cat~不為食's Profile

平身唔係太好cupcake, 因為平時既cupcake 靚就靚, d cream 好膩又甜, 但Twelve cupcake 令我對cupcake 有所改觀!今次選左三款佢地既best seller, Strawberry Chocolate；Double Chocolate; Red velvet!因為唔係即刻食, 店員提醒返去用微波爐叮8 秒食最好食!Strawberry Chocolate, cupcake 蛋糕夠moist, 好軟熟! 上面既strawberry cream 好香, 唔會太甜! 十分好既配撘!Double Chocolate, 朱古力味香濃, cream 上有脆粒, 食落多左一個層次!Red velvet 意想不到的好味, cream cheese 香濃但唔膩, 食到停唔到口!雖然$25 一個價錢唔平, 但間唔中值得豪一次! 平時怕cupcake太甜太膩既人, 可以一試!!…Read More

大半年前黎過一次, 今次再黎,個主題唔同左, 啲食物都吸引左, 星期六成場差唔多滿座!我最鐘意佢海鮮果部份, 有麵包蟹,長腳蟹,青口,生蠔等等! 蟹非常受歡迎, 亦refill得好快, 長腳蟹好鮮甜, 啖啖肉! 麵包蟹唔算好大隻,有啲新鮮有啲唔太新鮮! 新鮮果啲蟹膏好飽滿,紅卜卜, 好香蟹膏味!熱葷種類唔算多, 試左和牛粒, 牛肉味好濃, 好肥美! 蒸魚, 魚肉好厚身, 火喉岩岩好, 魚肉好滑! 燒牛肋骨, 即場用鐵板燒, 牛肋骨雪花分部平均, 好味道! 羊架亦是即場燒製, 肥脂好多, 所以好羶, 岩晒我口味!!甜品係每次食Buffet 既重點, 今次有Movenpick 雪糕, 仲要有大約十款味道, 好正! 最鐘意係青檸雪芭, 小小酸, 食完透心涼!蛋糕試左佢既朱古力mousse, 朱古力味好濃, 好滑, 唔太甜! 生果好新鮮, 鐘意佢無浸過糖水!茶, 咖啡等都可以自己任飲, 唔似好多buffet 只包一杯, 唔錯!…Read More

未開張已經有機會可以試到博多一幸舍的菜式，真係好開心。店舖係登龍街，夠晒就腳，好方便。店內環境乾淨，夠光猛, 坐得幾舒服。呢間日本拉麵店2004年係日本開業，到依家已經有十年歷史。店內亦有兩位由日本過來的師傅主理食物!佢地一碗湯為用一斤豬骨熬製，所以湯底夠晒濃，夠晒骨膠原, 飲落粘口! 我揀左黑拉麵, 略嫌蒜味唔夠香濃, 但枱上備有香蒜可以自己加上! 义燒係選用豚肩位, 所以唔會太肥膩, 薄薄一片, 食落好腍! 糖心蛋有小小過熟, 可能因為我浸得太耐! 拉麵是幼身的, 軟硬適中! 但可能冷氣太大關係, 碗麵好快就凍晒, 所以要快啲食! 雞塊炸得好脆好香, 雞肉依然嫩滑多汁, 雖然係炸, 但食落一啲都唔油膩!一口餃子, 一口一個, 食落好方便! 餃子外皮煎得好香脆, 內裡餡料有菜同肉, 肉鮮多汁!炒飯, 飯炒得夠乾身, 飯香十足! 但味道偏鹹, 如果無咁鹹就prefect!薯仔沙律, 加有明太子, 鮮甜好味! 薯仔好腍,食落唔會有硬身一粒粒, 有啲蛋粒, 蛋味好香 !這間店好有心, 用餐後主廚都親身跟我們了解食物是否岩口味, 有沒有可以改進的地方!!…Read More

