Wai Ma's Profile

I ordered ribeye for main. It was a high quality steak cooked perfectly on my request. Fries and broccolini came with the steak also nicely cooked. I had burrata for appetizer, the balsamic vinegar they used goes well with all the other ingredients. If you like pistachio, the Pavlova I ordered came with a rich flavored pistachio ice cream which is a must try. The bread they served could be better while other dishes were great. Nice ambience, average service. The food service was a bit slow, make sure to allow plenty of time for a relaxed meal.…Read More

同友人一齊去食晏。去之前見openrice d人推介雜錦魚生飯，所以就叫咗。魚生每款一片唔厚嘅，尤其片鰻魚仲係超薄size，有片熟咗嘅魚旗有d腥，海膽有明礬味咁啦。最有問題係食食吓有曱甴爬咗上枱面。低b既我第一時間拎起碗飯彈咗起身，店員反應好快就捉咗隻尾指甲咁細嘅曱甴走。店內d枱係分咗3行排列，本來係坐一入門口最右手邊嗰行，見到小強之後就員工就即刻安排我坐中間嗰行，點知都仲未坐低又見到另一隻小強，都係未來得切影相就俾員工捉走咗。最後坐咗係左邊果行既枱。睇返2022年原來已經有人係openrice po咗話見到曱甴，睇返個po d相同我今日見到既係一樣，所以店內既小強s係冇處理得到。唯一好嘅係員工服務係好周到既…Read More

Ocean Terminal 行過見到呢間，望入去見到好似OK咁，就入去坐低食。入去食嘢好似係有時間限制，打開個menu睇，叫咗個海鮮煎餅、慢煮雞沙律、同埋之後加左個original 炸雞。首先個海鮮煎餅，做乜嘢啲粉硬到食年糕咁，都唔似menu張相咁（有興趣可以去openrice餐牌個位睇吓）。食咗一嚿覺得唔對路，冇食到。慢煮雞沙律嚿雞似入膠袋低溫恰嗰隻，其實比少少心機煎下個面先上碟會好好多。原味咋鷄食到有雪藏味，再加油益味…🤦🏻‍♀️…Read More

因為要帶小朋友去元朗睇醫生，落車見到呢間滷水店，離遠已經聞到滷水香味，好吸引。睇完醫生，見到條龍唔算好長，就排吓隊買啦。晚上既餸已經預備咗，所以冇買滷水鵝，就買d小食試吓。有鵝肝、墨魚、鵝腸、鴨舌、豆腐、鹹酸菜，每樣要少少，總共買咗$150，整咗一盒滷水拼盤😋全部都好新鮮！仲跟咗三盒醬料你點。本來冇諗住寫食評所以冇影相，但鵝腸、鴨舌、鹹酸菜真係超班的好食，好有驚喜，所以要係度推介下！下次要再試埋滷水鵝先…Read More

今日去沙田北京樓係朋友建議既，所以點菜都由佢負責。我地八個人，分開咗兩張抬坐，如果叫套餐就只有4人套餐，咁我哋就叫咗兩個4人餐前菜有三小碟，算係正常冷盤，不過不失。跟住上花膠螺頭雞湯，係幾好味既，不過都幾鹹，飲完之後口渴咗成晚。再黎黃金蝦，唔覺得香口但又未至於難食。之後有蔥爆牛都係唔覺得好食，一pat野咁。仲有條又細又唔脆嘅松子魚。食到呢度，主角片皮鴨都仲未到。記得我講過我地分開咗兩張枱坐⋯隔黎枱d朋友已經食咗一半片皮鴨，咁我哋果隻又去咗邊呢？咁就要追單啦。我估佢哋請唔夠樓面，揾人過嚟已經難，搵到人問又話片皮鴨係要等耐d。佢真係hea我，我隔離枱d朋友都清咗八成鴨咁滯，我哋d仲未到！叫人沖茶，又冇攞返壺茶返黎。等咗好耐碟鴨終於到，不過個皮唔脆仲開始出油！終於明白今晚d餸有咩問題，就係煮完出嚟d餸冇人傳菜囉，攪到碟碟餸煮完都放咗好耐先攞過嚟，咁d野一定唔好食啦。埋單果陣問個waitress有咩咭埋單有折，佢話唔知要問第二個！之後經理埋黎話hsbc埋單會送$300 coupon。嘩咩咁多謝呀，但係你送比我都唔會再返黎幫襯囉，又冇service, d野又難食…Read More

