牛，我問d牛邊度嚟？然後佢又好專業咁話食牛唔係睇邊度嚟，係睇每日邊個部位最靚！大家知唔知佢講緊乜？d牛係九龍定新界都唔敢講俾人聽。我哋㸃咗Quinoa Salad，個沙律好大份食完都飽九成，d quinoa係雜色果種，同d石榴開心果拼埋一齊好有咬口，加埋d新鮮雜菜，燒過嘅希臘芝士，味道口感十分配合，好正！然後個Penne Arrabiata，d pasta真係好al dente下，我就覚得太硬一路食一路頂住個胃，不過朋友就話咁先啱，咁各人口味唔同，唯一共識就係唔夠醬乾𠲜𠲜咁同埋唔夠辣，我哋後尾食唔哂攞走返屋企再煑過。主菜係BBQ Wagyu Short Ribs，唔好問嚿牛邊樹㗎？因為冇人講解過，間餐廳係澳洲老細，和牛都係澳洲貨呱？件牛肋骨好大件下，底下煎嘅薯餅已經淋哂唔脆，當然啦整好咗等好耐先出餐當然淋哂，牛肉味道來自醃料醬汁，炆得夠淋，醬料味道唔錯，後尾食淨都拎走。其實食物我無乜特別要補充，因為來去只係試咗三樣嘢。睇價錢都唔算平喇每人三佰幾，但收得咁嘅價錢服務就好有問題喇！全塲有三個服務員，一個係bar枱，一個企門口，另一個就係剛才落單果位好專業嘅女仕。我哋坐低無幾耐第一枱客就走，得番我哋兩個客人，開始食沙律，然後另外兩個客人嚟度就坐門口即我哋隔離張枱，由我哋食緊到食完到飲到d水一滴都無，個女侍應一直企係我隔離面向另一枱客人一直吹水！雞啄唔斷企咗至少廿分鐘！期間廚師走到廚房門口望咗第次，相信係睇下其餘嘅嘢上得未，我哋等極個女侍都唔轉身最後向bar枱位男侍招手，先極速上埋其他嘢同埋斟水。我真係少見多怪，未見過咁嘅格局餐廳會係咁嘅服務，你話私房菜茶餐廳街坊小店同客人打成一片就話啫，雖然bar枱戴眼鏡哥仔好親切好有禮貌，但係我自己就無乜興趣再嚟喇，乜都好。。。…Read More

今日去開官塘，行得攰攰哋，上咗APM間辻利茶舗嘆雪糕，成間舖咁橋一個客到冇，叫咗個抹茶芭菲，五個工作人員係吧枱𥚃邊打牙胶，我坐咗十幾分鐘先見有杯芭菲攞出嚟，佢地居然俾咗之後嚟嘅客！我攞住個叫號器問我杯嘢呢？跟住年紀大d嘅亞姐知俾錯人話兩分鈡內做番俾我，結果當然係等多幾分鈡先有。辻利個品牌係日本雖然有番咁上下歷史，成功因素當然存在，不過嚟到香港真係要好好培訓下d人，個個冇笑容之餘仲掛住傾計，我發覺幾間京都抹茶老舗嚟到香港就好快融入本地文化，真係可惜。説回杯抹茶芭菲，$78唔平，雪糕幼滑抹茶味香濃，仲有好多脆米同啫喱係底，standard造型組合，間間日本舗差不多，質素唔差不過服務唔掂，我就一定唔會再嚟。…Read More

