Dream to eat's Profile

同朋友係觀塘放工，想食得清淡啲，走到街市附近就見到有間懷舊上海菜館，裝修十分簡樸，麻雀雖小，但五臟俱全，睇落係一間好傳統小店嘅風味

坐低揀左個二人套餐 $258，呢個二人餐可以比你揀兩款小菜同一款湯，我哋就揀左銀芽鱔糊、醉雞同埋雲吞雞 (要另+$40) 鱔糊超級脆同埋芽菜都落得好多，好足料，上菜嘅時候見到好深色，以為會咸，點知一啲都唔咸，調味剛剛好

醉雞好大碟，應該有半隻雞咁多，一上枱已經聞到勁大浸酒味，食落每啖都充滿酒香，好濃郁，而且雞件全部都好滑，朋友都話好食😋

最後上嘅係雲吞雞，每次食上海野都好中意叫呢個湯，清淡得黎有菜又有肉食，
雲吞每粒都大粒好足料😆菜同肉既比例剛剛好，皮又唔會厚，雲吞雞啲雞係仲要係雞脾位，應該都有四五舊，好大份，而最重要係個湯，飲得出冇咩味精，好清，有少少金華火腿嘅味道，冬天嚟食，有碗暖湯落肚真係好perfect

食完仲會有杯八寶茶添，裡面有紅棗、沙棗、桂圓乾、杞子等等真係好養生~~…Read More

🐱🐶JOMO Kitchen & Health Hub (將軍澳)難得放假，約埋班Friends一齊海邊走走🚶‍♀️🚶行到咁上下，趕得切食個晚餐，咁啱呢度最近主推「假日晚餐」，配搭多款特色Cocktail，清新之餘仲好Relax添😁我哋咁多人，當然乜都要試下喇🎉Smoked Pulled Pork Burger with Fries 賣相吸睛，份量勁大份，手撕豬肉好入味，絕對真心推介❤️另外，All Day Breakfast 係Signature，食材配搭健康之餘又新鮮，色彩繽紛😋如果係素食主義者，可以選擇素牛肉飯、素牛墨西哥餡餅🥙黑松露意粉🍝重點推介係🥂Cocktail🍸 ，我對 🍍Pineapple Coffee Tonic 印象最深刻，名改得好之餘仲要好特別，好似一齣夏日風情畫🏝 唔飲咖啡都可以，選擇非常多，總有一款啱你心意🎈之後試埋佢地既特色甜品，包括Cheese Cake, Earl Grey Chiffon ,Apple Crumble Pie , Spring Fruit Roll Cake, Etc. 基本上我極力推介全部甜品都必須試❣️❣️❣️你唔會後悔🥰 中意戶外既朋友可以考慮坐出邊，望住個海簡單吹吹風，打下卡📷，咁樣已經可以Chill一日❤️…Read More

今晚難得早收工，約埋老公仔去九龍城食好西😋😋 呢間 #人氣Cafe 以貓頭鷹🦉做主題，啱曬一眾貓頭鷹迷前往打卡📷 #咔嚓 .我哋分別叫咗兩個Set Dinner：頭盤🥗沙律菜&餐湯：配搭清新、開胃🥰.主菜🔥燒美國豬肉眼配鐵板薯條🍟：肉味重、偏瘦而不韌、好Juicy～配合芥末醬一齊食，刺激味蕾😀.🥑白酒忌廉汁牛油果意大利飯-大力推介💥Creamy得黎又唔會好漏，牛油果配合蟹肉出奇地合拍👏.另外我哋仲加咗海鮮拼盤，翡翠螺出色、醬料將螺肉鮮美提升☝️.值得一提，清新既柚子雞翼一定要嗌🤓絕對係#雞翼控 必選😋.最後食埋個甜品🍰#cheesecake， 邪惡又滿足😈.全晚聽住啲輕快悠揚既鋼琴配樂，心情瞬間變得很好🥰🥰…Read More

