happytt's Profile

一直以來都好中意呢間餐廳～佢既位置比較偏僻，唔係咁多人知呢個位有間餐廳，所以當yoho間間餐廳都要拎飛等食時，佢就唔使等咁制。呢間餐廳係我地媽媽界都幾受歡迎，唔單止因爲食物質素幾好，而且佢係一間baby friendly既餐廳，餐廳有ikea bb凳同兒童餐具提供，有需要時更可提供蠟筆同畫紙比小朋友塗鴉，等小朋友有d野玩，爸爸媽媽可以好好享受用膳。今次兩大1b去食，bb食物自備，不過佢冇咩胃口，但又一直聊侍應哥哥姐姐玩，好彩佢地對bb好nice，有時得閒都同佢玩下。今次我地叫左兩個一人餐。前菜方面：我每次黎食呢間餐廳，前菜幾乎每次都叫呢個魚湯，實在好鮮甜呀，而且仲有窩夫食。蘑菇湯既蘑菇味非常濃郁，不過個人黎講中意飲魚湯多d。主食方面：呢個墨魚汁扁意粉非常推薦，好多人同我一樣聽到墨魚汁已經會卻步，因為唔鍾意食到成口都黑晒，但呢個意粉唔會食到好污穢，因為佢係白汁，而且個汁非常可口；而個意粉就係黑色既。美中不足係，今次係我食過咁多次入面，第一次係魷魚入面食到有骨，扣左扣分。而呢個意大利飯都係好入味，味道唔算太濃郁，適中。飲品方面：我自己就飲檸檬蜂蜜薑茶，中意呢杯飲品薑味唔會太重，各種材料嘅味道都平均。朋友就飲呢杯青檸柚子茶，佢話都唔錯。環境方面，呢間餐廳唔會太嘈，而且望到街景，黎元朗搵好食物嘅朋友，呢間真係一個好選擇！如果唔係魷魚有骨，我一定會比好評呢間餐廳！…Read More

聽聞大榮華係元朗好出名，未有機會黎飲茶，先黎試下原來係圍頭菜既晚餐～今次9大1b黎食飯，知道係傳統酒樓，我地就自備便攜式餐椅。一如既往，bb食物自備。而大人方面，我地一共叫左11個餸，同埋一d砵仔飯。今次就簡單d~推薦幾個食完比較深刻印象既餸比大家參考。首先特別要提一提，原來呢間酒樓出名豬油撈飯，我自己都係第一次食，幾特別。酒樓會提供一支豬油同一支豉油俾大家自己落。:)然後講下另一個比較深刻既餸-就係南瓜香竽臘味煲。呢個餸本來只係求期叫，諗住會係一碟唔係咁受歡迎既餸，點知大家都話比想像中好，d汁香濃，送飯都好好食。再講下個XO醬翠瓜胭脂蚌，鮮味十足，有咬口，老公表示好好食。另外講下碟黑椒野菌炒牛肉，牛肉好嫩，唔會硬唔會難咬，而且炒得幾入味。最後想講下奶皇水晶包，唔算好流心，覺得有陣奶粉味，自己覺得一般，不過有朋友覺得幾好食。…Read More

兩大1b去完迪士尼玩，搵地方食野二話不說就揀左算近既青衣城食晚餐。帶住個b，好快就揀左樂天皇朝食晚餐，因為佢有bb凳～～呢隻bb凳可以比坐得穩至幾歲既小朋友都坐得。佢有連埋枱，細既小朋友可以用自己張枱，唔會整到枱面既食物；而大d既小朋友用就可反番張枱去後面，當高凳使用。我地兩個女人，叫左一飯一麵一籠小籠包，bb自攜食物。飯方面我地就叫左個蟹粉炒飯。呢個飯既汁蟹粉既味都好足夠，個汁唔會太濃味，唔錯。麵方面我地叫左京味炸醬拉麵。開頭睇以為個碗大但麵唔多，但撈勻左發現其實份量都ok.撈勻左係咁既樣呢個麵同出面食既差不多，食既時候建議大家記得撈勻d同記得用肉碎送麵，如果唔係就會好似我地咁食到最尾先發現仲有好多肉碎😂。由於我哋兩個本身已經試過七色小籠包，所以今次淨係叫咗普通小籠包，可能因為呢間樂天皇朝本身出名七色小籠包，所以佢既小籠包都唔錯。環境方面都幾乾淨，不過食一餐飯就聽到幾次打爛碗碟嘅聲，唔知係侍應跣手定點。…Read More

第一次帶埋bb食泰國菜。首先讚一讚泰聚可以電話預約，同提供媽媽們最關注最中意既ikea bb凳。我地兩大1b去，bb食自攜食物。覺得泰聚既食物好大份，結果我地係食唔曬要打包。我地叫左6樣野加兩支啤酒，$6xx埋單～冬蔭公湯唔錯，幾香，酸味足夠但唔會好辣，唔係好食到辣既人飲都冇問題。泰式蝦醬炒通菜好大碟！老公表示好好食，唔會太咸焗蒜蓉包又香又脆，推介。我地叫左細既泰式小食拼盤，點知好大份，一共5種唔同食物！醃肉碎生菜包就偏辣，我地揀左豬肉，應該係炒豬肉碎期間已經加左辣椒粒，所以就算冇食到一條條嘅辣椒仍然食到辣味，我自己唔算好食得辣，所以食唔曬呢碟。而泰式炒金邊粉就中規中矩，打包左番屋企第二日先食。環境唔錯，乾淨企理。食飯當日晚上天氣得十一度，知道我地有bb同行，安排左室外較暖既近牆位置比我地，加上食物熱辣辣，係餐廳就盤戶外都暖番曬…Read More

生日兼farewell party 6大1b首先讚一讚pizza hut，係有bb凳提供既，不過係木果種，適合較大同坐得比較穩既bb。我地叫左一個二人餐加黃金熔岩批四人餐。一直以來都非常推介pizza hut既葡汁雞焗意粉，但由於餐牌上已經冇得單點葡汁雞焗意思，所以一見到二人套餐有呢個意粉就即刻叫。二人餐就配左葡汁焗蔬菜，不過覺得冇意粉咁入味。講下黃金熔岩批四人餐先：芝士忌廉焗菠菜唔錯，凱撒沙律一向有水準。主菜我地揀左煙三文魚白汁長通粉同雜菌意大利飯，長通粉個汁幾好食，但意大利飯個人完全唔推介，味道太淡。而個黃金熔岩批唔係唔好食，但冇熔岩既感覺，比較番以前d芝心批，芝心批好食d。…Read More