rizuka aoko's Profile

出乎意料既好食皮蛋沙律非常惹味，調味出色，食左即刻想encore。小辣岩岩好。牛湯蘿蔔大大份，煲得好淋。堂食送飲料，每日轉款。飲過咸柑桔檸檬茶同香茅茶，有心機。性價比極高，呢度45蚊食到好滿足。一定有下次。…Read More

是日不必排隊，外賣野菜飯作Lunch。開蓋已經好失望⋯有無十五種野菜就唔知喇。但眼見最多係煎薯仔，翠玉瓜同南瓜片。好多油。另有少少沙律菜。成件事俾我既feel就係煎釀三寶。問題就係點解我要用6x去買一份煎釀三寶？溏心蛋就係加既。但似乎menu上就未寫到係半隻溏心蛋。另外之前有食過佢地既豬軟骨沙律，正正常常，三大件幾抵食。但都唔係好味到要排長龍。…Read More

今日癲左 行左四間舖食左五個包⋯但最重要係全部都好好味！！！呢一區既麵包質素太高喇 食過好難返轉頭見到開飯網都好多負皮⋯同埋我自己大約兩年前第一次幫襯既時候都感覺麻麻。但今日咁岩路過，做緊夜晚折扣就俾多次機會依家麵包種類多左好多⋯我記得之前大多數係麥包 依家多左軟歐 日式麵包等等 同埋夜晚都好多選擇揀左肉桂包，係勁好味呀！！！超軟熟，亦都有煙韌既感覺。肉桂粉滿瀉出黎，同埋唔會甜到漏。香味，質地全部都好平衡。呢個已經係我食過最好食既肉桂麵包⋯呢種幸福感無法形容我估我可以食晒一打⋯麵包好食，佢既原價都幾貴。85折後都叫做勉強接受到。希望長做長有，定價可以更為合理…Read More

好高期待，好大落差提前一個月預約，到店之後有空位都無得坐，等到預約時間先可以入座。其實發覺一半座位都無人。應當都唔係疫情原因。唔知點解要等。其次服務生口齒不清，態度敷衍。開舖一個鐘啫⋯好似未訓醒，完全聽唔清楚佢介紹D咩。鞠躬係180度⋯食物質素都差，wasabi冇味。飯捏得散。刺身雪藏味重，有筋，有腥味。除左差都俾唔到其他評價，簡直慘不忍睹⋯炙燒壽司同茶碗蒸好少少，正常味道。已經係我食過最難食既壽司⋯吉x島既都好食過佢喇！價錢係平，味道實在太差！！！救命，點解有咁多好評？絕無下次…Read More

之前已經想試，今日行東薈城正好飲個下午茶。疫情之下，仍然好高人氣！排隊幾分鐘嘗試之後既體會係甜甜甜甜甜！！！已經甜到我覺得牙痛我估係原汁原味，因為美國飲食一向都較甜。同埋cinimon roll係軟熟而非酥脆。肉桂味都一般⋯完全比甜味蓋過嗜甜者可以嘗試。对我黎讲好痛苦因為完全唔岩口味，個人較鍾意少甜濃味既酥脆玉桂卷。好彩嗌左mini啫。如果要試，可以叫埋Americano中和甜味。…Read More

今次趁一田購物祭買杯黑糖珍珠抹茶。味道非常好👍見到係用明治4.3奶。最欣賞係唔會過甜，茶同奶都混合得好好。雖然響收舖時候去，但侍應都好有禮貌，好俾心機將杯嘢飲整得好靚。同埋都見到唔少人幫襯卷蛋等等。不過，呢杯珍珠奶茶係奶多茶少，雖然係百年茶舖出品，未必飲得出同普通奶茶舖有分別。只有淡淡既抹茶味道。今次以$28購買都算收貨，若是正價38蚊，實在偏貴。…Read More

自從俾左呢度既早餐中評，好耐無幫襯餐廳⋯呢排食左非常多既沙律，附近大型超市既貴價沙律都試左一轉之後，醒起IKEA都有沙律提供～今日晚市都要搭檯，不過買單就唔使排隊。今次嘗試新品：柑橘煙鴨胸沙律。D沙律菜好鮮甜呀！！！絕對係食左咁多次ikea沙律最鮮甜既一次，雖然都係冷藏來貨，不過今次我唔使醬汁都可以直接食晒煙鴨胸都唔錯。呢個沙律只係36蚊⋯去超市買一兜沙律菜都要呢個價啦。好期待出純素沙律呀，唔知會唔會有呢？依家無左最抵既兒童套餐，不過十粒肉丸套餐都keep到水準。值得一提既係甜品，呢排小食站既榴蓮味甜筒質素都幾高。可能已經係最平既榴蓮甜筒，19蚊既新地仲有埋榴蓮果肉下次一定要拎環保餐盒過黎外帶沙律🥰…Read More

話說前日陪同frds去隔離既三明治店先見到呢間新開張既韓餐廳。外帶有九折，免收加一，抵過堂食好多～買返屋企食更安心。其實今日想試既係脊骨土豆湯⋯餐牌價要2xx，午市套餐只需72？？誰知賣晒⋯所以叫左烤牛肉套餐。雖然叫做烤牛肉，但其實係烤牛肉湯鍋，湯汁非常多。拎返屋企仍然非常燙。配料有洋蔥，青蔥，韭菜，胡蘿蔔，粉絲，唔知有無水梨⋯牛肉給的亦慷慨，有五、六大片，唔係碎，係卷埋一齊既大大片呀！牛肉同湯底調味非常夾，係甜鮮味調，特別有韓式湯既感覺總之好味到一向唔鍾意飲湯既我將成大碗湯全部飲晒⋯不過上菜速度又非常之慢，足足等左半個鐘先黎。同埋未提供筷子，唔太方便。下次應當落單先，四周行一行再返黎攞…Read More

