愛吃的陳小姐's Profile

過去幾個月非常忙碌, 再加上去了旅行, 跟Amore di Tubino 一別又幾個月... 今次是因為陪友人F看醫生, 看完剛好是午餐時間, 希望坐得舒舒服服, 不想到一些環境擠迫又趕客的餐廳, 重點是友人之前也提過想到這裡試菜, 所以我便提議來吃午飯...! 我們二人點了兩個set lunch, 分別選了羊和 Risotto 為主菜... 另外, 也點了兩杯飲品, 而口味是Tubino 的員工幫我調製的, 我沒有特定的要求! 士多啤梨味的特飲很fresh... 香香甜甜的, 正合我心...麵包端上來的時候還熱辣辣的, 口感外脆內軟, 值得一讚~我跟友人分別點了salad 和soup share...餐湯方面味道很好, 口感也很滑...凱撒沙律的菜很新鮮, 味道是很甜的, 跟街外吃到的沙律菜有點分別... 當然是這裡比較美味! 而這裡的cheese, 沙律的汁醬也分開放, 客人自己拌勻來吃, 汁醬份量自行控制, 很好... 皆因我本身吃沙律也不會用很多汁醬的... 很想讚賞一下這裡的員工, 每上一道菜總不忘問我們要不要加點Pepper... 服務真貼心...主菜上場:先來羊架... 當看賣相已夠吸引! 味道和口感方面, 當然沒有令我失望, 因為我愛Tubino 的原因是他們的羊架煮得特別出色... 肉質感很嫩也很juicy...! 不得不提配菜也做得很不錯, 薯仔煮到軟, 雖然本身沒有味道, 但伴一點汁醬來吃味道就剛好了, 另外迷你露荀也煮得爽脆...再來蟹肉意大利飯... 這個友人和我高度讚賞, 因為要把意大利飯煮得軟硬度適中, 是非常考廚師功夫的... 所以她說, 想知一間意大利餐廳有沒有水準, order 一個Risotto 就知道! (本來這次我想order pasta 的, 但聽到她這句, 決定選risotto, 讓友人試試... 當然我對自己心水餐廳的實力是沒有疑的~ 哈~ ) 初次來Tubino 的她對這裡的risotto 有很好的評價, 真開心... 吃罷主菜, 當然又是dessert & coffee time... 每次來總要喝一杯咖啡才感覺完整... ! 香濃的咖啡滿足了我, 也滿足了我的病人朋友... 雖然她不能喝, 但聞一下咖啡香, 她也覺得滿足呢...Dessert 是士多啤梨撻... 撻底是曲奇皮, 脆脆的我相當喜歡, 而cream本身也不太甜, 味道相當不俗~ …Read More

向來係TUBINO忠實粉絲既我, 都有好幾個月無上去食飯... 原因唔係食物出品既問題, 而係我近呢幾月都周圍飛, 無時間上去! 餓左幾個月, 終於有時間上去食餐好既... 太開心! 其實我未走之前TUBINO已經搬左上25樓, 點知而家連OPENRICE都開左個新既介紹... OH... 以前一大堆既好評無晒, 要再之累積, 有點可惜添...! BTW, 以前既TUBINO而家改左做AMORE DI TUBINO, 但OPENRICE 呢度只係叫AMORE... 奇怪! 唔緊要... 入正題...今日我同我老友三個人上去食飯... TOTAL 叫左買個SET.. (話說係見到個MENU 既COURSES 太吸引, 所以引唔住叫左四個, 哈哈~ ! )飲品: 我ORDER左ANGEL KISS, 係佢地介紹既... ! 好味, 不過我唔記得左係咩味, HAHA~麵包: 一如以往既好味, 上檯時仲係熱同埋軟既! 但最值得一讚既係佢地轉左牛油, 呢隻比以前既軟滑得多, 我地甘願肥死都照食...!前菜: 沙律用既菜當然FRESH, 基本上無任何退步... ! PRESENTATION 當然都係令人覺得賞心悅目喇~ 湯: 主要ORDER左兩款, 我呢個死梗派當然係揀返MUSHROOM SOUP喇, 朋友就揀左甘荀蕃茄湯! (事實上面款我都有飲)1) 磨菇湯 - 好味道, 質感好香滑, 不過如果菌味再濃D就更好了...2) 甘荀蕃茄湯 - 呢個相當有新鮮感, 好有驚喜... 唔駛講個湯既質感當然好, 味道又夠醒胃, 總之都係好味! 主菜: 分別ORDER 左我最愛既羊同埋RISOTTO, 仲有魚同雞...1) LAMB STRIPLOIN WITH RED WINE SAUCE : 呢個係我最期待既菜式, 我愛上TUBINO都係因為個羊...! 今次個羊一上檯我就知道無問題! 肉眼都睇到既嫩...! 哈哈~ 入口覺得肉質好軟熟, 同埋好JUICY... 煮既時間掌握得非常好... PERFECT~ ! 另外我好開心配菜用返菇喇... 之前廚司轉過用其他VEGETABLES... 我覺得爭D... 用返菇就加分喇...!2) INK RISOTTO WITH TIGER PRAWN : 呢個又係驚喜之作, 唔係講笑, 多左一份從前無既味道! 我同朋友研究左一陣, 終於知道點解咁好味... 因為個墨汁意大利飯入面有好香既蝦味同埋蒜味, 令你食完一啖, 好想食多兩啖! BTW, 飯既質感完全忠於意大利, 我唔排除有人覺得偏硬, 但我覺得PERFECT... 因為之前我去意大利果D時, 當地人都係煮到咁既口感! 我只可以話港式意大利飯唔啱我, TUBINO 都無得供應... 最後, 蝦煮得好爽口, 不過呢個算係預料之內!3) MONKFISH IN MUSTARD SEED SAUCE : 魚都好味, 但如果係鱈魚更好! 不過當然以一百蚊左加一個SET 嚟講, 用MONKFISH 都好洽當! 個SAUCE好美味, 賣相亦一流!4) CHICKEN WITH BLACK RAISIN SAUCE: (呢味我唔SURE個名啱唔啱, 不過呢個唔係重點... ) 四個MAIN COURSES 當中相對比較平傭既一個, 我唔係話唔好味, 佢個SAUCE 係值得一讚的, 甜甜地幾特別, 雞亦無OVERDONE攪到肉質變差... 整體係值回票價的, 只不過係個羊同RISOTTO太出色, 相對之下呢個無咁令人覺得嘩一聲...!甜品: 分別有水果同埋CAKE... 水果用個大湯匙裝住, 賣相已經滿分! CAKE 方面, 好穩陣的芒果同埋朱古力味蛋糕... 問我係咪特別好食... 我覺得OK喇, 味道口感完全無問題, 只係唔夠令我嘩一聲! 不過以價錢論質素, 整體個SET, 再加埋個環境, 完完全全係超值!飲品: LAST BUT NOT LEAST, 食完飯總離唔開一杯TUBINO既咖啡, 我又係唔記得叫咩名, 因為又係MANAGER介紹既! 呢杯咖啡好特別, 佢係比一杯好似奶既野我, 再比一杯仔好細既COFFEE 我自己沖落去架! TUBINO 既咖啡出名香, 其實之前無論佢地介紹咩款式既咖啡比我我都會試, 原則上無失望過, 呢次都唔例外! 總括今次係一個好令人滿意既飯局, 用一個合理既價錢舒舒服服嘆一個LUNCH, 同朋友HEA下傾下計, 絕對係一種享受! PS: 一個SET LUNCH AROUND $98-$128不等咋, 不過我地三個人ORDER四個SET, 所以個AVERAGE COST 先高左咋... ^^…Read More

