tonyting316421's Profile

聖誕梗係要去食聖誕大餐啦！上次同家姐去左炑八燒烤親子餐廳🍴，妹妹話好想去，今次同埋爸爸妹妹，一家四口👨‍👩‍👧‍👧去食。兒童餐牌已經換咗聖誕限定餐點🎄。 家姐一見到已經話一定要叫聖誕老人禮物便當🍱，聖誕老人造型🤶既飯團🍙已經夠吸引，便當仲有腸仔雞翼，便當底仲有好味沙律菜🥗。 聖誕蝴蝶粉花圏 就岩晒妹妹， 蝴蝶粉加上西蘭花🥦紅蘿蔔🥕，食過不停。大人黎到當然要食燒肉啦！爸爸就比較中意燒牛舌同大蜆。專一既丁丁媽又係叫左三味牛小排。軟腍滑身又牛味濃，正😋。 今次介紹爸爸試下厚切豬五花，香脆得黎肉汁豐富。平時唔中意食豬既佢都讚不絕口👍🏻👍🏻我地次次都中意約6點去食，食一陣就等遊樂場7點開門。今次家姐好醒目，一黎就話拖住妹妹去揾姐姐換靚靚韓服，因為要著住韓服去玩😘。兩位小公主去玩，爸爸媽媽就可以享受短暫既二人世界時光😎…Read More

近排流水蝦真係好多人去食，我當然都要趁下熱鬧下啦！見到好多報導都話「燒蝦蝦」唔單止啲蝦好正，連其他海鮮都不得了。「燒蝦蝦」流水蝦放題有二間分店，我book左屯門分店，大家記得預先預約，因為真係好full 呀，成個場爆曬。每個座位旁邊就係流水蝦既專屬蝦缸，啲蝦仲可以叫店員refill。啲蝦好生猛，要夾起佢都要啲技巧嫁！夾多幾次，食多幾隻蝦練習吓先，夾起左之後就放入冰水大約30秒涷暈佢先去燒。連我呢個大人都覺得好得意😎。啲蝦大多大大隻又爆膏。除了新鮮流水大頭蝦俾你任夾任食，外面自助區都仲有好多新鮮海產，生蠔、鮑魚、扇貝、貴妃蚌、冬風螺等，更有幾款原條魚！個人比較推介鮑魚，燒完之後好爽口，生蠔有兩款，有預先開咗同未開嘅，識食嘅就揀啲未開嘅，原來一啲都唔難燒，燒到甘上下佢會自己開。原條魚都必定要燒來試吓，燒完之後啲肉汁好Juice，肉嫩皮脆。淨係食海鮮都已經回本。另外自助燒烤區仲有肉類、蔬菜、丸類等等。另外仲有熟食，甜品入座時每位客人贈送一串白鱔同一份靚和牛，白鱔燒到外脆內軟就食得！仲可以用枱上各種調味粉調味。…Read More

收咗消費券，當然要消費，朋友住喺大埔介紹“稻八日式火鍋炸物放題”，聽到都覺得好玩，可以火鍋兼炸物。湯底有八款選擇，選咗味噌芝麻乳湯，湯底多昆布，好好味。 心急試新嘢，炸物自助區有秋葵，茄子，虎蝦，燒賣，魚蛋，腸，蕃薯仔等食物，充足指示教導要蘸上粉漿再輕放麵包糠去油炸，完成後更可灑上調味料， 自己親手即炸即食，確實好味，我較喜愛炸虎蝦和蕃薯仔。火鍋肉類首選美國特級牛頸脊肉，油花分佈均勻，屬上等食材。 另外特級美國穀飼牛，口感嫩滑。 手切牛肉重牛肉味， 在湯底稍為灼一灼約五成熟就更佳。 另外日本北海道雞肉都新鮮嫩滑。自助區取火鍋料，主要為蔬菜類最後嘆埋日本小食放題，特別推介牛肉薯餅，吉列蠔和吉列帆立貝，都係即點即炸，熱辣辣特別香口。飲品有罐裝，有紙仔飲品，仲有啤酒，清酒和梅酒仼飲，熱飲有玄米茶，四季春等等。仲有少量甜品最後嘆杯Haagen dazs or Movenpick雪糕, 我們真係滿足到不得了， 為今餐劃上完美句號。而家做緊優惠：1. 星期一至日惠顧任何放題包任飲啤酒、清酒及梅酒，超正！2. 星期一至四 8位消費(免2位價錢)、4位消費(免1位價錢)…Read More