好耐無同honey嚟呢度食嘢，今次約埋另外兩個朋友share傳說中好勵害嘅燒有骨牛，因為訂枱時候阿大廚話最好三個人，如果唔係就食唔哂同埋除番開每個人好貴，咁又係，依家好似都要七百幾一個人。首先大蝦柚子沙律配合得好好，辣辣地好香好醒胃。跟住有件哥仔做嘅薄餅乾面頭有三文魚同酸忌廉，塊餅好脆喎，連埋啲餸一齊食好正，不過就食得鬼咁論盡。湯好似係露荀，味道唔錯，中間有粒又係自己打嘅帶子丸，未食過，幾得意幾彈牙。麵包又又係自己做，好香牛油味，最後食唔哂我攞走咗。有兩支骨嘅燒牛好大件，阿廚親自開刀，唔係誇張，啲香味係噴射式飛出嚟，兩個玩健身嘅friend都嗌到嘩嘩聲，有相睇，切開啲肉係淺粉紅色，食落口化開架。連外邊以為好嚡嘅部分，都好焦香。跟住個煙肉蕃茄意粉，意粉又又又係自己整！我特別要求細份啲因為已經飽到上心口，意粉好彈牙，不過啲配料無乜味，乾啲，因為無汁呱。疏乎里清咗啲，可能之前食啲嘢太濃，不過賣相都靚嘅，升到好高下。呢餐大家都好滿意，個個話會再嚟。…Read More

好熱啊！排隊排咗一個鐘，未食雪糕先中暑... Via Tokyo啲雪糕係咪好到咁交關真係見仁見智，間舖細到吖，得幾個位，最慘啲女人係度磿爛蓆，講真夜媽媽，劫後重逢講是講非呢度真係唔適合𡃓，我地身水身汗等到腳軟到食完消化埋，佢地都未走，香港地乜人都有，尤其自私嘅人，可憐門口條龍排到去天后鳥∼發洩完，講番正題：雪糕。等得咁辛苦，梗係食勁啲。我叫咗脆米白玉紅豆牛奶抹茶雪糕，朋友就要三色雪糕窩夫皇室奶茶味。整體我個甜品，雪糕好滑溜，有乳香，脆米扑扑脆，白玉依依un un，有咬囗，紅豆又清甜，唔理呢個綠茶雪糕第幾級（聽講日本最勁係七級），我覺得好味就係咁簡單，尤其朋友嘅奶茶雪糕真係好有茶香，好味到不得鳥，下次淨係奶茶雪糕外賣，費事等∼到人又溶雪糕又溶。…Read More

啲friends玩即興約食飯，揀咗彪哥。呢間飯店未嚟過，都幾得意，佈置好懷舊，可能真係舊。嚟到睇見牆上posters，又蛇又鹿，我都唔敢亂咁郁，眼尾睄下係咪得亞伯亞嬸食？又唔係𡃓，乜人都有個個都好街坊。唔食野生動物，爬行動物，我哋求求其其叫咗幾様嘢。日式青芥苿牛柳粒，青芥辣好嗆鼻，牛柳粒俾梳打粉醃到好淋冇哂肉味，食食下有啲反胃。千頁豆腐，刀工勵害，豆腐片到咁薄都唔爛，中間堆餸為裝飾，雪藏蝦白果有幾粒，材料靠䜴油生粉汁攞味。藥膳浸菜，有堆𣏌子係面，唔知湯底有乜中藥。果皮蒸鮑魚仔，$60一隻鮑魚仔，老細話仲有三隻，果皮蒸。冇乜鮮甜味，𡁻咗好耐。老實講，啲餸菜真係好普通冇乜特別，唔係唔好食又唔係好食，就係食完無乜印象果種，唔寫低真係好快唔記得...…Read More

在元朗做完嘢,攰攰哋走咗去teawood飲杯嘢回下神,乜原來規定個半鐘交枱?冇所謂,反正飲完就走.我唔肚餓,想飲杯咖啡啫.近十幾年,台灣人興起種高山咖啡,好有態度咁.之前朋友送過我咖啡,可能佢唔識買,味道質量好似嘛嘛哋.今次我唔想飲fancy嘢,天氣唔好都影響心情,所以regular coffee就ok喇.伴咖啡有片杏仁餅,好鬆脆,應該係home made.杯咖啡夠熱味醇,雖然未至於話after taste怎樣怎樣,不過都幾滑喉.唔錯𡃓.…Read More