今天是星期一, 知道TUBINO轉了新的LUNCH MENU, 所以又走到這家我最愛身的意大利餐廳午膳! 因為朋友們新年過後都比較忙碌, 所以今天只有我一人前來...! 不過我並不愁寂寞, 因為在這裡工作的人都很NICE, 會來跟我聊天, 問問我對食物的意見... 來到這裡就是有一種賓至如歸的感覺... 這個星期的LUNCH MENU 吸引極了... 每一道菜都是我喜愛的... 真的很難取捨, 看來這個星期我要多來幾次了~ (最好還是約朋友來, 一次可以試多款菜式... 一個人的力量始終有限... ) 看了MENU一會都沒有頭緒, 就找餐廳的人問意見...! MANAGER介紹我吃原條, 旁邊骨去掉的魚... 高層推薦我吃牛... 但又跟我說食客對羊的FEEDBACK很不錯... 而我自己就偏愛RISOTTO... (但又下不定主意... ) 結果最後我決定不理會別人的意見, 由MENU的第一款開始吃... 為了其他幾道菜, 這個星期多來幾天好了~ 哈哈~入正題... 食物方面當然保持水準... PRESENTATION 跟味道都合乎期望~ 值得一提的是, 最近TUBINO LUNCH SET 提供的包包都改用了蒜茸包, 美味又香口... 讚...! 餐湯本來是意大利雜菜湯, 但我轉了磨菇湯...! 這個廚師製作的磨菇湯跟從前些不同, 就是磨菇是BLEND到很碎很碎的, 但口感CREAMY了... 雖然我偏好有一點點磨菇碎, 不過這個磨菇湯味道都很不錯呀... 飲品方面, 他們為我泡製了一杯WATERMELON的特飲... 很美味... !主菜方面, 份量算很大, 一整條SOLE FISH, 伴以牛油香的醬汁, 還有檸檬... 配菜有已煮到軟身薯仔...! 雖然沒有以往花巧的伴菜和PRESENTATION, 但整體視覺效果仍然令人覺得賞心閱目... 有時候簡單就是美...! 加了檸檬汁的魚味道更清新, 醒胃... ! 而甜品, 因為上次來的時候我已吃了意式奶凍, 所以今次我吃CHEESE CAKE... 口感很RICH... 份量亦不是小小的一件... 吃完整個午餐很FULL 呢!! 他們說現在DESSERT是三選一的, 除了以上兩種, 還有健康的水果杯選擇...! (他們送了我一杯呢... 太好... 水果有士多啤梨和藍莓, 很甜... FRESH~ )餐後一杯TUBINO COFFEE 是少不了的... 他們問我要什麼口味的咖啡, 我只說隨便就好了... 因為我知道不用多講, 這裡的咖啡就是不會令人失望...! 在熱鬧的銅鑼灣悠悠的吃午餐, 真的很寫意... 最愛他們從不趕客的服務態度...! 我仍然會繼續支持的... 今個星期的LUNCH MENU真是一個都不能錯過呀... HEHE~**最後, 恭喜TUBINO入選了OPENRICE 優秀開熱飯店大賞2011... …Read More

