marywmy's Profile

今日2點多啲行過黎食，環境舒適，座位唔逼🍀是日點餐🍀午市套餐：海南雞金邊粉海南雞份量大大份，入口嫩滑，配上酸辣汁好正🤤至於金邊粉嘅湯底濃郁，夾埋香菜送雞好好味C啲粉亦都軟硬度適中，份量正常，呢個價錢算ok |👅：5/5配粉絲春捲春捲入面有粉絲、木耳、生菜絲，一口咬落去非常脆口又多餡，配埋小小甜酸醬，食到人停唔到口🤩 |👅4.5/5仲送埋野飲，幾抵食！Overall:Service 好好，環境幾乾淨～…Read More

🍀是日點餐🍀黑松露帶子鮮菌燴意大利飯(💰92）呢款risotto好啱香港人口味，米唔會半生熟～啲汁整得唔錯幾creamy，加上黑松露好香口！帶子作為配菜唔錯👍🏻小小甜啦，勝在加錢可以有埋沙律同埋甜品，性價比幾高｜👅: 4/5煙三文魚忌廉蕃茄醬扁意粉 （💰92）首先扁意粉嘅硬度適中，有啲彈牙🥢而忌廉蕃茄醬嘅味道相當濃郁，酸酸甜甜中又帶啲creamy🍅🥛。煙三文魚就鹹鮮味十足，同醬汁混埋一齊食，又唔會太過搶味。份量方面對於我嚟講算幾大份，整體性價比都十分高。｜👅: 4/5開心果麻糬提拉米蘇唔係講笑，真係超推😋！首先，個賣相已經夠晒靚仔，玻璃碗非常打卡able。至於味道方面，由上層到底層都充滿濃濃嘅開心果，仲有彈彈麻糬。甜品整體嘅平衡感做得非常好，甜而不膩。如果鍾意開心果同麻糬嘅朋友，呢款甜品真係必試之選💚！…Read More

今日同friend去咗間位於大圍站附近嘅越南菜餐廳🍴，裝修乾淨精緻，帶有一啲越南風情，牆上仲掛咗張充滿越南風情嘅人像畫🎨添。晚市時間人比較多，但職員手腳都好快，兩三分鐘就安排到我哋入去坐。越式蝦醬炒通菜 🦐🥬首先上枱嘅係越式蝦醬炒通菜，一上枱就聞到濃濃嘅蝦醬香味🤪，而越南蝦醬同平時香港食嗰啲唔同，味道更鮮更溫和，通菜就炒得啱啱好，份量大，送飯一流。越式海鮮菠蘿炒飯 🍍🍤🍚跟住就係海鮮菠蘿炒飯。有2隻好靚仔嘅大蝦🦐🦐，加埋蝦乾炒，非常香口。同埋佢加咗少少提子乾，配合埋菠蘿嘅酸甜令到成個炒飯幾清新，食晒咁大兜唔會覺得膩。河內小食拼盤 🥢🍢最後就係河內小食拼盤，呢個拼盤滿足咗我哋一次過食晒咁多款越南小食嘅願望lol！拼盤有五款食物，各有特色😋，特別推介以下三款：- 鮮蝦米紙卷：米紙卷皮薄餡多，入面有新鮮嘅蝦肉同蔬菜，食落去好清爽，點埋啲枱面上有嘅蒜蓉辣椒醬更加惹味👍。- 香茅雞翼：雞翼醃得好入味，食到香茅嘅香味，外皮煎得香脆，入面肉質都夠keep到滑🤩。- 手打蝦餅：呢個最推！🤤蝦餅嘅蝦肉好彈牙，外皮炸到金黃酥脆，好有口感，又係點埋醬食更加好味😋。…Read More

