arwinkaty's Profile

以前好鐘意呢間米線，一個人都會黎食，今日難得入到屯門心思思就想再食，但係味道已不似預期🥺🥺🥺是日點餐：兩餸小鍋米線（走酸菜韮菜，肉碎少少辣）豬軟骨+魚腐以前湯底清甜，今次湯底好咸，咸到忍唔住叫侍應加湯或者加熱水都得。豬軟骨半硬半軟，但有細骨碎要吐，比較少遇到。魚腐就偏似魚彈片口感。兩餸少鍋米線（走酸菜，肉碎少少辣）豬頸肉+雞翼同行者評價：湯底咸，雞翼味更咸，叫肉碎少少辣到無辣味，豬頸肉一般，豬軟骨硬，米線淋。鋪內環境 夜晚8點幾由於今次味道有偏差變得好咸，下次經過都未必會想再試了😢 …Read More

元朗愈開愈多新餐廳，而且好多間都係被推介色香味俱全！ 今次呢間都係ig搵元朗美食出鏡率高嘅一間，係朗屏橋底，搭西鐵或者輕鐵行陣都去到～星期六晏晝3:30左右都接近8-9成滿座，餐廳L字型，坐位比較貼近，出入同其他食客或侍應都要讓一讓步。入座落單都幾快上菜，大概5-10分鐘上齊👍🏻今次叫左 木玥鹽酥雞飯（$62）轉安格斯滷肉飯（+$10）， 紅燒牛肉麵（$68）， 週末假日另收加一服務費。鹽酥雞有台灣味道，酥脆大舊有驚喜，有個醬可以點下，但原味已經好好食！ 白飯轉左安格斯滷肉飯，食落又唔覺特別出眾，始終第一次探訪餐廳，見個名改得咁高級就試下，食完覺得下次轉唔轉真係隨個人喜好，想食滷肉飯嘅就轉啦！ 紅燒牛肉麵都正常大碗，牛肉都幾厚大片，但味道都係正常發揮，無特別驚喜🤣整體來講想食台灣野，如果又唔洗排隊嘅，我都會再食呢間，要排隊嘅排一次試左就夠啦🤣…Read More

嘉寶漢堡出名好食係真嘅，食左2次我都認同🤣今次用foodpanda 落單外賣自取8折，但明明pandapro話係75折，唔知果0.5折去左邊🤯揀飲擇食嘅我食米線要走酸走辣，食漢堡都要走番茄走沙律醬，每次遇到呢啲情況就好怕落錯單走唔曬，或者睇漏左要我格硬食就真係好痛苦😢用app落單有得直接揀走咩，白紙黑字，對我黎講係安心啲嘅🤣🤣🤣今次揀左烤菇芝士牛堡，走茄走蛋黃醬走嘉寶醬，加配蕃薯條，飲熱柚子蜜。漢堡包軟熟，烤菇大大隻，配埋芝士牛肉真係好濃味好好食，食完已經好飽！蕃薯條厚身大大條，甜甜地又脆脆地，如果可以同朋友share薯條分黎食就最開心！熱柚子蜜就正常發揮～食完真係好飽，又覺得晚飯都可以晏啲食或者輕食啦🤣…Read More

今次食午餐，唔洗等位，叫左泰式無骨豬手飯（$68），加$8配龍眼冰（小冰）。環境：懷舊泰國風，有啲泰國車牌，汽水箱睇下，啲泰文都幾得意，有泰國大排檔嘅感覺，輕輕鬆鬆。食物上菜速度：適中，平日午餐半席滿座唔算忙，落單快手，執枱快手泰式無骨豬手飯（$68）：肉量多，淋度適中，大份飽肚，有配菜加熟蛋，豐富，特別鍾意肉汁撈飯食！龍眼冰：好多龍眼粒，甜甜地，大大杯食極都仲有，有泰式地道風遮仔做裝飾幾得意，岩曬影相！跟餐加8蚊配都幾抵～…Read More

叫左幾次外賣，今次本身想叫6個餸，但揀揀下發現8個先夠🤣聽落8餸米線好誇張，但其實每樣份量小小，大雜燴豐富得黎女仔都可以自己食曬一碗！ 今次外賣送遞，免運費+正價75折， 令本身70幾蚊嘅麵埋單50幾蚊～介紹今次嘅麵：8餸冒菜（肥牛，鴨胸，牛筋，墨丸，魚腐，風琴豆腐串，蓮藕片，魚皮餃）+米線+滋補菌湯底+分湯蓮藕片爽正，有4大片；魚腐一粒但大大粒淋身好食，滋補菌湯濃又有啲咸，食完麵會想再飲飛幾啖湯🤣肥牛就有小小油膩感😛8餸麵真係好豐富，食完滿足又飽肚！ 開心！ 食完飽左成個晏晝，覺得晚飯都可以skip或者輕食算😛…Read More