好開心今日嚟到呢度食Fusion多國菜🥳🥳位於炮台山商業區內一隅，地鐵站出口步行5-10分就到，既方便又遠離煩囂😁約埋三五知己收工嚟食飯Chill下，絕對可以帶比你愉悅既滿足感🧘‍♂️.老細十分親民，兄弟班創立「野豬會」品牌👬對食物質素要求非常嚴謹：所有海鮮會根據每日Pre-Order數量入貨，保證新鮮🦞🦐🦑.重點推介🌟🌟水牛雞槌- 呢個真心推介一定要試🔥最驚喜既係由雞翼去骨🦴變成雞槌🍗，雞肉瞬間變得嫩滑可口😍廚師既心思誠意度爆燈💡💡 💡💡.🌟鵝肝多士- 鵝肝肥美厚肉、多士卜卜脆，配搭黑醋，立即減低 & 中和鵝肝既油脂感🙆‍♀️.🌟鹽焗盲曹- 正宗泰國菜一定要Order之一🤤🤤但製作需時，想食既朋友記得提早預約唷👹.除此之外，呢度有趣既係晚市可以選擇👨‍🍳👩🏻‍🍳「廚師發板」 #omakase , 老細會因應你預定既Budget幫你精挑細選最適合今晚主題既食物俾你，度身定做，滿足變幻多變既你🥰🥰.總結8.5/10番啅指數：⭐️⭐️⭐️⭐️⭐️⭐️⭐️⭐️🌟…Read More

假期在即，喺保持社交距離、做好個人衛生既同時都係要繼續搵食，停不下來探索飲食新據點😋🔍.位於尖沙咀厚福街H8 1/F @laoguandixiong 哥老官重慶美蛙魚頭，個名聽落去就非常有個人特色，據知仲係網紅打卡熱點📷😍.新開業半年，經過嘴刁嘅我鑑定後，食材新鮮（非雪藏），肉質鮮嫩多汁，尤其係牛蛙🐸、黃骨魚，喜歡新鮮食材既朋友一定要試下😋.湯底配料十分正宗，火鍋底既核心內圍啱曬怕辣既你-「羅宋湯湯底」，核心外圍就係地道既「重慶麻辣湯底」，以為就係咁簡單？咁你就錯啦😂特別加配「招牌牛油🧈」落成個火鍋湯底內：中間隻小青蛙🐸就係成舊牛油製成，麻辣之餘仲有香濃既牛油味，配搭新穎有趣😙.總體食物質素超曬班，尤其對於鍾情重慶成都風情既朋友絕對唔可以錯過👍🏻👍🏻👍🏻同場加插隔離枱仲Order埋海鮮，例如鮑魚、石斑等等，每道菜均逐一被安排華麗登場🥸.重點推介🥰一定要Order #創世紀冰粉（奶茶底）大滿足🈵️，好似食緊奶茶果凍咁，將所有配料撈埋一齊，多重體驗，冰感透心涼🤤.總結8.5/10番啅指數：⭐️⭐️⭐️⭐️⭐️⭐️⭐️🌟.…Read More

🐱🐶Bar De Luxe(中環).好開心開放夜晚堂食，一於約Friends Happy Hours先🍸🥂👯‍♀️👯‍♂️.呢間餐廳搬咗新舖，位於📍中環砵典乍街45號H Code低座The Steps7樓，環境清淨，絕對啱曬三五知己邊飲邊雞啄唔斷🐤🐤🐤.特別推介呢杯 🧚🏼‍♀️#strawberrychampagne🥂🍓, 女士之選，好Fresh，絕對不能錯過❤️…Read More

好開心放假可以去靚靚Cafe打卡，想心情開朗舒暢，🌈🌹🌸🌺🌼🌻選擇簡約清新且充滿Colorful色系佈置既餐廳一定唔少得🐶.位於📍銅鑼灣聯成商業中心1501 「White House」充滿著田園花季氣息🌼🌸無論裝潢上還是食物設計上都配合主題，令人賞心悅目😻想Keep住好心情，記得去之前要Book定枱唷🎀.🍪新年限定Cookie Cup- 好耐無飲過鮮奶，配合富有中國特色既曲奇杯，特別有詩意🧧🏮.紫醉金迷- 金箔大蝦🍤意大利飯，飯既口感煙韌度適中，從蝶豆花提取紫色元素突顯矜貴之氣派🪄.二重奏忌廉煙肉芝士貓耳朵🐱- 忌廉芝士濃郁，煙肉油脂分佈平均，貓耳朵粉將可愛度加分😻.蝶豆花綠茶🍵- 漸變色綠茶，滿足視覺眼球💙…Read More

🐱🐶Romanne Leisure Food Concept (深水埗).收到風 romanneleisurefoodconcept 喺Romanne Leisure Food Concept 喺📍深水埗荔枝角道309號地舖開左分店, 正式進入試業階段👍🏻.🐷混醬芝麻慢燒豬仔骨$198- 經過慢煮後的豬仔鬆軟入味，薯條炸得恰度好處🍟.🎃北海道南瓜帶子意大利飯$138- 濃濃的南瓜意大利飯軟綿綿🤤帶子鮮甜可口～.🦑川辣胡麻火炙魷魚鬚$78- 相對唔算好辣，魷魚新鮮～如果份量再多啲就更好啦😄.再Order飲品：Hazelnutchocolate@☕️ & realmojito🍹，週末慢活Mission Completed✅.總結評分：7.5/10番啅指數：⭐️⭐️⭐️⭐️🌟.…Read More

