fokfelicity's Profile

今次揀左中間價位既Set C，有黑毛和牛加各款精選海鮮豚牛雞。係比較平但又有和牛食既餐，平日晚市可以任食100分鐘。一開始會先上一次性既黑毛和牛+澳洲M9薄炙，和牛油花好靚，入口即溶。另外海鮮類既蝦肉厚實大隻，青口新鮮。而前菜、小食同埋飯麵類選擇都幾多。之後可以繼續任食4款特選牛，有牛肋肉、牛里脊肉、薄炙里脊肉、同埋牛肉角切一口牛。其中我最鐘意薄炙里脊肉，調味適中，快燒10幾秒就可以。其他款式既牛入面我最推介兩色蔥花牛舌，非常入味。餐廳職員見我雞手鴨腳主動過嚟幫手燒左一轉，仲好快換埋個網同搽左D油脂令佢冇咁易痴底，細心度滿分。場內自助區仲有多款飲品 (當日有3款特色茶)、湯、飯、沙律同埋甜品添！整體嚟講食物質素高，上菜快，服務用心，可以一試。…Read More

今日難得早收工，終於可以試下朋友推介左好耐的牛品。今日一試，性價比的確好高。去到的第一感覺係鋪頭好新淨乾淨，坐位都幾充裕鬆動。由於第一次幫襯，所以先試一試中間價位的牛御品餐。叫左鴛鴦湯底，養生湯入面有支支人蔘，非常足料入味。主打的M9和牛油花好靚、入口即溶，忍唔住encore左三轉。其他肉類質素都唔錯，以醉雞印象最深刻，因為好嫩滑夠味。最鐘意佢有啲台灣特色菜式例如甜不辣同水蓮菜。另外，餐廳仲有自助區，有唔少丸類同菜款可以揀。 啱啱一嚟到肚餓，自助區都有幾款熟食可以即刻拎嚟食。呢個價錢，仲要包埋飲品任飲、雪糕甜品任食，食物質素又高，性價比一流。下次應該會再嚟試埋貴啲嘅牛殿品餐，一試佢嘅A4和牛。…Read More

見到鳥山名餐牌既食物好多款式就走左入去試試。店內環境寬敞，當時冇人排隊，我們2人獲安排一張4人枱，店員體貼有禮，用餐舒適。職員推介我地試下時令食物，所以叫左金目鯛壽司、秋刀魚壽司同埋宮崎和牛壽司。當中金目鯛壽司色澤鮮艷、油脂豐富、入口鮮美，果然係時令食材。而宮崎和牛壽司既和牛非常厚身，一啖食晒最滿足。藍鰭吞拿魚刺食壽司定食好令人期待，因為唔係度度都有供應藍鰭吞拿魚。而且可以用優惠價加購幾款cocktail，算係抵食。每塊吞拿魚都嫩滑甘香，尤其係刺身，做到入口即融。定食仲包埋牛肉烏冬，暖一暖胃再繼續食。最後再叫左牛油果軟殼蟹反卷同埋馬糞海膽手卷。上菜時軟殼蟹溫熱而外層牛油果尚涼，溫度控制有心思，令到卷物層次豐富。海膽手卷用料充足，食到最後都仲有海膽，又冇任何腥味，值得一試。…Read More

記得幾年前在泰國食過Nara Thai Cuisie 一試難望，所以一直都想來Lady Nara這個姊妹品牌來重拾一下回憶。臨近中秋假期前決定和朋友來試試。一入餐廳就覺得環境乾淨企理，還有幾個打卡位給食客拍照留念。食物方面，泰式生蝦新鮮，配上醬汁十分開胃。炸蝦餅炸得外脆內裏蝦滑爽口彈牙，是小食的不二之選。大蝦柚子沙律都是我另一泰菜最愛, 柚子再配上甜甜的炸椰絲十分解膩。 主菜方面，當然不可不叫咖哩。這個咖哩炸軟殼蟹配上了印度薄餅是個人喜愛的食法。這個黃咖喱惹味而不太辣，配上酥脆的薄餅，味道十分配合。Lady Nara 果然沒令我失望，水準比得上到泰國本店的水平，應該很快就會再來試試其他菜式。…Read More