一班好同事同我FAREWELL, 揀選左地點同公司好近既EAST HOTEL 入面既FEAST 食半自助餐...! 之前其實都有想過嚟試食, 因為太古區既野食都食到悶悶地, 酒店既餐廳既然新開又未試過, 都有D心郁, 不過一直都無ACTION... 難得同事BOOK左嚟呢度DINNER, 太好... 可以滿足到我既為食同埋好奇心... 入到餐廳覺得感覺幾舒服, 裝修好簡潔... 我去到既時候人唔算太多... 可能因為我六點幾就去到, 所以D BOOK 左檯既人未到卦... 而且D檯都放得好鬆動... 但由於我地人多, 成十一個人, 所以坐張長檯都覺得有D迫... ! 我去到先知係半自助餐, 冷盤, 前菜, 沙律, DESSERT, 煙三文魚, 生蠔, 仲有PARMA HAM, SALAMI都係任食既... 沙律菜我覺得都幾FRESH... 仲有好多DRESSING可以選擇, 配料亦有煙肉碎, CHEESE同埋麵包粒...! 我覺得幾好味... 仲有個切到四方形既蛋餅都OK... , 至於其他冷盤我真係無咩試過... 係食左D辣辣地既蝦... 生蠔同PARMA HAM 係必食之選... 愛蠔人仕應該會幾歡喜... 因為D蠔係即叫即開, 中細SIZE既蠔, 估唔到都幾肥美... 有驚喜...! 而且食客唔係太多, 加上即開, 完住無爭或者搶食既情況... 呢方面我最欣賞...! 至於PARMA HAM有幾款CHOICE... 另有蜜瓜同哈蜜瓜配搭嚟食...! 話說早兩日我朋友先嚮吉之島買PARMA HAM同我一齊嚟卷蜜瓜食, $250/100g... 好貴呀... ! 但呢度就任食... 果刻覺得食多幾片都抵返... 哈哈~ ! 煙三文魚同SALAMI都係必食之選... (咁啱我早幾日又買左, 幾十蚊一包呀... 呢度簡直食到我唔食...哈哈~ ) 事實上食左好幾款頭盤之後已飽飽地...!主菜有好幾款可以選擇, 分別有牛, 雞, 蝦, 同羊... ! 羊係要兩個人先可以ORDER既... 咁我就同另一個同事SHARE 嚟食...! 我開初以為係用羊肉, 羊架之類... 點知係一窩羊肉... 肉質都叫"林", 味道OK喇... 不過份量真係幾多... 仲有薯蓉同薄餅伴食...! 至於個雞, 我試食左... 覺得唔錯喇, 雖不算有驚喜但至少無失手, 中規中舉咁喇... 明顯主菜比任食果PART既食物失色...我旁邊個同事ORDER左個蝦, 佢個COMMENT同我都係一樣... OK喇, 都係食下蠔果D好味D~牛我就無食過喇, 亦都無問意見... 不過單睇食物既PRESENTATION都幾吸引既... 就算唔食得都睇得...!!! 食飽主菜, 我地又去進攻甜品了... 甜品既CHOICE都唔算少, 有大路野如CHEESE CAKE, TIRAMISU, 朱古力蛋糕... 仲有CUP CAKE, BREAD PUDDING, APPLE PIE, 亦有Cream brulêe等等... 可是無ICE-CREAM 呀, 有點失望添...我就無食晒所有款式既DESSERT, 因為怕肥, 同埋有D我根本唔食既... 個人認為個圓形既朱古力蛋糕(有朱古力醬淋面果個) 味道唔錯, 幾香朱古力味... TIRAMISU都可以, 雖然唔係超高水準... APPLE PIE好酸下...CUP CAKE味道普通非常... ! 餐飲我ORDER左凍檸茶... 拎嚟果時得半杯多D, 另外再比糖水你自己調較甜味... ! 總括呢度既食物都OK既... 如果拉個AVERAGE既話... 因為坦白講, 主菜唔係特別OUTSTANDING, 只係不過不失... 唔算令人好回味或者有驚艷既感覺...! 但如果本身係蠔癡, 又愛食風乾火腿既... 咁淨係食呢D都抵返... 因為任拎唔嬲, 又唔會出得小小份量轉頭比人拎晒...! 我就食左十隻蠔都唔覺滯口... (唔係太大隻, 入口剛好呀... ^^ ) 同埋我地一班同事六點幾去到, 坐到十點先走... 環境方面算舒適, 傾下計都唔錯既...!我無聽錯既話, 本身餐廳係可以單點野食, 唔食半自助餐架... 但價錢我唔清楚~仲有, 同事話用CITIBANK卡比錢有八折架, 咁就抵返D喇, 因為呢個半自助餐好似都要成三百蚊位架... (EXACTLY價錢我唔知, 因為係佢地FAREWELL我既... 我唔駛比錢呀... 真係多謝一班好同事... ^^ )## 其實味道我想比3.5分既, 不過無得揀...!! ^^…Read More

