little driver 的个人专页

今日終於考車成功啦🈴當然要慶祝一下，咁女朋友就帶我嚟左馬鞍山新港城最近新開嘅一橋拉麵食餐好由於我地食飯時間先去，所以餐廳外已經出現一條小人龍，好彩大約等左三個字左右就入得啦😆餐廳以開放式廚房為設計，所以內裏坐位唔算好多，但係可以俾我哋大約睇到製作過程👨🏻‍🍳一橋油麵（大盛）$49🍜食之前職員教我哋要落醋同埋香油落去一齊撈嚟食咁會更加好味，個人認為如果再落少少辣香油嘅話會好更加惹味，貪心嘅我為咗食多兩塊嘅叉燒我決定叫大盛，令到有滿滿嘅叉燒鋪面🥓味淋牛面肉$19🥩烹煮到非常軟腍，用筷子輕輕一夾都可以將肉塊撕開，而且煮得相當入味…查看更多

馬鞍山成日俾人話係美食沙漠唔會有好野食，但係只要慢慢咁搵都會搵到唔少綠洲今日就搵到一間親民嘅西餐廳食晚飯，見佢出面都有幾間分店心諗應該唔差就入嚟試下我地兩個人分別叫左兩個主食同一個小食烤大啡菇野菌芝士意大利飯$128大大塊大啡菇🍄‍🟫係飯面，意大利飯口感creamy 滑溜，飯粒軟硬適中符合港人口味另外+38蚊轉套餐跟是日餐湯、古列炸蠔及廚師沙律同凍西抽蜂蜜缘茶海蝦蒜片檸檬海鹽醬扁意粉$138味道方面有少少特別，檸檬嘅微微酸味令人食嘅期間有一種清新感覺，海蝦爽甜彈牙，炎夏中食的確唔錯👍WM炸雞翼（柚子醬）6件$58飽滿飽滿咁，每隻都沾滿柚子醬，脆口同微微酸甜好夾…查看更多

人稱美食沙漠的馬鞍山其實都有唔少好野食，今日早收工就同女朋友去左成日都有人排隊嘅茶舍食晚飯，佢位於福安同體育館對面所以好易搵餐廳佈置好靚，好有清新感覺，內裏有少少打卡位而食方面都唔錯👍，唔單止大大份，而且仲好好味我哋兩個分別叫左兩個扒餐，套餐包有餐湯🥣、沙律🥗、主食同餐飲紐西蘭肉眼扒加扁意粉配黑椒汁$138生煎豚肉斧頭扒加扁意粉配蒜茸汁$138兩份都係大大份，餐湯有濃濃蝦味，飲落口感濃滑，不論肉眼扒定豚肉斧頭扒肉質都非常軟腍，口感厚厚每一啖都滿足，只係斧頭扒貼住骨位嘅肉有啲唔夠熟值得一讚嘅係員工服務態度非常良好，當知道我地唔夠醬汁嘅時間會叫廚房再煮多一碗熱騰騰俾我哋🔥…查看更多

今日請一位照顧左我好耐嘅長輩食飯，咁當然唔可以求其是但啦，所以特意請佢嚟依家係尖沙咀嘅尚苑，依家仲做緊三寶優惠，俾平時平左唔少😆燻香樟茶鴨（半隻）$98（其中一寶）幾個人食半隻就夠了，外皮薄薄一層保持脆口感覺，而肉質軟嫩，樟茶香味撲鼻，只係個人覺得咸左少少🤏上海粗炒$148口感煙韌，味道惹味有濃油赤醬嘅感覺，蔬菜比例岩岩好，令到口感多一分清爽，令口感冇咁油膩（6隻）灌湯小籠包$98🥢小籠包包皮有點厚，可能咁樣先包到滿滿嘅肉餡同湯汁，醋同薑絲更有提鮮嘅作用…查看更多

香港食片皮鴨嘅餐廳有唔少，今日就同朋友去左銅鑼灣搵好食嘅北京填鴨而古琴雅苑就係我哋嘅目標🎯烤北京填鴨(半）北京填鴨當然要點啦，我地兩個人半隻就岩岩好，鴨皮酥脆帶有油香，以鴨肉味香軟嫩，用卷餅包住鴨皮、鴨肉同埋其他七種配料醬料，配搭出唔同口感同口味😋南翔小籠包 （6件）🥢每一隻都同匙羹差唔多大細，岩岩好裝住，先啜一啖湯汁再食肉餡，味道帶有鮮味上海粗炒麵🍝濃油赤醬，味道濃厚但唔會太咸，麵身煙靭，非常好食🤤蟹粉賽螃蟹🦀️抱住試一試心態，估唔到又幾好味，蟹粉汁味道濃郁，令蛋白煮成的賽螃蟹都充滿蟹味，重點係真係有加入蟹肉…查看更多