今次食呢間餐廳叫「家後2.0」，主打手工餃子嘅小店。上網睇先知2.0應該係指佢哋嘅第二間鋪，我哋就未食過食過主店。食完終於知點解開到第二間店喇！因為佢哋嘅手工餃子套餐真係幾出色🥟 。最近香港專門食手工餃子舖頭越開越多，我覺得呢間嘅食物水準係比較幾高嘅，而且性價比都高。我哋叫咗雙拼芹菜豬肉餃同埋菠菜豬肉水餃套餐：水餃大大隻不在話下，餡料十分新鮮，皮唔會太腍，而且冇諗過個湯底幾好飲🤓，仲要跟埋生菜。佢配咗一個上海麵，個湯底又係不得了，可能加咗昆布，超級鮮甜！由於太肚餓，我哋有叫咗個日式住家飯團，佢蒸到熱辣辣上枱，噴晒煙咁好正，佢入面係有啲日式漬物，估唔到個名，但係幾好食🤣最後仲點咗雙冬羊腩飯 🍚🐑。羊腩煮得幾腍，超入味，冬菇同冬筍嘅味道好香濃，同羊腩好夾，撈埋啲汁落白飯度超正👍🏻。…Read More

諗住搵間抵食嘅上海菜，見呢間近近地，又幾多好評就去試下。點知6:30pm一去到已經超多人，15分鐘之後已經要排隊先可以入座了，估唔到人氣咁高🍀是日點餐🍀鮮肉生煎包(💰50/5隻）個底煎得幾香脆，肉質鮮嫩，調味啱啱好，不過又未到爆汁個隻，ok抵食嘅～ ｜👅: 3.5/5蟹粉黃金炒飯(💰110）蟹粉炒飯，真係好有驚喜！😻首先，個蟹粉芡汁金黃色，睇落去已經好吸引。🦀 芡汁入面有一絲絲嘅蟹肉，咬落去鮮味十足，蟹香四溢，完全冇腥味，真係好正！😋 炒飯方面，粒粒分明，飯粒乾身唔油膩，同蟹粉芡汁撈埋一齊食，口感豐富，味道層次分明，真係令人回味無窮。👌｜👅: 4/5涼拌拼盤(💰104）黎得食上海野，點少得拼盤～我地叫左怪味雞、雞絲粉皮、鎮江餚肉同埋上海燻魚。無論係怪味雞定雞絲粉皮，啲雞都好嫩滑，點埋芝麻醬同埋又甜又辣又酸其實唔怪幾好味嘅醬，真係回味無窮，好開胃！鎮江餚肉第一次食，帶著水晶般晶瑩剔透嘅膠質，望落就已經好吸引，食落完全唔會膩～至於上海燻魚，混合香醋同蜜糖嘅魚肉酸酸甜甜啖啖肉，實在不錯｜👅: 4.5/5紅燒獅子頭(💰105）跟住，一定要食上海招牌名菜——紅燒獅子頭🍖。一上枱，個賣相已經好吸引，獅子頭大大粒，色澤紅亮，睇落好juicy💦。咬落去，肉質鬆軟，肥瘦適中，入口即化😋。醬汁濃郁得嚟唔會太鹹，帶啲啲甜味，好啱我口味👍。配埋啲青菜，解膩又健康🥬。整體嚟講，呢個獅子頭真係好食到停唔到口，下次一定會再encore👏！｜👅: 4.2/5…Read More

「龍鳳松茸雙湯餃」（配狀元九鼎湯）：試咗呢款招牌餃子，好有驚喜✨！餃皮薄而且餡靚，佢分為黑松露同白松露豬肉，咬落去鮮嫩多汁，食得出用料夠新鮮🍄。黑松露帶點泥土嘅深沉味道，而白松露就清雅高貴，兩者混搭出奇地和諧，啖啖都係享受👌。湯底就係鮮香嘅魚湯，仲有淮山嘅清香，啱啱好中和咗松露少少霸道嘅味道，令到成件事濃而不膩🤤，超級正😍。「芫荽豬肉煎餃」：試完湯餃想食埋煎餃，所以叫咗試咗呢款。煎得啱啱好，餃底夠脆口，咬落去「卡滋卡滋」超滿足🔥。芫荽香氣撲鼻🌿，豬肉嫩滑多汁，食落 juicy 得來唔油膩👍。嘢飲我哋叫咗蜂蜜檸檬薏米水，正正常常幾好飲🍹。另外，值得推介嘅係佢哋嘅酸蘿蔔同埋辣椒豆瓣醬，配餃子超夾，大推！…Read More

