foodie222's Profile

今晚想食泰國嘢，於是就去咗呢間book mark咗一段時間嘅餐廳。本身見舖頭唔大、驚冇位，但平日7:00去到，餐廳仲有三份二位置。望望餐牌，價錢唔算貴，因為唔係太肚餓，兩個人叫咗一個泰式炒金邊粉（蝦）、泰式炒通菜、燒豬頸肉同一杯凍泰奶。嚟到就發現每樣嘢都幾細碟，除咗嘢飲係正常份量。尤其豬頸肉$88，但細細碟，同出邊比真係好大分別。炒金邊粉有兩隻大蝦算幾好，但我自己覺得太濃味太多醬，所以我食咗少少就冇食。炒通菜好惹味，份量係偏少至正常。Btw啲嘢食一嚟齊，已經覺得唔夠食，於是想叫多個雞飯（因為睇相幾吸引），但店員話賣晒。7pm就賣晒，唔知有幾好食呢？總括而言，味道OK，但性價比唔高，食泰國菜有好多選擇，呢間唔會再去。…Read More

早兩星期平日lunch time同同事慶祝生日，叫咗幾款食物都唔錯，尤其係超juicy嘅烤雞同巴斯克蛋糕👍🏽周末再訪，水準明顯下降，封門柳太生，應該是煮好rest時間不夠；香草烤雞調味太鹹，今次無咗juicy感🥲 飲品方面水平一致，上次試熱hojicha latte，好濃郁，今次試iced chocolate都幾好。比較兩次，周末應該因為太多人，出菜比較趕，環境都比較嘈，無咗平日嘅舒適感，下次都係平日先嚟🥲…Read More

久違的晚市，一早book了和匠的燒肉晚餐。星期六晚人不多，環境安靜，侍應頗親切。兩個人點了一個有雞豬羊肉的拼盤、一份野菜盛合、一份Prime厚切、一份鹽燒烏賊，價錢頗合理，但飯麵略嫌昂貴。值得再去！…Read More

與朋友相約食晚餐，大家都愛日本菜，於是選了尖沙咀德美。兩個女仔胃口不大，只點了4樣食物。枝豆鹹鹹香香，好適合配酒！最驚喜係炸蟹餅，但食兩塊以上會有點膩，建議多人聚餐時分吃會更好。總結來說是不過不失的一餐，同一價位應該會有更好選擇🙈🙈最有保留是店子比較小，基本上每2人的距離非常窄，介意的朋友或者不太適合 ～…Read More

平時好少食high tea，難得朋友相約，就喺網上book咗復活節去食雙人下午茶套餐。一個價錢包4鹹4甜嘅食物，2杯cocktail同2杯餐茶。當中不得不提個scone同panna cotta，scone新鮮熱辣鬆軟，配clotted cream同柚子果醬食，清新又comfort！Panna cotta奶味香濃到不得了，仲可以見到雲呢拿籽，係真材實料 ❤❤❤ Tea set walk in價係$298/2 person，但上網訂有8折優惠（無記錯的話），真係好抵食🤤🤤🤤…Read More

11月21晚同男友第一次食，見到openrice咁多好評以為好正，當晚6點幾到達，我叫咗藥膳湯刀削麵同醉雞，男友叫咗砂鍋雞湯翅刀削麵，然後share食。味道係唔錯，個藥膳湯同雞湯我哋飲咗大半，仲話下次再嚟食，所有餸都食晒。點知當晚12點幾我就開始胃痛同肚痾，男友送我入急症後都開始發病，兩個都係腸胃炎，要吊鹽水、打止痛針。同朋友分享時先發覺原來佢都中過招，又係食呢間之後又痾又嘔，食完無事嘅人真係好犀利！P.S. 睇新聞先發現原來同日有另外4個人同我哋一樣，都係食完呢間餐廳就出現痾嘔症狀大家揀餐廳要小心啲！…Read More