是日相約了飯腳兼老友往TUBINO 吃午餐... 當日全場爆滿... 幸好預早訂了位, 所以我們不用呆等... 立即被安排到上層位置坐下... ! 在介紹食物之前, 其實我想表達一下自己的個人感受...! 因為我見到Tubino得了一個劣評, 而食評用餐的當日我亦在場, 而且時間還跟我一樣, 都是lunch hour! 食評人因為Tubino 員工的服務質素給了一個"劣評" .... 我再細看內容, 感覺有點錯愕... 明明對食物尚算滿意的, 但卻因為出餐慢, 因為員工忙到不可交支而待慢客人而遭劣評... 有這麼嚴重嗎?? 我明白食客是消費者, 有權利去對餐廳各方面評價及表達個人意見... 但是不是應該客觀一點, 不要一下子就對一家餐廳下定論, 判死刑呢? 食評人是經朋友介紹第一次去用餐, 証明他的朋友是覺得此餐廳的食物和服務值得推介才會推薦給朋友... ! 我自己已光顧過Tubino好幾次, 由第一次去用餐, 直至最近一次, 我都感到各個員工都是充滿熱誠的, 而且很有禮和勤快... 平心而論, 當日出餐的時間的確比平日慢了一點, 因為人客真的很多, 每個員工都忙得團團轉... 或許真的如食評人所說, 當日是有不足或缺失得地方, 但我覺得是可以理解的... 人客多了order多了, 廚師自然要花更多時間去烹調菜式... 而慶幸的是... 大家看看當日廚師做出來的食物, 和平日的賣相和味道根本沒有兩樣, 証明即使多忙碌, 廚師亦堅持不會粗製濫造, 仍會保持食物的質素... 這不是值得加許嗎? (留意, set lunch 是risotto, 厚切芝麻豬扒這類形食物, 本身製作已經需時, 畢竟Tubino的食物都是即叫即製, 不是先做好, 有人order才預熱上碟的... ) 以我當日所見, 的確有客人追單, 但員工已盡本份, 根本沒有停過手! 至於只禮待熟客這問題... 我有見到員工和某兩檯客人特別熟絡... 但我覺得要是那人是熟客, 聊兩句打個招呼都是正常的基本禮貌吧...! 談不上特別待慢或優待某些客人... ! 表達意見對餐廳當然是一件好事, 可給予改善空間, 但單看這件事, 個人認為並不需以一個"劣評"作為重罰...! 因為只要你多光顧Tubino幾次, 你就會知道員工們都是有heart去serve每一個客人的... 不單止我, 我介紹過去用餐的朋友亦有同感...! 各人有不同見解, 或者其他人認為我偏坦Tubino亦不足為奇... 但再客觀一點, 再看看劣評之前那一篇以全英文書寫的食評, 用餐時間同樣是十一月六日... 寫得相當仔細和中肯的... (而且那篇是編輯推介的食評) , 食評人都有提及員工因為忙碌而有錯漏的情況, 但大家都明白忙中有錯是可以體諒的, 有時候去判斷一件事的好壞, 是要CASE BY CASE 的... 犯人有錯, 法官都會了解原因, 傳召証人聽取口供和証據才決定判刑多少... 給予評語, 是希望餐廳有改進... 但以單一次的個別事件而劣評, 抹煞了員工的努力, 未免太過吧...! 劣評的標題亦令我感到對之前給過Tubino好評的人仕有點不公平... 坦白說, 我並不覺得前面十篇好評是開玩笑... 他們都是真心讚好的, 包括我...!xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx入正題... 談談食物吧...! 這星期set lunch 有幾款都很吸引, 我本想選擇risotto 和大蝦牛扒的... 但員工推介我吃芝麻豬扒, 我就接受意見, 選了牛肝菌意大利飯和芝麻豬扒兩款主菜...老友遲到, 我先order一杯cocktail 邊喝邊等... 這杯飲品很特別, 第一口嚐到的是益力多味... 之後再細味一下, 又出現蛋黃的味道... ! 聽起來好像怪怪的, 不過taste good, 很特別... 而最令我驚訝的地方是... 原來這杯飲品的材料並沒有益力多, 而那種味道是調製出來的... ! 我再問了員工蛋黃的味道從何來, 他告訴我飲品加了蛋酒... 我並沒有選擇是日餐湯... 因為我還是最愛Tubino的菌湯呀...! 菌湯一如以往香濃, 菌味十足, 正合我心...!!! 而餐包亦烘到外表香脆內裡軟熟... 主菜時間到了... 先上場的是牛肝菌意大利飯... risotto的口感剛好... 有咬口又不會有太生的感覺... 這個飯餐牌上可以單點, 沒記錯的話, 平常order要over $160元, 而今次把這道菜放在lunch set 就非常抵食, 因為只需$98... 價錢平了, 份量卻沒有減呢~ 很讚... !!!緊接上場的主菜是芝麻豬扒...! 坦白說, 本身我對豬扒是沒有什麼大期望的... 因為豬扒是很難煮得出色... 外面吃的豬扒, 要不是肉質太"鞋", 便是煎得太乾...! 但這次Tubino又給我驚喜了... 厚切的豬扒口感很爽軟... (不知這樣形容是否恰當... 我想說的是, 不會像加了鬆肉粉的林, 是有點咬口的...) , 而且肉質仍很juicy... 以厚切豬扒來說, 是很難掌握到技巧煮出這個效果的... 所以我吃了第一口已覺得很驚艷... ! 難怪員工推介我選這道菜, 真的沒有介紹錯... !!!主菜吃完, 又到了甜品時間...! 我order了兩款甜品, 第一款是心太軟... !!! 甜品的賣相簡直令人眼前一亮... 光是看那精緻的presentation, 未吃都覺得很滿足了... ! 喜歡心太軟是因為那內層那暖暖的朱古力醬... 吃罷有種開心的感覺, 或許這就是朱古力本身的成份在我的腦袋和身體產生了化學作用吧... 哈哈~ 第二款甜品是從意大利運來的暖心朱古力批... 沒錯, 繼續沉迷朱古力... ! 哈哈~ !! 賣相不用多說了... 當然非常討好! 味道方面, 個人認為甜度是我可接受的, 但畢竟不是每個人都嗜甜, 所以... 我不敢說人人都會愛上它, 但愛好朱古力的人仕和小朋友應該不會失望吧... 怎樣才算完滿的午餐呢...? 對我想說... 吃罷甜品再喝杯咖啡就最滿足了... Tubino 的咖啡很香濃, 我的老友每次都會點cappuccino, 而我就比較勇於嘗試... 我不會有特定的選擇, 我只會告訴員工要冷的還是熱的咖啡... 味道是隨他發揮的... (其實不去選擇是因為對咖啡沒有研究, 而且之前我喝過的都合我口味, 所以我就不用花心思去想了... )雖然是日出餐時間比平日慢... 但對我而言根本並不是一個問題, 因為平常吃一頓正宗意大利菜(dinner) 動輒都要花上數小時... 慢工出細貨... 我寧願慢但給我有水準的菜式, 總好過要快而忽略了食物本身的品質... ! 這次我只給服務四分, 是因為我覺得員工仍可做得更好... 例如上麵包籃時不要忘了給客人olive oil 或butter... 哈哈! ^^食, 對我來說是享受, 是應該細味品嚐的...! 喜歡Tubino其中一個原因, 就是從不趕客, 不會為求"翻檯"而快快出菜...!! 當然, 我亦覺得Tubino有改善空間的, 例如像之前另一篇食評提到, 餐桌的擺位可以改善一下... (不過我剛才翻看照片後發現, 原因餐桌的擺位是會因應時間和客人的數量而改變的... ) 不過以用餐當日而言, 是有點擠迫的感覺, 所以環境我都給了四分... 至於其他方面水準保持... 至少我和友人都感到滿意... !! 我仍然會繼續光顧的... 期待下次菜式上又有新驚喜! …Read More

成日聽到D朋友話去食傷心酸辣粉... 但我一次都未試過, 咁啱嚮銅鑼灣行街行到肚餓, 同個朋友徬徨緊食咩之際, 抬頭一望就見到傷心酸辣粉個招牌... 於是我地兩個就盲頭烏蠅咁走左上去, 打算試下佢個虛實喇~上到去好彩唔多人排隊, 我地好快就有位坐... 不過地方好迫... 同埋個地板好油呀...! 而D店員就忙到七彩, 叫左兩三次先有人理我地... ! 我地睇左一輪個MENU, 發現有唔少野食都有興趣... 好似招牌菜"傷心酸辣粉"喇, 仲有撈麵呀, 小食, 仲有D水煮既系列都好吸引....! 度左一陣, 我同個朋友就決定叫SET, 有一碗粉加一個小食...! 咁我同佢SHARE食, 咪試到兩個粉同兩個小食囉...!粉方面... 當然一定要試下佢地馳名既傷心酸辣粉喇... 店員問我地想要咩辣, 由於我地未食過又無概念, 結果就ORDER左中辣喇... 其實我地都算醒架喇, 叫左個辣既粉, 另一個梗係揀個唔辣架喇... 於是我地就ORDER左個豬骨湯既薯粉...! 至於小食, 我地叫左夫妻肺片同埋口水雞...先講個酸辣粉, 其實食頭幾啖都可以接受... 點知個粉越食越辣... 最後真係頂唔順, 我同我老友好努力都係食左半碗咋... 早知唔叫中辣喇, 其實個粉既質感唔錯叫小辣OR BB辣應該會好味D... ! 好彩我地個餐有野飲咋... 我地叫左檸蜜... 味道... 還可喇... 要嚟解下辣囉...豬骨湯味既薯粉, 個湯既味好似出前一丁果款豬骨湯底既味道... HAHAHA~ 我地辣果碗食唔到, 唯有兩個人SHARE碗唔辣架喇... 個夫妻肺片我朋友就覺得太辣, 但我都仲可以接受到既... 個牛肚幾爽口, 另外果D應該係牛脷亦都幾好味道... 不過我同我朋友都好欣賞D花生... HAHAHA~ 我同我朋友一致認為個口水雞最好味, 因為D雞肉煮得都算嫩, 而且亦唔係太辣, 應該好多人都接受到呀... 美中不足既係... 有一兩舊雞好似爭DD, 煮得唔係好夠熟咁... 總括呢間鋪頭既食物都唔係差既, 只要選擇自己接受到既辣度就OK架喇... 不過由於間鋪又迫, 人又多, 我見D店員都有D趕客FEEL, 食完快快執晒你D野走...! 不過算喇... 旺區食飯, 咁既價錢咁既服務都可接受既, 人均消費幾十蚊... OK喇~ …Read More

