iori625's Profile

呢日收工同個仔一齊食晚餐,佢話想食車仔麵,我們就去了郭仔記,之前有食過大埔墟果開,質素都幾好,今次試下昌運呢間.餐牌有些車仔麵餸都幾特別,如酸齋,瑞士流心蛋和一些振興的丸類,振興在大埔都頗有名氣,之前自己買過食,味道都幾好,每枱有樽菜甫拌飯或麵.餐廳現時有免費轉做酸辣湯的優惠。酸齋，牛腩，振興牛丸，炸雞扒，酸辣湯粗麵酸齋味道正常，牛腩炆到夠淋和入味，牛丸的牛肉味偏濃和彈牙，雞扒醃得夠入味，麵的份量都算多，男仕食完都夠飽。酸齋，蘿蔔，鹵水雞翼，豬皮，牛腩，豬軟骨，粗麵加腩汁蘿蔔清甜爽口，雞翼有香濃鹵水味，豬皮用了咖喱汁做汁底，豬軟骨淋身，軟骨也容易咬碎。總結餐廳環算是整潔，座位上算舒服，裝修較新，食物份量算大份， 食物質素也不錯。 喺大埔中心附近食車仔麵又多個選擇。…Read More

今日出咗去MegaBox行街，行到好攰，順便喺度食埋晚餐。搵食搵到上去11樓，見到一間幾大又舒適嘅西餐廳，門口個Menu即刻吸引咗我，因為竟然係有大閘蟹主題套餐。先來個蟹肉南瓜湯，香甜美味，令我忍唔住一啖接一啖，好快就飲晒。再嚟一個前菜，就係意大利炸飯團配蟹粉沙沙。蟹王三重奏pizza，一次過嘆晒蟹肉蟹粉軟殼蟹，超級豐富。軟殼蟹都幾大隻，而且好飽滿，一人食半隻都非常夠。主菜方面，我哋加咗錢食M5和牛西冷。牛扒要咗五成熟，切開𥚃面粉粉嫩嫩，見到都流口水🤤肉味好濃，以呢個價錢都算唔錯。到甜品喇，本身好想試吓個Brownie，但已經好飽，所以都係點返泡芙。雲呢拿味嘅泡芙每份有三件，一口一件，係一個完美嘅結束。…Read More

今日收工又嚟到呢間大埔嘅老店買肉丸嚟煮麵,記得呢間舖之前淨係買肉丸新鮮製嘅炸魚蛋,炸魚皮等,舖內有工場每日新鮮即造,我想是因為大勢所趨和令客人有多點選擇依家有急凍小食,醬料和其他凍肉賣.豬骨濃汁貢丸啖啖有香濃嘅豬骨湯和香菇味的肉汁,口感彈牙.墨魚丸墨魚丸咬落爽口彈牙,內有粒粒墨魚肉,真材實料.牛骨濃湯牛肉丸呢隻牛丸最特別嘅係佢食落有出街食打邊爐既香濃牛肉味,三款之中我最鐘意就係呢一款,絕對對得起個價錢.…Read More

收工路經上次幫襯過既大埔有名肉丸店， 就入去買咗幾包肉丸返屋企食， 店鋪感覺好乾淨和企理， 除咗特色肉丸之外仲有其他凍肉和醬料等。今次買咗墨魚丸，豬肉丸，仿龍蝦丸，有特色既麻辣小籠包和有骨魚皮有骨魚皮有骨魚皮依家唔係度度都有得賣，呢隻魚皮夠厚身浸完湯後，外層索了湯汁味道，内層依然酥脆。仿龍蝦丸龍蝦丸内有粒粒蟹子 ，食落夠彈牙有蝦味。麻辣小籠包呢隻小籠包嘅皮係用魚肉和麻辣醃料做， 辣嘅程度唔算太辣， 食小辣嘅朋友都可以一試， 入面嘅豬肉餡都幾入味。豬肉丸豬肉丸咬落爽口， 入面充滿肉汁。墨魚丸墨魚丸内有粒粒墨魚肉，有肉汁，夠鮮味…Read More

呢日收工又喺屋企樓下附近昌運中心買外賣， 大埔中心附近專門做鹵水嘅只有呢一間， 之前都有喺呢度買個鹵水鴨覺得唔錯， 今日就試下買鹵水鵝， 除咗鴨同我之外呢度租仲有其他鹵水產品例如 鹵水鴿， 五花肉，鵝腸， 豆腐， 鵝掌，鵝翼，元蹄。 招牌滷水鵝(上庄)今次叫上庄貪佢鵝胸啖啖肉， 鹵水鵝嘅上庄同燒鵝嘅上庄既切法有分別， 燒鵝胸嘅切法係跟平時斬雞咁一舊舊， 鹵水鵝胸會切到一片片， 師傅嘅手勢都幾好，每片鵝片都切得厚薄適中， 令鵝胸食落較嫩口， 鵝嘅生熟度掌握得幾好， 肉質唔會過老， 鹵水嘅味道好香，夠曬入味， 另外仲有兜鹵水汁分開上， 如果想食濃味啲嘅可以加埋落去，我哋唔洗五分鐘就掃曬， 下次買下庄嚟試下。…Read More