一入舖頭，見到調酒corner裝飾得咁leng，又有幾句文字就望下啦。原來連店名都好有意思，先知原來「圓相(Ensō)」係解和睦同埋循環不息，feel到係個有心嘅店主。啲座位幾好坐，唔會好迫，又可以坐耐啲傾計。🍀是日點餐🍀蒜味鹽燒日本豚腩串(💰48+10%)一上碟已經聞到濃濃嘅蒜味，加埋黑椒喺面，食落口有啲油脂味又唔漏口，超正🐷🤤啲肉煎得啱啱好仲係好嫩口～｜👅: 5/5🦀子🦀柳玉子燒(💰76+10%)呢個我會講係必點！因為真係滿滿嘅🦀🦀再配埋超多蛋汁嘅玉子燒，好夠蛋香，食落大滿足｜👅: 5/5火炙明太子山藥煎(💰98+10%)呢個菜式特別又好味😋明太子醬汁好濃厚，配上輕輕煎過嘅山藥，剛剛好又健康，幾欣賞諗到呢味菜式｜👅: 5/5蒜香牛柳粒黑醬油炒飯(💰128+10%)醬油炒飯好香又唔會太鹹，幾好，配埋紫菜絲同埋香蔥碎，好有口感！仲有隻溫泉蛋，令成個飯更易入口，好creamy！如果有更多牛柳粒就好啦｜👅: 4.8 /5🥂Hail Santa🎅🏻🎄 (💰54+10%)本身唔係飲開酒都覺得好飲，易入口又幾暖胃｜👅: 4.5/5…Read More

晚市套餐抵食👍🏻五十零六十蚊有粉面、飲品，加多13蚊有通菜/生菜/菜心都係埋單$6x🤤味道唔差～座位都幾闊落，侍應態度良好🍀是日點餐🍀四寶丸河粉(💰52）有招牌魚蛋、鮮炸魚片、魚皮餃同埋肉丸～尤其要讚個招牌魚蛋好出色，似魚滑嘅質地，唔係一般一粒粒嘅魚蛋，好滑好彈牙😍河粉爽口，配埋小小蔥花炸蒜，味道中上｜👅: 4.6/5金牌牛三寶(💰62)金牌牛三寶🏅其實就係崩沙牛腩、牛筋、牛肚！先講牛腩，肉嘅紋理層次分明靚仔，口感爽但不硬，而且非常入味，果然係牛腩中嘅極品👍🏻。牛筋嘅質感啱啱好，又滑腍又唔會唔黐牙。牛肚呢我覺得更加出色，有咬口但又好軟熟，味道出色👅。今次選擇咗幼麵🍜，其實呢隻麵除咗配雲吞，我覺得配牛腩都好好食，個人推薦加少少醋，會令到成碗麵嘅層次昇華。等我下次試吓佢個牛雜麵先｜👅: 4.7/5…Read More