MIC kitchen 個地點其實都好方便, 離觀塘地鐵站大約5 分鐘左右路程! 餐廳環境好舒服, 空間好寬敞, 座位好舒服, 最岩情侶黎燭光晚餐!佢地晚餐有兩固dinner menu, 一個係tasting menu, 另一個係chef menu! 而我今日食既係Tasting menu!一坐下, 侍應遞上兩種醬料用來搽麵包, 一款是欖菜蛋黃醬, 另一款是由八珍甜醋製成的醬, 有別於一款餐廳所用既意大利黑醋! 麵包端上枱時還是熱烘烘的, 好香好軟熟, 配上兩款醬都很夾! 欖菜蛋黃醬帶啲甜, 好香既蛋黃醬味道, 而鎮江醋有啲酸, 喜歡食酸野的一定會鍾意!Menu 上第一道菜式是HAMACHI, 蘋果酸酸甜甜脆脆地, 好醒胃!綠色的泡沫主要由wasabi 和蘋果製成, 第一口只吃泡沫時感覺好攻鼻, 但之後加上油甘魚粒,青瓜粒一起進食, 感覺好清新! 第二道菜是YUNNAN HAM SOUP, 磨菇洋蔥湯, 除了一碗磨菇湯外, 還配上一碗盛載著米通和雲南火煺,可以隨意灑上在湯面! 湯十分香濃, 帶有很香的磨菇味, 而且很幼滑, 加上脆脆的米通, 增加左湯既層次! 可能係有雲南火煺既關係, 湯偏咸, 如果無咁咸會更加好味道!第三道菜是CHICKEN RISOTTO, 我好鐘意食risotto, risotto 一般都是用蕃茄, 忌廉來煮! 但這款risotto 很創新, 用上煮海南雞飯既做湯煮risotto , 出奇地好味道! 而且risotto 煮得岩岩好, 唔會太腍或太硬!雞肉則是沙薑雞既味道, 雞肉十分嫩滑!第四道菜是用來清一清味蕾的MIC Soda- 菠蘿花雕酒泡沫! 第一口嚐到的是十分香濃既花雕酒味, 帶點菠蘿既甜味, 兩個味道十分balance, 好喜歡這款飲品!第五道菜是IBERICO PORK, 黑毛豬豬頸肉配上咕嚕肉醬汁, 這道菜把西方和東方的煮法結合在一起, 好特別!豬肉味香濃, 好腍, 雖然用上豬頸肉, 但因配上帶點酸既咕嚕肉醬汁, 唔會感到油膩!最後當然要以甜品作結, 這款甜品主角係棷子, 四方形的是由棷青水製成的啫喱粒, 好清新既味道! 白色圓形的, 裡面包著棷汁, 棷汁味十分香濃! 中間的是棷汁焦糖雪糕配上朱古力碎在底, 雪糕好smooth, 好creamy!順帶一提, 侍應既服務態度好好, 而且很有心機地介紹每道菜的食法, 食的先後次序, 怎樣才可以感受到唔同既層次!食完感覺好滿足, 廚師十分有創意, 令我好有驚喜!…Read More