因為肺炎呢年幾都很少出街食飯， 通常都買外賣居多， 呢日收工去屋企附近間台式餐廳買外賣。 餐廳開咗幾年，之前都有堂食幫襯過， 餐廳價錢都幾抵大概五至六十蚊有飯有嘢飲。酥炸豬扒肉燥飯豬扒炸得幾脆 ，唔會太乾有肉汁， 肉燥味道做得香濃最啱送飯， 仲有隻鹵水蛋同菜 ，份量都唔少，夠飽。五香牛展米粉牛展做得夠淋身夠入味 ，五香味濃， 湯係分開上 唔會拎到返屋企然後啲米粉冧曬， 佢哋用呢隻米粉幾爽口。餐飲 珍珠奶茶和巨峰提子汁奶味同茶味適中，同出面街買20零30蚊杯差不多。提子汁嘅味道正常，唔會過甜。…Read More

呢排嘅天氣實在太凍， 所以就懶唔煮飯， 叫外賣， 去咗間之前都幫襯過嘅泰國餐廳度叫外賣。巨大雜錦木船湯河(定食)套餐包咗三份小食和一個湯， 有冬陰功湯或肉丸扎肉雞湯， 小食有蛋沙律，中華沙律和雞卷。個湯河夠曬大份， 有紮肉，肉丸，牛肉，雞肉， 芽菜等， 最特別係有豬油渣， 湯底都幾清， 食落唔會太漏， 啱曬大胃王。招牌燒豚肉飯(定食)豚肉係用辣汁先醃過然後再燒， 豚肉醃得夠入味 ， 少少辣，豚肉有焦香味， 配少少青瓜絲嚟食 減少油膩感。汁燒安格斯牛飯(定食)牛肉先用日式燒汁醃，然後燒， 有焦香味， 牛肉味香濃， 肉質嫩， 溫泉蛋生熟程度剛剛好， 幾有高級日式便當嘅味道。…Read More

今次係四個人去食，咁就可以食到更加多嘅款式啦！整體來講呢間韓式放題都算出色嘅😍入座時間起計110分鐘任飲任食其實都好足夠😌因為佢係分批形式放人入去嘅，所以大家都係同一個時段開始同一個時段結束！只要你book到位就一定可以準時入座😉唔洗等✌️✌️大致上環境都唔錯，可能限聚令嘅關係，其實大家都坐得算係好鬆動！😏同埋要讚下佢嘅抽風系統做得好好👍🏻食完韓燒完全冇味喺身上😬至於飲品同食物方面亦都冇令我失望🥳飲品款式超過十款，無論係汽水定係茶都有好多個選擇👏特別推介嘅飲品係荔枝味烏龍茶😛唔太甜又有茶味，暫時係我嘅至愛😍熟食推介水冷麵，面質煙韌又夠凍，青瓜絲夠爽，個湯唔太酸好開胃😋另外食辣嘅朋友一定要試吓佢嘅噴火炸雞🍗可以俾你揀辣既程度，真係一試難忘🤪🤪自問食得辣嘅你一定要試吓😌燒物推介烤肥牛，呢個一定要食😋😋😋仲要encore再encore👍肥牛片配上秘製蒜蓉汁，燒完嗰種油香真係冇得輸，可以食到幾碗飯😛五花肉/辣味五花肉，都算係厚切，而豬肉本身有醃過，味道都唔錯，加埋佢嘅韓式醬料，夾生菜食，正🤩🤩除咗肉食，海鮮都唔錯既，燒帶子好新鮮，食到鮮甜嘅味道，係難得既🤪最後仲有甜品添，我就揀咗椰汁味🥥雪條，來自韓國好出名嘅品牌，椰香味十足😋整體來講，呢間都算係一間唔錯嘅韓式燒烤店🤗…Read More

