車車22的个人专页

睇完戲之後落返四樓的滿記打躉 或者因為飯市時間, 甜品舖總係比較靜的, 因此令我等二人可以坐得好舒服甘食甜品滿記的名氣大, 甜品的水準都幾好, 不過就要小心揀, 好似今次食左西瓜西米露同芒果班戟, 前者的味道可算是很失敗, 因為西米粒比較硬, 好似有些煲得未熟透的感覺, 而且成碗西米露只係西米溝冰水, 有點亂來feel但個芒果斑戟就好好食, 忌lim好滑, 皮薄餡靚, 絕對係美食, 只可惜個西米露唔得, 唔係就perfect…查看更多

前日下午經過佐敦間toast box發現了有海南雞飯食, 麵包店有雞飯賣, 都幾有創意, 於是入去試試:)海南雞飯有套餐的選擇, 加錢換上一碟鹵水拚盆, 但發現無論個雞飯同個鹵水拚都唔掂:(雞飯的雞肉比較結實, 像用凍水浸過一般, 可能浸得耐啦, 只有淡水的味道, 雞味就欠奉了, 飯沒有雞油的香味, 都係比較淡, 點雞的醬油都ok, 但蔥油就唔好食鹵水拚更不濟, 乾乾的豆腐 (可能係豆腐乾啦), 雞蛋又唔入味, 整個餐都沒有好感俾我:(…查看更多

今次來到越華會海鮮小館食晚飯, 好多人等位兩人食三個小菜, 黃金蝦球, 蒜蓉西蘭花, 油鹽水煮蜆:黃金蝦球: 好好好好香的牛油同咸雞蛋黃味, 好正, 之但係食多幾件會有少少漏ge感覺, 可能咸雞蛋黃少返d會更好味蒜蓉西蘭花: 夠哂鑊氣, 蒜蓉有爆過, 好香口, 送飯都幾開胃 @@油鹽水煮蜆: 油鹽水幾好味, 不過蜆比較細隻同有陣星味, 唔夠新鮮整體食物水準唔差, 等位都值得的…查看更多

上星期六決定去大坑食越南站, 印象都幾好最好味係碗生牛肉河, 湯底落足料, 顏色好深, 因而牛味濃郁, 回想起來, 比起今日在金寶食的一碗有過之而無不及, 不過價錢就貴得多了, 金寶的我都覺得好食, 可想而知這一碗實在不容錯過!咖哩鴨可選跟飯或麵包, 而我就選了飯, 咖哩的味道就ok. 個人認為咸了一點, 但尚可接受, 不過可能椰汁落多了, 變成很杰春卷同粉卷就一般, 特別係粉卷的皮太厚, 餡都唔好食, 所以唔想推介, 但要是為了牛肉粉, 應該要來試的…查看更多

海南雞飯係我好喜歡的菜色, 泰式的海南雞飯更是我的偏愛, 因為醬汁比中式的開胃得多勝利小廚出左名好耐, 差不多兩個月我就會去食一次, 今次再食, 水準依然不變, 一樣好好味, 但唔知點解會有咁多人彈雞肉起了骨, 脾的位置不少, 胸都好多, 所以肉好多, 不過唔明點解有咁多肉俾我, 咁其他人咪無肉食? 飯係鮮黃色的, 椰味幾重, 夠香!幫襯的人都唔少, 真金不怕紅爐火…查看更多

今日星期六只係要返半晝, 收工後的節目就係 --- 睇戲!中午一餐就係foodcourt解決, 最吸引的, 係金寶的湯粉下午茶, 牛丸湯河加青檸可樂 (成罐俾哂我), 牛丸的味道一般, 肉汁都唔係多, 不過湯的味道就幾好, 幾夠味, 河粉夠我食飽肚價錢唔算好貴( 以朗豪坊的消費計), 食物的水準唔差, 每隔一至兩個月就會去食一次, 可能因為咁, 每次都覺得佢旺左…查看更多

正值下午茶時間, 咁啱經過這間叫李錦基越南餐廳新開張, 便入去食番碗生牛肉粉餐廳新裝修, 當然乾淨, 仲有幾部大電視播放now的節目, 坐得都幾舒服, 服務員好像很生手, 年齡後生, 可能係暑期工!生牛肉河味道只係一般, 覺得湯味比較淡, 要叫俄應給我青檸, 辣椒仔用以調味, 但係都係唔夠味, 最後還是把咸魚露倒入碗中, 終於感到一點咸了, 牛肉都ok滑, 仍然粉紅色, 唔係熟牛河, 加番少少分係個湯夠哂熱, 所以可以把牛肉灼熟!可能係新開張, 味道未控制得好, 今次有點失望, 但我會俾多次機會佢, 因為覺得間舖有陣地道越南餐廳的味, 無理由唔好食的! 在老趙, 清亭, 金寶都會找到這種味的, 下次再試其他啦!…查看更多