近日天氣凍，心思思想吓辣🌶️，於是上網搵咗間喺九龍城嘅川菜餐廳——見見面😋。先講講餐廳嘅環境🏡，簡約而舒適，帶有一種溫馨嘅傳統中菜館感覺，一坐上枱就俾咗一碗勁香口嘅麻辣煮花生🥜，超好食😋。*🍖 糖醋里脊* 老真講其實我哋唔算好食得辣，所以我哋先叫咗道糖醋里脊。呢度菜式非常令人驚喜🤩：除咗啲豬柳肉做到外脆內嫩之外，個糖醋汁竟然帶有種四川麻辣嘅鮮香味，但又唔會辣。酸甜鹹平衡得好好⚖️。呢個川味糖醋里脊值得推薦。*🥬 清炒萵筍絲* 再嚟嗌咗個清炒萵筍絲。清爽可口💚非常適合作為川菜枱面嘅蔬菜🥗。萵筍絲整得幾脆嫩，加埋蒜蓉爆炒，我覺得有超越咗「家的味道」咁出色，如果再加多啲蒜蓉就仲正🤪。*🐟 酸菜魚（生魚）配紅薯粉🍠+寬粉🍜* 到今日嘅戲肉喇！唔係講笑，啲魚片好鮮🌊，魚肉非常嫩滑，一啲都唔腥。而湯底都好正，湯汁酸辣香濃，味道上我覺得比起出面一啲連鎖店還要好，可能係因為佢哋嘅酸菜幾出色，酸度啱啱好。而紅薯粉同寬粉掛到啲湯汁，椒麻微辣🥵🤤，口感軟彈滑捋捋，真係超正超滿足😌。*🍮 桂花冰粉* 最後講下甜品桂花冰粉🍧，呢個甜品真係勁正！冰粉嘅口感冰涼清新，配合埋桂花🌸同杞子嘅香味，非常解膩❄️，好啱食完熱辣辣嘅酸菜魚食。…Read More

上星期同朋友去咗一間西式餐廳Luna Kaffe🌕，位於餐廳雲集嘅女人街，真係俾我哋尋到寶。先講吓佢哋嘅前菜「香辣魷魚」🐙。用嚟裝魷魚嘅碟係一個紫色嘅貝殼碟，超靚呀👍🏻。魷魚切得薄厚適中，而佢哋個香辣醬汁🌶️勁惹味，辣度又唔過分，啱啱好，提神開胃🤤！然後到呢到嘅特色菜——「白布烏冬」配香烤油封鴨髀🦆。第一次見呢種烏冬，肥嘟嘟好可愛。超闊嘅烏冬應該係蒸熱嘅，所以非常彈牙，唔會淋，加埋個麵豉湯食，有啲食沾麵嘅感覺🍜。至於鴨髀外脆內嫩，肉質豐富，同烏冬一齊食都幾夾🥢。另外點咗「炭燒美國牛仔骨伴黑椒汁」🥩。想講佢哋個鐵板拎上嚟嘅時候真係好誇張，係拍得住扒房嗰種熱🔥，2大塊牛仔骨不斷發出滋滋聲，勁有feel！而牛仔骨最後燒得啱啱好，配埋個黑椒汁，perfect 池！飲品方面，我哋試咗「西洋菜蜜」同「檸檬菜蜜」🍋🍵，十分正常，好飲嘅。甜品方面，又再一次驚艷到我哋喇！佢哋個「焦糖燉蛋」🍮✨✨ 大推啊！！賣相已經幾得下，我用匙羮敲落去個焦糖脆皮就有「咔嚓」一聲💥，證明焦糖燒得啱啱好。而入邊嘅蛋滑捋捋，入口即溶，味道滿分！…Read More

今次係再Encore～～🍀是日點餐🍀美式燒春雞(💰278+10%)一定一定要讚個黑松露薯蓉，超級香！第一次食，原來可以咁整。春雞好嫩，皮好脆，配上黃芥末醬好開胃🤤沙律菜就正常發揮👍🏻｜👅: 5/5青醬帶子意粉(💰178+10%)呢個青醬好易入口，食得出有蒜泥同橄欖油香，應該係自製，因為唔會好鹹😽意粉煮得岩岩好，煙韌有咬口，而且幾入味。我鍾意青醬味濃郁啲嘅意粉，所以如果再濃d就更好啦～配料方面有蘑菇、帶子同芝士片，帶子鮮甜，幾夾嘅！｜👅: 4.8/5蝶豆花茶(Free)養生又好味！而且店員非常非常勤力幫我地斟水，抵讚👍service好另外值得一讚係成間cafe嘅裝潢好用心，例如叫店員落單/埋單嘅鐘仔係一部小鋼琴，成間餐廳以森林系做background，每次放工黎到都覺得好放鬆😌…Read More