成日好想試這間吉列餐廳, 但一直到未有機會! 好開心今次一次過可以食到好多唔同款既吉列炸物! 環境舒適, 乾淨! 首先是餐前小食, 薯仔沙律. 薯仔煮得夠腍,  沙律加入左洋蔥絲同火腿絲, 食落有好香洋蔥味, 好味道!特上刺身: 魚生切得夠厚夠大件, 三文魚, 吞拿魚, 油甘魚都好新鮮! 另外還有甜蝦, 帶子, 魚子, 八爪魚, 味道鮮甜! 但當然不及專門做刺身,魚生的專門店出色!串揚: 總共是十二款不同的炸物, 包括蘆筍, 和牛, 車厘茄芝士, 蝦, 薯餅, 蠔, 三文魚等! 試左蝦, 和牛, 蝦頭炸到十分脆, 夠香口, 但蝦身比較結實! 和牛味道不夠牛味, 但依然有肉汁! 炸槳唔厚, 炸得非常鬆脆, 一點油膩感覺都無! 而且放耐左都唔會覺得啲粉會槳埋一堆既感覺! 而炸物附上7 款醬汁, 我最喜歡好夠香既芝麻汁, 酸酸地既柚子汁!吉列: 豬扒, 豬柳, 蝦, 蠔! 豬柳好厚, 肉好腍, 夠鬆化, 炸完仲好JUICY, 外脆內軟, 好味! 豬扒雖然較豬柳薄, 但唔覺乾或嚡, 沾上親手磨既芝麻醬, 好香! 炸蝦比串揚的蝦好食, 炸得岩岩好, 蝦身夠彈牙! 蠔是我的最愛, 十分肥美, 好鮮甜, 又多汁, 無腥味!食完炸物, 最岩就係椰菜絲! 可以沾柚子汁或紫菜芝麻汁!柚子汁帶酸, 味道清香, 紫菜芝麻汁味道較濃, 帶紫菜香味!海膽黑松露釜飯, 鮮菇黑松露釜飯: 兩款飯既味道大致相同, 只是配料不同! 飯香軟, 黑松露香味十足, 兩款比較更加喜愛菇菌! 飲品有4款, 包括白香桃梳打, 荔枝梳打, 巨峰提子乳酸, 梅子梳打! 試左當中的3款, 白香桃梳打帶有清香白桃味, 清淡香甜! 巨峰提子乳酸, 乳酸味唔太重, 有香濃巨峰提子味, 十分喜愛! 荔枝梳打味道普通, 沒有太大驚喜!最後, 還有又紅又甜既西瓜作飯後果, 十分貼心! 要一讚既係侍應友善, 好細心!…Read More

今次黎跑馬地馬場唔係為左跑馬，而係黎食佢地既半自助餐。一入去感覺環境好光猛，乾淨，地方闊敞，無平時去食自助餐時果種迫的感覺。食物枱都分兩邊, 兩邊既款式一樣, 唔駛同人迫住拎野食!頭盤選擇唔多，有三文魚，香濃幼滑既青豆湯香腸粒湯，各類沙律，各款麵包, 不同類型的火腿等。雖然選擇唔多，但味道唔錯。當中的白豆沙律配上油醋汁, 酸酸地, 夠開胃! 主菜可以六選一， 朋友點了巴伐利亞白肉腸配椰菜配薯蓉，我就選擇了葫蘆南瓜意大利飯伴琥珀合桃及水牛芝士。試了少許香腸，味道較淡，但薯蓉卻十分出色，夠滑。我嘅南瓜飯芝士味非常之香濃， 離遠已經聞到陣陣的芝士香味，食落芝士味十分突出，但略嫌蓋過南瓜的味道。 意大利飯軟硬度適中，加入合桃，有香脆既口感。雖然芝士味重，但唔覺滯，可以食完整碟。 :) 主菜食完, 當然要食甜品。各款甜品都好好味, 唔會太甜。chesse cake 味道香濃! 熱情果cupcake 十分精緻, 而且熱情果帶酸加上cupcake 十分配合! 最鐘意法式朱古力蛋糕 , 朱古力味好濃, 咬落有些脆口的東西, 十分好味! 黃梅脆酥撻, 餅皮做得好, 夠酥脆, 黃梅唔會好酸!最後唔小得既係生果同Haagen Dazs 雪糕! 生果好新鮮, 多汁又夠甜! 雪糕味道好齊, 食到尾聲仍然有我想要既朱古力味!…Read More

