linglinglo's Profile

朋友介紹呢間食店，話好抵食。嚟過幾次，每次服務都好好👍晚市二人套餐超抵食，我一行4人，食左兩個套餐。先嚟每人一盅燉湯，足料，好飲。魚類：有酸菜魚同水煮魚選擇，我哋怕太辣，點了兩碟酸菜魚，大家都對酸菜魚都讚不絕口，夠大碟(同太x差唔多size)，夠酸味👍小炒：蔥爆牛肉（夠味道 夠火候）👍菜類：一碟清炒菜心 一碟上湯娃娃菜甜點：紅糖糍粑仲有兩碗飯……真的超抵食👍👍👍支持小店，真心推介👍👍👍…Read More

19/1 本人 16:15左右到康山ampm 買梳乎里，受到員工好無禮貌對待，呼喝我，因收銀位置沒有職員，等左5分鐘左右，同廚房店員講收銀冇人，一職員即場呼喝大叫「我都做緊野，吾得閒」！！可以咁樣呼喝客人嗎？當時只有一枱客人食緊野，廚房兩人只顧着整外賣，完全無視堂食客人第一次到店幫襯，竟然受到這樣無禮對待，以後絕對吾會幫襯此店！！…Read More

阿鴻小吃由北角搬去觀塘再搬嚟銅鑼灣，朋友一路有幫襯開，極力推介呢間潮州店，吾知是否有期望，但我試後反而有點失望，價錢偏貴，吾覺值呢個價錢😓😓。我們7點入座，未有人等候，仲有幾張吉枱，吾講都吾似是星期日，場面冷清😓😓（應都關暑假多人外遊同北上消費影響），我都會支持香港既餐飲業，都會出外食下飯，但…..呢個價錢，呢個質素，我諗我會有更多選擇（個人感覺）😅😅有讚賞既…..阿鴻炒飯；煎蠔餅好食👍…Read More

朋友在觀塘返工，聽她講平時午餐多時嚟呢間食抵食又好食既午餐，雖然離地鐵站遠左少少，但都吾算難找既，喜歡試新野既我一於嚟食下。多卡位是值得一讚的，座位寛敞，適合朋友優閒傾計最舒服。服務好，上菜快。柚子沙律🥗，好味😋。咖哩大蝦，蝦質素一般，但咖哩出色，用嚟夾蒜茸包一流👍。馬介休炒通菜好食。串燒一般啦，不過不失。芒果沙冰🍧好飲，味道吾假芒果🥭味👍。見OpenRice訂坐都有85折，朋友是會員，埋單75折，更抵😂😂…Read More

在灣仔返工，查看下有冇抵食既晚餐，細看之下，發現呢間餐廳，半自助餐都ok啦，不過不失，可選一個餐，再食出面既半自助餐，若吾食餐牌既食品，就只是$139加一食半自助餐既野，抵食！薯條咸左點，薯仔沙律既薯仔🥔口感較實，煮耐少少會較好😅，餐牌上既食物較細份，但食埋出面既野食，一定都飽既。職員有禮，環境舒服，同朋友傾計聚下既好地方。扣分位，位置較難搵，係新鴻基中心既匯豐銀行與Super Sandwich中間那位置行入，再上自動電梯，先見到呢間餐廳。…Read More

今晚即慶與兩好同事嚟北角搵晚餐，係OpenRice見到，被食物既相片吸引到嚟幫襯一下，餐牌是有點貴的，但食物質素同服務已覺值餐牌上的價錢是值的，今晚成晚都是的我們3人包場，侍應都有禮地招呼我們，聽侍應講星期五至日會好好多既，昨晚都冇咁靜，冇辦法啦，假期都多人北上消費，呢區係靜左好多……明白的，希望你哋仍可撐下去，努力💪#龍蝦意粉有驚喜，好味😋#牛扒🥩叫5成，ok好食#羊架肉質好#薯條🍟任食😋😋😋…Read More

好多年冇幫襯，聽人講，睇食評，都知吾會再好食，不過落雨天，吾想周圍行，諗住再比多次機會佢啦，點知都是咁失望，粥底只是叫綿，但吾係叫好味，冇蟹味，最大鑊是隻蟹是「死蟹」，d蟹似在街市$30一筲箕既死蟹，多年前最後一次食，蟹都叫正常，但粥很稀，所以之後冇再嚟食；另黃金蝦冇咸蛋黃味，佢只是用「蛋黃醬」嚟炒，椒鹽鮮魷勁厚粉，呢間店我冇野食都吾會再幫襯，食物好食我都比你d侍應串d，咁差難食仲要服務差，呢間店請都吾會再去食，超差劣！！…Read More

係公司附近發現呢間越南餐廳，一到店，環境好乾淨舒服，一坐低，侍應會有碗例湯送上，味道ok既，午餐餐牌上除了生牛肉湯粉外，便沒有其他湯類粉，問侍應，好彩可幫我地改，我兩叫左一個「雞翼檬粉」+「豬扒湯檬」，豬扒意外地有驚喜，皮脆肉鬆，皮仲有牛油香味，極覺「牛油雞翼」既皮，檬粉上既配料加上酸汁，好好味😋，飲品我選了「話梅特飲」，都ok，見隔離枱既食客其他食物，賣相都好ok，整體我地都有80分，會再次光臨，推介👍…Read More