好耐無同屋企人一齊出街食飯啦，今日就特意約埋女朋友同爸爸媽媽出嚟食飯😁😁爸爸一向鍾情於中菜，而且女朋友又係灣仔區返工，所以就係佢公司附近搵左依間 品粵居 鮮菌安格斯牛肉粒$158牛肉粒相當軟腍，而且肉味重，西芹、雜菌同同牛肉粒各有口感，爽脆彈牙口感豐富，仲要好夠鑊氣🔥海鮮孖寶$298- 上湯海蝦伊麵🦐🦐- 份量大大份，海蝦球同乒乓波差唔多大細，肉質爽口彈牙，伊麵軟硬適中，醬汁味道都唔錯，只係好似太多薑粒🤣🫚* 瑤池貴妃雞（半隻）🐓* 肉質嫩滑，雞皮爽口，而肉同皮中間仲有薄薄一層黃色啫喱狀嘅雞油…查看更多

黃大仙中心經歷左500年一遇嘅兩災仲諗住會唔開冇晒野食，點知又有喎😝我同朋友就去咗左依間叫 韓閣嘅韓式餐廳，因為周年慶做緊優惠😁周年慶限定韓閣歡樂盤- 芝士黑豚骨🍱$158一個大圓鐵盤上面分成五格，主角黑豚骨係正中間，慢慢加熱期間，將半熔嘅芝士包住每一條黑豚骨，仲有蛋漿生熟程度由你決定燒汁牛肉溫泉蛋丼飯🥘🥚$72滿滿嘅牛肉中間有一隻溫泉蛋，食之前先將溫泉蛋整穿，由得蛋黃流出嚟，令丼飯多左蛋香鐵板炒泡菜五花腩 配 白飯🥓🍚$86辣得嚟好惹味，五花腩肉質爽口配埋泡菜一齊好送飯特濃奶蓋朱吉力🥛🍫$42甜甜朱古力、加上奶蓋飲入口好滑溜…查看更多

尖沙咀一向有唔少高質日式餐廳、居酒屋🏮，但係一到夜晚想搵位食飯就有啲難，所以今日一收工就即刻衝左過嚟搵野食，我同朋友都一致揀左依間黑木亭，因為佢依家做緊優惠🤭155mm珍寳焼蠔(黑松露牛油野菌）（買一送一）$78買一送一，兩隻都好飽滿，咬落好juicy，表面都鋪滿野菌碎，香口之餘仲有口感A5和牛海膽芝士牛角包🥐（原價$341，依家$239）豐富嘅食材，和牛片、海膽、魚子醬、三文魚子平均鋪滿牛角包上面，味道配搭好好，口感由和牛柔軟肉質好，到滑溜海膽非常豐富石焼厚切和牛配蔥鹽醬及蘿蔔酸汁（原價$526，依家$368）熱辣辣嘅石板煎住厚切和牛片，生熟程度由自己決定，每一片都係入口即化，唔配醬汁已經好好味，配埋味道更上一層流炸蔥吞拿魚蓉鮟鱇魚肝卷$168綿綿嘅吞拿魚蓉配上魚肝同炸蔥口感有幾種層次，味道鮮甜紅火龍佛手柑熊$68有熊仔冰係面，配上乾花同檸檬片，睇落幾得意😊味道即甜中帶啲清爽綠茶鮮奶熊脆脆 $68除左有熊仔冰之外，仲有朱古力脆脆波係面，飲落好smooth …查看更多

今日同女朋友提早慶祝中秋佳節，就係屋企附近搵左間靚靚西餐廳食飯，餐廳位於新港城三樓，門口有個大大韆鞦可以打卡影相，相當易認餐廳分成兩個區域，而我地就坐左入面卡位意式焗肉丸🫕$68軟腍肉丸配薯蓉加上半熔芝士，作為開胃小食唔錯海鮮扁意粉🍝$148幾款海鮮配搭，蝦、青口、蜆等等，味道不錯，扁意粉仲幾彈牙添澳洲M2西冷（12安士）*5成熟🥩$248我地選擇咗五成熟，肉質軟腍呈粉紅色，肉味都幾出，配埋醬汁都唔錯，脆卜卜薯條依個配搭當然唔少得啦水牛城雞翼🍗$72醬汁較為輕身唔會食到成口醬之後，味道又唔錯，微微辣，熟度啱啱好，肉質嫩滑慢煮紅酒牛肉手製闊條麵🍝$138手製闊條麵口感帶少少煙韌，拆左絲嘅紅油牛肉好似肉醬咁，非常惹味，TROPICAL FEVER🍹$58大大杯，成支Corona 倒轉插係到，果汁做飲品基底，corona慢慢流出嚟，飲落甜甜帶少少酒味依間餐廳好值得回頭再食，食物質素好，員工服務又好，最緊要夠近屋企🤣😂…查看更多