好友生日, 本身想同佢食串燒, 點知間鋪頭早關門, 於是就去左附近既一間日本菜食DINNER... 其實那霸我之前都嚟食過晚餐, 對佢地既食物同服務既印象都唔錯呀... 所以今次朋友生日食唔成串燒, 我第一時間就想到嚟呢間鋪頭慶祝喇~是日晚餐得兩個人食, 唔係ORDER左太多食物... 前菜有一小碟... 我地先ORDER左個刺身拼盤, 刺身好鮮味, 份量算OK喇, 佢地亦有時令我刺身供客人選擇...之後嚟左個炸軟殼蟹... 呢個好味呀, 唔會好似出面咁炸到D肉都乾晒... 咬入口外脆內軟, 有水準~我怕朋友唔夠飽, 所以就ORDER左個鰻魚飯大家SHARE食... 個飯既口感同味道都唔錯, 我同個朋友好快就KO晒個飯~最後, 為左健康都ORDER左個炒雜菜食... 呢一味OK喇, 我覺得有點過濃既味道... 但仍可接受既...呢餐生日飯大家都食得OK滿足呀, 我同個朋友仲ORDER左兩杯有酒精既飲品添... 不過由於掛住食, 所以無影相... ! 那霸既食物味道有一定既水準, 而服務方面都OK呀, 因為我見D員工同客人都好好傾, 會介紹時令推介但又唔HARD SELL... 都值得再嚟食飯既... ^^…Read More

呢度環境唔錯, 咁當然如果講靜同舒服, TUBINO 係最好既... 但 TUBINO 無生蠔食... ^^ 今次係第一次嚟, 同個朋友好耐無見, 想搵個地方食下野傾下計, 朋友最後搵左呢一個地方同我飯聚...朋友係一個愛吃之人, 亦不管價錢... 兩個人慢慢食, 慢慢嘆, 呢一餐食左幾粒鐘呢... 首先ORDER左個生蠔拼盤... 唔要佢既酒, 就可以轉翡翠螺添...味道好鮮呀~ ^^ (是夜紅酒朋友自備... )五款不同口感同味道既生蠔, 由淡味開始食至濃味... 咁食法, 真係好有層次呢...食完第一ROUND既生蠔, 大家都意猶未盡... 於是再來半打... 呵呵~ 呢度既WAITER好PRO呢, 佢會續一為你介紹每款蠔既產地, 味道, 口感.. 雖然我聽完都係唔記得, 但呢種服務態度真係唔錯呀~ 呢度有好多款既生蠔選擇呀~ 有D仲買一送一添... 所以都抵食既... 朋友同我都愛鵝肝, 可是呢度無, 但係佢地有鴨肝... 我地都無放過, 呵呵~ 又係好好味... ^^主食我地ORDER左蒜片辣椒虎蝦帶子扁意粉... 蝦好爽口, 扁意粉亦煮得有唔錯既水準~呢味主菜忘記左影相添... 唯有影自己碟果D喇...再來一味主菜... 澳洲羊鞍... 看似好生, 實際上都唔係咁生既... 煮得唔錯, 算係嫩呀~ 不過講老實, 羊呢樣野, 都係TUBINO煮得出色D... 真係無一間鋪頭比得上~:)唔好以為我同我個FRIEND咁就飽左... 我地食到停唔到... 再來澳洲 M5 和牛肉眼扒... 入口既口感同味道都好好... 佳作...~兩個人食左十六隻生蠔, 一個扁意粉, 兩個肉... 好誇張呀... 支酒未食到肉已經差不多飲完, 真係好ENJOY呢個晚上...食完主菜, 當然少不了DESSERT喇...令人回味既甜品... 西柚同蘋果雪芭...好 FRESH 呀, 味道一流...呢度既食物... 坦白講, 味道係好既, 不過一D都唔平呢... 價錢比好多靚靚餐廳還要貴呀... 但如果係好味既, 比多D錢都OK既, 間中一餐唔算過份呀~ 不過呢餐唔駛我比錢, 因為我朋友超有風度, 加上補返我生日果餐, 所以... 呵呵... 我唔客氣喇~其實味道我想比4.5分, 不過無得揀, 所以我比左5分~…Read More

韓國菜中, 我覺得呢間算係質數好唔錯... 特別係佢既牛肋骨, 次次嚟都要ORDER架...! 佢既韓式薄餅又係相當出色, 無論邊一個味道都係... 好味, HAHAHA~ 值得一嚟再嚟... 今次同我老友兼飯腳嚟開餐, 兩個女仔, ORDER唔到太多既野食... 不過都食得相當滿足呀~ 先來前菜六小碟... 味道相當GOOD... 喜歡食泡菜, 呢度最好既地方係食完可以叫佢比多碟你... 再來必點既牛肋骨~ 呢個有人SERVE我地, 幫我地燒埋~ 剪開埋一舊舊呀~ 個牛肋骨真係好味道到不得了, 肉質好嫩呀... 真係覺得呢度既燒肉好有水準~韓式蠔仔煎薄餅~ 又係水準之作, 有一粒粒中SIZE既蠔仔, 味道相當之香口, 兩個人每人食左三件呀~兩個女仔, 食上述既野當然唔夠喇, 我地仲ORDER左勁野... 就係韓式牛肚牛腸窩喇~ 呢個窩既SIZE係四人份量既呢~ 我地仲另外ORDER左個韓式拉麵... 個麵都好好味既呢... 窩入面好多料呀, 重點係有我好鍾意食既韓國年糕呀~最後有個清熱既糖水~ 本身我係唔飲既, 不過朋友話呢次好飲呀, 唔係好甜...所以我就飲喇~ 果然係好味WOR.. 飲完真係覺得無咁熱氣~是日晚餐食得好滿足... 如果多D人嚟就更好, 因為可以ORDER更多既野食呀... 呢度既飯都好出色架~…Read More