話說今日為左食一碗正宗蘭州拉麵，特登從沙田過黎⋯點知居然碰門釘呀！！五點鐘仲未開舖，門上亦無任何吿示，社交平台也無相關訊息。只好去對街食車仔麵，短短十分鐘已經見到多位食客碰門釘⋯唔通收左皮⋯…Read More

行完山頂坐低飲杯茶，嘆個包真係非常舒服😌價錢同x茶差唔多，但地方闊落，遠眺山峰濃霧，心情非常舒暢～飲品方面，仍然keep到水準，霸氣橙子仍然同深圳分店一樣清新，軟歐包種類繁多～要注意是不接受八達通。…Read More

見到諸多好評，餐廳又靚，於是試食lunch⋯點知中伏嗌左杯蜜桃綠茶同慢煮西冷牛扒，一百蚊出頭無加一食個扒餐真係超平。睇落都覺得唔錯喎，真係做到medium，入面仲係粉紅色嘅。點知韌到呢⋯已經係嚼而非咬，用刀都分唔開⋯唔知係咪慢煮嘅原因。但塊西冷扒本身都無咩牛味，又多筋，唔怪之咁平喇⋯最後要靠點汁勉強食晒。反而配菜係有比啲心機。薯蓉食得出係新鮮土豆。焗蕃茄非常juicy，南瓜同甘筍亦唔錯。杯蜜桃綠茶非常好飲。清新，味道唔假，最啱夏日。另外服務態度都好一般。知道無收加一，但對西餐廳嘅要求同茶記都唔會一樣喇⋯全店得我一個客人，服務生都係無聲音無笑容⋯又係無聲式服務⋯戴住口罩都睇得出呢位侍應嘅冷淡⋯係收銀果位女侍應好少少，可以話係正常。…Read More

菠蘿仔食堂⋯ 理應菠蘿包係招牌，點知中伏。正如其他食客所評，係無試過咁難食嘅菠蘿油⋯菠蘿皮唔脆，包唔夠熱，牛油細細塊仲有勁大陣雪藏味，整個包無半點牛油香味。我估最大原因係出自牛油選材，一定係用廉價來貨，令到酥皮都係咁差。收銀姐姐好熱情同客人講笑，我落左單大大聲嗌「淨菠蘿油熱辣辣」。仲講得出口熱辣辣嘅⋯包都攤凍左！都唔明點解仲可以生存到，無論沙田同東涌都係咁多人幫襯。我不如去連鎖麵包舖買個五蚊菠蘿包喇，使咩晒十七蚊？？…Read More

雖然係food court，質素卻遠超普通food court產品，最緊要是cp值太太太太太高！小妹本身係唔太鍾意食燒烤，因搞到成身油味，環境又好嘈⋯但見到呢間舖有出一人前燒烤set，又覺得好俾心機，考慮到獨自用餐嘅朋友⋯於是嗌左雜錦拼盤係好多野食呀⋯有韓式前菜，沙律，生菜盤，米飯，燒肉與爐邊蛋。前菜雖然係普通貨色，但係分開用碟呈上，唔係用醬料盤三樣一set果啲。沙律菜好新鮮呀，脆卜卜米飯亦有灑上芝麻。爐邊蛋有菜脯及原味嘅。燒肉拼盤有雞肉，護心肉，汁燒牛肉，牛小排。除左護心肉都唔錯，護心肉勁硬。亦都有南瓜同秀珍菇，南瓜就麻麻地呢個「一人餐」完全可以兩人食咯⋯我嘅感覺係食緊Buffet每樣菜式都大大碟，連追加嘅柚子冰茶都係大杯呀。想食石頭鍋飯嘅朋友都可以同frd一起嗌呢個餐，事關食完燒肉完全可以自己整一個石頭鍋飯出黎🤣我估我食得仲多過隔離檯嘅男士⋯嘢飲可以唔使嗌，因會太飽…Read More

響Aeon食左飯出黎，八月堂嘅焗爐實在太香了⋯買左本月新品香芋流沙，非常好味！芋頭泥的確係沙沙質地，又好香滑，真材實料。流沙做得更加好，雖然已經凍左，仍然有流心，唔會過甜。牛角包亦唔錯，冇油溢味。但！！俾嘅紙袋太差啦！個紙袋太薄太軟身，令牛角包好難取出，取出時候已經蹭花⋯俾我張紙巾都好過紙袋啦…Read More

星期日早晨十點鐘，試食IKEA早餐～比高包：最期待，勁硬，實心，亦無麥香，牙口唔好者慎買炒蛋： 泥狀，冇咩蛋奶香味，唔講唔知係炒蛋⋯焗豆：唔錯薯餅：正常，略硬火腿：鹹淡適中，唔錯鬆餅：又係勁硬勁實心，冇蛋奶香味，完全唔鬆化⋯牛角包：有驚喜！雖然已經軟塌塌，但牛油香味馥郁，以三蚊價錢講已經係物超所值咖啡/茶： 唔知點解覺得朝早嘅咖啡係好飲過下晝⋯似乎唔使加奶已經有花奶味道，是否心理作用？總體黎講似乎單點較套餐cp值更高⋯29蚊套餐好多單品有伏，單點都不過係3-7蚊。不過同等價格，大學canteen嘅味道係好好多嘅⋯😂…Read More