今次去咗大圍呢間西式餐廳，餐廳內部以橙色黑色作為主色，有種幾高級，但溫馨嘅感覺🌆，仲有得睇踢波球其實幾適合要返杯酒精飲料，坐低慢慢嘆🙃。今次叫咗個二人餐 (💰$433)～凱撒沙律～凱撒沙律整得幾好味，蔬菜非常新鮮，配上香脆嘅麵包粒同濃郁嘅特製凱撒沙律醬，非常滋味😚。芝士嘅份量亦剛剛好，唔會過多亦唔會過少。呢到沙律雖然簡單但味道豐富，非常適合作為前菜，令人胃口大開😛｜👅: 4/5～酥皮龍蝦湯～再嚟講下酥皮龍蝦湯，呢個湯值得一試。酥皮焗得非常酥脆，直落仲有蛋香，同龍蝦湯嘅鮮味好夾😊。調味又唔會太鹹，如果再焗多幾十秒酥皮應該更脆更正。｜👅: 4.5/5～忌廉薯仔湯配蒜蓉包～忌廉薯仔湯嘅口感非常滑，薯仔嘅香味突出，明明係飲緊湯，但係有薯蓉嘅香味🤣😋。配埋蒜香味十足嘅蒜蓉包，真係一個黃金組咁👍🏻。｜👅: 4.3/5～龍蝦汁炒大蝦意粉～意粉炒得啱啱好，啲龍蝦汁索晒入去意粉到，令每一啖都充滿鮮味，再加埋菇去炒，鮮上加鮮👍🏻。另外大蝦🍤都煮得非常嫩滑。建議加蒜蓉炒應該會更香｜👅: 4.6/5～西班牙乳豬～西班牙乳豬係我今日嘅最愛！乳豬皮焗得非常脆，肉質嫩滑爆汁，我諗緊呢個係咪招牌菜呢🤭。配上特製嘅醬汁，味道一流。另外仲配有加咗調味粉嘅薯條，食到手指都啜埋🤤，如果份量再大件啲就好啦。｜👅: 4.7/5～草莓奶蓋～草莓嘅酸甜味加上奶蓋嘅香滑就係冇得輸! 呢個肥仔飲品雖然有啲邪惡但好滿足🤭｜👅: 4.6/5～熱果茶～茶香同水果嘅香味互相融合，飲落去非常舒服，令人放鬆，特別係用餐之後，超鐘意個香氣｜👅: 4.7/5～朱古力布丁～最後講下朱古力布丁，呢個甜品真係好得。雖然外貌平平，但估唔到朱古力嘅味道濃郁，布丁嘅口感非常滑，每一口都充滿朱古力嘅香味。呢個朱古力布丁真係令人食完之後仲想再嚟一個😝｜👅: 4.6/5…Read More