早幾日同朋友一時癮起想食自助餐，就上網睇下依排有咩特色自助餐做緊優惠，見到沙田麗豪酒店有一個澳門風格特色自助餐食物以種類都有唔少，熟食、涼盤、甜品、飲品樣樣有，仲以澳門街道名嚟做分區表示係享受食物期間仲有限時限量嘅火炎雪糕蛋糕提供，職員會用手鈴🔔提醒大家，然後會關上大部分嘅燈，俾食客欣賞火炎燃燒嘅過程除此之外，我都一次見係自助餐入面係可以打邊爐，先揀湯底，然後再自己去揀鍾意嘅食材，的確幾過癮，加埋自助餐嘅食品配搭出鍾意嘅料理值得一提，職員服務態度非常好，仲介紹朱古力火鍋俾我地🍫🍫…查看更多

上次同父母去過旺角嘅樓上Cafe之後，佢地成日我帶佢哋去唔同嘅Cafe試下，今日難得早收工就同佢地一齊嚟銅鑼灣依間新開嘅Cafe試下，Cafe位於宇宙商業大廈，可以睇到維多利亞港嘅無敵大海景，景色好正😊，餐廳設計簡潔，令人可以集中係食物同景色到慢煮雞肉芝麻醬沙律🥗$88食啲沙律開胃先，將雞肉整到一絲絲，撈埋芝麻醬、海苔同蔬菜，食落好清新同清爽炸軟殼蟹咖喱蛋包意大利飯🦀🍛$158成隻外脆內軟嘅軟殼蟹企定定係蛋包飯上🔝滑溜嘅蛋皮鋪起白飯配埋日式咖喱味道唔錯廚師發板-叻沙青口三文魚意粉$128菜式日日都唔同，今日就係叻沙青口三文魚意粉，叻沙配三文魚依個配搭幾特別，仲有彈牙青口自家手打和牛漢堡配脆香薯條$128麵包烤到外脆內軟，半熔芝士同和牛漢堡融合一齊，加上新鮮蕃茄同生菜，層層塔起層次分明，一咬落去就食到漢堡嘅肉汁，口感由脆口去到濕潤而熱辣辣外脆內軟薯條🍟都非常唔錯👍…查看更多

大圍圍方開幕啦，等左咁耐終於可以去行下依個新商場啦，行街食飯直落，係眾多新開嘅餐廳入面，我地揀咗依間 GALBI GUNG韓式餐廳食晚飯，因為係餐廳門口望入去好似有一種好神秘嘅感覺餐廳以韓式燒肉為主，其他韓式料理都有唔少，有選擇困難症嘅我哋當然會揀套餐啦，因為唔使諗食乜🤣🤣宮.盛宴$788（餐)豆腐海苔沙律🥗軟滑嘅豆腐配上沾上沙律醬嘅蔬菜，令人開胃(餐)燉牛筋牛舌🥘燉到好軟腍，蘿蔔吸收晒啲味道🐮🐷🥓🥩(餐)和牛肩肉盛牛肩肉肉質夠結實，肉味重（餐)和牛外裙肉一大片，肉質軟嫩，一啖咬落去成個口充滿油香(餐)慶州黑毛豬水果醬油五花肉肉質爽口，配上泡菜味道又幾夾（餐）帶子牛油燒🧈🔥用牛油慢慢烤熟啲帶子，帶子香得嚟帶有鮮甜（餐）雪梨水冷麵🍐🍜第一次食水冷麵，仲專登上網查食法🤣，酸酸嘅味道加上冰冷爽口嘅麵身，的確幾吸引（餐）烤香蕉配朱古力肉桂粉🍌🍫及焦糖布甸🍮店員先幫我地燒一燒條香蕉，然後由我哋自己加鍾意嘅朱古力肉桂粉份量而焦糖布甸個人非常推介，啖啖都食到濃厚蛋味，口感滑溜😝荔枝梳打$42甜甜地，清涼解渴…查看更多