是日係為同學慶祝生日, 但平日唔駛點OT既我, 竟然放工有野做, 攪到大遲到呀~~~ 同學已經講左我知呢度限時食1.5小時, 但我足足遲左45MINS, 無奈到不得了~TABLE 18入面又係D 暗暗既環境, 我最鍾意~ 同學嚮我嚟之前已經ORDER晒餐湯, 仲飲完添喇, 而我... 就ORDER左蟹肉南瓜湯~ 味道都OK喇, 不過還是TUBINO好味D, 哈哈~:)芝士辣肉碎墨西哥粟米片 NACHOS - 佢有肉碎, 仲有芝士, 同埋三角形果隻粟米片... 味道我覺得OK喇, 有D咸...:)呢個係牛肉既飯... 真係睇佢唔出... 味道幾好呀~ 菠菜餡既意大利雲吞卦... 上面有大量既CHEESE... 我覺得味道尚可喇, 但有點兒普通~薯餅加波波腸~ 食左一大半先記得要影相... 呢個味道真係OK BOR, 薯餅我一向都幾鍾意食... HEHEHE~店內環境唔錯呀, 食物都OK... 最錯就係限時個半鐘就要埋單... =.=" 好無癮既呢~ 呢度唔太適合一班朋友GATHERING... 不過如果唔介意快快食一餐味道中上既DINNER, 呢度都算係APM唔錯既CHOICE…Read More

好耐好耐無見個老友... 相約apm飯聚, 大家都無諗食咩, 咁啱去到APM見到呢間鋪頭環境唔錯, 於是就唔諗喇, 就食佢喇~ 見到promotion個set幾抵, 就唔考慮其他自選食物, order左個set~凱撒沙律配脆炸蟹餅~ 味道ok喇, 不過不失... 龍蝦忌廉湯... 味道... 都係ok喇, 唔好expect會勁好味, 畢竟呢度唔係大餐廳嘛...薄餅三重奏... 有三款不同口味既... 包括煙三文魚, 芝士配辣肉腸同埋龍蝦磨菇PIZZA~ 味道比普通好d... 意粉三重奏... 分別有煙肉蛋忌廉長通粉, 煙三文魚蝴蝶粉同埋肉陳醬意粉... 一睇個樣就知肉醬意粉最好味喇... 其他兩款好dry...甜品三重奏... 到了DESSERT TIME~ 雲石芝士餅, CHOCOLATE MOUSSE同埋芒果忌廉奶凍... 本身對呢三款甜品無咩期望, 但竟然有驚喜WOR.我選的飲品是咖啡... 以呢個價錢嚟講... 呢度既出品算係可以接受既... 不過我覺得加埋一差不多三百蚊, 應該可以搵到更好味既食物~…Read More

好鍾意約朋友去SIMPLY THAI 食飯... 因為食物味道唔錯之餘, 環境亦都算舒適... 重黠係嚟親呢度都唔駛點等位... ^^內在環境... ok 喇, 喜歡呢d 唔好太嘈, 唔好太光既地方食飯... 感覺relax d, 不過如果坐梳化仲舒服...每次嚟食飯都必定order既柚子大蝦沙律~ d 蝦好爽口既呢~ 非常喜歡酸酸地辣辣地既味道, 好香口又夠開胃~同個男仔friend去食dinner, 點都要order個飯既, 怕佢唔夠飽... 佢選左菠蘿炒飯... 個飯炒得唔錯呀... 仲有唔少海鮮添...我地仲叫左個青咖哩羊架... 味道都唔錯, 不過可以整得更出色... 有咖哩當然要order埋薄餅喇~呢餐晚餐食左三百幾蚊... 算係reasonable呀...! 我會再嚟幫襯, 原因好簡單... 地方方便, 仲要唔駛等位, d 野食仲幾好味... 嚮cwb真係好難搵呢!…Read More

自從一星期前來過Tubino 晚飯後, 一直對這個地方念念不忘...於是今日再次重臨Tubino, 就是希望再次體會那驚喜的感覺... 食物, 環境和服務依然令人滿意... 貼心的服務令我更喜歡這個地方... 今次的麵包款式有點不同... 但仍然有我喜愛的芝士脆條... 意大利黑醋加上olive oil... 配上我愛吃的麵包... 當然Taste good喇~我order了一杯cocktail... 它的名字叫 Day Dreaming... 朋友Order 了House White, 但我忘了拍照... 湯方面, 當然點了最愛的黑松露野菌湯和南瓜湯...主菜選了墨汁魷魚意大利飯... 魷魚味道有點辣辣的, 意大利飯質感不錯啊... (我試了兩口... ^^)我今次選了這個就是我稱為unbelievable的魚... 酥皮絲鱸魚柳為主食... 外面很幼細的是酥皮絲, 裡面包著很厚的鱸魚柳... 如果不是看過menu, 又有誰猜到它是甚麼呢? 那外層的酥皮絲, 怎會幼細得像angel hair 一樣... 這就是廚師的心思...上回我都提過, 女人總之貪心的, 望著menu 的甜品, 心想... 一款甜品又怎能滿足到我呢... 貼心的Manager見我選了很久都沒有決定, 結果他又為我特製了一個甜品拼盤... (menu 內是沒有的啊...) 我這個有要求的客人, 還把上一次那甜品拼盤的照片給他看, 跟他說我不要duplicate 的款式, 我想要試新款的甜品... Manager 就拿著我的相機走到廚房給廚師看著來造, 務求每一款甜品都是我上一次未試過的... 結果, 當然如我所願, 沒有一款是重覆的...!Tiramisu - 很濃的咖啡粉香味... Love it~Macaroon 杏仁脆餅 - 這道甜點出名就是很甜的... 本來我已有心理準備, 入口又覺得甜度剛好... (這是迷你的版本, 很可愛...)芝士蛋糕 - 味道蠻不錯的, 質感亦很好...:)最後一忘了名字... 一層粉紅色, 黃色和啡色底, 賣相很不錯, 是有點莓的味道...是日晚餐令我相當滿足... 我相信我不久的將來會再次光顧... 期待下次又有新驚喜...! 其實以這個價錢就品嚐到有水準的意菜, 算是很值得呢~…Read More

