HenrySiu0814's Profile

🙇🏻話說2115去到門口問職員last order未，職員指示未但要快啲落order, 咁我都配合快快手手用QR CODE 落單。落完單就惡夢開始，叫左金湯酸菜魚米線加雞絲，加錢要既配菜漏左，卻配上錯誤沒有點單既食材草菇，向職員指示錯誤後有職員表示知道，並通知廚房補返，但到我差唔多食完都未有就再追問，點知原來廚房完全唔知仲收晒檔。順帶一提，成碗野芽菜仲多過米線，金湯一啲味都無。趕收工可以唔接單，已經唔係第一次食，但越做越差，唔會再幫襯。…Read More

book左九點,點知九點三先到都仲有大把位,同女朋友兩個人去食,去到見到menu都load左陣,因為比較複雜, 主要個price都係睇主菜,揀左個肉眼六成黎食,由於本身唔太餓,兩個人share左一個餐都夠食,前菜揀左凱撒沙律,甜品cheese cake,飲品係棉花糖朱古力,主菜塊扒都幾大塊,兩個人share食都夠晒飽,好軟易切唔多根,的確係唔錯既美式牛扒。…Read More

心思思想食辣雞煲，咁岩又行到旺角附近，開ｏｐｅｎｒｉｃｅ見到有新開而且評價唔錯既滿堂紅所以一試，入到去人數都唔算太多，坐左一半左右，時間大約係七點，一坐低就叫左雞煲先，有得揀辣度同麻度，我同女友就揀左中麻同中辣，等緊既時間都可以食下少少熟食，好似韓燒咁有少量熟食俾你食住先，味道都還可以。到重點雞煲黎到之後覺得都唔係太麻同太辣，口味重又食得辣既可以揀大辣。但係隻雞味道真係好鮮，但我地係ｏｒｄｅｒ一隻，事實就應該唔夠一隻。到火鍋料方面，大概有三十幾款俾你任揀，但每次黎到既份量都唔多，應該係根據人頭數量黎俾，所以就算剔左好多都唔會好浪費食物，呢一點好欣賞，因為可以試多點唔同種類既食物。飲野方面都有唔少選擇，可樂，ｊｏｌｌｙｓａｎｄｙ，綠茶，奶都有。甜品都有雪糕果ｄ食，不過太飽就無食了。最後埋單每個都唔洗１６０，仲要唔限時，真係抵食。…Read More

係上午就已經上網訂左台,表明女友當天生日,可享有生日甜品,BOOK左7:30,早左少少到係門口等下,地方比較細,入到去坐底有WAITRESS介紹是日餐湯同前菜,我地就ORDER左二人餐,食牛柳同帶子意大利飯,前菜同個湯都唔錯,但主菜個人覺得麻麻地,意大利飯有點硬,整到個胃有點唔舒服至於牛柳ORDER係7成熟,但一切入去D血滲晒出黎,感覺完全唔似7成,之後叫老闆再熟少少,都好願意加熱,但味道就已經變得麻麻,最後上甜品,士多啤莉布甸味道一流,的確係好味的甜品由於本身上網訂左台再REQUEST埋有生日,所以有一份額外既朱古力蛋糕,碟上面寫上HAPPY BIRTHDAY字眼,味道都不錯,令女友都十分滿足。整體而言, 甜品部份係最為欣賞。…Read More