店舖環境寬敞舒適，裝修時尚，無論係情侶約會定一家大細嚟都好適合。前菜揀左美極鴨舌同陳醋雲耳，非常開胃。見附近食客都叫乳鴿就知係招牌菜，肉質鮮嫩多汁，用餐廳貼心準備既手套成隻食就最過癮。肉骨茶用茶壺上，特別得嚟又有保溫效果，開蓋一睇好足料呀！店員上火雲叉燒時特別講聲先點火，果然好知道打卡人士既心意，媽媽即刻拎手機影低留念。田園盤栽造型獨特精緻，每款咬開都有驚喜。小菜叫左鐵板聖子，大大隻，簡單用鹽煮已經帶出到食物鮮味。另外再叫左油渣椰苗，椰苗外國好常見，但香港唔係度度有得食，算係試下新野。農仔荷葉飯係今日VIP，飯粒乾身得嚟索晒荷葉香味，而且好多蝦同肉，食到好飽都忍唔住要清晒佢。最後上埋甜品，貓山王榴槤整得好靚，椰香拉絲就脆卜卜。餐廳既店員親切，上菜非常快手，今餐非常滿意！…Read More

與家人朋友一行6人於一月中晚上到Le Café進食自助晚餐後，其中有進食生蠔及刺身的5人，相繼出現嘔吐、發冷、腹瀉及腸胃不適等病徵，其中有人需求診打針止嘔。我直至10天後方完全康復。我與家人及朋友分開4處居住，只有當晚一餐共同進食，發病時間亦相若。但店舖只回覆指沒有收到其他當晚的食客有同樣問題，他們的食物亦有定期化驗，回覆令人非常不滿及憤怒。期望Le Café以後小心注意食物衛生，保障食客安全。熟食味道正常，生蝦有腥味。整體食物款式不多。請愛惜生命，慎選餐廳！…Read More

一行四人到太古城中心的glasshouse晚飯。weekend晚上六時半客人不算太多，到達後立即被安排入座。店內燈光昏暗，頗有情調。而且座位舒適，碗碟精美，給人良好的第一印象。點了4款食品，包括：BBQ duck pizza, lobster baguette, spicy pork meat with woba及korean steak sandwitch。BBQ duck pizza底薄，不會過份飽肚，中西fusion頗有新意。兩款包類水準正常。而最後加點的spicy pork meat with woba雖然惹味，但較為辣，生菜份量不足，可作改善。…Read More

於8時到達四季良晨，門外有十數人排隊，可幸的是等待時間不長。入座後，職員送上餐牌，食客需要到門口收銀處下單。職員安排我們與其他食客搭枱前先詢問意願，後來更主動安排轉至2人座位，非常貼心。飲品於10分鐘內送上，鐵觀音珍珠鮮奶茶的珍珠軟硬程度適中，半甜味道剛好，鐵觀音茶底比普通珍珠奶茶清新。由於茶包置於飲品中，後來即使開始溶冰，茶味仍能保持。食品方面，地獄三盛牛肉麵(可選小辣)有三款配料，以炆牛腩最為出色，淋而不散。鹽酥雞排滷肉飯是一整份餐點，包括了湯、菜及主食。雞排醃製及油炸時間合適，經油炸後仍保持多汁，而炸粉之薄及脆亦屬難得。因懷念台灣掃街之樂，特意再點了台式烤香腸、椒鹽花枝丸及桂花雞翼。其中花枝丸大大粒，花枝味道突出。而桂花雞翼仍新奇之作，甚具特色。餐廳環境清新寫意，我尤其喜愛那幅真書牆，打卡一流!…Read More

預早在網上訂了座位，午市最後訂座時間為13:30。選了$650+10%的套餐，店員會細心地詢問食物喜好。入座後很快便會送上熱茶及沙律前菜，沙律淋上了日式芝麻醬，味道濃郁，豆腐細滑。數款刺身均非常新鮮，師傅會做出兩款口味並建議進食的先後次序。12件壽司中，銀雪魚壽司最令人驚艷，稍稍經過火灸的銀雪魚發出油香，加上一點蛋黃醬，入口即融的感覺令人回味。而帶子壽司肉厚肥美、魷魚配海膽口感特別、拖羅細滑綿軟，款款出眾。接著到手卷系列，最印象深刻的是京蔥吞拿魚，每口均嘗到飯及吞拿魚；而以紫菜包裹海膽亦為新鮮海膽加分。因師傅會直接將食物送到手中，便放棄拍照，立即細味了。最後是有海鮮裙邊的面鼓湯及濃味抺茶雪糕。原來以為會不夠飽，怎料分量剛好，感覺滿足。整體來說，餐廳服務細心體貼，師傅專注又專業，店舖環境寧靜有格調，用餐非常愉快。…Read More