星期日一家開開心心地山頂遊玩，見到有香港地，等位人數又吾太多，咪諗住試下囉，在門外等位時已被一男侍應不禮貌對待，隔離兩女士都異口同聲說每次嚟呢間呢度d侍應都是咁差態度架，一入到餐廳，兩個男侍應態度超差，黑口黑面，真心想問佢地，你地做服務行業既可以咁既態度？吾係要你地笑面迎人既樣，吾想做可以可好做，吾好要d食客睇你地面色，一心諗住嚟山頂遊玩下，食下野，點知兩位服務員態度令我不會再被光臨，請好好改善。…Read More

在日本吃過「幸福班戟」，都試下香港啦，諗住分別吾會太大，但朋友們吃過已說香港既好一般喎，今日見冇人排隊，算啦，試一試啦，點知一食，是空氣感的，但沒有蛋味，班戟比係日本吃時細一個圈，焦糖咖啡完全冇咖啡味，食物同咖啡紙盒紙杯上，我堂食喎，外賣嗎？服務員又冇禮貌，因有小朋友一同食，所以想坐靠近牆邊，服務員即回應你「有分別咩？」今時今日既環境仲有呢種服務態度，吾該，吾想做請返家等你父母養你，失望，吾會再試。…Read More

此店哥哥嫂嫂已食過幾次，今次帶我嚟食，一試.....很有兒時食過既艇仔粉味道，用料靚，湯底用大地魚，完全吾覺有味精，之前香港仔都有食過艇仔粉，但總是做不到兒時吃既味道，就算現在海旁有既，都感覺大不好如前，就算一杯簡單既凍檸茶都覺比一般茶餐廳吾同，重點茶味不濃，另外，很少再見到「油菜」可以以$10價錢食到，吃飽後，老闆會來問下食客意見，多作改善，有承意既食店，真心推介「皇牌艇仔粉」「黃金炸魚皮」「黃金魚片頭」…Read More

見新開舖，入去試下，之前都聽過「南區之友」說吾好食，但本人一向都是自己食過先真正相信，點知原來真的中伏，堅中伏，從未試過一間如此差的放題火鍋，款式少，叫左個蕃茄湯底，淡到吃不到蕃茄味，加水（真的只是加水，是滾水）...淡上加淡，牛..又肥又薄，丸類勁少，吃一口已吐左出來，吾明點解「貢丸是林林地的？」是否變質左？最接受吾到連豉油同芝麻醬都溝淡？吾明一間新舖開張會整些如此差勁既食物比客人！買手買貨入貨可以入這些次等食品？連最簡單既蔬菜類都覺差.....吾洗錢都吾會再去食！！！…Read More

因公司在這裡附近關係，久不久便會在這裡吃早餐，今早在這間餐廳吃早餐，叫了一個「沙嗲牛蛋米早餐」....碗粉放在枱面看兩看.....已眼見粉上有一條很長的頭髮......不敢打左個冷震，幾年前，呢間餐廳曾經裝修過，未裝修前都久不久在這裡吃早餐，我那次又是叫左個「沙嗲牛蛋米」....那次不是見到有頭髮，而是有一小隻曱由仔在這裡，我明白在街外茶餐廳食野，吾好諗會好乾淨，但都吾好又頭髮又曱甴，我真的不敢想像這間餐廳廚房內有幾乾淨，盛裝「沙嗲牛」那器皿有幾衛生.......我已同自己說，我以後不會到此餐廳，就算呢間餐廳本人覺最優勝是「奶茶」有幾好飲都好，都決不再光顧。:(:(:(…Read More

近日路經此處，發現有間新開的小廚，於是就在平安夜晚來食，老闆好客氣，見我們看著餐牌，會上前介紹餐廳推介，首先嚟個「濃湯雞燉翅」，湯味濃郁，翅好有口感；海鮮新鮮，「花竹蝦蝦米粉底」，米粉煎法出色，外脆內軟加埋蝦湯，確實好味 :之後再吃「香芥豬手」，一吃難忘，皮香肉軟，好難想像小廚餐館有此水準，特別推介一個「炸米炒飯」，聽名稱已覺得意，食落原來都是，炒飯配上炸米，好特別，好好味，一點都不油，大家都好滿意呢間小廚既菜式，值得推介。…Read More

很久沒有寫食評,但昨晚呢間火鍋店真的令人很失望.....一年前經雜誌介紹下光顧過一次,一年後相比......變差了,訂位時已知用餐兩個鐘,到吃了不到個半鐘後已有職員前來截單及埋單,到兩個鐘即叫人交枱,食物到枱後,我想應該只可以不停吃吃吃,與朋友傾多兩句都怕不夠時間.那個收人兩百多元既<花膠雞湯>其實是味精湯...真的想像吾到稱用左多少個鐘來預先煲定,食物,相信除了海鮮外,跟本不可恭唯,丸類同在街市凍肉店買分別不大....3人埋單 $1500 (當中有少許海鮮)...呢個價錢,相信好多火鍋店好吃得多,朋友們都說跟本趕人走似的,不會再光顧.  (最攪笑職員見你地吾夠時間食,建議閣下可以把食物帶走)…Read More