本來諗住簡簡單單食樓上鋪，但係估唔到舖頭好俾心機裝飾到超有Halloween氣氛，有幾個打卡位，影相幾有feel！🍀是日點餐🍀是日精選湯：蘑菇忌廉湯(💰58)(+10% 🛎️)飲得出好新鮮，落左好多蘑菇碎，非常creamy香甜～宜家諗起都好想再飲｜👅: 4.8/5日本廣島蠔肉貝殼粉(推!!)(💰208)(+10% 🛎️)非常超級推薦！一食驚人～啲貝殼粉煮到軟硬度適中，又sok到蠔肉汁嘅味道，一食落口好有咬口好好味～好耐無食過咁正嘅貝殼粉！蠔肉都幾足料，有3-5個～後尾廚師同我地傾計，好nice咁問我地食物嘅意見，講起佢非常擅長整麵/粉類，所以強烈建議到場嘅朋友要點粉面類野食｜👅: 5/5火焰烤雞(💰328)(+10% 🛎️)Staff會先上原隻烤雞，喺客人面前點火烤脆隻雞嘅表皮，非常有睇頭！之後店員仲非常好咁幫我地切烤雞做一份份，然後再再次上碟，仲加埋燒烤汁，加小小鹹味昇華隻雞。個人覺得如果減少啲啲燒烤汁就更加perfect，可以食到雞肉本身嘅燒烤香氣同味道！｜👅: 4/5Sauvignon Blanc 2022(💰88)(+10% 🛎️)本身唔係好識飲酒，但覺得今次叫嘅白酒好好味，仲飲完覺得幾…Read More

定食係用六格盤上碟，上檯個刻相當吸睛🤩好少百零蚊定食會咁高質前菜：牛蒡陪牛沙瓜、中華沙律（呢個配搭我好鍾意，健康養生）主食：珍珠米配飯素（好香～）甜品：Tiramisu泡芙水果：哈密瓜🍀是日點餐🍀慢煮美國牛小排午市套餐(💰128)先講肉質，超！嫩！咬落大概6成5至7成熟🤤連埋黑椒同蒜燒得好香～仲有小小油脂，配飯無得頂！｜👅: 5/5蒲燒鰻魚午市套餐(💰128)鰻魚超高質😍，可以話係成個套餐最出色嘅部分，首先外層醬汁色水好靚，咬落去嘅時候竟然仲有啲脆口感🤩，食得出係即叫即燒，而魚肉肉質鮮嫩，味道濃郁入味，送飯一流啊🥰｜👅: 5/5厚切牛脷芯(💰68)大大條牛舌用鹽同黑椒燒得好香🔥都幾厚吓，所以好夠咬口🤤如果稍微落少啲啲鹽，帶出牛本身嘅鮮味就更好喇！｜👅: 4.8/5水信玄餅🌸(💰68)一定要叫呢個！打卡好靚🤩晶瑩剔透嘅果凍入面見到粉紅花瓣真係好治癒～搭配埋黃豆粉同黑糖糖漿超夾🤤諗起都想再食｜👅: 5/5秋葵(💰30)第一次食燒秋葵，完全無草青味，少咗滑san san嘅黏液，好易入口👍🏻少少鹹味好香口｜👅: 4.7/5…Read More

今個weekend行觀塘就隨心入到呢間台灣餐廳，無諗過煲仔飯同小食都好出色！staff亦好nice好caring!🍀是日點餐🍀蔬菜養生鍋套餐(💰164)鍾意呢種有住家feel嘅湯底，健康啲唔會有一大浸味精味，番茄清湯配上美國牛頸脊已經好好食，啲牛油夠嫩！其他配料同一般火鍋差唔多，勝在足料，性價比高！主食方面，我地揀左關廟麵，似上海麵，但夠彈牙，幾好食！｜👅: 4.6/5三杯雞煲仔飯(💰208)真係好出色，原煲熱辣辣上枱，三杯雞嘅顏色配搭鮮豔，令人食慾大增。雞肉香嫩入味，配合埋三杯雞嘅靈魂—九層塔，豉油一淋，認真香爆，仲好有滿足感。而煲仔飯底有飯焦，非常香脆，估唔到觀塘都有咁出色嘅煲仔飯，推薦！而且跟餐仲送滷肉青菜同炸花枝丸，無諗過都超高質，青菜夠新鮮，花枝丸好香！｜👅: 5/5凉拌麻辣豬大腸(💰38)其實唔會太辣，但超惹味！有啲唔健康但算啦，忍唔住食曬｜👅: 4/5PS 兩個主食都送嘢飲，我地揀左仙草奶綠同粒粒西柚冷萃茶，非常抵食，質素中上。…Read More