中大Med can做埋4月就結業了，繼NA Can紅豆冰芝士火腿卷後，又一中大名物要消失了😢 2點零去到仲有雙餸飯食，見網上話有$30 ‘是旦飯’ ，當然要一試！ 是旦飯緣於兩餸飯，學生揀唔到咩餸，就話是旦，由職員揀比佢，就變成大雜燴。同埋聽聞手寫餐牌好難睇，午飯時間又多人排隊，趕急之下又揀唔切，又變成是旦了🤣Med can除左2餸飯出面，更多為人知係檸檬批！檸檬批我比較鍾意食玻璃屋的，比較似蛋糕creamy啲，但玻璃屋已經轉左幾手，一早無啦左。 而Med can檸檬批就比較似雪葩冰雪感重，又係另一個口味。問職員仲有無檸檬批？佢話無啦。再問賣曬？佢話無人手整😫😫😫有啲野今日食唔到，可能就真係無下次架啦😣😣😣中大某啲餐廳確實係不斷轉手，但無諗過一啲開得耐啲餐廳都會陸續離開，會唔會好快又有下一間呢😔老字號嘅餐廳是回憶呀！ 不捨不捨還須捨😞同場加映蘭苑五層西多，但願美好之物能長存！…Read More

中大必食之一蘭苑西多！ 第一次見有五層高嘅西多，係好heavy架啦，但咁新奇有趣又打卡一流，試一試to do list又可以剔一個✅蘭苑個位係有啲難搵嘅，當遊下山玩下水，轉幾個彎就緣份到了就會遇到！疫情下平日無咩學生遊客，輕鬆有室內位，不過下午茶時間室內位都8成滿座，可見蘭苑嘅魅力！ 而呢8成人入面有大人有學生，過半數都有叫呢個久仰大名嘅五層西多加雪糕！ 我地都係慕名而來，當然叫埋一份 超級五層厚西多加雪糕球（$37+10），再點多份日式吉列魚柳配薯條（$36），西多黎講係比平時廿幾三十蚊貴，但佢有5層喎double 份量！🤣 而30幾蚊嘅炸魚薯條真係學生餐廳先有🤣🤣🤣超級五層厚西多加雪糕球 （$37+10）雪糕好飲一朶花咁幾cute cute ，真係可以一層層數，神奇係切開唔會散開！每層都有花生醬，真係好邪惡呀！由於多牛油,cream加融雪糕，食落係比較淋身嘅，絕對建議share食！ 但隔離枱兩個男學生一人食到一個，勁！😂😂😂日式吉列魚柳配薯條 （$36）走左沙律醬，原來都係有另一個醬😛薯條香口幾岩我食，沙津就唔好咁高期望，最有趣係吉列魚柳識企！十個趣😂😂😂食完又可以落末圓湖散下步，平日真係好！…Read More

朋友話粉嶺開左間新餐廳幾簡約清新，2點半左右見有位就入去試下。坐梳發舒服又有公仔挨下攬下，加分！水同醬料有自助區自己拎～睇完餐牌出去落單比錢，就可以返埋位傾下計等野食到😆叫左慢煮雞胸沙律配芝麻醬（$59），炸魚薯條（$69），卡邦尼意粉（下午茶$49），跟餐免費配加錢叫左咖啡朱古力。食物以大份抵食為深刻，幾街坊親民🤣沙律有3個汁揀，揀左芝麻醬，食落大份又蛋醬，清新之選，share食最開心！炸魚薯條好大份，配有沙律烤多士，69蚊真係好抵食😂 魚肉厚身，但又未去到超香脆，不過不失🤔薯仔就香口啲🤣多士反而有驚喜，錦上添花！卡邦尼下午茶大份平又抵食，飽肚之選！榛子朱古力 少冰如果唔洗排隊係幾休閑推介嘅，坐下傾計好舒服！但要排隊就建議都揀平日唔洗排再黎食啦😂…Read More