近期EVA好hit ，周圍都係新世紀福音戰士既足跡呀，連老公都買左啲模型返去砌🤣知道荃灣有間韓烤店竟然佈置到成間都係EVANGELION主題，可以打咭之餘，一定要叫新推出既EVANGELION 限定套餐～「人類味蕾補完計画」。期間限定三色五花肉韓牛味蕾補完套餐好豐富：*牛舌，韓牛前胸肉、霜降牛小排* 醬油，梨醬，香草三色五花肉* 鰻魚* 冷麵牛舌薄切但很大塊，油花四濺， 牛香味濃郁。 牛小排肉質鮮嫩，入口即溶。 韓牛前胸肉油花平均，口感一流。 五花肉較喜愛梨醬，燒完入面仍很juicy,而香草新口味, 新嘗試， 味香甜。 韓國鰻魚超肥美燒完又香又脆，厚身啖啖肉，正。最後食埋韓式水冷麵，份量都幾多足夠3人食了，入面加左青瓜片，冷麵係蕎麥麵條，涷食更加清爽彈牙，仲可按喜好加上芥末或醋，清涼開胃 除咗限定燒肉套餐外，記得要點埋 EVA同色源梳打飲品，飲品上特別插有EVA主題飲品紙卡，打咭必點。EVA01蝶豆花乳酸梳打同 初號機一樣係紫色，味道酸酸甜甜，食燒肉特別岩飲，夠晒解膩。或者可以點杯 L.C.L生命之水莉莉絲柑橘紅莓梳打， 如果係EVA迷，點可以錯過L.C.L生命之水，柑橘加紅莓仿造，似到十足。只要點以上飲品會仲有送eva杯墊一個。老公已應立即收埋拎返屋企…Read More

我同囡囡最愛食面，朋友介紹 富山麵家，話個度既拉麵🍜好好食，聽講仲係 日本東京拉麵Show連續五年冠軍🏆去開銅鑼灣，一於帶兩個女去試吓。我地三個人叫左二碗拉麵🍜，另外叫咗小食同飲品。小食選擇有幾款，沙律，雞軟骨，餃子，雞翼。點左小朋友岩食的肉汁滿滿餃子同富山雞翼。新鮮即叫即整，小朋友都食不停。特別中意炸雞翼，外皮香脆，肉質嫩滑，加上芝麻同酸酸甜甜的秘製醬汁，食落更惹味。唔好講甘多，拉麵先係主角呀！店員推介呢度的黑醬油拉麵。本身唔諗住點黑醬油，怕味道太濃，不適合小朋友，驚喜醬油湯底沒有想像中鹹，反而很香。食得出有點魚的鮮甜，原來湯底係用秘製鮮魚醬加豬骨、雞骨及蔬菜等熬煮多個小時而成。麵條軟硬度適中，好有嚼勁，彈牙好味。麵條份量都唔少。溏心蛋蛋味濃香，二塊叉燒有一定的厚度好軟冧。怕熱既我叫左黃金蟹膏牛奶沾麵，沾麵的好處是，湯底和麵條分開上。原來食沾麵都有學問的，夾起麵條，浸進湯汁裏，再放落口。沾麵是拉麵的變奏，上桌時會把麵跟湯分開，但食法、味道、風格均與傳統拉麵截然不同。乳白色的湯底以豬骨、雞骨及鰹魚加牛奶煮成，享用時可把黃金蟹膏拌入湯內，於陣陣奶香中增添海洋鹹香。粗身麵條質地緊緻彈牙，提升入口的嚼勁，令每一根麵條都容易沾上creamy湯汁。2人同行，餐廳每人送一客沖繩入口豬軟骨或士多啤梨/抹茶布甸，4人同行，餐廳每人送一客沖繩入口豬軟骨及士多啤梨/抹茶布甸。飲品：凍鮮泡蜂蜜綠茶 及波子汽水，囡囡一人一杯不用爭…Read More