自問愛吃, 亦愛和朋友分享, 就是從沒有認真的寫過一篇食評, 但這家新店令我太驚艷了, 不得不花點時間詳細介紹一下...跟我同樣愛吃的同學C知道銅鑼灣有一家新的意大利餐廳 - TUBINO 剛剛 GRAND OPENING... 她知道我向來愛好煮食, 更愛品嚐高質素美食, 所以便邀約我和從美國回來的朋友C一同前往試菜... (我們三人的名字都是C字頭啊~) 進入餐廳時, 已經被那以金色為主調, 紫色作為襯托的裝修所吸引... 我們早已訂位, 被安排到餐廳上層進膳... 走上通往上層的樓梯, 第一個感覺是蠻Grand的, 上下層之間的牆是深色調的玻璃, 上面還有一盞大吊燈... 而我們的餐桌就在上層的角落處!剛坐下不久, 老闆就走到上層跟我們打招呼, 而Bartender 為我們特選了三杯飲品... 橙色那杯叫 "Celeste" - 材料有橙和西柚, 味道很好, 甜甜的小朋友一定喜歡, 而且亦最適合他們不過...綠色那杯是Frog Prince “青蛙皇子" - 主要是荔枝和薄荷調配而成的… 味道很fresh, 喜歡那淡淡的薄荷味…!粉紅色的那杯飲品是用士多啤梨配上榛子, vanilla, rose 和酒製成的, 獨特的味道我蠻喜歡的, 只是略嫌酒味濃了一點, 有些蓋過了士多啤梨和 vanilla 原有的香甜味...!Waiter先為我們拿來了一籃麵包… 我最喜歡那條脆脆的芝士條, 其餘款式的麵包質感都很好… 難得的是麵包都是由他們自家製的… 就連牛油都很一絲不苟, 切成波浪形, 意大利人對食物的每個細節都很注重...其實選菜對我來說是很苦惱的, 花多眼亂真不知如何決擇...! 最後我還是選定了餐廳的招牌菜式...! 真不得不讚賞MANAGER的貼心和專業, 我們其中一道主菜選了了墨汁麵, 他就解釋正宗的意大利口味跟香港不一樣, 會把麵質煮得硬一點, 問我們要不要廚師把麵煮軟一些, 我們都說不用了, 就是想吃那傳統的口感...! 畢竟不是每位客人都接受傳統的口味, 他這種從客人角落出發的服務態度, 未品嚐菜餚已令我對這餐廳留下好印象... 我們最後order了三款不同的湯, 分別是蕃茄湯, 南瓜湯和黑松露野菌湯, 一份Caesar Salad, 前菜有白酒煮大蜆, 而主菜則選了廚師推介的香燒羊架, 香草脆皮雞胸和香辣帶子扁麵...!黑松露雜菌湯 - 我個人比較偏好這一款湯, 因為那雜菌的味道很香濃... 一試難忘...!南瓜湯 - 不會過甜但又帶有很香南瓜的味道, 口感很creamy, 如果不愛雜菌味的朋友, 南瓜湯會是你最好的選擇...蕃茄湯 - 味道很特別, 有點不像蕃茄湯, 帶點酸但又不嗆喉, 很fresh的感覺, 不過細味一下, 就知道湯內加了香草basil, 所以味道一下子就變得不平凡了…才把湯喝完, Waiter就把沙律端到我們面前了... 看著那碟沙律, 我心裡面第一個念頭是... "就只有這麼幾條菜加上蕃茄和乾乳酪... 很 "寡"啊, 早知道選別的沙律好了...!" 但嚐了第一口之後, 我就知道沒有選擇錯誤…!Caesar Salad - 那爽嫩的感覺, 鮮甜的味道… 我就知道這店選用的是高級的食材…! 那片片的乾乳酪加上沙律汁, 和生菜配合得天衣無縫…!白酒煮大蜆 - 這道前菜用上了白酒... 味道同樣甘甜, 每隻蜆都肥美肉厚, 加入白酒煮出來的湯很鮮, 令人回味...我們真的很幸運, 因為這道菜並不是Menu 中的特定菜式, 是要視乎當日有沒有購入該食材而決定供應與否的, 正所謂不時不吃, 如果不是時令, 大蜆不夠肥美, 他們便不會入貨, 那麼我們就沒有機會嚐到這道美味的前菜了... (建議點菜時問問WAITER有沒有時令推介食品... )沙律前菜都嚐過, 全晚高潮終於來臨... 主菜上場時間到了! 香辣帶子扁麵 - 那特別的賣相已令人唾涎三尺... 黑色的墨汁扁麵, 配上用香草串成一串的珍寶帶子, 旁邊還有一片烘脆了的炭黑色的麵包! 一問之下才知道原來麵包和麵條都是廚師用墨汁自家製的... 意大利人對食物製作都講求口感, 麵條如是, 意大利飯如是... 所以麵條都不會煮至全熟的, 八成就剛好了...! 這道菜中的墨汁扁麵就煮出了正宗的風味, 咬落有煙韌感, 軟硬程度恰到好處! 那種香辣的確讓人一試難忘... 廚師用上了我最愛的蒜茸來烹調, 這更能把整道菜的味道突顯出來! 那由香草串起的帶子味道鮮甜, 大大粒的帶子口感很好...! 香燒羊架 - 羊架的表面還是紅紅的, 看起來好像還未熟的樣子, 不過當我向那羊架下刀的時候, 未放入口就知道這一道菜又是水準之作... 因為那羊架嫩得一下就能夠切開了, 而味道當然亦沒有令我失望, 沒有一點羶味... 相信不愛吃羊的朋友都會從此對羊這種肉類改觀...香草脆皮雞胸 - 最後一道主菜, 簡直是驚喜之作... 吃了一口, 我真的投降, 我甘拜下風...! 怎麼可能雞胸會煮出雞肶的質感? 是怎樣烹調的? 用的是甚麼品種的雞? 是 "來路貨"嗎? 我心入面立即出現了一百個疑問... ??? 坦白說, 最初我對這道菜是沒有太大期望的, 因為從小到大我吃雞都只會吃雞翼雞肶, 沒有太多肉的雞背脊我都愛吃, 反而最討厭吃啖啖肉的雞胸! 但它把我征服了...!甜品時間… 為了滿足我們的口味, 這店為我們特製了一個有五款甜品的拼盤 !最出色的是那塊朱古力磚, 它的名字叫 “Moborn”, 質地很rich的, 入口一會就自動溶化, 很濃厚的朱古力味...Panna Cotta 意式奶凍布甸, vanilla的奶香, 那種柔滑細膩的感覺讓人感到陶醉…! 那熱情果Tart 就深得朋友和同學的歡心了, 連平常不吃熱情果的我都覺得不俗呢…! 啡色的甜點是拖肥和Caramel製成的, 帶有淡淡的焦糖味! 最後還有士多啤梨配上陳醋… 多新鮮的配搭…!有朋自遠自美國回來, 由於有說不完的話題, 我們吃過甜品後又Order了三杯飲品, 飲品是Bartemder 為我們特製的...! 我們問他飲品叫甚麼名字... 那位很sweet 的Bartender只簡單的說了一句... "你的名字是甚麼, 它就叫甚麼名字..." ! (Bartender 太懂得氹人了吧... ^^ ) BAR 的位置就在我們餐桌的不遠處... Bartender為我們調配飲品的過程, 我們都能夠看得一清二楚...飲品都是以他對我們的感覺來特別調配的, 但三杯飲品都有個共通點, 就是都加上了cream topping 的... 因為細心的Bartender 不太熟悉我們的口味, 不知道我們喜好甚麼的甜度, 所以他在每一杯都加了cream, 還跟我們說如果覺得不夠甜, 就把cream 混合到飲品中, 如果感覺甜度足夠, 就不用管那些cream 了...! (貪心的我每杯飲品都有試味呢...)朋友C的飲品是由咖啡, 朱古力和cream調配而成的, 有點mocha的味道, 入口有陣陣咖啡香, Tubino的咖啡豆果然名不虛傳... 同學C那杯白色的飲品用上了榛子, 加入vanilla和奶, 以及其他材料混合而成的, 很香甜的味道! Hazelnut是一眾果仁當中最深得我心的...我的那杯是以respberry配合奶還有其他材料泡製的! 粉紅色, 給予人一種很sweet很fancy的感覺, 飲品的味道酸酸甜甜還帶點奶香, 很可口, 是小朋友很喜歡的口味...快樂的時光總是流逝得特別快, 吃完這頓晚餐已經是十一時多了... 三杯獨有的飲品為我們這次聚會劃上了完美的句號...! (我們是由七時十五分到達... 一坐便四個小時, 太誇張了吧...)Tubino 的確令我對意大利菜有了新的體會, 原來要在高雅舒適的環境下可以不趕不忙的用餐, 享受高質素的食物和服務態度親切的員工招待, 不一定要付出昂貴的代價...! 當然能讓自己快樂, 多付一點錢是值得的, 但如果以一個合理的價錢就可以享用到一頓令人回味, 想起都會會心微笑的晚餐就更物超所值了...我相信不會過多久就會再次來光顧的... 因為Menu 中有太多太多吸引的菜式了... 而且在繁華的銅鑼灣鬧市中能找到一個真正可以讓人放鬆心情, 盡情享受晚餐又不趕客的地方確實不容易...!最後值得一提, 就是在Tubino 有一個地方是不得不去的! 就是店內那高科技的洗手間, 洗手間門外沒有把手讓你將門推進... 你亦不會在門上找到鎖匙孔... 這高科技的門是用按鈕開關的, 按掣後門會自動趟開, 洗手間內同樣有開關掣, 內部裝修和廁具都是值得一讚的... 金色牆身感覺華麗, 內部相當寬敞... 我最愛那設計特獨特的洗手盤...! (連洗手間都我都大讚... 看來我真的愛上這家餐廳了...)…Read More