有次探朋友入粉嶺行路經過見到白雪雪一座建築物已經想黎試，無諗過一排就見到要結業嘅消息，美好的東西又要消逝了😫事前要Whatsapp 預訂！事前要Whatsapp 預訂！事前要Whatsapp 預訂！ 很重要所以講3次。月頭就同朋友約左，當日再望真啲社交平台post先發現話要book同埋2:30-3:30休館，🤯唯有改去第二間餐廳食lunch同即刻試Whatsapp 預約，超超超幸運先有位可以一試！ 🥳🥳🥳主餐牌就係枱紙，另有一份信封文件袋嘅餐牌，真係幾搞笑😂紙質嘛，用得耐係有歷史痕跡嘅…不過就唔記得影相哈哈入正題，叫左一個伯爵茶卷蛋（$42），野莓花茶（$48），蛋糕set （$98），計加一埋單$207。伯爵茶卷蛋超邪惡淋滿朱古力，伯爵咪濃又多cream! Cake set係法式紅莓蛋糕+法式檸檬蛋糕+意大利軟芝士+脆米片。其實係見到隔離枱見到plating 幾靚就跟住叫，影相好靚！🤣 檸檬味清新，蛋糕唔厚實heavy，同朋友share食最岩！加左蜜糖甜甜地真係畫龍點睛，尤其蜜糖點脆米片好食！野莓花茶無影到相，另配有幾粒士多啤梨同藍莓，飲落有玫瑰味，可以添熱水，真係‘添飲’🤣場內仲有啲公仔精品擺賣，好似一個小攤檔咁，都可以望下幾有趣！ 同場加映日落照🥰食完我地行返出粉嶺火車站，搭的士（～$70）入馬草壟睇日落，超方便的！…Read More

疫期好轉，星期日嘅長洲又變返人山人海，小食店或餐廳嘅人龍比疫情前長、連平時唔洗排嘅大魚蛋都出現長龍🐉，令我大感驚訝！ 食要排，搭船走都要排！ 夜晚7點嘅船預早15分鐘去等都要排隊排到康蘭餅店，真係今都暈🤣🤣🤣 不過可以週末到離島行下食下湊下熱鬧，係開心嘅！ 😎陳通記出名食沙嗲牛肉米通，今次大概3:30pm到，米通無曬，改試公仔麵，再叫左咸牛肉蛋治、花生醬西多。落左單後幾分鐘就上咸牛肉多治同公仔麵。蛋治可撚烘底，蛋香肉軟，一啖接一啖，轉眼就食曬😋 沙嗲牛肉公仔麵都幾大碗，麵量多，亦如其他人分享湯底唔辣，有足料粒粒花生碎，引唔住邊食邊飲湯底🤣牛肉口感同味道都一般，有啲軟，有啲又硬軔，果然被湯底搶去風頭，下次會想改試沙嗲肥牛😗差唔多食到尾先上西多，時間又岩岩好。西多今次揀左花生醬味，面層淋上大量糖漿加煉奶，內裡又餡料足，十分邪惡！ 怕甜或太淋身嘅記得叫小糖漿😛就食物而言，陳通記值得一試，甚至下次平日嘅會再翻試🤣試下叫沙嗲肥牛米通！😙但就攞位而言，過程甚至進食時就相當尷尬！ 現場設先mark先等攞位制，即係自己見邊張枱空就坐，無就揀張枱企係旁邊等。等枱時有種催人快啲食完快啲讓枱嘅不禮貌感，亦站著如嘍囉；食時人地亦在旁等著，令我不好意思慢食，邊食邊感慚愧😛不過大家都係咁經歷，第一次黎真係頭暈又尷尬，但相信食多幾次就可以練厚個臉皮！ 🤣🤣🤣附上餐牌參考～…Read More

天一小鍋米線係我天水圍推介嘅米線鋪首選，有中學時係元朗食嘅味道！ 3月月中同尾各食左一次，疫情下午餐堂食少左人，外賣隊就長🤣一向走酸辣嘅我月中為左食肉碎就試左小辣，原來都有酸味配菜，果然唔岩我口味😛 所以今次都係叫返清湯，走酸走辣，甜甜地嘅湯底先岩我食☺️是次點餐：自選米線$40配3餸《蒜香雞扒、魚腐+$5、鴨胸+$5》，埋單共$50蒜香雞扒外脆內軟有咬口；魚腐2塊，軟身甜甜的；鴨胸驚喜地有5塊，算係量多，味濃偏軟身。三款餸都好食，但食到最尾都幾飽，平時叫2餸都夠食🤣見到同場有幾枱客都叫南乳雞件，望落香脆可口，相信都係出名之選。可惜唔食南乳嘅我就無緣試食啦🤣附上月中食自選米線配2餸小辣嘅圖😁餐牌：…Read More