我小學係黃埔，所以成日都會返母校，一定要叫我做黃埔地膽😂，近年來黃埔成日都開好多高質素餐廳，所以都會特登去個邊食好西。今日專誠去試下個個都讚好既「鮨竜」， 一入到餐廳覺得環境都幾舒適，可以揀吧檯前位，窗口位，都有清靜嘅二人或者四人枱位。只係得廚師發辦，係冇散叫食物。近年好興Omakase，我都好中意。今次試咗$480 Eel Teishoku 套餐。＊ 茶碗蒸蛋夠滑，味清香，蛋上面加了日本特色菜，口感特別。＊ 鰻蒲燒飯超大條勁肥美鰻魚配上獨特醬汁，十分惹味，鹹中帶甜，十分回味。個人推介配飯，多過配烏冬，甘先唔會浪費左啲汁，轉眼間整盒日本香飯已被我掃清。＊松本茸清湯食完濃味既鰻魚飯，呢個時候飲返碗清清地既松本茸清湯，成個湯松本茸味道好出衆＊ 甜品係我喜愛嘅紫薯雪糕， 軟滑香口，味道濃郁，不會太甜。…Read More

搬咗嚟東涌之後都想周圍搵吓有啲咩夠風味的餐廳。今次就去咗屋企附近既大頭蝦南風海鮮酒家。叫左個例牌燒鵝，簡直係喜出望外。估唔到個燒鵝皮甘脆，燒得好有光澤，肉汁好多。丫囡爭住食肥厚又嫩滑的燒鵝髀😂 。加個米粉簡直一流。仲叫左個香煎墨魚餅。呢個大人同小朋友都好啱食。墨魚餅熱辣辣整好，彈牙爽口，食到停唔到口呀!兩個人食咗呢度都已經夠飽，不過慣咗每一餐都會食個菜，叫返個蒜蓉炒菜心。菜心好甜又大條，好新鮮。總括嚟講燒味質素幾好，小菜即叫即整，夠晒新鮮熱辣辣。下次想等埋爸爸嚟一齊叫啲海鮮食。…Read More

幾個朋友都鍾意食中菜，我立刻諗到盈館，位於旺角創興廣場，交通方便，大家約食飯聚會都方便。每次都必食片皮鴨，職員現場將鴨切成片塊，另配上青瓜條、蔥和甜醬，見到熱騰騰蒸籠裏面嘅皮配上脆皮鴨，真係好食，以$168.00價錢算係超值。聽店員講，一晚可以賣超過100隻片皮鴨嫁。 另外點了梅菜扣肉，份量都不少，梅菜不會太鹹，帶點甜味，扣肉都不會太油膩，送飯一流小菜，越食會越想食，朋友推介黑金流沙包，話之前黎飯下午茶有試過，好好吃😋原來晚市都可以叫來吃。黑芝麻皮配上鹹蛋黃粒，超級香味，一口咬落去立刻大爆發，真正做到流心效果，絕對值得一試。最後仲有點了傳統中式桂花糕，不太甜有桂花香味，甜品係女士嘅欣物，食幾多都唔怕…Read More