尋遍大街小巷終於搵到一間有賣叉燒瀨粉既店舖，估唔到最後都係要入番連鎖餐廳。假日既大家樂好多人，但排隊落訂流程順暢。燒味區人較少，師傅願意提供薑蓉同熱水，非常周到。店內空間頗大，容易找到座位。叉燒非常大碟足料、醬汁味道適中，與淡味的湯底配合。瀨粉仍保有彈性，不會太林。整份叉燒瀨粉份量剛好，作午餐或下午茶亦適合。…Read More

每次多人聚會都必定會選擇飲茶，美孚的鳳城皇宴位於小型商場中，容易訂位。我們點了多款點心及小食，其中最令人印象深刻的包括鳳城炒飯、金磚豆腐粒及蜜汁雞翼。鳳城炒飯用料充足，飯粒粒分明又有獲氣；豆腐粒炸粉做得非常薄，配上特製醬汁酸甜開胃；最後必推蜜汁雞翼，雞肉肥美多汁，甜到入心，不枉需要等待。另外一張點餐紙可選三/四/五連環，可選多款熱門小食及飯麵，是抵食及便捷之選。總的來說，食物質素不錯，價錢相宜，服務亦可，適合一班人前來試試。…Read More

位於太古城站出口附近的京林屋裝修清雅，感覺上是與三五知己安靜品茶的好地方。與家人於晚餐時段光顧，發現六人坐位頗為不舒適，椅背與桌子距離太遠，梳化椅墊亦非常薄。點了京式鰻魚飯，鰻魚足料但帶有腥味。鯖魚定食份量較少，魚肉調味過鹹。抺茶蕎麥面淡而無味，食用後感覺空虛。整體而言主食質素麻麻，服務正常，價錢較高。…Read More

常到美孚但一直都未嚟過喱間受到不少人讚賞的上海面。今日終於的起心肝去試。晏晝1點鐘去到，已有4人喺前面等緊。等左約10分鐘就入到，算快。店內環境幾實好細好迫，坐得幾唔舒服，有人喺側邊行過一定要避。2個人共叫左一個嫩雞煨面，一個大排面同一個雞絲粉皮。嫩雞煨面：湯底有濃濃奶味，非常特別，雞肉及菜份量甚多，而且雞肉嫩滑，沒有令人失望。大排面：湯底比較起來算是普通，但炸豬扒粉夠薄、能吃到肉的原味，肉質鮮美，不會過乾，值得推薦。雞絲粉皮：水水的、粉皮未煮林，不值一提。…Read More

唐包點以蒸包點起家，發展速度如此快，全賴能穩定地提供高品質的包點，價錢亦非常合理($15/3個)。平日早餐會點菜肉包及香菇雞肉包，貪其有菜有肉，非常飽足可口。它的香滑奶茶份量雖少，但口感順滑，茶味香濃，值得一試。晚飯時段提供的蒸飯亦是其得意之作，大部分蒸飯只售$20。這次試了魚香茄子飯($29)，份量適中，茄子夠林，醬汁頗為惹味多肉。另外加了$4.5的紙包飲品。順帶一提，此分店的職員非常友善有禮。…Read More

開了不夠半年的榮忠燒味及茶餐廳非常受歡迎，基本上甚麼時段顧客人數也不少，晚上亦頗多人光顧燒味部。我們中午約12時到達，點了一份茶餐，因不進食雞蛋，店員很貼心地安排將茶餐的雙蛋換成火腿，火腿是較高級的肉質，口感豐富。叉燒意粉味道清淡，能突出叉燒的惹味。另一人點了招牌菜少爺炒蛋叉燒飯，蛋夠嫩滑，與叉燒味道亦非常相襯。整體而言，服務質素高，店舖氣氛和諧，食物亦不俗，值得再試。…Read More