朋友生日, 向來識飲識食既佢, 選定嚟JW Marriott 食佢出名既tea buffet作為同佢慶祝既生日飯...平日工作唔算忙, 但有壓力既我... 一嚟到就好喜歡個環境, 因為真係好relax, 而且我地坐既係window旁邊既位置, 所以感覺開揚d... 呢度既食物質素好其實我聽聞過好多次, 但食就真係未試過喇...!同朋友一樣, 一嚟地就一人食左碟沙律先...之後先食D SUSHI, 刺身, 冷麵, 仲有熱盤, 粥, DESSERT同埋HAAGEN DAZS既雪糕, 我地亦揀左D口味獨特既茶慢慢嘆... 是日既下茶食左差不多五個鐘呀, SO RELAX...好豐富既SALAD, 有八種沙律汁任君選擇... 仲有幾款CHEESE揀添... 我食左舊Camembert... 好味, 而飲品係士多啤梨加香蕉同埋唔知咩咩咩調製, 味道OK喇, 因為我本身係一個唔食生果既人, 所以都係抱住一試既心態拎左一杯嚟飲...壽司同刺身好味道呀~ 三文魚都叫新鮮...豬頸肉同雞翼幾好味, PIZZA 亦都唔錯, 隔離果舊酥皮入面係咖哩嚟既... 正~呢度既冷麵好味, 不過我更愛佢旁邊既腐皮... ^^杏仁同朱古力果舊好好味, 特別係杏仁果舊, 個味係有D似樂家杏仁糖架, HAHA~熱情果撻CARMEN話OK, 不過我唔食既... CHEESE CAKE就一般喇... STRAWBERRY 果舊中間係吉士, 味道GOOD 呀 ^^曲奇餅係MRS FIELDS 果D曲奇既口感, 其中兩款好正呀...!中間果杯我都唔記得係咩, D CREAM係VANILLA味... 不過係好味既...! 右手面果杯叫黑森林蛋糕, 下面仲有STRAWBERRY撻同PUFF... 味道還好喇~碗粥好味呀, 所以好多人排隊ORDER呢... 有蝦又有雞... 豐富到呢...我最愛既HAAGEN DAZS COFFEE味ICE-CREAM 同埋COOKIE AND CREAM 味...! 仲加左脆脆, 爆爆米同朱古力醬... 勁好味~我ORDER既係薰衣草加洋金菊既茶... 其實味道係唔錯架, 功效主要係可以令人放鬆... 但個味就好似我屋企點果D香薰, HAHAHA~ 都好特別既味道, 唔係個個地方飲得到呀~呢餐食左五百八十蚊, 一食就咁五個鐘有多... 真係好開心, 同好朋友傾下計, HEA下又一日, 雖然呢一餐只係TEA BUFFET都食左三百蚊一位, 但以呢一個食物質素, 環境, 同埋可以當LUNCH加DINNER兩餐嚟食, (食物PROVIDE到六點, 但我同朋友坐到六點半都無人叫我地走呀! 因此計落係咪都算抵呢... ^^…Read More