朋友早幾日食過好食後，知我鐘意食梳乎厘即刻推介，於是星期六特登出黎朝聖！晏晝五點幾唔洗排隊，攞左飛等幾分鐘就入得，但入面已經八成滿座。:)現場環境光猛，坐位寬鬆，氣氛都幾寫意。餐牌封面就係主打嘅梳乎厘，有唔同口味任君選擇，今次就揀左Banoffee Creme Brulee Pancake，（$98）配料有香蕉，拖肥醬，雲尼拿吉士醬，脆焦糖。 落左單好快大概5分鐘就上餐，梳乎厘企身，半空氣感，士多啤梨微酸，脆焦糖燒得幾香硬，口感唔錯！不過用碗上菜就幾搞笑，入坐時見到其他枱面都有大碗，仲以為係叫左正餐，望真啲原來多數都係梳乎厘哈哈。同時點左Maple Bacon Cheese Burger, （$92）配料有安格斯牛肉，楓糖漿煙肉，芝士，千島醬，蕃茄片，生菜。朋友特別欣賞麵包香口，用心之作，另外煙肉配楓糖醬都特別香甜，女仔應該會好鐘意！個人鐘意個burger 多過pancake , 可能始終心水空氣感高啲鬆軟啲嘅疏乎厘，鐘意果種入口即溶嘅口感🤣或者要原味先做到！另外店員都有禮物，又見佢地執枱有噴消毒，特別加讚！餐牌仲有英式早餐、意粉主食同小食等等，選擇都多。仲有飲品餐牌。同時鋪面右邊有外賣專櫃，行街想過下口癮食薯條都得！…Read More

夜晚經過，見到門口牌寫9pm後壽司、手卷、卷物及無酒精飲品半價，加埋有加油話句，就諗住支持試下。坐低店員比張舊單紙，由食客係背面自己手寫食物編號落單。由於未食過呢間，坐低search 下open rice，發現上一篇有寫店員態度差、份量細、食物內冰冷，估唔到今次都中曬🤯🥶今次叫左炸蟹卷、壽司、雞串同日式炒烏冬。最先黎嘅係烏冬，竟然烏冬快過壽司上😧......店員有主動拎兩個碗比我地，加返分。烏冬偏淋身，油油地；有落蕃茄炒呢點同其他食開嘅唔同。跟住壽司一次過成碟上，黑松露帆立貝壽司漏落黑松露，同店員講，店員話「我地師傅係有時會唔記得落黑松露，幫你加返」。店員拎起盆壽司加返黑松露，放返落枱時撞到豉油碟倒瀉左豉油，講左句唔好意思就走左。以為佢去拎紙巾黎，原來係真係走左，要我地自己拎紙巾抹......😤食火灸左口魚背，明明樣係有火灸紋，但一食都係凍左，仲要入面係冰凍嘅未解曬凍咁硬嘅......極失望🤢🤮三文魚腩就正常，有油脂，算大塊，比預期好。😯鰻魚壽司意料外地幾大塊，幾好食👍🏻講返舊黑松露帆立貝，帆立貝比平時食係偏凍嘅....🤭再黎上芒果天婦羅蟹卷時，店員一放低就跌左其中一舊芒果落碟，但完全當無事咁走左......我地反左下塊芒果想擺返靚靚都算數由得佢....反正賣相已誤..........🤧仲要原價係58蚊得三舊份量咁細舊，正價或外賣食真心唔抵😬不過芒果係甜嘅有小驚喜😳家下走左寫緊食評，先突然諗起明明係叫火灸芝士三文魚腩......但其實一樣漏左芝士.....有單有相為證......😵😫總結，餐廳唯一賣點係晚上9點後部分食物半價，折後先收加一，但無論食物質素、店員態度及服務質素都令人失望，一錯再錯，不能理解🥶🙄🙄🙄😑😑😑嗯......簡簡單單食餐飯都搞到咁複雜好咩，可一不可再😟…Read More

元朗大坑渠附近嘅日式料理小店，鋪位細細位唔多，但食物質素高，係同朋友簡單小聚之選！今次同三位朋友一齊食飯，叫左一個麵三個飯，包括滑蛋吉列豬扒定食同咖哩豬扒定食等等配送前菜有湯同沙律。滑蛋豬扒啲蛋瑩通透，唔會過熟，豬扒厚身啖啖肉，大大碗飯食完夠曬飽！朋友嘅咖哩飯都係有水準嘅選擇，滿滿咖哩汁撈飯，傳統咖哩配豬扒簡直一流好食！餐廳嘅王子燒都出名，有唔同口味選擇，大家share小試就岩，但略嫌價錢貴左啲。整體黎講餐廳環境乾淨衛生，食物質素唔錯，小店價錢略貴，但都值得一試嘅！…Read More

支持天水圍小店，平靚正之選！天水圍新北江一樓成條街都係餐廳，呢間芝士面係其中一間推介之選。想食下扒餐可以揀芝士面，大件夾抵食，七十幾蚊可以食到大大塊厚身肉眼扒，肉身夠曬軟淋又多汁，水準一流！仲要配粟米薯菜之餘可以再揀跟飯定意粉，飽上加飽！牛扒揀左配飯，輪到雙重芝士焗豬扒就揀配意粉。芝士汁香濃而不油膩，豬扒已經貼心切好一舊舊，即刻食得！野食大讚，但始終環境衛生有改善空間，鋪頭細細間環境擠迫啲，鋪面得一個婆婆執枱送餐，但感覺佢已經好用心快手，值得欣賞體諒！小店經營不易，靠大家好好支持啦！…Read More