🐱🐶MileMele烤蘋果批🍎(銅鑼灣).見完客，同同事走咗去📍銅鑼灣感霎東街33號地下4B鋪(假日酒店樓下) @millemeletokyo 食返個甜點開心下🤤.呢度係來自東京的烤蘋果批🍎，蘋果內加入百角一齊經過成晚浸泡，蘋果肉變成金黃色，口感依然保持清甜爽脆！配合吉士、豆乳及鬆脆批皮，令人一試難忘😍🤤蘋果既清甜起到中和作用👍🏻.另外一個係一口酥，同蘋果批既皮一樣，面淋上焦糖，鬆脆而不膩，絕對係屋企煲劇首選😍.總結評分：8/10番啅指數：⭐️⭐️⭐️⭐️⭐️…Read More

🐱🐶八月堂(元朗YohoII).真係話咁快開完一間接一間😵😵今次黎到元朗Yoho，果然我都係唔會放過佢喇😂.元朗限定之選係「甜心馬卡龍」🧁試完後有驚喜🤤無真正既馬卡龍咁甜，配搭鬆軟可頌/牛角包🥐，甜滋滋😚😚仲要係粉紅色，完全滿足少女心！.喺呢個環境依然大排長龍，真係全靠品質取勝，我哋唔寫個服字比佢真係唔得。.至於其他口味，我都好中意有布甸個款，好似食啫喱咁，QQ彈彈好過癮❤️❤️…Read More

🐱🐶AFURI 阿夫利(尖沙咀TheOne).面對政府咁唔合理既政策，優質食肆可否繼續經營真係好靠我哋會唔會繼續支持。我哋無懼風雨，做足保護措施下一於來到尖沙咀TheOne L2 it Orange Forest呢間「AFURI」品嚐高質拉麵🍜🤤.柚子甘露沾麵$108- 隔住口罩都聞到柚子既清香🌾沾麵冷暖兩款任君選擇，適合四季選用！至於個汁，清香既柚子配合芝麻、辣粉碎、秘制醬汁，猶如其名咁好似甘露般清新，推介👍🏻.豬骨濃湯拉麵$108- 豬骨湯底好香濃，用了9個鐘熬製，用豬骨精華鮮味取勝！🐶.唐揚炸雞(5件)$68-欣賞每件炸雞都炸得皮脆肉嫩🤤🤤配合味似蛋黃沙律醬，齒頰留香～.🍸🍹阿夫利威士忌柚子梳打$79-柚子清香配合🥃香醇既威士忌，沈穩得黎帶點跳脫，好特別！.招牌柚子梳打$38- 柚子依然係👑皇道，同埋飲得到佢地既柚子醬同坊間買嗰啲有區別🍯.總結評分：8.3/10番啅指數：⭐️⭐️⭐️⭐️⭐️🌟…Read More

🐱🐶八月堂.呢期生意算得上逆市奇蹟既真係非「八月堂」莫屬，各區大規模開設分店👍🏻今日黎到📍大埔超級城C區582號舖幫襯下先🤗.榛子巧克力$22-厚厚一層榛子朱古力醬鋪滿牛角包，朱古力好味但覺得有少少漏😅.焦糖杏仁卡士達$22- 沾滿了焦糖+杏仁顆粒既牛角包🥐份外香甜脆口，絕對適合焦糖控既你😍.黃金流沙$20-蛋黃醬隱藏牛角包🥐內，份量唔算太多反而令到甜味恰到好處👍🏻.焦糖布丁🍮$23- 成條布丁🍮夾在牛角包🥐中間，震騰騰好生鬼🤣甜味慢慢滲入，配合牛角包🥐既鬆軟，perfect match!.香濃起司🧀️$19- 香濃芝士鋪在牛角包🥐上，鹹甜交錯，味蕾被中和得啱啱好，LoveIt💕.每間八月堂都有佢地唔同既「期間限定」，中意玩Challenge既朋友可以去勻咁多間試下啦😂.總結評分：8/10番啅指數：⭐️⭐️⭐️⭐️⭐️…Read More