以「哥基」為主題，日式木系風格裝飾，值得一試👍為食火鍋公司。母親節將至預先同媽咪食無限時《為食套餐》。首先嘆吓小食包括炸瘋薯條，鮑汁雞腳，蟹子沙律，酸甜炸大腸和唐揚脆炸雞。開開胃接着就可以食酸菜魚或者竉竉雞煲（可辣或者不辣）。因為要留肚食火鍋所以我哋選擇咗酸菜魚。再來過三點刺身盛合包括三文魚，北寄貝和大蝦，味道新鮮。湯底選擇咗高湯牛尾,而豪食海鮮拼盤則有元貝，蜆，蠔和海蝦，眼見海鮮極其新鮮。而見到為食牛肉拼盤真是不得了， 內有黃喉，熊本雪花一口牛，手切牛頸脊，美國SRF和牛板腱肉和潮汕吊龍伴，都係上等嘅食材。還有美國Prime肥牛片,紐西蘭羊卷肉，鹿兒島茶美豚美食仼叫最緊要係媽咪食得滿意，覺得刺身鮮甜,海鮮新鮮，肉類嫩滑，地點又方便嚟地鐵站5分鐘路途,真係值得一試。…Read More

天氣涷心思思想去打下邊爐🫕叫左鴛鴦湯底，同朋友一人一邊，我比較推薦藥膳湯底，好多補料，湯底濃郁，先飲一碗個人都暖啲。朋友叫杏汁豬肺湯底。因為午市得90分鐘，一坐低先用ar code點左食物先，不過好彩食物好快送到，頭一輪主要點牛肉，主攻牛板腱，封門栁。中意牛板腱，有啲筋位，較有嚼勁得黎又好軟冧。封門柳則肉味較重。另外仲可以點羊肉，豚肉，牛俐心托等等。牛俐心托都好薄好正，要試下 。掛住食靚牛，爭啲忘記左我地每人加左$30升級左，另外可以仼點海鮮，沙白，蜆，帆立貝，青口，蝦，bb墨魚等等。幾款海鮮都好新鮮，蝦爽口多膏，沙白鮮甜冇沙，絕對值得升級！qr code唔算多款式，不過記得仲有自助區可以去拎食物。。響鈴，黃金炸魚皮，粉麵，丸類，蔬菜，牛柏葉，魷魚。。款式勁多。。另外都仲有啲前菜或者熟食可以拎仼飲飲品有自家制，另外仲有罐裝盒裝飲品。我中意洛神花茶，酸酸甜甜好好入口 。原來一鍋堂呢度最開心嘅係有雪糕食㗎！有部雪糕機自己扭雪糕，仲要係芝麻味～仲可以自己加啲棉花糖粒粒，或者係朱古力醬等等😋超好玩又開心。…Read More

人和月雞煲火鍋店聽聞好多人幫襯，一於去試下.晚市火鍋仼飲仼食有三種價錢，我地揀左中間價錢既「特選滿足食到飽」套餐.韓式芝士雞，招牌麻辣雞煲和老壇酸菜魚，三個揀一款。商議後揀選了酸菜魚，想唔到又幾好吃，辣得黎又有酸菜平衡返個味道，重點係啲魚片好薄好滑，勁快食晒成盤，可以上火鍋湯底。湯底都有6款選擇。胡椒豬肚湯底好吸引，朋友不停食豬肚，之後我們再添加豬肚放落去繼續食！打邊爐點可以唔食牛。原來餐廳會先送一大盤肉，入面有5款，除咗嚴選美國牛板腱之外，其他都可以仼食。牛板腱同牛下肩都好食，算高質，肉味濃郁，油脂分布均勻，重牛肉味。特級美國牛胸爽都好好食，一定要試！不過食得多會有啲滯。qr code 點餐都快上枱。仲有好多海鮮，同其他食材可以叫。自助區亦都有多種蔬菜，菇類，丸類，瓜類，粉麵供應。仼飲種類唔算太多，但竟然有4款自家好茶，試左三款都唔錯，洛神花茶，蜂蜜菊花茶和桂花烏龍茶。最後有少少甜品可以自行拎。裝碗豆腐花，仲可按喜好加涼粉，仙草，芋圓和小丸子。…Read More