夜晚時間大約6:30, 人不多, 環境舒服, 乾淨!  一個人吃不了多少, 於是點了選擇雪花和牛炒飯!炒飯一上台, 立即聞到香氣四溢的和牛香味, 食落感和牛的脂肪包住飯粒,和牛味極濃!飯炒得乾爽, 粒粒分明! 整碟飯看來很大碟, 本來以為會食唔晒, 但因為太好味既關係, 一啖接一啖, 竟然把整碟飯食完!最後, like 佢也既facebook 仲送左一款甜品, 綠茶雪米磁! 為這頓飯劃上完美的句號!雖然這碟和牛飯價值過百, 但偶然對自己好一點, 食好啲是應該的!…Read More

今次第一次黎食德國菜, 一早定左枱既關係, 兩個人都有一張大既卡位坐, 環境幾舒服!兩個人試左一款小食雞肉煙肉餡餅, 一款main course 德國豬手!雞肉煙肉餡餅:有三款醬料配合, 牛油果, sour cream, 蕃茄粒! 個餅皮夠新鮮, 食落鬆軟! 餡料好多, 雞肉唔會嚡口! 三款醬料其實都好味, 但我喜歡配牛油果, 因為夠香夠rich!德國豬手:豬手皮炸得好香脆, 唔會太多肥膏! 裡面既肉仍然juicy, 夠腍!! 我喜歡它的酸菜, 可以減低豬手既油膩感! 配上好多薯蓉, 味道一般!…Read More

金時野菜凱撒沙律: 唔係太特別, dressing 做得唔錯, 啲菜都夠fresh!明太子青椒燒: 以為會好辣, 但食落又ok! 幾香, 但唔係好食得出明太子味道!武藏煎餃子: 煎得好香, 餡料包裝豬肉、蔥、椰菜, 咬落去裡面好多肉汁, yummy!!比目魚柚奄燒: 好好味, 佢地用左柚子汁醃魚, 個汁甜甜地又有柚子香味, 同條魚好夾! 條魚煎得好香好滑, 唔會煎到好乾! 旁邊炸過的牛蒡絲亦好好味!:):)梅素麵蝦天婦羅: 隻蝦好大隻, 好甜好爽, 不過個脆槳有小小油!日式炸蝦卷: 呢款又有唔同既味道, 隻蝦同樣好大隻, 夠新鮮! 但都係有啲油!叉燒黑武骨拉麵: 佢地有3 款湯底選擇, 黑武骨係豬骨湯底加入黑蒜醬油, 侍應一拎碗麵上枱就聞到好香好香既香蒜味!! 飲落個湯亦好香濃, 我鐘意佢啲拉麵夠彈牙:) 叉燒好大塊, 肥瘦均勻, 啲肉好soft 又好有肉味! 半只溏心蛋, 蛋味唔夠香, 唔夠溏心! 而最好既係食到最尾碗拉麵仲係熱!!青檸飲杯: 鐘意佢夠清新, 好味!!服務: 好週到, 好好笑容加茶等好快!!環境: 裝修幾靚, 坐得好舒服,唔會太迫!…Read More

因為就腳, 今日黎呢度食生日飯..叫左2 個sets湯: 好濃番茄味! 同埋都幾多料!餐包:好鐘意佢地既餐包, 因為每次都係暖既! 而且好軟熟!咖哩雞飯: 之前都食過佢地既咖哩, 好香咖哩味! 都唔會太spicy! d 雞都算滑!羊架配意粉: 羊架好肥, 無咩肉, 但都幾好味! 意粉既醬汁比較小, 唔係好夠味!配菜唔係好夠調味!!整體服務唔錯, 鐘意佢地既地方夠闊, 夠乾淨!…Read More

