mandyng19892004's Profile

今晚專登試咗呢間人氣日本料理店，點咗壽司定食套餐，內容幾豐富。主角壽司質素確實有驚喜——三文魚腩油脂甘香，赤貝爽脆鮮甜，醋飯溫度同酸度都平衡得幾好，飯粒握得實而不硬，可見師傅手勢唔錯。定食跟配嘅牛肉烏冬亦係亮點：湯底清甜唔膩，烏冬滑溜，肥牛份量足料，浸住湯食好暖胃。特別追加嘅半打生蠔更加係高質！蠔身飽滿，入口creamy，帶淡淡海水味，完全無腥氣，配上酸汁啱啱好，食完仲想encore。不過價錢確實進取，人均消費接近$230，雖然食得飽，但性價比未必人人接受。服務方面略為失望，雖然店員有禮貌，但晚市未滿座，人手明顯唔夠，舉手成日都要等好耐先有人理，趕住食嘅話可能會冇耐性。整體而言：食物質素對得住價錢，但服務同節奏可以再調整。如果係追求食材質素、唔介意貴少少，呢間值得一試；但若果預算有限，就可能要等特別日子先嚟奢侈一下了。今晚到訪日本料理店，壽司定食配牛肉烏冬，追加半生蠔非常鮮甜爽滑，令人驚喜！壽司質素高，魚生新鮮、醋飯平衡，整體味道出色。惟價錢偏貴，未必人人接受得到，但份量足夠食得飽。員工服務態度一般，舉幾次手都無人理，有待改善。如果價錢調整返多少，會更加理想。…Read More

今日上左大元邨美食平台揾早餐食，於是就試下呢間餐廳嘅早餐好唔好食。 職員叫我地坐張剛有客人離座嘅座位，但上一位客人食完嘅碗碟未有職員執走，隨即有位職員過嚟執枱，但我眼見佢係徒手攞住上位客人用過嘅紙巾去扔，全程執枱都係用手，無戴仼何手套🧤，而且清潔張枱亦無用仼何清潔用品之類，用一條不停重用無洗嘅毛巾抹枱，再用番對手攞餐具俾我地，疫情下我覺得個人衛生就一般般，睇下大家接受能力有幾高。 講番食物方面，我叫我左茄蓉湯腸螺絲粉，但嚟到我唔覺得係茄蓉，而係蕃茄粒湯，湯底亦無嘜味道。 不過最驚喜係有兩條腸仔，而且唔係難食嘅腸，似係好好味廚師腸。 牛角包🥐鬆軟，而白汁蛋沙律🥗都好味，不過份量就少左D 。…Read More

今次嚟到大澳就試吓新野，途經呢間餐廳見到有蝦糕炒飯於是就入去試一試。估唔到個蝦糕炒飯非常足料有叉燒蝦仁蛋花🍤等等嘅材料，而且米飯乾身唔會好濕，食落口仲有一浸蝦醬嘅味道，非常有驚喜😋😋值後一試…Read More

今日同老公二人即興到長洲行下，由於二人限聚令生效所以趁夜晚六點前就要開始食晚餐。結果我哋路經呢間海鮮店於是行入去試試。 $248有三個餸，另外送一碟油菜，粟米魚肚羹，白飯就需要另外加錢叫。於是我哋就叫咗三樣餸，第一樣係水煮牛肉，但係水煮牛肉需要另外加錢$20，入面有薯粉芽菜，而牛肉嘅份量都唔少，不過牛肉就應該冇醃過，所以就淡而無味，但整體來講都唔算難食，若果唔食得辣嘅人就唔好嗌呢碟餸，因為真係好辣。 第二樣餸我哋叫咗椒鹽九肚魚，個粉漿炸得好好食😋，呢碟餸值得一讚，而且份量都唔少，若果嚟呢度食呢一碟餸一定要嗌。 第三樣餸我哋叫咗避風塘炒蟹，賣相一般，份量都好少，而且幾種唔同嘅蟹炒埋一碟，有啲蟹入面係冇乜肉，仲衰過街市買嘅三點蟹，所以我見冇肉食食咗兩啖都冇再食，全部得返啲蟹殼喺度，呢碟餸完全係負分。 另外會送一碟油菜同埋粟米羹，兩樣嘢嘅份量正常，粟米羹明顯落咗好多味精，如果淡返些少就會好啲。由於二人限聚令所以每一枱只可以二人坐位，我見到比較肥嘅職員阿姐經常除低口罩同人講嘢，衛生上有點欠奉，有時都好擔心阿姐會除低口罩走過來。 整體而言我覺得質素一般，若果有得選擇可以試埋其他附近幾檔嘅海鮮餐廳。 :)…Read More

遊了西貢一圈無意中揾到小店，雖然西貢有好多Coffee shop都提供全日早餐，但大多數都充滿濃厚的政治色彩，唯獨呢一間能夠令人心寧得到安靜嘅地方，能夠好好地品嘗美食。由於店舖位置隱蔽，沒太多人流，能安靜地休憩一下，小店地方不算大，外面仲有一個Bar 枱可以供享受陽光嘅食客係陽光底下品嘗咖啡，職員亦都好Nice，鍾情全日早餐嘅我對於呢份早餐給予好評，不好太甜嘅我點了Mocha 咖啡，岀乎意料完全唔覺得好甜，甜度適中。 …Read More

夜晚9點幾收工想靜靜地揾個地方食日本餐即時就諗起呢到由於得我一個人就叫左個壽司🍣B 餐一共有八件壽司店員好細心問我需唔需要加$18轉為定食定食包含一碗有蜆肉豆腐海帶嘅麵豉湯另外有一個小食螺肉，份量都幾多以及包一份沙律，加$18有多三樣嘢都唔錯壽司🍣每款都好新鮮尤其係吞拿魚壽司完全無筋$9x 就有魚子壽司，吞拿魚壽司呢個價算抵食好過外面大公司成日要排隊，無甘平之餘唔好食呢間小店若果住附近仲可以叫外賣完全適合夏天唔想岀街嘅人…Read More

今日外賣左碗大嘅菜乾豬骨粥，叫佢俾多骨，最後只係俾左一舊細細嘅豬骨，我覺得味道偏咸，但入面好足料，多菜乾多花生。 另外叫左碟鮮蝦腸外賣，腸粉好好食，皮薄多蝦非常足料。 我都認為大埔係得呢間腸粉最好食，值得一試。…Read More