係近年大家都可能會對Omakasa 有所看淡，今次想係屋企附近食餐生日飯，老婆做咗功課最後選擇左鮨竜。入去都係本住試一試唔得就冇下次既心態。一開始食蒸蛋已經覺得唔錯，味道自然舒服。之後係過程中總廚都有詳細介紹自己嘅出品，如果你問多少少佢又會解答多少少。係介紹中知道所有汁醬甜品都係自家用時間去做。每道壽司或者係前菜都用唔同醬汁配搭出唔同層次味道，而係日本料理裏面最重要嘅飯亦係令我好滿意！總廚做出嚟嘅壽司飯夾落唔會散但食落依然有空氣感放入口就會鬆開，飯粒口感煙韌，總廚話佢用咗五種米做。何想言之佢係有幾痴線。成個menu有起有落完全冇悶場。亦唔會令你食到好油膩飽滯。最後因為生日既關係仲有特別驚喜！成餐飯既體驗絕對係對得住個價錢有多！今次係鮨竜食既一餐，我見到總廚Nic對自己出品同手藝既自信，要求同尊重！佢都好留意客人嘅舉動同感受。而餐廳服務亦非常有禮細心，唔會令你唔自在。所以係絕對推介俾大家。…Read More
三百幾蚊一碟本地手切牛頸脊，完全冇牛味！深血紅色，極少脂肪，好明顯係雪藏左好耐既低價牛肉，而且係雪硬用機切！因為塊塊都好平滑，一色一樣長方形，上枱嘅時候仲係雪硬一塊塊。另一碟牛脷就正常肉味偏淡。反而熱食小食仲好食，咸檸七好飲，杏汁豬肺湯底平平冇奇，唔係奶白色，一個字 - 清！冇乜味！
豬腩肉皮脆肉冧加上日式柚子汁唔會油利，沙律新鮮配上特別醬汁非常開胃，另外有一個中式既小包，中西合璧好有心思！Green Miles