其實真係盡量唔想寫負評,let it go,咪俾負能量侵蝕靈魂..不過啱啱食完餐生日飯,嗚嗚嗚~~俾friend鵝咗成晚...朋友提議去小平津,我唔鐘意,反建議去未試過嘅白鮨..終於..唉..真遺憾.Friday,booked枱時講明個半鐘交檯,好受歡迎咁,七奌去到,咁可疑,得幾枱人?!真係要相信羣衆,係CWB,多人排隊嘅衰極有個譜.悕慎無乜人等嘅,真係次次都中伏.朋友請食飯,我就㨂d平民化少少嘅嘢,叫咗：軟殼蟹沙律蟹件其實都酥脆,不過沙律菜mayonnaise就明顯過多,好似唧多咗費事嘥咁..終於漿住個嘴,成口沙律醬.十件壽司拼盤好耐好耐未食過水準咁喳,咁唔新鮮嘅壽司,俾人感覺係迴轉帶轉咗一個下午賣唔出,擺到乾哂,魚肉顏色喑唖,一夾起啲飯就散成幾嚿..好彩食完都冇事發生..燒物拼盤陣容好強勁咁,不過唔好食俾幾大件你都無用..牛舌肉質好霉,好似炆完再燒?雞翼雪味好重,肉丸質地好似撈咗好多粉,分唔到豬定雞,豬腩嚡到好難𡁻開,整體唔合格,繼續食只是為生存,同埋唔好浪費嘢.牛肉什麼什麼牛肉面頭嘅沙律醬,又係另一個失衡,使唔使落咁多?!Order,侍應好體貼問要幾成熟?我話medium rare,來到係十二成熟,忍咗成晚,最終要反映意見,captain好nice幫我哋再整過碟..再來,是九成半熟,我放棄了..captain再問意見,我都費事難為佢..笑笑就算.反正唔會再嚟.原來低處未見低,跟住到隔離枱投訴杯Asahi生啤酸嘅!?!?搞咗好耐,嚟番支樽裝啤酒俾佢哋..啤酒,原來都可以變酸..呢餐生日飯我就食得唔多快樂,不過希望佢哋可以改進吓食物質素,之後d顧客食得開開心心咪好囉..…Read More

自細好鐘意跟老豆去飲茶,大個當然係𠼱住honey陪我啦..飲茶唔使去到五六星酒店,去普普通通亁乾淨淨就可以.最近先癹現龍皇嘅下午茶真係抵食夾好食.我哋兩點幾先決定去,鬼咁多枱唔知點解..重點當然叫特價嘢.但义燒包就要正價,不過佢地個义燒包係幾正㗎,有堅义燒係𥚃面,饀同包比例啱啱好.而鮮蝦腸粉都幾靚仔,蝦爽口彈牙又大隻.潮洲粉果材料足,皮又不太厚,唔錯唔錯.個小籠包...其實唔叫唔係損失,豬肉饀雖然都有湯汁,不過有少少豬so味..而冷盤茄子無乜出錯,係油啲啫.可惜件馬拉糕就差啲,扁撻撻,隔離枱果件就半呎高,差咁遠,好奇怪.最後埋單..噔噔噔..佰伍蚊咋!龍皇喎..!…Read More

今日年卅,公司早早收爐,同honey去咗OPC間翔龍食團年妟,去到先知呢兩日冇lunch set供應,咁就散叫啦.呢間店啱啱開張時質量都唔錯,不過之後好似越嚟越奇怪,我都成大半年冇嚟,依家又睇下唔會唔好d?我哋叫咗無骨薰魚,手撕雞湯麵,醬汁元蹄,小籠包.先講講元蹄,刨到紙咁薄,味道完全依靠個汁,醬油加浙醋調味,面有少少切到好碎嘅芫莤梗同薑葱絲,冇乜雪味,都幾好.燻魚,由外觀至口感味道都很奇怪,顏色係鮮橙色!落咗色素?以為係咕嚕乜咕嚕物嘅嘢.口感,咪係炸過嘅魚囉.味道,完完全全冇煙燻味,得個甜字又冇醬油味..我個人覺得唔及格,sorry~~呢度最出名係小籠包,質感同味道跟翡翠居然有九成激似!唔知有關係冇?皮薄餡靚肉汁多,真係唔錯.手撕雞湯麵,雪藏雞切絲,雞乜味都冇得雪味,麵就有"簡"水味,個湯係味精鹽水,成碗嘢好求其餵飽你咁,毫無誠意,下次一定一定唔會再叫.如果有下次,浄添食小籠包安全d.…Read More