因為疫情嘅關係我哋都好耐冇去過餐廳食嘢， 呢日放工喺大埔墟經過一間馳名大埔嘅肉丸店， 就入去買咗幾包肉丸返屋企食， 店舖而家裝修好光猛 ，感覺好乾淨， 除咗肉丸之外仲有其他凍肉和 醬料等。蟹籽包心丸 ，香菇貢丸四包丸我都分開咗三次嚟煮， 呢日淥麵用咗紫菜豆腐湯底， 然後再加呢兩款丸， 蟹籽包心丸 同平時喺出面買到嘅有點不同， 外層嘅魚蛋比較有彈性， 蟹子餡都夠香。 香菇丸咬落爽脆， 唔會死實實， 都幾濃嘅香菇味。仿龍蝦丸呢排日日煮飯， 諗食乜餸都諗到頭大， 呢日索性攞包仿龍蝦丸嚟氣炸， 簡簡單單又多個餸， 龍蝦丸咬落彈牙。牛骨濃牛丸四款入面呢款肉丸我覺得最好食， 牛丸咬落除咗夠爽之外， 牛味十足令你覺得好似唔係食緊肉丸嘅味道， 有啲似食緊高級放題嘅靚牛肉嘅味道。…Read More

呢日去到粉嶺附近度食飯， 我哋呢日想食西餐， 記得上次嚟過呢一間餐廳感覺幾好， 餐廳都有個小角落放抗疫物品， 入餐廳都有派膠套放口罩。軟殼蟹黑松露忌廉意大利麵呢個意大利麵有少少西日fusion嘅感覺， 軟殼蟹 個人感覺係比較日本的食物， 每啖意粉都有香濃嘅黑松露忌廉汁， 個意粉幾掛汁， 配原隻炸軟殼蟹， 軟殼蟹炸到酥脆。香辣蒜香蜆肉意大利麵相對起另外一個意粉， 呢一個比較冇咁heavy， 幾適合健美中嘅人士， 意粉好香蒜味， 仲有蜆肉嘅鮮味 ，但唔算太辣。爆趣蜜糖芝士炸雞配薯條沙律熱辣辣嘅炸雞配咗蜜糖和芝士粉， 炸漿夠脆， 但唔會好厚粉， 炸雞啖啖肉， 保持到肉汁 ，唔會炸到乾身， 醬汁有茄汁，蜜糖芥末醬和藍莓醬。紫薯窩夫窩夫即叫即製， 需要等大約10至15分鐘, 配日式小紫薯， 紫薯雪糕 ，士多啤梨等其他配料， 窩夫外脆內軟， 唔會過甜， 份量都唔細， 適合2至3人分享棉花糖凍朱古力朱古力夠濃， 就算冰溶咗大約一半， 對朱古力嘅味道都唔太大影響。…Read More

呢日收工同屋企人喺屋企附近食飯， 呢間餐廳嘅選擇都頗多， 中式小菜，西式意粉和扒類都有。香煎特級t骨扒(13-14oz)話說我都好耐冇食過t骨扒， 見到呢度嘅餐牌有， 所以就以話不說就柯打咗， 叫咗五成熟， 配沙律薯菜， 薯菜係雜菜沙律配日式麻醬和粗薯條， 牛扒都幾大塊， 生熟程度都掌握得幾好， 欲得幾冧有牛味， 近骨附近嘅肉特別香。煙三文魚忌廉意粉意粉嗰個醬汁夠creamy， 因為用咗三色椒嚟炒嘅關係忌廉汁有三色椒嘅香味， 煙三文魚幾香唔會過鹹。牛油芝士焗大蝦 (烏冬底)牛油芝士汁夠香牛油味， 醬汁有點似喺酒樓食嘅芝士焗龍蝦的醬汁， 有六隻大蝦，大蝦經過走油， 蝦肉夠紮實有咬口。士多啤梨沙冰/ 台式桃膠四季春茶(西柚)餐廳近期做緊優惠， 惠顧滿250蚊會送一杯士多啤梨沙冰或芒果沙冰， 味道都唔錯。餐廳做promotion飲品係桃膠， 其他餐廳比較少見， 所以屋企人叫咗一杯試一試， 茶味夠濃， 仲有杞子 ，幾適合女士飲用。香蕉雪糕雞蛋仔雞蛋仔即叫即做， 所以雞蛋仔能夠做到外脆內軟。…Read More

餐廳位於鬧市中嘅尖沙咀樓上舖， 附近都有幾個大型嘅商場， 人流算多， 我們當日大約七點左右去到餐廳， 餐廳已經滿座要排隊， 大約等了十五分鐘左右， 餐廳有幫客人量度體溫和枱與枱之間都有塊紙板相隔， 餐廳裝修比較光猛， 抽風系統做得唔錯， 食完之後衣服都唔會有一陣味。老壇酸菜豆花海鱸魚因為有朋友唔食辣嘅關係， 所以我哋點咗呢一個， 魚夠大啖啖肉， 師父將魚劏開一半， 讓我們食嘅時候較方便地將肉和骨分開， 湯底應該有用酸菜去煮過酸酸地鹹鹹地幾開胃， 除咗酸菜和魚之外仲有其他配料有豆腐，青瓜，芽菜，闊薯粉， 夠大份抵食。孜然牛肉串， 蒜蓉燒牛脷一直覺得食呢隻串燒一定要配孜然啲款香料先覺得有風味， 牛肉串燒得夠香有焦香味， 加上孜然嘅味道， 夠惹味。厚切牛脷串燒， 燒得啱啱好唔會韌， 有肉汁。辣子雞為咗想滿足自己想食辣嘅慾望， 見呢度嘅小菜都有辣嘅菜式， 所以點了一款辣子雞， 雞先經過醃製再走油， 炸到表面有少少脆身， 然後再加上大量嘅辣椒， 看似好辣， 我覺得辣嘅程度大約小至中辣左右， 食開小辣嘅朋友都可以試下挑戰。紅薯粉和米線我們當晚都幾肚餓， 所以嗌多兩個配料紅薯粉和米線， 放落魚湯度煮。…Read More