一次過食晒磯燒, 放題, 火鍋.. 另一半想同我慶祝紀念日, 旺角行街食埋飯先返家~~ 原來好細心事先book左間餐廳. 比起浪漫得黎貴夾唔飽, 我們更中意搵價性比高的餐廳去~~呢間極上帝王水產係兆萬中心9樓, 成棟兆萬都係放題, 但我諗最full都係呢間~~ 大家記得最好book定枱, 因為我們食平日晚上8點入座, 都全場爆滿.. 好誇張..第一round的刺身係安排的不用自己order, 嘩, 估不到成個大大大盤咁送上黎~~ 忍唔住影相打卡~~ 好開心~~刺身好多唔同款式, 完全唔似一般放題水準, 好高質~~~ 三文魚, 帶子, 赤貝, 北寄貝, 希靈魚 都係必encore~~ 蝦刺身都係三款, 赤蝦, 甜蝦, 虎蝦火鍋可揀海鮮或和牛壽喜燒, 細細鍋全程放枱上, 有空便滾一滾都幾過癮~~磯燒係我最期待的, 磯燒A5和牛, 磯燒松葉蟹蓋等等~~ 第一次店員好細心教我地點燒, 過程中都會幫手. 燒後的和牛粒加上少少salt, 將牛味帶出~~ 我發現磯燒爐仲可以拎黎燒其他食物, 如海蝦 薄肥牛片當然唔少得叫返放題壽司，小食，仲有甜品，雪糕雪條就係咁開開心心就食左3小時~~…Read More

與好姐妹👭慶祝相識十週年。她喜歡吃火鍋🍲，我喜歡吃日本嘢🍣。為了同時滿足兩個人的願望，於是我們決定一起去吃八幡屋涮涮鍋。晚市提供150分鐘仼食仼飲。真係可以慢慢坐慢慢食都不怕。放題有四個不同價錢，我地選擇了C餐澳洲M5和牛。鴛鴦湯底加$20，好抵，有寫餐廳鴛鴦湯底要加$50呢！我們選了一個壽喜燒和沙嗲湯底。湯底送到時，同時送上手切安格斯肥牛和海鮮拼盤。這二個非仼食，不過其實有些海鮮可以在qr code menu處再添加。安格斯肥牛好吃😋由色澤看出肉質新鮮，一塊接着一塊吃完。於是再下單叫了其他仼食的牛，我地所點的C餐可以仼吃澳洲M5和牛和美國安格斯牛肩胛，二款都充滿牛肉香味，入口非常軟冧，切得非常薄身，所以放進火鍋數秒就已經可以享用了。qr code menu list 主要是添加肉類，海鮮及刺身，蔬菜，丸類和粉麵及醬料等火鍋配料都可以在外面自助區自行取用。之前說過，除了火鍋我亦很想吃刺身，第一轉會提供刺身頭盤，不同試了幾款刺身，但每款數量按人數而供應，因此二人只有每款二件。不過，所有刺身都可以追加，可追加的刺身款式比頭盤多，而且刺身非常新鮮，每次上枱都有冰鎮底，保持刺身新鮮度。很開心，還有三文魚腩😋😋😋，都是仼吃。外面自助區除了火鍋配料外，其實還有幾款小食前菜炸物，少量壽司，還有多款甜品，雪糕及雪條，一個仼食價錢，能有這麼多款選擇，性價比非常高。另外飲品櫃中的飲品都是無限飲用的。飲品除了普通罐裝飲品外，還有幾款未見過的樽裝飲品，都十分特別，但山楂，菠蘿青梅及烏龍茶都能消滯解膩，由飲品安排就看得出餐廳非常貼心。…Read More