好少去鰂魚涌咁遠，因為行完山要揾嘢食就是旦去咗呢間glasshouse叫外賣。本來冇諗過要影相，但係食食吓覺得好唔對路，就決定要影低佢po上OpenRice俾大家睇吓。叫咗Margherita pizza同埋小食拼盤。個margherita茄汁薄薄一層，basil切咗絲，得幾條，少得可憐！個拼盤裡面個魚餅乾到似隔咗夜嘅，春卷炸到好油，裡面冇乜料，純粹食炸皮，d醬汁少過1/3盒。成份嘢食完全冇heart。依家飲食業已經難做，仲做到咁應該好快玩完。…Read More

今晚買咗外賣返屋企食。外賣本來就唔打算相機食先，但係越食越嬲，食到半路都係要影個相留個證據先。叫咗炸雙棗，係正常好食嘅。仲叫咗方魚肉碎粥，d米已經淋晒。不過算，就當因為係外賣，浸淋咗，就算喇。但最離譜係個滷水䳘片拼墨魚😡 記住我叫既係滷水䳘片，返到屋企先見到張單寫住滷水「骨香」䳘片。因為已經食咗一半先影，就形容下食咗d咩⋯䳘片鋪面有4片，之後下面全部都係黐住厚肥膏既骨！大佬呀「骨香」啫，洗唔洗全部都係冇乜用既骨呀！狗咩，食骨！好喇，拼墨魚吖嘛⋯墨魚片又係得4塊，跟住其他全都係墨魚鬚。本來墨魚鬚係唔緊要既，但係d鬚全部都硬到擦膠一樣咬唔開㗎，我已經嘗試夾硬𡁻左三條，都係咬唔開！喂呀，係咪恰我買外賣唔可以同waiter投訴，又博我唔會返轉頭換所以亂咁嚟😡宜家咁嘅時勢堂食已經冇乜人，係咪連外賣都要趕客！我唔信滷水部師傅切呢盒野既時候唔知道我以上講嘅問題，真係好離譜！…Read More

好耐之前黎食過覺得ok既嗚門，因為朋友係九龍灣返工，仲特登約佢嚟呢度食飯。點知今次黎d食物質素差咗咁多嘅我叫咗個海鮮丼餐，睇落係好靚好新鮮，但一食落口就知中伏。海膽臭咗，油金魚嚡口嘅，似係放咗一段時間，serve之前查返層油上面，個飯煲得過淋，麵豉湯勁鹹。個set要成二百幾蚊，真係好想佢回返一半水比我。友人叫咗個鐵板雞扒飯，d雞唔知咩事薄到呢，完全諗唔到係咩部位可以做到塊塊都咁薄海洋唔新鮮，熱食又唔得，以後唔會再黎喇。…Read More

喺寶勒巷食完個晏行出黎見到間舖頭叫做蛋卷皇后，諗住叫得做皇后蛋卷應該好食掛，就行咗入去買咗一罐最original嘅家鄉鮮雞蛋卷試吓。佢有兩種size可以選擇，一罐細嘅鐵盒裝賣$122。望落好似傳統蛋卷一樣，但食落唔夠鬆化，唔夠香味，唔會想追落去食第二條，係非常一般既蛋卷，佢叫蛋卷皇后喎，食完之後覺得非常失望囉。佢仲有好多唔同既味道有得賣，有牛油味嗰隻唔知會唔會好食d？如果大家想食，家鄉鮮雞蛋卷就真係唔洗試喇。…Read More

Fb見朋友話呢間嘢個崩沙腩好食，咪特登去試吓啦叫咗碗崩沙腩河。第一啖放嚿牛入口，咸到呢！d湯落咗好多鹽，cover晒成嚿牛既味。牛腩唔夠淋。有幾嚿牛筋，唔算硬，雖然仲可以淋d。河粉texture ok, 但吸咗d好咸嘅湯🤦🏻‍♀️。辣椒油係香既，但救唔到碗粉囉完全唔係我expect既牛腩河，都唔好要求到食咩特別部位喇。叫咗杯凍奶茶少甜。冇乜奶香，茶味帶點酸Service、環境呀都ok既。COVID之下都食得安心。…Read More