普普通通, 過得去!中午12:30 左右黎到, 好彩仲未係好多人, 雖然無book 枱, 但都唔駛等位!!! 一坐低侍應就埋黎俾餐牌我地同問我地要暖水定凍水! 佢地有好多款午餐選擇, 我地兩個人揀左兩個餐! 1.蔬菜湯+蒜蓉包+蕃茄雞肉意粉+凍檸茶2.忌廉湯+三文魚蘋果沙律+焗龍脷柳意粉+熱奶茶蔬菜湯: 唔錯,材料幾多! 係番茄味唔夠重!蒜蓉包: 正!!好香好脆! 好重蒜蓉味!三文魚蘋果螺絲粉沙律: 我好鐘意食佢既沙律, 蘋果爽甜, 螺絲粉煮得岩岩好, 唔會過腍!! 醬汁係沙律醬, 醬汁好均勻, 亦唔會太多食到好滯!蕃茄雞肉意粉: 配菜有青椒, 洋蔥! 應該啲意粉同蕃茄汁煮得唔夠耐, 所以啲意粉唔係話好入味, 勝在啲蕃茄汁夠多, 所以食落啲意粉唔會覺得無味! 雞肉無咩雞味, 不過煮得都算滑! 焗龍脷柳意粉: 龍脷柳唔係好大塊, 好明顯係雪藏既, 所以無咩鮮味! 呢碟既意粉醬汁唔夠多, 所以食落差小小!!兩個午餐加埋都只係115左右, 唔係話好好食, 不過都算ok!! …Read More

呢排係美心買左好款唔同既包,一直都唔得閒食! 今次一次過食!! 粟子包 & 朱古力排包 & 八片裝麥方包 &鳳尾檳& 南瓜包! 粟子包($11): 麵包表面有啲糖霜, 偏甜, 但粟子味好香! 包身夠軟熟!朱古力排包($13): 可能因為佢落左都幾多牛油既關係, 食完一兩片會覺得好滯! 朱古力味唔算重, 食落個味有啲假, 有啲似用朱古力粉落去整既感覺!八片裝麥方包($10): 麥包一向都比較乾身, 佢地呢隻都唔例外, 但係好似我鐘意食麥包既人, 就係鐘意佢有啲咬口! 佢地既麥都算多! 不過就唔算係特別香!鳳尾檳($13): 我最鐘意既食法係放佢入電飯煲或者係焗爐裡面,烘一烘佢! 令到佢外面脆脆地, 而裡面既椰蓉溶溶地, 小小似流心咁, 好正! 但係食一件岩岩好, 食兩件就會覺得佢太甜!南瓜提子包($11): 無咩南瓜味! 提子每片得三,四粒, 都幾重牛油味, 同埋好甜!皇冠包: 個包其實有啲似鳳尾檳, 不過就有鳳尾檳咁甜! 都唔錯!好想佢地出返唂咕包~~咁多款家庭裝包, 我覺得佢地既唂咕包最好食!…Read More

好耐無買佢地既百吉包食, 今次黎到, 發現佢地個十蚊包變左十二蚊wor!!too bad!!不過見好耐無食過~~同埋佢地今次係做緊我鐘意既碎蛋火腿百吉包, 所以都買左個! 平時買完要等一陣, 等佢地整! 但係今次唔駛等, 因為佢地拎左個一早整好左 (轉左包裝wor)….e!!?? 咁個包會唔會浸到腍晒gar?食落個包有小小硬, 唔知係咪太多火腿既關係, 好鹹! 同埋今次好似無咩蛋味, 蛋黃唔夠多!…Read More

係包點先生,我除左會買佢個芝麻包之外, 另一樣我經常會買既就係馬拉糕喇! 一件$5.5, 兩件$10. 我鐘意佢地既馬拉糕唔太甜, 同埋夠軟熟! 好香既蛋味, 但食完一件好飽, 同埋會覺得有啲滯!…Read More

大班既新出品合桃北海道牛乳巨蛋:好大既一個都只係賣$13! 上面既合桃大大粒好香好脆! 佢既質地介乎蛋糕與麵包之間! 無蛋糕咁鬆軟但又無麵包咁煙韌! 表面甜甜地, 有陣牛油香味, 無蛋糕咁重既蛋味, 不過就北海道牛乳味就唔算好重! 整體黎講都幾好食!…Read More