期待了很久的台灣菜餐廳，從「請坐」時期已聽聞過店子大名，今次趁平日放假，跑到大館旁的「吃什麼」，晚上6點直入餐廳 ～由於太想念台灣嘉義的火雞肉飯，而發現全香港好像只有這裡有，就滿懷期待地點了。男朋友參考過其他人的食評，選擇牛肉湯泡飯。上菜後，火雞肉飯外表還可以，但入口就有點失望，不但肉質麻麻，飯的澆汁原來是胡椒味，有別於嘉義一般用的油蔥酥。牛肉湯泡飯夠香夠濃，但有點太油，如果吃泡飯就無可避免會吃到油，吃麵條的話可能會比較好🤔今次來可能選的都不是特別招牌的菜式，例如蛋餅，下次有機會再嘗試別的菜式吧......…Read More

好耐無嚟過旺角，本身想食春水堂，但因為排隊好多人，於是即刻上openrice，轉移陣地嚟到咖啡綠茶，但真係無諗過喺旺角一間樓上cafe食出Muji/家的感覺！我叫咗一個五品料理，好處係好似有好多嘢揀嘅感覺，好滿足。食物味道不過不失，鯖魚幾滑，雞胸沙律清清新新，蛋批最驚喜！味道當然比唔起muji cafe，但價錢平啲又多啲選擇，都不失為一個晚餐好選擇 ～…Read More

自從蕃滿門結業，元朗好耐都無開過專食茄湯嘅餐廳。所以當蕃茄師兄出現，對元朗人嚟講真係一大喜訊！今次同朋友嚟食，叫咗個豚豚圓園番茄濃湯麵，一上枱時畀滿滿嘅豬肉嚇親！老闆果然夠慷慨😋 豬頸肉好爽，豬腩肉好有咬口，唯一美中不足係麵底相比之下遜色，但湯底濃郁又加返分。…Read More

作為城中少有嘅正宗意大利餐廳，Pici嘅分店愈嚟愈多，荔枝角呢間都開咗一段日子。餐廳好闊落，平日嚟食晚餐都唔需要等位，靜靜地，好有氣氛。食物選擇唔算多，手工意粉大約有十款，幾款前菜，兩款甜品。重點當然係用意大利00麵粉整嘅意粉啦！食過幾次唔同款式，其中以貓耳朵粉最吸引我，個樣夠cute，口感又煙煙韌韌 ～另外叫咗個cold cut拼盤，無影到相，但份量都幾多，for 3個人食都無問題！…Read More

同事一直嚷著要吃酸菜魚，之前終於一起去吃了 ～ 反正比較餐牌，午市比晚市抵食好多。也順便去試試水準。相比散叫魚，其實套餐更便宜，個人喜歡配白飯多於米粉，也推介加配寬粉，煙煙韌韌好味道。湯底方面，叫了bb辣，我覺得剛好，朋友就覺得不夠濃味，還跟侍應要了花椒油和酸菜再加😂另外再點了紅糖糍粑，有一點點硬，不過已經很久沒吃過糍粑，勉強還合格吧！…Read More

之前同朋友搵下午茶好地方，最後搵到呢度！所有嘢食都係大件夾抵食，我叫咗豬扒薯蓉，豬扒鬆化又嫩滑，仲有三大塊，同朋友share食都食唔晒！朋友叫咗熱狗薯條，同樣大份，兩個都食到好滿足:）值得支持！…Read More

由以前做freelancer到依家都好鍾意嘅一間寧靜Cafe ～ 日式木質裝修，食物都係高質出品，靜靜地可以坐足一日！嚟過兩次，第一次試照燒雞三文治，第二次試明太子意粉沙律，兩樣都好好味。唯一可惜係嚟親都係假日，所以enjoy唔到平日嘅set meal優惠價錢 > < …Read More

平時好少嚟長沙灣，但今次咁啱嚟探朋友，朋友就帶咗我嚟呢間餐廳，話平時幾乎日日都食。佢係食素嘅，難得搵到間對素食友善嘅餐廳，咁當然要支持下啦！朋友叫咗雜菌意粉，我就試咗泰式豬頸肉沙律。 睇落份量唔係好大，但都好飽肚。咖啡都算高質，覺得可以再encore :)…Read More

以前一聽講食素，都會好驚係食啲口感勁假嘅豆類製品，但嚟到呢間餐廳，就顛覆晒對食素嘅不良印象啦！已經嚟食第三次，今次試嘅係素肉餅飯，從容器到味道都似到十足。但好傷心嘅係疫情期間暫停供應自助配料吧，平時可隨意任添心水配菜、湯水同糖水架！希望遲啲嚟嘅時候會有返啦！…Read More