我們訂了一個花甲蟹煲，湯很鮮甜，花甲超多好肉，螚亦很新鮮。極品手切牛肉很有口感，黑毛豬亦很鮮甜，服務員態度也很有禮貎。必食推介老友鬼鬼、松葉蟹皇包、自家製墨魚滑。…Read More

尖沙咀Prime location擁有無敵維港景，所以間餐廳都應該唔錯掛。不過一坐低見到張霉霉地既枱布，有污跡嘅碗碟已經心感不妙。咁啱果晚坐左係全場最唔掂既枱，位置坐落於大廳最尾嗰張枱(見圖:認住果幅鴨仔畫)。如果大家被安排坐嗰張枱記得要嗌唔好，一係轉枱，一係走。嗰張枱有咩問題？首先，鴨仔畫下面成排櫃係佢哋放餐具嘅地方，成餐飯會有人喺度砰砰鵬鵬執餐具，好嘈！枱下面比餐廳用嚟做Storage，圍住枱腳放咗好多個大嘅紙皮箱喺下面(見圖:有四個大紙皮箱)，頂住我地隻腳。同經理投訴過，佢話全院滿座冇得轉枱，又因為土地問題冇地方搬開啲紙皮箱 是日有人生日，想影相留念。後邊那個哥仔不停企喺度執餐具。侍應過嚟幫我地影相，我哋就同侍應講不如叫後面嗰哥哥借過俾我哋影張相先。點知個哥哥就同侍應講，‘得㗎啦，佢哋影相果個識就㗎啦’⋯嘩！個執餐具哥哥幾有性格呀，點都唔走開，我地唯有影埋佢做背景啦(見圖)，真係唔該晒😵話明係OpenRice寫食評點可以唔講食物呢。片皮鴨好一般，有好多配料俾你夾住食。最特別嘅係有爆炸糖同埋類似麥記嘅麥樂雞醬比你點嚟食⋯而其實出面絕對有好食過佢既片皮鴨。糯米釀蓮藕，獅子頭，炸豆腐磚都唔錯嘅，凍鮑魚就一般喇，最好食就係條牛肋骨條。呢間國內過江龍餐廳試過一次就夠喇，咁求期嘅國內嘅管理模式，留返比黎海港城shopping嘅遊客去啦。…Read More

Greyhound係elements新開間鋪就去試吓。Iced lemon tea 同其他分店一樣水準好飲。跟住黎既係一碗冬陰公河粉，同餐牌嘅相滿滿的一碗好唔同。相有兩隻蝦但黎到得一隻，仲要係梅梅地既。河粉同草菇都唔多，湯好稀偏酸，收$108但份量唔值呢個價。另外叫咗帶子沙律，唔記得影相。d沙律菜少到呢。搵一條爆炸頭咁既芥茉水菜放係度睇落疊到好高咁，其實冇乜菜。最似樣就係嗰碟炸魚丸蝦丸。睇相有十粒，上枱有8粒咁咯。食一次夠喇，冇下次。…Read More

外賣咗佢幾種麵包，返熱咗食都幾好食唯獨是croissant外賣售罄，只可堂食。黎咗兩次都試唔到croissant，見堂食唔多洗排隊，就坐低試吓。叫咗杯English breakfast tea, 茶包係teapigs既，唔係好出到味。試埋個croissant, 外觀㡳面有有d燶，側面睇layers好多好靚。咬落外脆內軟但苦既，好失望呀，croissant係佢地主打嘛，都攪成咁⋯bitterly burnt😵 唔該quality control做得好d，希望下次食到好味既croissant 堂食croissant + tea大約$50burnt croissant 👎🏼cruffin最好食👍🏼scone同matcha bun👍🏼…Read More

離開中環返工之後已經好耐冇去蘭芳園今日3點3經過見到有位就入去食吓以前最喜愛既鷄扒撈丁同凍奶茶入面原來坐滿咗8-9成遊客，同枱有6位廣州後生仔。佢地叫咗凍奶茶、西多、煎蛋。西多、煎蛋睇落好普通。到我食物黎喇。𠲖⋯即棄膠碟上？！唔係fa，唔環保到如此地步😪 好，唔講賣相講味道。個麵1/3係硬、未熟既仲要放凍咗。雞扒則炸到好硬。奶茶比以前淡左好多，直情係唔夠茶味🤦🏻‍♀️d伙記一路問住d客你食完未😆出去時候有兩個鬼佬攝記做拍攝，外面有10幾個人排緊隊⋯⋯好生意如此 你吹咩😜…Read More