周六老婆話要打邊爐，但7點幾先收工返到元朗，周圍間間火鍋店都要等位，諗起e 間位置比較隔涉可能有位打去問問，一如所料，立即步行前往。8時入座，點了價錢最親民的套餐，埋單計每日都要近三百大元，今時今日香港打邊爐真係貴左唔少。但此價錢係任飲任食，牛肉任點，飲品也有多種罐裝飲品，唔只可樂汽水，仲要有不少韓式果汁，又有啤酒和夏枯草等，而且時長3小時，咁計其實已經好抵食。👍等左5分鐘先上雞煲，煲內有鮑魚有蝦有貝類，但雞煲黎講唔算出式，做唔到雞煲應有的香味。但當日餐牌全部套餐也只有雞煲選擇，記得之前黎食並無雞煲的，這雞煲對我來說係浪費quota。今日我地本來就不是來食雞煲的，食左三份一直接要求加水進入火鍋環節。牛肉有牛肩和牛小排揀，豬肉就得一款。牛肩就鞋身d,而牛小排相當唔錯，食完又食，每碟質素都一致高質，有牛味而且軟身😘。但豬就非常肥，吃了半碟都唔想食落去，不推薦。跟住不得不提扣分項，亦係我很可能唔會再幫襯的原因。 首先出面其他菜料係自助形式的，這款式唔算多，而且很多看上去並唔新鮮。雞肉e 類生鮮食材整晚我都無夾過，講真睇賣相煮熟左我都絕對唔敢食。這方面很可能唔係餐廳本身採購的食材問題，而是餐廳本身位置不佳客流少，食材流轉太慢引致。跟住行過d 睇落水餃雲吞唔錯，我一向打邊爐都必食水餃，點知一夾每件餃子的餃子皮已經緊緊痴住隻碟，太大力就會撕開漏汁😨 等等，再睇真d 附近仲有一隻小昆蟲飛來飛去，而且旁邊碟邊已經有1、2隻浸左水中😅😅。餐廳唔好食可以將就，唔服務唔好大家打份工也可以理解，但唔衞生就真係趕客。最后整晚除了食牛肉外，只敢夾下油麥菜、菇，牛丸咁。…Read More
