-大食怪-'s Profile

食物質素普通，個人嘅口味唔同呢度唔評論，但都無所謂，最緊要係個服務態度，你服務態度咁差，幾好食都冇用，我地嚟慶祝吓，唔係特登過嚟受你氣。服務態度真係極差，朋友生日，我地就放咗個蛋糕喺店舖嘅雪櫃，跟住食到差唔多，叫佢攞出嚟嘅時候，攞出嚟嗰位侍應好大力咁放喺枱面，跟住差啲整瀉啲豉油，一句唔好意思都冇就走咗，再問佢攞打火機，仲要西面，真係…依間店，好多夥計都黑口黑面好似得罪佢咁，仲有，有啲嗌嘅嘢食同嚟嘅又唔同，全部真實反映，希望老細留意下。…Read More

首先我想講，我唔係要有咩服務，只係想落咗單就有嘢食咁簡單😂。話說我嗌咗個麵，漏咗個餸，一時唔記得，提下你冇問題好正常，跟住你誤會咗我係要多份，跟住溝通返就得啦都冇問題， 咁我見肚餓，諗住嗌多個麵食啦， 同你講咗，你望住我但冇做任何動作，咁都唔緊要啦，可能你唔得閒， 跟住我再同第二個落單， 跟住佢就隻手伸一伸，個樣又好似我阻住佢咁，咁我見你有哂動作，就即係當你落咗單喇，咁再等多陣，佢捧住兩碟嘢，問我嗌咗乜，我話嗌多咗個麵，跟住佢又笑笑口咁答，即係兩樣都唔係啦， 我都笑笑口話係呀，咁我諗住都第三次提出咗，咁真係肯定咗我有落單喇，跟住如是者等多幾個字，嚟咗冇耐嗰啲客人，啲嘢都到咗喇， 因為我已經講咗三次，你唔煩我都嫌自己煩，最後我都係埋單走算啦，其實我又唔算係好不滿嘅，我係覺得好奇怪，希望你哋見到改進下啦。…Read More

36蚊三湯餸一菜一碟飯，特定餸要加錢，但我覺得好合理，就算加完一樣平靚正，我就係鐘意佢呢度夠實在！！大多數客人都係基層市民，甚少後生仔女，想食裝修去第二度，環境算乾淨，老闆亦好有禮貌。呢度湯飯號稱冇落味精，一定算不上驚為天人 ，但好有家嘅味道，我個人就覺得好正😋。…Read More

由排隊落單到拎走飲得，差唔多用左兩個鐘，好彩都冇令我失望，係好飲嘅！！但聽人講有第二間啲珍珠用黑糖黎煮，所以連啲珍珠都會有黑糖味，呢間就應該冇，但我已經覺得好滿意。(我第一次飲所以比較唔到同其他店嘅分別。) …Read More

呢間店同隔離拉麵店用同一個廚房，裏面打通嘅應該係同一個老細，但拉麵店有時出面要排隊，揀呢間蝦麵就從來都唔需要排隊，拉麵店之前已經試過，味道一般，冇下次。今次就好大膽，想試埋佢個蝦麵係咩料，點知試完一個字：差...我嗌咗一個肉骨茶，同埋一個有龍蝦嘅麵，唔記得乜嘢名，仲有一份小食炸蝦角，首先肉骨茶淨係得個鹹字，完全冇肉骨茶應有嘅味道，跟住到個蝦麵啦，湯底淡又冇乜蝦味，個麵仲要黐埋一舊，漿嘅！！而個炸蝦角就冇乜特別，同平時食嘅差唔多。總結：環境同服務其實幾好，但作為食肆啲野食真係唔掂，其他點好都冇用。…Read More