今日下晝去左德昌食魚蛋粉, 又係要排隊....同阿媽兩個人食左一碗米同一份"營養"餐! 營養餐係炒蛋, 火腿加炸魚柳同多士, 另外仲有杯飲品! 個營養餐就真係好夠營養, 不過味道就好一般, 炒蛋淡茂茂, 魚柳都係, 只係食到炸粉的味, 要好食, 都係要食番魚蛋粉, 個營養餐都係用以填肚..魚蛋米就唔同, 魚蛋好爽, 湯底夠味, 加一更特辣辣椒油同一更醋食更好味, 魚片一樣咁爽, 咁多人排隊, 目的都係為了這碗美味的魚蛋粉啦!個笑, 係俾碗魚蛋粉o架…查看更多

同父母去飲茶, 因為去完法國醫院, 所以想在九龍城落腳, 查過資料, 這間龍城酒家有不錯的評價呢我地都叫左唔少點心, 包括蝦餃, 奶皇包, 珍珠雞仲有一碟雪菜肉絲炆烏冬! 味道就只係麻麻地, 平我就同意, 好似蝦餃都有五粒, 哈, 幾抵食 但係蝦餃味道一般, 蝦有些雪味, 皮又唔係薄, 只可以話係可以接受而已!奶皇包包皮比較鞋, 奶皇都唔係好香, 反而炆烏冬幾好食, 我覺得佢係一間好街坊平民化的酒樓, 沒有很特別的地方!…查看更多

朋友介紹去陶源酒家食午餐, 話有個商務午餐可以一試, 於是一齊去食二百七蚊左右, 連加一, 有老火例湯, 五個小菜同生果盆, 以一間食餐飯都過千的酒樓, 價錢就唔算高了, 不過沒有山珍海味, 只有咕嚕肉, 四條雞絲春卷, 最"名貴", 係煲炆魚而已!不過味道唔錯, 最好味的, 我覺得係煲湯, 木瓜煲豬展, 真係夠哂火喉, 另外炆魚都唔錯, 啫啫的做法, 件件魚仲幾好肉, 雞絲春卷只係一般, 春卷一d都唔脆:(服務都係一般, 侍應忙於預備酒席, 反應比較慢, 不過都唔係無禮, 只係唔夠緊張吧!…查看更多

尋晚落m1飲完酒之後走去後面街的元綠醫肚, 呢間元綠都開到半夜三四點, 宵夜最佳地方!呢間元綠轉左新玩法, 首先食滿一百送五十蚊現金卷下次用, 都好, 下次可以平d! 另外係壽司係逐件叫, 我幾鍾意呢種做法, 因為可以叫多幾款食, 彈性大好多!今次叫左好多款, 鮮帶子, 池魚, 吞拿,立魚, 蟹柳, 熟蝦, 玻璃蝦, 蟹子同三文魚子, 每樣一件, 味道唔差, 池魚幾新鮮, 有少少腥但幾香, 肉鮮甜, 食得過! 只係地方黑麻麻, 如果光番少少會好d, 因為黑得滯會好攰…查看更多

因為沒有這間老北方餃子店的資料, 唯有把這個食評"寄居"在這裡啦, openrice 的工作人員要快快 update 喇 , 哈餃子一定要一買就十二隻, 價錢係廿五蚊, 我試了芫茜豬肉餃, 幾好食播, 問店主點解沒有湯的, 原來北方的餃子係咁樣食, 但係如果要湯我給你一碗啦, 服務都不錯:)皮雖然唔係好薄, 但都可以接受, 餃子的味道很好, 芫茜的味道很重, 啱我 贂水牌, 見有瀨尿蝦餃子, 唔知好唔好食呢? 下次要試試先!…查看更多

今日到了新上榜的曾記食, 試試大家讚好的潮州小吃"三件九菜果吖唔該", "煎埋:)" 買完便找位坐, 只係曾記得兩張專用枱, 用其他舖的枱都要俾人趕, 可惡, 呢個美食中心的管理真係好差雖然俾隔離舖激親, 但好彩個九菜果真係好好味, 食家們無介紹錯! `不過.. 原來三隻係唔夠食架, 所以要去隔離買餃子食lu, 因為唔想食同樣的食物太多呢…查看更多

內分秘差不多失調, 經過海天堂, 找一碗可以調理的飲品飲睇完餐牌的介紹之後, 揀了一碗龜令茶飲, 味道同龜令糕分別好大, 入口唔甘, 就像一般的豬骨湯的味, 一碗廿八蚊, 有無功效唔知, 不過坐低飲完, 個人冷靜了, 倒是事實!服務很好, 店務員很隨和, 見到她們的臉蛋心情都不太差…查看更多

收工之後到了market place閒逛, 去到築地壽司的櫃前, 揀了一盒減價貨, 原本四十八, 減到三十三個幾, 因為都知壽司係越夜會越平, 因為放唔到過夜不過平又如何, 返到屋企食, 幾件吞拿魚都好多根, "根"本咬唔開, 肉質開始霉, 我這盒揀剩的壽司, 成為一個失敗的收購:(…查看更多