🐱🐶泰巧船粉(粉嶺).今日走到去粉嶺食泰國菜，位於📍粉嶺百和路88號花都廣場地下123號舖間「 泰巧船粉」原來都真係幾好味～值得推介👍🏻雖然係小店經營但味道絕對不遜色其他大連鎖店。尤其呢間鋪頭係由一家人小本經營，更富有濃濃親切感💕.叫咗個招牌，泰式船湯牛雜錦，內有牛肉、牛丸，入味彈牙；搭配特色河粉，質感相當軟滑，而且香料十分特出，湯底鮮甜😋.另外叫咗黃咖喱牛腩飯，牛腩細細舊，勁易索曬啲咖喱汁😋，而咖喱汁唔會太辣，用嚟送飯一流🥰🥰.呢間鋪頭主要係做外賣，鋪頭面積唔算太大，啱曬依家大家寧願叫外賣減少外出食飯既習慣👍🏻齊齊支持小本經營，用心製作❤️.總結評分：7.8/10番啅指數：⭐️⭐️⭐️⭐️…Read More

🐱🐶川味香（紅磡）.為何深夜總是餓🤤🤤訓唔著～今晚同朋友黎到📍紅磡德民街29號德民大廈地下J1號舖「川味香」食串燒😋.呢間你講得出諗得到既串燒都會有，真係唔怕你揀唔到💕.重慶酸辣粉- 地道重慶風味，正👍🏻.燒韭菜- 孜然粉完全可以帶出韭菜既鮮甜，而且一啲都唔老😄.燒菠蘿- 超甜好Juicy，燒到暖笠笠先食係最好味既❤️.燒鱔魚- 呢個有驚喜！鱔魚被燒到外脆內軟，啖啖肉，好滿足🈵️.其餘仲有雞軟骨、蒜蓉羊架、羊肉串、燒北海道粉絲活元貝等等，真係食到停唔到呀🤤🤤.總結評分：7.8/10番啅指數：⭐️⭐️⭐️⭐️🌟.…Read More

🐱🐶龍津第一腸(葵芳匯5號).香港勝在有街頭小食🍡🍢不過依家唔淨止呢樣喇，大家係咪都覺越黎越多「拉腸」喺你附近呢？🤪.「龍津第一腸」相信好大部分人都見過，但原來佢地並唔係同一間集團㗎～難怪每間拉腸既味道都有分別啦🤨今日我哋就黎到位於📍葵芳匯5號呢間食，先知個味道可以咁唔同😻.店舖老闆係位年輕小伙子，對街頭食物情有獨鍾，細細個已經立志要開小食店，佢仲有個好大既願景-就係希望未來3年內可以做到統一中央處理食材，希望保持食物既質素❤️.叫得「第一腸」腸粉緊係重點啦！呢度全部都係石磨皺紋腸粉，新鮮趁熱食，又熱又滑溜🤤.同老闆傾傾下，已不知不覺叫咗好多嘢食🤤🤤🤤.叉燒腸粉$18-呢度既叉燒係店主親自調製，醬汁有獨門配方，入味非常👍🏻.手撕雞腸粉$18-手撕雞肉好滑，而且唔會好鹹，份量好多，腸粉包住啖啖雞肉，口感好滿足！.牛雜$20-我哋偏好 #牛蒡 & #豬大腸，店主好貼心將呢兩樣既份量相對俾多咗我哋，整體都擼得好入味又新鮮😋.炸大腸$12-呢個簡直必食😍平時食開既炸大腸一唔小心會覺得有「押」味，但呢度既大腸完全無呢回事，洗得好乾淨，啲醬都係自己調，啱返香港人口味🥰好想食多串呀！.煎釀三寶$12- 呢款有青椒、尖椒、紅腸、茄子、豆腐、苦瓜，選擇點止三款咁簡單！💕.魚肉碗仔翅(雙拚)$15- 呢個價錢真係好親民，而且入面有用到真翅，條條清楚見到，撈埋大量冬菇、魚肉，港式風味就快滿瀉喇！.豆腐花$5- 至於甜品方面，強烈推薦大家一定要試呢度既豆腐花🤩🥳呢碗豆腐花+黑糖薑汁，薑汁每日特別烹煮，真材實料、滋補養生👍🏻女士恩物，男友要識做喇😂.即搾蔗汁-食飽飽再外帶多支鮮搾蔗汁🥳生活好完美，你想就會可以生活得完美㗎啦❤️.總結評分：8/10番啅指數：⭐️⭐️⭐️⭐️🌟…Read More