之前去過荃灣海之戀商場幾次，個度係超近海濱，入邊都有好多唔同嘅食肆。比較特別係新開的極上千島櫻海景放題。晚市七點前離座同八點後入座都有8️⃣8️⃣折！成間餐廳裝修好靚好日式，以櫻花🌸主題，好少任食放題嘅餐廳裝修甘認真。餐廳地方好大，用餐有室內同戶外位置👍🏻戶外露天區好正嫁，有個超級無敵大海景，加上晚上🌃有啲街燈點綴，特別浪漫🌹。我地坐係室內卡位，都一樣有海景睇，睇住靚景食嘢特別心曠神怡，亦都十分近自助區！自助區都有好多正嘢，椰汁鮮奶燕窩😋😋😋甘養顏點可以唔食，仲有麵豉湯，葡撻薯格，沙律前菜，小食等等，飲品都好多款揀😌仲有個甜品櫃，入面有幾款迷你cake同三隻口味既雪米糍😍仲有梅酒清酒🍶仼你自取～完全唔怕你食得多飲得多其他食物就手機Qr Code落單，方便簡單，送餐速度都算幾快，話明就放題，食物種類梗係好多，刺身壽司，串燒炸物，一品料理，超多款仼點。刺身🤩 好多款，第一次我地每款都點左幾塊😍諗住好食再encore，點知竟然送咗一艘刺身船出嚟啊～見到真係勁開心～仲有乾冰煙呀～三文魚，油甘魚，希靈魚，赤貝，象拔蚌，吞拿魚，帶子。。都好厚切新鮮。。淨係食刺身都已經返本壽司軍艦手卷都好值得叫，細細件好多款，咩都試下😋鵝肝帶子壽司，三文魚籽手卷，海膽手卷正正正！其他燒物都好食😋 炸雞軟骨，鰻魚，鹽燒牛舌，北海道燒帆立貝，咖喱炒蟹，榴槤炸彈，虎蝦天婦羅等等 呢啲都係encore之選👍🏻💪🏻瑤柱滑雞粥，一個人食咗兩份壽喜燒超多牛肉，飲番啖暖笠笠湯底最後臨走之前揾店員拎movienpick雪糕，一人一杯，人人有份。我地揀左士多啤梨奶凍，仲有合桃同雲呢拿味揀🥰…Read More

涼涼地梗係要烚下烚下火鍋，一家人去咗葵芳新都會廣場「一鍋堂」。原來成有15款特色湯底，大家心思思唔知揀咩好，於是點了鴛鴦鍋，胡椒豬肚湯，天氣冷吃豬肚驅風禦寒。好香胡椒味另外揀左蕃茄牛粒湯，呢個係一鍋堂同金寶湯合作既湯底，小朋友中意蕃茄的酸甜，偷偷教你一個小貼士點樣可以keep住個湯底加湯都好濃郁，就係order啲蕃茄加落去😂食到最尾都可以飲碗暖湯。我們選咗b餐特選安格斯牛套餐，價性比高，主攻美國安格斯牛肉，封門柳和牛脷心托。眼見肉質鮮紅，油脂均勻，富牛肉味，絕對絕對係上等嘅食材，我哋不停encore，真係過足口感。新鮮海鮮首選爽海蝦，鮮帆立貝，脆鯇魚，薄白鱔片和鮮魚雲皆新鮮美味。火鍋材料再點了松露手打墨魚滑，蟹子手打墨魚滑，鮮淮山，蜂巢豆腐，西洋菜，手打雲吞等等。。在自助區都有好多野食，沙律吧，熱食，前菜。。麻辣豬耳，甜凍蝦，黃金炸魚皮和滷水肉也不容忽視，好好味道幸好有滋潤冰糖燉檸檬，養生洛神花茶，營養碟豆花茶和提神薄荷烏龍茶消滯開胃。最後嘆埋手作乳酪黑芝麻軟雪糕就更加飽肚十足。欣賞地方寛敞，沒有擠逼感覺，手機落單增快送食物速度，用盡120分鐘放題嘅時間黎食😋臨走見到原來呢度有外賣火鍋返去，價錢都唔貴喎，依家仲有九折優惠，下次老公話買返屋企嘆下…Read More