依排鍾意左食辣食到頭頂出晒汗果種感覺，今日就嚟左位於尖沙咀嘅 湘湘娘娘食飯餐廳環境有一種高級茶樓酒館嘅感覺，佈置帶有古色古香嘅味道，而且坐座位好舒適食物有辣有唔辣任君選擇嫩雞燴面（碗）$68感覺清淡，麵質爽口滑溜，連湯都飲埋四川回鍋肉$128食湘菜回鍋肉係點少得呢，腩肉片肉質爽口，配上大蔥辣椒🌶️醬料爆炒，味濃香辣😋京蔥爆牛肉$128係唔辣嘅菜式之一，牛肉片肉質軟嫩，京蔥食落有少少甜味，炒得相當有鑊氣娘娘麻辣香鍋$320（$298+？）餐廳嘅特色乾鍋，原本價錢$298可以選擇五款配料，但係我地為食所以另加多一款😝味道香辣惹味，仲有爐火保溫，食到我頭頂出晒汗四川樟茶鴨(半隻）$238表皮炸到脆身，肉質軟腍只係有少少乾，用刈包包住加上少醬汁嚟食，表有一番風味…查看更多

🚋東鐵綫可以過海之後，返工前都會去對面海食埋野先，今日就同屋企人係灣仔嘅 百花漁莊飲個午茶再返工🫖白鱔籠仔荷葉飯🐟☘️🍚一大籠荷葉飯，上面鋪有四塊白鱔柳，飯身吸收左荷葉嘅香味同白鱔嘅鮮甜蟹籽燒賣皇🦀🦐、水晶蝦餃皇🦐🥟、鮮竹牛肉球，依啲都係必點嘅點心，特別係蝦餃大大隻好包滿，比出面一般蝦餃大隻啲，而且肉質爽口彈牙，牛肉球分成四粒可以一人一粒人人有份魚肚雞扎份量足，長長嘅腐皮係我最鍾意食嘅部分，芋頭蒸到粉粉😋但係雞肉就有少少雪味老上海燻魚初初以為係熱食，原來係涼品，炸到脆卜卜嘅魚塊，配上醬汁唔錯唔錯，係夏天食啱晒鮮蝦菠菜餃水晶皮包住飽滿嘅餡料，晶凝通透，咬落口感分明，只係味道咸左少少…查看更多

旺角一向都有好多食燒肉嘅餐廳，今日朋友就介紹依間燒肉JuJu俾我知，餐廳位於旺角洗衣街，鐵路過去非常方便，門口招牌好易認唔會搵唔到🤣餐廳座位分成一人一爐同多人一爐，由於我同朋友一齊食，所以就二人一爐啦🤣而且牆身用漫畫形式裝飾相當得意😍仲有餐廳提供不同醬料，可以配搭出自己想食嘅口味😋燒肉juju套餐(牛小排、封門柳、牛五花）300g$188🐮🥩🥓🤤-日本沙律-味噌湯-轉日本蛋紫菜飯$18🥚🍙依個套餐包含三種牛肉，每種都有唔同肉質口感，一次過可以食到唔同部位嘅肉，當然要加錢轉左日本蛋紫菜飯，生蛋撈紫菜飯再加埋蘭王蛋豉油，味道一流🤩黑松露蒜蓉味牛舌300g （薄切）🐮👅- 泡菜- 昆布湯- 轉日本蛋紫菜飯 +$18🥚🍚職員特別推介牛舌套餐，所肥仔我就一於試下，擺碟靚靚，份量唔少，中間滿滿嘅黑松露蒜蓉，燒烤嘅時候貪心得滯，落得太多蒜蓉搞到搶火🫣🔥牛舌肉質爽口，配埋黑松露蒜露味道更加出單骨雞翼100g🐓燒完皮脆肉嫩，味道入味猪五花200g🥓烤完層皮少少脆，啲油脂香味出晒嚟廣島蠔2pc🦪係一個兜仔入面用蒜茸同油浸住，唔會燒燶半殼帆立貝2pc🦪大大隻，就咁燒已經好好味，加埋蒜茸嚟燒仲好食🤤猪頸肉200g🐖幾入味，肉質爽口彈牙原味波子汽水🥤細個成日飲，依家再飲返，味道都係咁好飲哈密瓜波子汽水🍈🥤依家做緊優惠第二支汽水飲品半價👍…查看更多