呢日同老婆去到大角咀搵朋友， 搵完朋友之後喺附近度睇下有咩食， 呢期我哋特別鍾意食泰國菜， 路過見到一間餐廳名幾特別叫做泰嘟嘟， 於是入去試下， 入餐廳有量體溫 ，入到去就知道點解餐廳會叫呢個名， 餐廳嘅裝修都幾時尚， 有幾張卡位的外型一部大嘅泰國篤篤車。冬陰功海鮮湯冬陰功海鮮湯係用鍋上， 可以保持到個湯嘅溫度， 個湯又大頭蝦，海鮮，草菇， 檸檬草和其他泰式香料， 酸酸辣辣， 清新開胃， 辣嘅程度係小辣。小食拼盤(大)呢個小食拼盤有六款唔同嘅小食， 啱曬我呢個每一樣都想試少少既人， 有魚餅，蝦餅，春卷， 荷葉包雞雞翼和沙嗲串燒， 配沙爹汁和泰式雞汁， 拼盤都幾有份量， 我哋飲完個湯同埋食埋個拼盤都差唔多飽飽地。招牌焗黃咖哩麵包軟殼蟹麵包用咗大概三分一條方包， 淋上咖哩汁有啲邪惡， 咖哩汁充滿椰香， 配三色椒，洋蔥和蛋花， 原隻軟殼蟹幾大隻炸得夠脆身。…Read More

呢日收工同屋企人去太和中心附近搵食， 以前 太和中心呢度車房林立， 依家變咗好多餐廳， 我哋發現有間新嘅泰國餐廳， 於是同屋企人試試， 疫症期間入餐廳前要量體溫， 餐枱與路口位之間有一塊膠板做阻隔。 泰式炒肉鬆呢度嘅肉鬆可以揀辣或者唔辣， 我哋揀咗辣， 辣嘅程度大概中小辣， 肉鬆炒得好香， 泰式香料嘅味道好豐富， 有洋蔥，九層塔，青檸等嘅味道， 如果唔夠生菜可以再添加。泰北沙嗲串燒拼盤拼盤有豬柳串， 雞肉串，牛肉串和豬頸肉切片， 配一個泰式辣汁和沙嗲汁， 泰式辣汁酸酸地辣辣地， 沙爹汁有花生和黃薑嘅香味， 肉類方面， 醃肉嘅味道調教方面做得唔錯， 味道啱啱好配埋個醬汁都唔會過咸， 串燒有焦香味。菠蘿虎蝦炒飯原隻菠蘿配上兩隻大虎蝦和串燒菠蘿， 上碟好有氣勢， 大虎蝦嘅肉質夠實， 炒飯用黃薑， 雞肉，提子乾，粟米等炒， 幾惹味， 旁邊仲有肉鬆和甜酸醬， 拌飯一齊食有多重口味。…Read More

呢排公司做嘢都好忙， 連續返咗差不多一個月工， 難得過去嘅星期日可以一家人出旺角行下街， 咁就同屋企人整個Sunday brunch 食下, 餐廳係半自助形式.菠菜賓尼迪蛋配蟹餅賓尼迪蛋完全做到流心嘅效果， 應該係用慢煮嘅方法呢烹調， 流心得呢個感覺唔會太生， 個蟹餅夠曬豐富， 隨炸吉列皮包住啖啖一絲絲嘅蟹肉。.全日早餐配龍蝦呢度嘅全日早餐都幾豐富， 除咗龍蝦之外仲有薯餅，沙律，炒滑蛋， 芝士釀大啡菇和蜜糖多士。 龍蝦係半隻開邊嚟焗， 食起上嚟都好容易，有肉汁， 唔會焗到太乾， 咬落肉質都幾有質感， 有龍蝦嘅味道， 炒滑蛋幾重蛋味， 焗大啡菇用咗唔同嘅芝士焗， 食到多過一種芝士嘅香味。全日早餐配牛扒牛扒係用西冷扒， 用咗鹽，黑椒，蒜頭和百里香來做調味， 生熟度適中， 肉質夠淋，牛肉味重。 …Read More