一個人係新浦崗做完嘢,行行下就去咗Hollywood Plaza夏麵館,好耐無嚟喇,係我食過咁多間𥚃面,一向覺得呢間最好食,環境又靜,啲客又斯文,服務姐姐又有禮貌.我冇等下午茶,雖然仲有廿幾分鐘,就叫咗個"排骨擔擔麵+烤麸+豆漿".碟烤麸唔係講笑,好大碟下,正常冷盤份量,材料唔馬虎,除麵根,仲有毛豆,金針菜同木耳,味道好好呀,麵未嚟到我已經食哂,飽咗六成.至於碗麵,湯汁一向夠濃夠㘃味,芝麻花生碎蔥花都好多,麵就淋咗少少,排骨今次有d油膩,可以再脆d就好喇,我食咗一半就投降,真係好飽.食食下,好多人湧入嚟,原來下午茶時段,街坊都係精明d,知道乜嘢係最抵.…Read More

今日同honey去咗Popcorn間翡翠拉麵食晏,呢度好大間,一點鐘唔知點解空置率好高,分一半位俾Ocean Centre果間就好了.自從係沙田分店食到有殺蟲水味,超過大半年冇幫襯過.我地叫了小籠包,腐皮卷,紅油抄手同擔擔麵.腐皮卷d雜菜絲都幾新鮮咁,腐皮就唔多脆,有d un un地.紅油抄手,菜肉云呑個餡好juicy,辣油可以再辣d就更好了.小籠包,都保持到水準,皮薄有湯汁.而擔擔麵,蔴醬湯底是稀稀那種,唔錯,唔會滯口,d麵好Q好食呀,我最憎糊口癹脹果d,食兩啖就脹住個胃..今次都幾好𡃓,可以將佢由黑名單剔除!…Read More

琴日去咗Sogo鳩嗚,買得攰攰地落咗basement間Baby Mon Cher飮杯嘢食件cake.原來有tea set,$75一杯美式咖啡+cake,改成tea另加$3,其實都幾貴.我揀咗Berry Garden,得個茶包,honey都冇,仲係用紙杯!好奇怪,同懶kawaii嘅環境唔match囉.咖啡就好似用瓦杯,不過個款好唔靚,咁肉酸一定冇人撻.本來想叫堂島乳酪卷,冇哂.就試千層繽紛,之前見fd posted上FB,好似好正咁.件cake真係幾大件嗄,啱果D貪大件嘅人.係crepes加cream加幾片生菓和一嚿仔cheese cake捲埋,啲crepes完全無蛋味無乜香味,有d韌,好可疑,唔知用乜整?不過上面d strawberry好大粒好甜.下次都係食番堂島卷,我一個人可以食1/3條,係正常portion三件,因為啲忌廉真係好輭滑幼細,入口即化,我依家諗起都流口水...…Read More

早兩日honey同我去咗將軍澳Popcorn間"亞來街"食lunch,佢要咗碗海鮮喇唦,我就試海南雞飯.其實我一向麻麻地東南亞嘢..不過個雞飯又唔錯𡃓:),係雞脾嚟㗎,冇其他網民講嘅東搭西搭,份量很足,雞肉又嫰滑,至於有冇雞味?對幾十蚊個飯,冰鮮雞又好,雪藏雞又好,差唔多啦;不過我就冇飲個湯..而杯馬來咖啡俾煉奶果種,就只係飲咗少少..真係唔多咁慣個味~其實叫之前,honey已經講咗我未必頂得順..至於碗喇唦,就好求其喇:(,啲所謂海鮮,蝦同青口雪到乜味都冇,連魚旦魚片都好似滾到冇哂味..啲蝦就預咗差,但係魚旦使幾錢?點解唔用啲好少少?好在油麵同米粉和湯都算係正常,不過拉平碗麵都係唔多合格..下次?我諗可以再食雞飯..…Read More